प्रागेवाचार्यपुत्राहृतिनिशमनया स्वीयषट्सूनुवीक्षांकांक्षन्त्या मातुरुक्त्या सुतलभुवि बलिं प्राप्य तेनार्चितस्त्वम् । धातुश्शापाद्धिरण्यान्वितकशिपुभवान्शौरिजान् कंसभग्नानानीयैनान् प्रदर्श्य स्वपदमनयथाः पूर्वपुत्रान्मरीचेः ॥ 88.1 ॥
prāgevācāryaputrāhṛtiniśamanayā svīyaṣaṭsūnuvīkṣāṃkāṃkṣantyā māturuktyā sutalabhuvi baliṃ prāpya tenārcitastvam | dhātuśśāpāddhiraṇyānvitakaśipubhavānśaurijān kaṃsabhagnānānīyainān pradarśya svapadamanayathāḥ pūrvaputrānmarīceḥ || 88.1 ||
श्रुतदेव इति श्रुतं द्विजेन्द्रं बहुलाश्वं नृपतिं च भक्तिपूर्णम् । युगपत्त्वमनुग्रहीतुकामो मिथिलां प्रापिथ तापसैः समेतः ॥ 88.2 ॥
śrutadeva iti śrutaṃ dvijendraṃ bahulāśvaṃ nṛpatiṃ ca bhaktipūrṇam | yugapattvamanugrahītukāmo mithilāṃ prāpitha tāpasaiḥ sametaḥ || 88.2 ||
गच्छन्द्विमूर्तिरुभयोर्युगपन्निकेतम्एकेन भूरिविभवैर्विहितोपचारः । अन्येन तद्दिनभृतैश्च फलौदनाद्यैस्तुल्यं प्रसेदिथ ददाथ च मुक्तिमाभ्याम् ॥ 88.3 ॥
gacchandvimūrtirubhayoryugapanniketamekena bhūrivibhavairvihitopacāraḥ | anyena taddinabhṛtaiśca phalaudanādyaistulyaṃ praseditha dadātha ca muktimābhyām || 88.3 ||
भूयोऽथ द्वारवत्यां द्विजतनयमृतिं तत्प्रलापानपि त्वंको वा दैवं निरुन्ध्यादिति किल कथयन्विश्ववोढाऽप्यसोढाः । जिष्णोर्गर्वं विनेतुं त्वयि मनुजधिया कुण्ठितां चास्य बुद्धिंतत्त्वारूढां विधातुं परमतमपदप्रेक्षणेनेति मन्ये ॥ 88.4 ॥
bhūyo'tha dvāravatyāṃ dvijatanayamṛtiṃ tatpralāpānapi tvaṃko vā daivaṃ nirundhyāditi kila kathayanviśvavoḍhā'pyasoḍhāḥ | jiṣṇorgarvaṃ vinetuṃ tvayi manujadhiyā kuṇṭhitāṃ cāsya buddhiṃtattvārūḍhāṃ vidhātuṃ paramatamapadaprekṣaṇeneti manye || 88.4 ||
नष्टा अष्टास्य पुत्राः पुनरपि तव तूपेक्षया कष्टवादःस्पष्टो जातो जनानामथ तदवसरे द्वारकामाप पार्थः । मैत्र्या तत्रोषितोऽसौ नवमसुतमृतौ विप्रवर्यप्ररोदंश्रुत्वा चक्रे प्रतिज्ञामनुपहृतसुतस्सन्निवेक्ष्ये कृशानुम् ॥ 88.5 ॥
naṣṭā aṣṭāsya putrāḥ punarapi tava tūpekṣayā kaṣṭavādaḥspaṣṭo jāto janānāmatha tadavasare dvārakāmāpa pārthaḥ | maitryā tatroṣito'sau navamasutamṛtau vipravaryaprarodaṃśrutvā cakre pratijñāmanupahṛtasutassannivekṣye kṛśānum || 88.5 ||
मानी स त्वामपृष्ट्वा द्विजनिलयगतो बाणजालैर्महास्त्रैरुन्धानः सूतिगेहं पुनरपि सहसा दृष्टनष्टे कुमारे । याम्यामैन्द्रीं तथायास्सुरवरनगरीर्विद्ययाऽसाद्य सद्योमोघोद्योगः पतिष्यन्हुतभुजि भवता सस्मितं वारितोऽभूत् ॥ 88.6 ॥
mānī sa tvāmapṛṣṭvā dvijanilayagato bāṇajālairmahāstrairundhānaḥ sūtigehaṃ punarapi sahasā dṛṣṭanaṣṭe kumāre | yāmyāmaindrīṃ tathāyāssuravaranagarīrvidyayā'sādya sadyomoghodyogaḥ patiṣyanhutabhuji bhavatā sasmitaṃ vārito'bhūt || 88.6 ||
सार्धं तेन प्रतीचीं दिशमतिजविना स्यन्दनेनाभियातोलोकालोकं व्यतीतस्तिमिरभरमथो चक्रधाम्ना निरुन्धन् । चक्रांशुक्लिष्टदृष्टिं स्थितमथ विजयं पश्य पश्येति वारांपारे त्वं प्राददशः किमपि हि तमसां दूरदूरं पदं ते ॥ 88.7 ॥
sārdhaṃ tena pratīcīṃ diśamatijavinā syandanenābhiyātolokālokaṃ vyatītastimirabharamatho cakradhāmnā nirundhan | cakrāṃśukliṣṭadṛṣṭiṃ sthitamatha vijayaṃ paśya paśyeti vārāṃpāre tvaṃ prādadaśaḥ kimapi hi tamasāṃ dūradūraṃ padaṃ te || 88.7 ||
तत्रासीनं भुजङ्गाधिपशयनतले दिव्यभूषायुधाद्यैरावीतं पीतचेलं प्रतिनवजलदश्यामळं श्रीमदङ्गम् । मूर्तीनामीशितारं परमिह तिसृणामेकमर्थं श्रुतीनांत्वामेव त्वं परात्मन् प्रियसखसहितो नेमिथ क्षेमरूपम् ॥ 88.8 ॥
tatrāsīnaṃ bhujaṅgādhipaśayanatale divyabhūṣāyudhādyairāvītaṃ pītacelaṃ pratinavajaladaśyāmaळṃ śrīmadaṅgam | mūrtīnāmīśitāraṃ paramiha tisṛṇāmekamarthaṃ śrutīnāṃtvāmeva tvaṃ parātman priyasakhasahito nemitha kṣemarūpam || 88.8 ||
युवां मामेवद्वावधिकविवृतान्तर्हिततयाविभिन्नौ सुन्द्रष्टुं स्वयमहमहार्षं द्विजसुतान् । नयेतं द्रागेनानिति खलु वितीर्णान्पुनरमून्द्विजायादायादाः प्रणुतमहिमा पाण्डुजनुषा ॥ 88.9 ॥
yuvāṃ māmevadvāvadhikavivṛtāntarhitatayāvibhinnau sundraṣṭuṃ svayamahamahārṣaṃ dvijasutān | nayetaṃ drāgenāniti khalu vitīrṇānpunaramūndvijāyādāyādāḥ praṇutamahimā pāṇḍujanuṣā || 88.9 ||
एवं नानाविहारैर्जगदभिरमयन्वृष्णिवंशं प्रपुष्णन्नीजानो यज्ञभेदैरतुलविहृतिभिः प्रीणयन्नेणनेत्राः । भूभारक्षेपदम्भात् पदकमलजुषां मोक्षणायावतीर्णःपूर्णं ब्रह्मैव साक्षाद्यदुषु मनुजतारूषितस्त्वं व्यलासीः ॥ 88.10 ॥
evaṃ nānāvihārairjagadabhiramayanvṛṣṇivaṃśaṃ prapuṣṇannījāno yajñabhedairatulavihṛtibhiḥ prīṇayanneṇanetrāḥ | bhūbhārakṣepadambhāt padakamalajuṣāṃ mokṣaṇāyāvatīrṇaḥpūrṇaṃ brahmaiva sākṣādyaduṣu manujatārūṣitastvaṃ vyalāsīḥ || 88.10 ||
प्रायेण द्वारवत्यामवृतदयि तदी नारदस्त्वद्रसार्द्रस्तस्माल्लेभे कदाचित्खलु सुकृतनिधिस्त्वत्पिता तत्त्वबोधम् । भक्तानामग्रयायी स च खलु मतिमानुद्धवस्त्वत्त एवप्राप्तो विज्ञानसारं स किल जनहितायाधुनाऽस्ते वदर्याम् ॥ 88.11 ॥
prāyeṇa dvāravatyāmavṛtadayi tadī nāradastvadrasārdrastasmāllebhe kadācitkhalu sukṛtanidhistvatpitā tattvabodham | bhaktānāmagrayāyī sa ca khalu matimānuddhavastvatta evaprāpto vijñānasāraṃ sa kila janahitāyādhunā'ste vadaryām || 88.11 ||
सोऽयं कृष्णावतारो जयति तव विभो यत्र सौहार्दभीतिस्नेहद्वेषानुरागप्रभृतिभिरतुलैरश्रमैर्योगभेदैः । आर्तिं तीर्वा समस्ताममृतपदमगुस्सर्वतः सर्वलोकाःस त्वं विश्वार्तिशान्त्यै पवनपुरपते भक्तिपूर्त्यै च भूयाः ॥ 88.12 ॥
so'yaṃ kṛṣṇāvatāro jayati tava vibho yatra sauhārdabhītisnehadveṣānurāgaprabhṛtibhiratulairaśramairyogabhedaiḥ | ārtiṃ tīrvā samastāmamṛtapadamagussarvataḥ sarvalokāḥsa tvaṃ viśvārtiśāntyai pavanapurapate bhaktipūrtyai ca bhūyāḥ || 88.12 ||