| |
|

This overlay will guide you through the buttons:

Shloka 1
स्निग्धां मुग्धां सततमपि तां लालयन् सत्यभामांयातो भूयः सह खलु तया याज्ञसेनीविवाहम् । पार्थप्रीत्यै पुनरपि मनागास्थितो हस्तिपुर्यांशक्रप्रस्थं पुरमपि विभो संविधायागतोऽभूः ॥ 81.1 ॥

PADACHEDA

स्निग्धाम् मुग्धाम् सततम् अपि ताम् लालयन् सत्यभामाम् यातः भूयस् सह खलु तया याज्ञसेनी-विवाहम् । पार्थ-प्रीत्यै पुनर् अपि मनाक् आस्थितः हस्ति-पुर्याम् शक्रप्रस्थम् पुरम् अपि विभो संविधाय आगतः अभूः ॥ ८१।१ ॥

TRANSLITERATION

snigdhām mugdhām satatam api tām lālayan satyabhāmām yātaḥ bhūyas saha khalu tayā yājñasenī-vivāham . pārtha-prītyai punar api manāk āsthitaḥ hasti-puryām śakraprastham puram api vibho saṃvidhāya āgataḥ abhūḥ .. 81.1 ..
Shloka 2
भद्रां भद्रां भवदवरजां कौरवेणार्थ्यमानांत्वद्वाचा तामहृत कुहनामस्करी शक्रसूनुः । तत्र क्रुद्धं बलमनुनयन् प्रत्यगास्तेन सार्धंशक्रप्रस्थं प्रियसखमुदे सत्यभामासहायः ॥ 81.2 ॥

PADACHEDA

भद्राम् भद्राम् भवत्-अवरजाम् कौरवेण अर्थ्यमानाम् त्वद्-वाचा ताम् अहृत कुहना-मस्करी शक्र-सूनुः । तत्र क्रुद्धम् बलम् अनुनयन् प्रत्यगास्तेन तेन सार्धम् शक्रप्रस्थम् प्रिय-सख-मुदे सत्यभामा-सहायः ॥ ८१।२ ॥

TRANSLITERATION

bhadrām bhadrām bhavat-avarajām kauraveṇa arthyamānām tvad-vācā tām ahṛta kuhanā-maskarī śakra-sūnuḥ . tatra kruddham balam anunayan pratyagāstena tena sārdham śakraprastham priya-sakha-mude satyabhāmā-sahāyaḥ .. 81.2 ..
Shloka 3
तत्र क्रीडन्नपि च यमुनाकूलदृष्टां गृहीत्वातां कालिन्दीं नगरमगमः खाण्डवप्रीणिताग्निः । भ्रातृत्रस्तां प्रणयविवशां देव पैतृष्वसेयींराज्ञां मध्ये सपदि जहृइषे मित्रविन्दामवन्तीम् ॥ 81.3 ॥

PADACHEDA

तत्र क्रीडन् अपि च यमुना-कूल-दृष्टाम् कालिन्दीम् नगरम् अगमः खाण्डव-प्रीणित-अग्निः । भ्रातृ-त्रस्ताम् प्रणय-विवशाम् देव पैतृष्वसेयीं राज्ञाम् मध्ये सपदि जहृइषे मित्रविन्दाम् अवन्तीम् ॥ ८१।३ ॥

TRANSLITERATION

tatra krīḍan api ca yamunā-kūla-dṛṣṭām kālindīm nagaram agamaḥ khāṇḍava-prīṇita-agniḥ . bhrātṛ-trastām praṇaya-vivaśām deva paitṛṣvaseyīṃ rājñām madhye sapadi jahṛiṣe mitravindām avantīm .. 81.3 ..
Shloka 4
सत्यां गत्वा पुनरुदवहो नग्नजिन्नन्दनां तांबध्वा सप्तापि च वृषवरान्सप्तमूर्तिर्निमेषात् । भद्रां नाम प्रददुरथ ते देव सन्तर्द्दनाद्यास्तत्सोदर्यां वरद भवतः सापि पैतृष्वसेयी ॥ 81.4 ॥

PADACHEDA

सत्याम् गत्वा पुनर् उदवहः नग्नजित्-नन्दनाम् ताम् बध्वा सप्त अपि च वृष-वरान् सप्तमूर्तिः निमेषात् । भद्राम् नाम प्रददुः अथ ते देव सन्तर्द्दन-आद्याः तद्-सोदर्याम् वर-द भवतः सा अपि पैतृष्वसेयी ॥ ८१।४ ॥

TRANSLITERATION

satyām gatvā punar udavahaḥ nagnajit-nandanām tām badhvā sapta api ca vṛṣa-varān saptamūrtiḥ nimeṣāt . bhadrām nāma pradaduḥ atha te deva santarddana-ādyāḥ tad-sodaryām vara-da bhavataḥ sā api paitṛṣvaseyī .. 81.4 ..
Shloka 5
पार्थाद्यैरप्यकृतलवनं तोयमात्राभिलक्ष्यंलक्षं छित्वा शफरमवृथा लक्षणां मद्रकन्याम् । अष्टावेवं तव समभवन् वल्लभास्तत्र मध्येशुश्रोथ त्वं सुरपतिगिरा भौमदुश्चेष्टितानि ॥ 81.5 ॥

PADACHEDA

पार्थ-आद्यैः अपि अकृत-लवनम् तोय-मात्र-अभिलक्ष्यम् लक्षम् छित्वा शफरम् अवृथक् लक्षणाम् मद्र-कन्याम् । अष्टौ एवम् तव समभवन् वल्लभाः तत्र मध्ये शुश्रोथ त्वम् सुरपति-गिरा भौम-दुश्चेष्टितानि ॥ ८१।५ ॥

TRANSLITERATION

pārtha-ādyaiḥ api akṛta-lavanam toya-mātra-abhilakṣyam lakṣam chitvā śapharam avṛthak lakṣaṇām madra-kanyām . aṣṭau evam tava samabhavan vallabhāḥ tatra madhye śuśrotha tvam surapati-girā bhauma-duśceṣṭitāni .. 81.5 ..
Shloka 6
स्मृतायातं पक्षिप्रवरमधिरूढस्त्वमगमोवहन्नङ्के भामामुपवनमिवारातिभवनम् । विभिन्दन् दुर्गाणि त्रुटितपृतनाशोनितरसैःपुरं तावत् प्राग्ज्योतिषमकुरुथाश्शोणितपुरम् ॥ 81.6 ॥

PADACHEDA

स्मृत-आयातम् पक्षि-प्रवरम् अधिरूढः त्वम् अगमः उवहन् अङ्के भामाम् उपवनम् इव अराति-भवनम् । विभिन्दन् दुर्गाणि त्रुटित-पृतना-शोनित-र-सैःपुरम् तावत् प्राग्ज्योतिषम् अकुरुथाः शोणितपुरम् ॥ ८१।६ ॥

TRANSLITERATION

smṛta-āyātam pakṣi-pravaram adhirūḍhaḥ tvam agamaḥ uvahan aṅke bhāmām upavanam iva arāti-bhavanam . vibhindan durgāṇi truṭita-pṛtanā-śonita-ra-saiḥpuram tāvat prāgjyotiṣam akuruthāḥ śoṇitapuram .. 81.6 ..
Shloka 7
मुरस्त्वां पञ्चास्यो जलधिवनमध्यादुदपतत्स चक्रे चक्रेण प्रदलितशिरा मङ्क्षु भवता । चतुदन्तैर्दन्तावलपतिभिरिन्धानसमरंरथाङ्केनच्छित्वा नरकमकरोस्तीर्णरकम् ॥ 81.7 ॥

PADACHEDA

मुरः त्वाम् पञ्च-आस्यः जलधि-वन-मध्यात् उदपतत् स चक्रे चक्रेण प्रदलित-शिराः भवता । चतु-दन्तैः दन्तावल-पतिभिः इन्धान-समरम् रथ-अङ्केन छित्वा नरकम् अकरोः तीर्ण-नरकम् ॥ ८१।७ ॥

TRANSLITERATION

muraḥ tvām pañca-āsyaḥ jaladhi-vana-madhyāt udapatat sa cakre cakreṇa pradalita-śirāḥ bhavatā . catu-dantaiḥ dantāvala-patibhiḥ indhāna-samaram ratha-aṅkena chitvā narakam akaroḥ tīrṇa-narakam .. 81.7 ..
Shloka 8
स्तुतो भूम्या राज्यं सपदि भगदत्तेऽस्य तनयेगजञ्चैकं दत्त्वा प्रजिघायिथ नागान्निजपुरीम् । खलेनाबद्धानां स्वगतमनसां षोडश पुनःसहस्राणि स्त्रीणामपि च धनराशिं च विपुलम् ॥ 81.8 ॥

PADACHEDA

स्तुतः भूम्या राज्यम् सपदि भगदत्ते अस्य तनये गजम् च एकम् दत्त्वा प्रजिघायिथ नागान् निज-पुरीम् । खलेन आबद्धानाम् स्वगत-मनसाम् षोडश पुनर् सहस्राणि स्त्रीणाम् अपि च धन-राशिम् च विपुलम् ॥ ८१।८ ॥

TRANSLITERATION

stutaḥ bhūmyā rājyam sapadi bhagadatte asya tanaye gajam ca ekam dattvā prajighāyitha nāgān nija-purīm . khalena ābaddhānām svagata-manasām ṣoḍaśa punar sahasrāṇi strīṇām api ca dhana-rāśim ca vipulam .. 81.8 ..
Shloka 9
भौमापाहृतकुण्डलं तददितेर्दातुं प्रयातो दिवंशक्राद्यैर्महितः समं दयितया द्युस्त्रीषु दत्तह्रिया । हृत्वा कल्पतरुं रुषाभिपतितं जित्वेन्द्रमभ्यागमस्तत्तु श्रीमददोष ईदृश इति व्याख्यातुमेवाकृथाः ॥ 81.9 ॥

PADACHEDA

भौम-अपाहृत-कुण्डलम् तत् अदितेः दातुम् प्रयातः दिवम् शक्र-आद्यैः महितः समम् दयितया द्यु-स्त्रीषु दत्त-ह्रिया । हृत्वा कल्पतरुम् रुषा अभिपतितम् जित्वा इन्द्रम् अभ्यागमः तत् तु श्रीमत्-अदोषः ईदृशः इति व्याख्यातुम् एवा अकृथाः ॥ ८१।९ ॥

TRANSLITERATION

bhauma-apāhṛta-kuṇḍalam tat aditeḥ dātum prayātaḥ divam śakra-ādyaiḥ mahitaḥ samam dayitayā dyu-strīṣu datta-hriyā . hṛtvā kalpatarum ruṣā abhipatitam jitvā indram abhyāgamaḥ tat tu śrīmat-adoṣaḥ īdṛśaḥ iti vyākhyātum evā akṛthāḥ .. 81.9 ..
Shloka 10
कल्पद्रुं सत्यभामाभवनभुवि सृजन्द्व्यष्टसाहस्रयोषाःस्वीकृत्य प्रत्यगारं विहितबहुवपुर्लालयन्केलिभेदैः । आश्चर्यान्नारदालोकितविविधगतिस्तत्र तत्रापि गेहेभूयः सर्वासु कुर्वन् दश दश तनयान् पाहि वातालयेश ॥ 81.10 ॥

PADACHEDA

कल्पद्रुम् सत्यभामा-भवन-भुवि सृजन् द्वि-अष्ट-साहस्र-योषाः स्वीकृत्य प्रत्यगारम् विहित-बहु-वपूः लालयन् केलि-भेदैः । आश्चर्यात् नारद-आलोकित-विविध-गतिः तत्र तत्र अपि गेहे भूयस् सर्वासु कुर्वन् दश दश तनयान् पाहि वातालय-ईश ॥ ८१।१० ॥

TRANSLITERATION

kalpadrum satyabhāmā-bhavana-bhuvi sṛjan dvi-aṣṭa-sāhasra-yoṣāḥ svīkṛtya pratyagāram vihita-bahu-vapūḥ lālayan keli-bhedaiḥ . āścaryāt nārada-ālokita-vividha-gatiḥ tatra tatra api gehe bhūyas sarvāsu kurvan daśa daśa tanayān pāhi vātālaya-īśa .. 81.10 ..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

नमो नमः

Practice 100+ Vedic scriptures and 1000s of chants — one verse at a time.

Sign In