Gyaandweep | Narayaneeyam Dashkam

त्वद्वपुर्नवकलायकोमळं प्रेमदोहनमशेषमोहनम् । ब्रह्मा तत्त्वपरचिन्मुदात्मकं वीक्ष्य सम्मुमुहुरन्वहं स्त्रियः ॥ 59.1 ॥

tvadvapurnavakalāyakomaळṃ premadohanamaśeṣamohanam | brahmā tattvaparacinmudātmakaṃ vīkṣya sammumuhuranvahaṃ striyaḥ || 59.1 ||

मन्मथोन्मथितमानसाः क्रमात्त्वद्विलोकनरतास्ततस्ततः । गोपिकास्तव न सेहिरे हरे काननोपगतिमप्यहर्मुखे ॥ 59.2 ॥

manmathonmathitamānasāḥ kramāttvadvilokanaratāstatastataḥ | gopikāstava na sehire hare kānanopagatimapyaharmukhe || 59.2 ||

निर्गते भवति दत्तदृष्टयस्त्वद्गतेन मनसा मृगेक्षणाः । वेणुनादमुपकर्ण्य दूरतस्त्वद्विलासकथयाभिरेमिरे ॥ 59.3 ॥

nirgate bhavati dattadṛṣṭayastvadgatena manasā mṛgekṣaṇāḥ | veṇunādamupakarṇya dūratastvadvilāsakathayābhiremire || 59.3 ||

काननान्तमितवान्भवानपि स्निग्धपादपतले मनोरमे । व्यत्ययाकलितपादमास्थितः प्रत्यपूरयत वेणुनाळिकाम् ॥ 59.4 ॥

kānanāntamitavānbhavānapi snigdhapādapatale manorame | vyatyayākalitapādamāsthitaḥ pratyapūrayata veṇunāळ्ikām || 59.4 ||

मारबाणधुतखेचरीकुलं निर्विकारपशुपक्षिमण्डलम् । द्रावणं च दृषदामपि प्रभो तावकं व्यजनि वेणुकूजितम् ॥ 59.5 ॥

mārabāṇadhutakhecarīkulaṃ nirvikārapaśupakṣimaṇḍalam | drāvaṇaṃ ca dṛṣadāmapi prabho tāvakaṃ vyajani veṇukūjitam || 59.5 ||

वेणुरन्ध्रतरलाङ्गुलीदलं ताळसञ्चलितपादपल्लवम् । तत्स्थितं तव परोक्षमप्यहो संविचिन्त्य मुमुहुर्व्रजाङ्गनाः ॥ 59.6 ॥

veṇurandhrataralāṅgulīdalaṃ tāळsañcalitapādapallavam | tatsthitaṃ tava parokṣamapyaho saṃvicintya mumuhurvrajāṅganāḥ || 59.6 ||

निर्विशङ्कभवदङ्गदर्शिनीः खेचरीः खगमृगान्पशूनपि । त्वत्पदप्रणयि काननं च ताः धन्यधन्यमिति नन्वमानयन् ॥ 59.7 ॥

nirviśaṅkabhavadaṅgadarśinīḥ khecarīḥ khagamṛgānpaśūnapi | tvatpadapraṇayi kānanaṃ ca tāḥ dhanyadhanyamiti nanvamānayan || 59.7 ||

आपिषेयमधरामृतं कदा वेणुभुक्तरसशेषमेकदा । दूरतो बत कृतं दुराशयेत्याकुला मुहुरिमाः समामुहन् ॥ 59.8 ॥

āpiṣeyamadharāmṛtaṃ kadā veṇubhuktarasaśeṣamekadā | dūrato bata kṛtaṃ durāśayetyākulā muhurimāḥ samāmuhan || 59.8 ||

प्रत्यहं च पुनरित्थमङ्गनाश्चित्तयोनिजनितादनुग्रहात् । बद्धरागविवशास्त्वयि प्रभो नित्यमापुरिह कृत्यमूढताम् ॥ 59.9 ॥

pratyahaṃ ca punaritthamaṅganāścittayonijanitādanugrahāt | baddharāgavivaśāstvayi prabho nityamāpuriha kṛtyamūḍhatām || 59.9 ||

रागस्तावज्जायते हि स्वभावान्मोक्षोपाये यत्नतः स्यान्न वा स्यात् । तासां त्वेकं तद्द्वयं लब्धमासीद्भाग्यं भाग्यं पाहि मां मारुतेश ॥ 59.10 ॥

rāgastāvajjāyate hi svabhāvānmokṣopāye yatnataḥ syānna vā syāt | tāsāṃ tvekaṃ taddvayaṃ labdhamāsīdbhāgyaṃ bhāgyaṃ pāhi māṃ māruteśa || 59.10 ||

Languages