गत्वा सान्दीपनिमथ चतुष्षष्टिमात्रैरहोभिःसर्वज्ञस्त्वं सह मुसलिना सर्वविद्यां गृहीत्वा । पुत्रं नष्टं यमनिलयनादाहृतं दक्षिणार्थंदत्त्वा तस्मै निजपुरमगा नादयन्पाञ्चजन्यम् ॥ 76.1 ॥
gatvā sāndīpanimatha catuṣṣaṣṭimātrairahobhiḥsarvajñastvaṃ saha musalinā sarvavidyāṃ gṛhītvā | putraṃ naṣṭaṃ yamanilayanādāhṛtaṃ dakṣiṇārthaṃdattvā tasmai nijapuramagā nādayanpāñcajanyam || 76.1 ||
स्मृत्वा स्मृत्वा पशुपसुदृशः प्रेमभारप्रणुन्नाःकारुण्येन त्वमपि विवशः प्रहिणोरुद्धवं तम् । किञ्चामुष्मै परमसुहृदे भक्तवर्याय तासांभक्त्युद्रेकं सकलभुवने दुर्लभं दर्शयिष्यन् ॥ 76.2 ॥
smṛtvā smṛtvā paśupasudṛśaḥ premabhārapraṇunnāḥkāruṇyena tvamapi vivaśaḥ prahiṇoruddhavaṃ tam | kiñcāmuṣmai paramasuhṛde bhaktavaryāya tāsāṃbhaktyudrekaṃ sakalabhuvane durlabhaṃ darśayiṣyan || 76.2 ||
त्वन्माहात्म्यप्रथिमपिशुनं गोकुलं प्राप्य सायंत्वद्वार्ताभिर्बहु स रमयामास नन्दं यशोदाम् । प्रातर्दृष्ट्वा मणिमयरथं शङ्किताः पङ्कजाक्ष्यःश्रुत्वौ प्राप्तं भवदनुचरं त्यक्तकार्याः समीयुः ॥ 76.3 ॥
tvanmāhātmyaprathimapiśunaṃ gokulaṃ prāpya sāyaṃtvadvārtābhirbahu sa ramayāmāsa nandaṃ yaśodām | prātardṛṣṭvā maṇimayarathaṃ śaṅkitāḥ paṅkajākṣyaḥśrutvau prāptaṃ bhavadanucaraṃ tyaktakāryāḥ samīyuḥ || 76.3 ||
दृष्ट्वा चैनं त्वदुपमलसद्वेषभूषाभिरामंस्मृत्वा स्मृत्वा तव विलसितान्युच्चकैस्तानि तानि । रुद्धालापाः कथमपि पुनर्गद्गदां वाचमूचुःसौजन्यादीन्निजपरभिदामप्यलं विस्मरन्त्यः ॥ 76.4 ॥
dṛṣṭvā cainaṃ tvadupamalasadveṣabhūṣābhirāmaṃsmṛtvā smṛtvā tava vilasitānyuccakaistāni tāni | ruddhālāpāḥ kathamapi punargadgadāṃ vācamūcuḥsaujanyādīnnijaparabhidāmapyalaṃ vismarantyaḥ || 76.4 ||
श्रीमन् किं त्वं पितृजनकृते प्रेषितो निर्दयेनक्वासौ कान्तो नगरसुदृशां हा हरे नाथ पायाः । आश्लेषाणाममृतवपुषो हन्त ते चुम्बनानामुन्मादानां कुहकवचसां विस्मरेत्कान्त का वा ॥ 76.5 ॥
śrīman kiṃ tvaṃ pitṛjanakṛte preṣito nirdayenakvāsau kānto nagarasudṛśāṃ hā hare nātha pāyāḥ | āśleṣāṇāmamṛtavapuṣo hanta te cumbanānāmunmādānāṃ kuhakavacasāṃ vismaretkānta kā vā || 76.5 ||
रासक्रीडालुलितललितं विश्लथत्केशपाशंमन्दोद्भिन्नश्रमजलकणं लोभनीयं त्वदङ्गम् । कारुण्याब्धे सकृदपि समालिङ्गितुं दर्शयेतिप्रेमोन्मादाद्भुवनमदन त्वत्प्रियास्त्वां विलेपुः ॥ 76.6 ॥
rāsakrīḍālulitalalitaṃ viślathatkeśapāśaṃmandodbhinnaśramajalakaṇaṃ lobhanīyaṃ tvadaṅgam | kāruṇyābdhe sakṛdapi samāliṅgituṃ darśayetipremonmādādbhuvanamadana tvatpriyāstvāṃ vilepuḥ || 76.6 ||
एवम्प्रायैर्विवशवचनैराकुला गोपिकास्तास्त्वत्सन्देशैः प्रकृतिमनयत्सोऽथ विज्ञानगर्भैः । भूयस्ताभिर्मुदितमतिभिस्त्वन्मयीभिर्वधूभिस्तत्तद्वार्तासरसमनयत्कानिचिद्वासराणि ॥ 76.7 ॥
evamprāyairvivaśavacanairākulā gopikāstāstvatsandeśaiḥ prakṛtimanayatso'tha vijñānagarbhaiḥ | bhūyastābhirmuditamatibhistvanmayībhirvadhūbhistattadvārtāsarasamanayatkānicidvāsarāṇi || 76.7 ||
त्वत्प्रोद्गाणैः सहितमनिशं सर्वतो गेहकृत्यंत्वद्वार्तैव प्रसरति मिथः सैव चोत्स्वापलापाः । चेष्टाः प्रायस्त्वदनुकृतयस्त्वन्मयं सर्वमेवंदृष्ट्वा तत्र व्यमुहदधिकं विस्मयादुद्धवोऽयम् ॥ 76.8 ॥
tvatprodgāṇaiḥ sahitamaniśaṃ sarvato gehakṛtyaṃtvadvārtaiva prasarati mithaḥ saiva cotsvāpalāpāḥ | ceṣṭāḥ prāyastvadanukṛtayastvanmayaṃ sarvamevaṃdṛṣṭvā tatra vyamuhadadhikaṃ vismayāduddhavo'yam || 76.8 ||
राधाया मे प्रियतममिदं मत्प्रियैवं ब्रवीतित्वं किं मौनं कलयसि सखे मानिनी मत्प्रियेव । इत्याद्येव प्रवदति सखि त्वत्प्रियो निर्जने मामित्थंवादैररमयदयं त्वत्प्रियामुत्पलाक्षीम् ॥ 76.9 ॥
rādhāyā me priyatamamidaṃ matpriyaivaṃ bravītitvaṃ kiṃ maunaṃ kalayasi sakhe māninī matpriyeva | ityādyeva pravadati sakhi tvatpriyo nirjane māmitthaṃvādairaramayadayaṃ tvatpriyāmutpalākṣīm || 76.9 ||
एष्यामि द्रागनुपगमनं केवलं कार्यभाराद्विश्लेषेऽपि स्मरणदृढतासम्भवान्मास्तु खेदः । ब्रह्मानन्दे मिलति नचिरात्सङ्गमो वा वियोगस्तुल्यो वः स्यादिति तव गिरा सोऽकरोन्निर्व्यथास्ताः ॥ 76.10 ॥
eṣyāmi drāganupagamanaṃ kevalaṃ kāryabhārādviśleṣe'pi smaraṇadṛḍhatāsambhavānmāstu khedaḥ | brahmānande milati nacirātsaṅgamo vā viyogastulyo vaḥ syāditi tava girā so'karonnirvyathāstāḥ || 76.10 ||
एवं भक्तिः सकलभुवने नेशिता न श्रुता वाकिं शास्त्रौघैः किमिह तपसा गोपिकाभ्यो नमोऽस्तु । इत्यानन्दाकुलमुपगतं गोकुलादुद्धवं तंदृष्ट्वा हृष्टो गुरुपुरपते पाहि मामामयौघात् ॥ 76.11 ॥
evaṃ bhaktiḥ sakalabhuvane neśitā na śrutā vākiṃ śāstraughaiḥ kimiha tapasā gopikābhyo namo'stu | ityānandākulamupagataṃ gokulāduddhavaṃ taṃdṛṣṭvā hṛṣṭo gurupurapate pāhi māmāmayaughāt || 76.11 ||
AnonymousUser
150
5 Days
Learn
Teach
Discuss
Panchanga
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
