| |
|

This overlay will guide you through the buttons:

Shloka 1
साल्वो भैष्मीविवाहे यदुबलविजितश्चन्द्रचूडाद्विमानंविन्दन्सौभं स मायी त्वयि वसति कुरूंस्त्वत्पुरीमभ्यभाङ्क्षीत् । प्रद्युम्नस्तं निरुन्धन्नखिलयदुभटैर्न्यग्रहीदुग्रवीर्यंतस्यामात्यं द्युमन्तं व्यजनि च समरस्सप्तविंशत्यहान्तः ॥ 86.1 ॥

PADACHEDA

साल्वः भैष्मी-विवाहे यदु-बल-विजितः चन्द्रचूडात् विमानम् विन्दन् सौभम् स मायी त्वयि वसति कुरून् त्वद्-पुरीम् अभ्यभाङ्क्षीत् । प्रद्युम्नः तम् निरुन्धन् अखिल-यदु-भटैः न्यग्रहीत् उग्र-वीर्यम् तस्य अमात्यम् द्युमन्तम् व्यजनि च समरः सप्तविंशति-अह-अन्तर् ॥ ८६।१ ॥

TRANSLITERATION

sālvaḥ bhaiṣmī-vivāhe yadu-bala-vijitaḥ candracūḍāt vimānam vindan saubham sa māyī tvayi vasati kurūn tvad-purīm abhyabhāṅkṣīt . pradyumnaḥ tam nirundhan akhila-yadu-bhaṭaiḥ nyagrahīt ugra-vīryam tasya amātyam dyumantam vyajani ca samaraḥ saptaviṃśati-aha-antar .. 86.1 ..
Shloka 2
तावत्त्वं रामशाली त्वरितमुपगतः खण्डितप्रायसैन्यंसौभेशं तं न्यरुन्धाः स च किल गदया शार्ङ्गमभ्रंशयत्ते । मायातातं व्यहिंसीदपि तव पुरतस्तत्त्वयापि क्षणार्धंनाज्ञायीत्याहुरेके तदिदमवमतं व्यास एव न्यषेधीत् ॥ 86.2 ॥

PADACHEDA

तावत् त्वम् रामशाली त्वरितम् उपगतः खण्डित-प्राय-सैन्यम् सौभ-ईशम् तम् न्यरुन्धाः स च किल गदया शार्ङ्गम् अभ्रंशयत् ते । माया-तातम् व्यहिंसीत् अपि तव पुरतस् तत् त्वया अपि क्षणार्धम् न अज्ञायि इति आहुः एके तत् इदम् अवमतम् व्यासः एव न्यषेधीत् ॥ ८६।२ ॥

TRANSLITERATION

tāvat tvam rāmaśālī tvaritam upagataḥ khaṇḍita-prāya-sainyam saubha-īśam tam nyarundhāḥ sa ca kila gadayā śārṅgam abhraṃśayat te . māyā-tātam vyahiṃsīt api tava puratas tat tvayā api kṣaṇārdham na ajñāyi iti āhuḥ eke tat idam avamatam vyāsaḥ eva nyaṣedhīt .. 86.2 ..
Shloka 3
क्षिप्त्वा सौभं गदाचूर्णितमुदकनिधौ मङ्क्षु साल्वेऽपि चक्रेणोत्कृत्ते दन्तवक्त्रः प्रसभमभिपतन्नभ्यमुञ्चद्गदां ते । कौमोदक्या हतोऽसावपि सुकृतनिधिश्चैद्यवत्प्रापदैक्यंसर्वेषामेष पूर्वं त्वयि धृतमनसां मोक्षणार्थोऽवतारः ॥ 86.3 ॥

PADACHEDA

क्षिप्त्वा सौभम् गदा-चूर्णितम् उदकनिधौ मङ्क्षु साल्वे अपि चक्रेण उत्कृत्ते दन्त-वक्त्रः प्रसभम् अभिपतन् अभ्यमुञ्चत् गदाम् ते । कौमोदक्या हतः असौ अपि सुकृत-निधिः चैद्य-वत् प्राप दैक्यम् सर्वेषाम् एष पूर्वम् त्वयि धृत-मनसाम् मोक्षण-अर्थः अवतारः ॥ ८६।३ ॥

TRANSLITERATION

kṣiptvā saubham gadā-cūrṇitam udakanidhau maṅkṣu sālve api cakreṇa utkṛtte danta-vaktraḥ prasabham abhipatan abhyamuñcat gadām te . kaumodakyā hataḥ asau api sukṛta-nidhiḥ caidya-vat prāpa daikyam sarveṣām eṣa pūrvam tvayi dhṛta-manasām mokṣaṇa-arthaḥ avatāraḥ .. 86.3 ..
Shloka 4
त्वय्यायातेऽथ जाते किल कुरुसदसि द्यूतके संयतायाःक्रन्दन्त्या याज्ञसेन्याः सकरुणमकृथाश्चेलमालामनन्ताम् । अन्नान्तप्राप्तशर्वांशजमुनिचकितद्रौपदी चिन्तितोऽथप्राप्तश् शाकान्नमश्नन् मुनिगणमकृथास्तृप्तिमन्तं वनान्ते ॥ 86.4 ॥

PADACHEDA

त्वयि आयाते अथ जाते किल कुरु-सदसि द्यूतके संयतायाः क्रन्दन्त्याः याज्ञसेन्याः स करुणम् अकृथाः चेल-मालाम् अनन्ताम् । अन्न-अन्त-प्राप्त-शर्व-अंश-ज-मुनि-चकित-द्रौपदी चिन्तितः अथ प्राप्तः शाक-अन्नम् अश्नन् मुनि-गणम् अकृथाः तृप्तिमन्तम् वन-अन्ते ॥ ८६।४ ॥

TRANSLITERATION

tvayi āyāte atha jāte kila kuru-sadasi dyūtake saṃyatāyāḥ krandantyāḥ yājñasenyāḥ sa karuṇam akṛthāḥ cela-mālām anantām . anna-anta-prāpta-śarva-aṃśa-ja-muni-cakita-draupadī cintitaḥ atha prāptaḥ śāka-annam aśnan muni-gaṇam akṛthāḥ tṛptimantam vana-ante .. 86.4 ..
Shloka 5
युद्धोद्योगेऽथ मन्त्रे मिलति सति वृतः फल्गुनेन त्वमेकःकौरव्ये दत्तसैन्यः करिपुरमगमो दूत्यकृत्पाण्डवार्थम् । भीष्मद्रोणादिमान्ये तव खलु वचने धिक्कृते कौरवेणव्यावृण्वन्विश्वरूपं मुनिसदसि पुरीं क्षोभयित्वागतोऽभूः ॥ 86.5 ॥

PADACHEDA

युद्ध-उद्योगे अथ मन्त्रे मिलति सति वृतः फल्गुनेन त्वम् एकः कौरव्ये दत्त-सैन्यः करि-पुरम् अगमः दूत्य-कृत् पाण्डव-अर्थम् । भीष्म-द्रोण-आदिमान् ये तव खलु वचने धिक्कृते कौरवेण व्यावृण्वन् विश्वरूपम् मुनि-सदसि पुरीम् क्षोभयित्वा आगतः अभूः ॥ ८६।५ ॥

TRANSLITERATION

yuddha-udyoge atha mantre milati sati vṛtaḥ phalgunena tvam ekaḥ kauravye datta-sainyaḥ kari-puram agamaḥ dūtya-kṛt pāṇḍava-artham . bhīṣma-droṇa-ādimān ye tava khalu vacane dhikkṛte kauraveṇa vyāvṛṇvan viśvarūpam muni-sadasi purīm kṣobhayitvā āgataḥ abhūḥ .. 86.5 ..
Shloka 6
जिष्णोस्त्वं कृष्ण सूतः खलु समरमुखे बन्धुघाते दयालुंखिन्नं तं वीक्ष्य वीरं किमिदमयि सखे नित्य एकोऽयमात्मा । को वध्यः कोऽत्र हन्ता तदिह वधभियं प्रोज्झ्य मय्यर्पितात्माधर्म्यं युद्धं चरेति प्रकृतिमनयथा दर्शयन्विश्वरूपम् ॥ 86.6 ॥

PADACHEDA

जिष्णोः त्वम् कृष्ण सूतः खलु समर-मुखे बन्धु-घाते दया-लुं खिन्नम् तम् वीक्ष्य वीरम् किम् इदम् अयि सखे नित्यः एकः अयम् आत्मा । कः वध्यः कः अत्र हन्ता तत् इह वध-भियम् प्रोज्झ्य मयि अर्पित-आत्म-अधर्म्यम् युद्धम् चर इति प्रकृतिम् अनयथा दर्शयन् विश्वरूपम् ॥ ८६।६ ॥

TRANSLITERATION

jiṣṇoḥ tvam kṛṣṇa sūtaḥ khalu samara-mukhe bandhu-ghāte dayā-luṃ khinnam tam vīkṣya vīram kim idam ayi sakhe nityaḥ ekaḥ ayam ātmā . kaḥ vadhyaḥ kaḥ atra hantā tat iha vadha-bhiyam projjhya mayi arpita-ātma-adharmyam yuddham cara iti prakṛtim anayathā darśayan viśvarūpam .. 86.6 ..
Shloka 7
भक्तोत्तंसेऽथ भीष्मे तव धरणिभरक्षेपकृत्यैकसक्तेनित्यं नित्यं विभिन्दत्ययुतसमधिकं प्राप्तसादे च पार्थे । निश्शस्त्रत्वप्रतिज्ञां विजहदरिवरं धारयन्क्रोधशालीवाधावन्प्राञ्जलिं तं नतशिरसमथो वीक्ष्य मोदादपागाः ॥ 86.7 ॥

PADACHEDA

भक्त-उत्तंसे अथ भीष्मे तव धरणि-भर-क्षेप-कृत्या-एक-सक्ते नित्यम् नित्यम् विभिन्दति अयुत-समधिकम् प्राप्त-सादे च पार्थे । निश्शस्त्र-त्व-प्रतिज्ञाम् विजहत् अरि-वरम् धारयन् क्रोध-शाली इव आधावन् प्राञ्जलिम् तम् नत-शिरसम् अथो वीक्ष्य मोदात् अपागाः ॥ ८६।७ ॥

TRANSLITERATION

bhakta-uttaṃse atha bhīṣme tava dharaṇi-bhara-kṣepa-kṛtyā-eka-sakte nityam nityam vibhindati ayuta-samadhikam prāpta-sāde ca pārthe . niśśastra-tva-pratijñām vijahat ari-varam dhārayan krodha-śālī iva ādhāvan prāñjalim tam nata-śirasam atho vīkṣya modāt apāgāḥ .. 86.7 ..
Shloka 8
युद्धे द्रोणस्य हस्तिस्थिररणभगदत्तेरितं वैष्णवास्त्रंवक्षस्याधत्त चक्रस्थगितरविमहाः प्रार्दयन्सिन्धुराजम् । नागास्त्रे कर्णमुक्ते क्षितिमवनमयन्केवलं कृत्तमौलिंतत्रे तत्रापि पार्थं किमिव न हि भवान् पाण्डवानामकार्षीत् ॥ 86.8 ॥

PADACHEDA

युद्धे द्रोणस्य हस्ति-स्थिर-रण-भगदत्त-ईरितम् वैष्णव-अस्त्रम् वक्षसि आधत्त चक्र-स्थगित-रवि-महाः प्रार्दयन् सिन्धुराजम् । नाग-अस्त्रे कर्ण-मुक्ते क्षितिम् अवनमयन् केवलम् तत्र अपि पार्थम् किम् इव न हि भवान् पाण्डवानाम् अकार्षीत् ॥ ८६।८ ॥

TRANSLITERATION

yuddhe droṇasya hasti-sthira-raṇa-bhagadatta-īritam vaiṣṇava-astram vakṣasi ādhatta cakra-sthagita-ravi-mahāḥ prārdayan sindhurājam . nāga-astre karṇa-mukte kṣitim avanamayan kevalam tatra api pārtham kim iva na hi bhavān pāṇḍavānām akārṣīt .. 86.8 ..
Shloka 9
युद्धादौ तीर्थगामी स खलु हलधरो नैमिशक्षेत्रमृच्छन्नप्रत्युत्थायिसूतक्षयकृदथ सुतं तत्पदे कल्पयित्वा । यज्ञघ्नं बल्वलं पर्वणि परिदलयन् स्नाततीर्थो रणान्तेसम्प्राप्तो भीमदुर्योधनरणमशमं वीक्ष्य यातः पुरीन्ते ॥ 86.9 ॥

PADACHEDA

युद्ध-आदौ तीर्थ-गामी स खलु हलधरः नैमिश-क्षेत्रम् ऋच्छन् अप्रत्युत्थायि-सूत-क्षय-कृत् अथ सुतम् तद्-पदे कल्पयित्वा । यज्ञ-घ्नम् बल्वलम् पर्वणि परिदलयन् स्नात-तीर्थः रण-अन्ते सम्प्राप्तः भीम-दुर्योधन-रणम् अशमम् वीक्ष्य यातः पुरीन् ते ॥ ८६।९ ॥

TRANSLITERATION

yuddha-ādau tīrtha-gāmī sa khalu haladharaḥ naimiśa-kṣetram ṛcchan apratyutthāyi-sūta-kṣaya-kṛt atha sutam tad-pade kalpayitvā . yajña-ghnam balvalam parvaṇi paridalayan snāta-tīrthaḥ raṇa-ante samprāptaḥ bhīma-duryodhana-raṇam aśamam vīkṣya yātaḥ purīn te .. 86.9 ..
Shloka 10
संसुप्तद्रौपदेयक्षपणहतधियं द्रौणिमेत्य त्वदुक्त्यातन्मुक्तं ब्राह्ममस्त्रं समहृत विजयो मौलिरत्नं च जह्रे । उच्छित्त्यै पाण्डवानां पुनरपि च विशत्युत्तरागर्भमस्त्रेरक्षन्नङ्गुष्ठमात्रः किल जठरमगाश्चक्रपाणिर्विभो त्वम् ॥ 86.10 ॥

PADACHEDA

संसुप्त-द्रौपदेय-क्षपण-हत-धियम् द्रौणिम् एत्य त्वद्-उक्त्या अ तद्-मुक्तम् ब्राह्मम् अस्त्रम् समहृत विजयः मौलि-रत्नम् च जह्रे । उच्छित्त्यै पाण्डवानाम् पुनर् अपि च विशति उत्तरा-गर्भम् अस्त्रेः अक्षन् अङ्गुष्ठ-मात्रः किल जठरम् अगाः चक्रपाणिः विभो त्वम् ॥ ८६।१० ॥

TRANSLITERATION

saṃsupta-draupadeya-kṣapaṇa-hata-dhiyam drauṇim etya tvad-uktyā a tad-muktam brāhmam astram samahṛta vijayaḥ mauli-ratnam ca jahre . ucchittyai pāṇḍavānām punar api ca viśati uttarā-garbham astreḥ akṣan aṅguṣṭha-mātraḥ kila jaṭharam agāḥ cakrapāṇiḥ vibho tvam .. 86.10 ..
Shloka 11
धर्मौघं धर्मसूनोरभिदधदखिलं छन्दमृत्युः स भीष्मस्त्वां पश्यन्भक्तिभूम्नैव हि सपदि ययौ निष्कलब्रह्मभूयम् । संयाज्याथाश्वमेधैस्त्रिभिरतिमहितैर्धर्मजं पूर्णकामंसम्प्राप्तो द्वारकां त्वं पवनपुरपते पाहि मां सर्वरोगात् ॥ 86.11 ॥

PADACHEDA

धर्म-ओघम् धर्मसूनोः अभिदधत् अखिलम् छन्द-मृत्युः स भीष्मः त्वाम् पश्यन् भक्ति-भूम्ना एव हि सपदि ययौ निष्कल-ब्रह्म-भूयम् । संयाज्य अथ अश्वमेधैः त्रिभिः अति महितैः धर्मजम् पूर्ण-कामम् सम्प्राप्तः द्वारकाम् त्वम् पवनपुर-पते पाहि माम् सर्व-रोगात् ॥ ८६।११ ॥

TRANSLITERATION

dharma-ogham dharmasūnoḥ abhidadhat akhilam chanda-mṛtyuḥ sa bhīṣmaḥ tvām paśyan bhakti-bhūmnā eva hi sapadi yayau niṣkala-brahma-bhūyam . saṃyājya atha aśvamedhaiḥ tribhiḥ ati mahitaiḥ dharmajam pūrṇa-kāmam samprāptaḥ dvārakām tvam pavanapura-pate pāhi mām sarva-rogāt .. 86.11 ..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In