Narayaneeyam

Dashakam 95

ॐ नमो नारायणाय


This overlay will guide you through the buttons:

संस्कृत्म
A English
आदौ हैरण्यगर्भीं तनुमविकलजीवात्मिकामास्थितस्त्वंजीवत्वं प्राप्य मायागुणगणखचितो वर्तसे विश्वयोने । तत्रोद्वृद्धेन सत्त्वेन तु गणयुगळं भक्तिभावं गतेनछित्वा सत्त्वं च हित्वा पुनरनुपहितो वर्तिताहे त्वमेव ॥ 95.1 ॥
ādau hairaṇyagarbhīṃ tanumavikalajīvātmikāmāsthitastvaṃjīvatvaṃ prāpya māyāguṇagaṇakhacito vartase viśvayone | tatrodvṛddhena sattvena tu gaṇayugaळṃ bhaktibhāvaṃ gatenachitvā sattvaṃ ca hitvā punaranupahito vartitāhe tvameva || 95.1 ||

Adhyaya : 973

Shloka :   1

सत्त्वोन्मेषात्कदाचित्खलु विषयरसे दोषबोधेऽपि भूमन्भूयोऽप्येषु प्रवृत्तिः सतमसि रजसि प्रोद्धते दुर्निवारा । चित्तं तावद्गुणाश्च ग्रथितमिह मिथस्तानि सर्वाणि रोद्धुंतुर्ये त्वय्येकभक्तिः शरणमिति भवान्हंसरूपी न्यगादीत् ॥ 95.2 ॥
sattvonmeṣātkadācitkhalu viṣayarase doṣabodhe'pi bhūmanbhūyo'pyeṣu pravṛttiḥ satamasi rajasi proddhate durnivārā | cittaṃ tāvadguṇāśca grathitamiha mithastāni sarvāṇi roddhuṃturye tvayyekabhaktiḥ śaraṇamiti bhavānhaṃsarūpī nyagādīt || 95.2 ||

Adhyaya : 974

Shloka :   2

सन्ति श्रेयांसि भूयांस्यपि रुचिभिदया कर्मिणां निर्मितानिक्षुद्रानन्दाश्च सान्ता बहुविधगतयः कृष्ण तेभ्यो भवेयुः । त्वञ्चाचख्याथ सख्ये ननु महिततमां श्रेयसां भक्तिमेकांत्वद्भक्त्यानन्दतुल्यः खलु विषयजुषां सम्मदः केन वा स्यात् ॥ 95.3 ॥
santi śreyāṃsi bhūyāṃsyapi rucibhidayā karmiṇāṃ nirmitānikṣudrānandāśca sāntā bahuvidhagatayaḥ kṛṣṇa tebhyo bhaveyuḥ | tvañcācakhyātha sakhye nanu mahitatamāṃ śreyasāṃ bhaktimekāṃtvadbhaktyānandatulyaḥ khalu viṣayajuṣāṃ sammadaḥ kena vā syāt || 95.3 ||

Adhyaya : 975

Shloka :   3

त्वद्भक्त्या तुष्टबुद्धेः सुखमिह चरतो विच्युताशस्य चाशाःसर्वास्स्युः सौख्यमय्यः सलिलकुहरगस्येव तोयैकमय्यः । सोऽयं खल्विन्द्रलोकं कमलजभवनं योगसिद्धीश्च हृद्यानाकाङ्क्षत्येतदास्तां स्वयमनुपतिते मोक्षसौख्येऽप्यनीहः ॥ 95.4 ॥
tvadbhaktyā tuṣṭabuddheḥ sukhamiha carato vicyutāśasya cāśāḥsarvāssyuḥ saukhyamayyaḥ salilakuharagasyeva toyaikamayyaḥ | so'yaṃ khalvindralokaṃ kamalajabhavanaṃ yogasiddhīśca hṛdyānākāṅkṣatyetadāstāṃ svayamanupatite mokṣasaukhye'pyanīhaḥ || 95.4 ||

Adhyaya : 976

Shloka :   4

त्वद्भक्तो बाध्यमानोऽपि च विषयरसैरिन्द्रियाशान्तिहेतोर्भक्त्यैवाक्रम्यमाणैः पुनरपि खलु तैर्दुर्बलैर्नाभिजय्यः । सप्तार्चिर्दीपितार्चिर्दहति किल यथा भूरिदारुप्रपञ्चंत्वद्भक्त्योघे तथैव प्रदहति दुरितं दुर्मदः क्वेन्द्रियाणाम् ॥ 95.5 ॥
tvadbhakto bādhyamāno'pi ca viṣayarasairindriyāśāntihetorbhaktyaivākramyamāṇaiḥ punarapi khalu tairdurbalairnābhijayyaḥ | saptārcirdīpitārcirdahati kila yathā bhūridāruprapañcaṃtvadbhaktyoghe tathaiva pradahati duritaṃ durmadaḥ kvendriyāṇām || 95.5 ||

Adhyaya : 977

Shloka :   5

चित्तार्द्रीभाववमुच्चैर्वपुषि च पुलकं हर्षबाष्पञ्च हित्वाचित्तं शुद्ध्येत्कथं वा किमु बहुतपसा विद्यया वीतभक्तेः । त्वद्गाथास्वादसिद्धाञ्जनसततमरीमृज्यमानोऽयमात्माचक्षुर्वत्तत्त्वसूक्ष्मं भजति न तु तथाभ्यस्तया तर्ककोट्या ॥ 95.6 ॥
cittārdrībhāvavamuccairvapuṣi ca pulakaṃ harṣabāṣpañca hitvācittaṃ śuddhyetkathaṃ vā kimu bahutapasā vidyayā vītabhakteḥ | tvadgāthāsvādasiddhāñjanasatatamarīmṛjyamāno'yamātmācakṣurvattattvasūkṣmaṃ bhajati na tu tathābhyastayā tarkakoṭyā || 95.6 ||

Adhyaya : 978

Shloka :   6

ध्यानं ते शीलयेयं समतनुसुखबद्धासनो नासिकाग्रन्यस्ताक्षः पूरकाद्यैर्जितपवनपथश्चित्तपद्मन्त्ववाञ्चम् । ऊर्ध्वाग्रं भावयित्वा रविविधुशिखिनस्संविचिन्त्योपरिष्टात्तत्रस्थं भावये त्वां सजलजलधरश्यामलं कोमळाङ्गम् ॥ 95.7 ॥
dhyānaṃ te śīlayeyaṃ samatanusukhabaddhāsano nāsikāgranyastākṣaḥ pūrakādyairjitapavanapathaścittapadmantvavāñcam | ūrdhvāgraṃ bhāvayitvā ravividhuśikhinassaṃvicintyopariṣṭāttatrasthaṃ bhāvaye tvāṃ sajalajaladharaśyāmalaṃ komaळ्āṅgam || 95.7 ||

Adhyaya : 979

Shloka :   7

आनीलश्लक्ष्णकेशं ज्वलितमकरसत्कुण्डलं मन्दहासस्यन्दार्द्रं कौस्तुभश्रीपरिगतवनमालोरुहाराभिरामम् । श्रीवत्साङ्कं सुबाहुं मृदुलसदुदरं काञ्चनच्छायचेलंचारुस्निग्धोरुमम्भोरुहललितपदं भावयेयं भवन्तम् ॥ 95.8 ॥
ānīlaślakṣṇakeśaṃ jvalitamakarasatkuṇḍalaṃ mandahāsasyandārdraṃ kaustubhaśrīparigatavanamāloruhārābhirāmam | śrīvatsāṅkaṃ subāhuṃ mṛdulasadudaraṃ kāñcanacchāyacelaṃcārusnigdhorumambhoruhalalitapadaṃ bhāvayeyaṃ bhavantam || 95.8 ||

Adhyaya : 980

Shloka :   8

सर्वाङ्गेष्वङ्गरङ्गत्कुतुकमतिमुहुर्धारयन्नीश चित्तंतत्राप्येकत्र युञ्जे वदनसरसिजे सुन्दरे मन्दहासे । तत्रालीनन्तु चेतः परमसुखचिदद्वैतरूपे वितन्वन्नन्यन्नो चिन्तयेयं मुहुरिति समुपारूढयोगो भवेयम् ॥ 95.9 ॥
sarvāṅgeṣvaṅgaraṅgatkutukamatimuhurdhārayannīśa cittaṃtatrāpyekatra yuñje vadanasarasije sundare mandahāse | tatrālīnantu cetaḥ paramasukhacidadvaitarūpe vitanvannanyanno cintayeyaṃ muhuriti samupārūḍhayogo bhaveyam || 95.9 ||

Adhyaya : 981

Shloka :   9

इत्थं त्वद्ध्यानयोगे सति पुनरणिमाद्यष्टसंसिद्धयस्तादूरश्रुत्यादयोऽपि ह्यहमहमिकया सम्पतेयुर्मुरारे । त्वत्सम्प्राप्तौ विलम्बावहमखिलमिदं नाद्रिये कामयेऽहंत्वामेवानन्दपूर्णं पवनपुरपते पाहि मां सर्वतापात् ॥ 95.10 ॥
itthaṃ tvaddhyānayoge sati punaraṇimādyaṣṭasaṃsiddhayastādūraśrutyādayo'pi hyahamahamikayā sampateyurmurāre | tvatsamprāptau vilambāvahamakhilamidaṃ nādriye kāmaye'haṃtvāmevānandapūrṇaṃ pavanapurapate pāhi māṃ sarvatāpāt || 95.10 ||

Adhyaya : 982

Shloka :   10

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In