| |
|

This overlay will guide you through the buttons:

This overlay will guide you through the buttons:

Shloka 1
इति भीतः प्रजाद्रोहात् सर्वधर्मविवित्सया । ततो विनशनं प्रागाद् यत्र देवव्रतोऽपतत् ॥। १ ॥
iti bhītaḥ prajādrohāt sarvadharmavivitsayā . tato vinaśanaṃ prāgād yatra devavrato'patat ... 1 ..
सूत उवाच ।
Shloka 2
तदा ते भ्रातरः सर्वे सदश्वैः स्वर्णभूषितैः । अन्वगच्छन् रथैर्विप्रा व्यासधौम्यादयस्तथा ॥। २ ॥
tadā te bhrātaraḥ sarve sadaśvaiḥ svarṇabhūṣitaiḥ . anvagacchan rathairviprā vyāsadhaumyādayastathā ... 2 ..
(अनुष्टुप्)
Shloka 3
भगवानपि विप्रर्षे रथेन सधनञ्जयः । स तैर्व्यरोचत नृपः कुबेर इव गुह्यकैः ॥। ३ ॥
bhagavānapi viprarṣe rathena sadhanañjayaḥ . sa tairvyarocata nṛpaḥ kubera iva guhyakaiḥ ... 3 ..
Shloka 4
दृष्ट्वा निपतितं भूमौ दिवश्च्युतं इवामरम् । प्रणेमुः पाण्डवा भीष्मं सानुगाः सह चक्रिणा ॥। ४ ॥
dṛṣṭvā nipatitaṃ bhūmau divaścyutaṃ ivāmaram . praṇemuḥ pāṇḍavā bhīṣmaṃ sānugāḥ saha cakriṇā ... 4 ..
Shloka 5
तत्र ब्रह्मर्षयः सर्वे देवर्षयश्च सत्तम । राजर्षयश्च तत्रासन् द्रष्टुं भरतपुङ्गवम् ॥। ५ ॥
tatra brahmarṣayaḥ sarve devarṣayaśca sattama . rājarṣayaśca tatrāsan draṣṭuṃ bharatapuṅgavam ... 5 ..
Shloka 6
पर्वतो नारदो धौम्यो भगवान् बादरायणः । बृहदश्वो भरद्वाजः सशिष्यो रेणुकासुतः ॥। ६ ॥
parvato nārado dhaumyo bhagavān bādarāyaṇaḥ . bṛhadaśvo bharadvājaḥ saśiṣyo reṇukāsutaḥ ... 6 ..
Shloka 7
वसिष्ठ इन्द्रप्रमदः त्रितो गृत्समदोऽसितः । कक्षीवान् गौतमोऽत्रिश्च कौशिकोऽथ सुदर्शनः ॥। ७ ॥
vasiṣṭha indrapramadaḥ trito gṛtsamado'sitaḥ . kakṣīvān gautamo'triśca kauśiko'tha sudarśanaḥ ... 7 ..
Shloka 8
अन्ये च मुनयो ब्रह्मन् ब्रह्मरातादयोऽमलाः । शिष्यैरुपेता आजग्मुः कश्यपाङ्गिरसादयः ॥। ८ ॥
anye ca munayo brahman brahmarātādayo'malāḥ . śiṣyairupetā ājagmuḥ kaśyapāṅgirasādayaḥ ... 8 ..
Shloka 9
तान् समेतान् महाभागान् उपलभ्य वसूत्तमः । पूजयामास धर्मज्ञो देशकालविभागवित् ॥ ९ ॥
tān sametān mahābhāgān upalabhya vasūttamaḥ . pūjayāmāsa dharmajño deśakālavibhāgavit .. 9 ..
Shloka 10
कृष्णं च तत्प्रभावज्ञ आसीनं जगदीश्वरम् । हृदिस्थं पूजयामास माययोपात्त विग्रहम् ॥ १० ॥
kṛṣṇaṃ ca tatprabhāvajña āsīnaṃ jagadīśvaram . hṛdisthaṃ pūjayāmāsa māyayopātta vigraham .. 10 ..
Shloka 11
पाण्डुपुत्रान् उपासीनान् प्रश्रयप्रेमसङ्गतान् । अभ्याचष्टानुरागाश्रैः अन्धीभूतेन चक्षुषा ॥ ११ ॥
pāṇḍuputrān upāsīnān praśrayapremasaṅgatān . abhyācaṣṭānurāgāśraiḥ andhībhūtena cakṣuṣā .. 11 ..
Shloka 12
अहो कष्टमहोऽन्याय्यं यद् यूयं धर्मनन्दनाः । जीवितुं नार्हथ क्लिष्टं विप्रधर्माच्युताश्रयाः ॥ १२ ॥
aho kaṣṭamaho'nyāyyaṃ yad yūyaṃ dharmanandanāḥ . jīvituṃ nārhatha kliṣṭaṃ vipradharmācyutāśrayāḥ .. 12 ..
Shloka 13
संस्थितेऽतिरथे पाण्डौ पृथा बालप्रजा वधूः । युष्मत्कृते बहून् क्लेशान् प्राप्ता तोकवती मुहुः ॥ १३ ॥
saṃsthite'tirathe pāṇḍau pṛthā bālaprajā vadhūḥ . yuṣmatkṛte bahūn kleśān prāptā tokavatī muhuḥ .. 13 ..
Shloka 14
सर्वं कालकृतं मन्ये भवतां च यदप्रियम् । सपालो यद्वशे लोको वायोरिव घनावलिः ॥ १४ ॥
sarvaṃ kālakṛtaṃ manye bhavatāṃ ca yadapriyam . sapālo yadvaśe loko vāyoriva ghanāvaliḥ .. 14 ..
Shloka 15
यत्र धर्मसुतो राजा गदापाणिर्वृकोदरः । कृष्णोऽस्त्री गाण्डिवं चापं सुहृत् कृष्णः ततो विपत् ॥ १५ ॥
yatra dharmasuto rājā gadāpāṇirvṛkodaraḥ . kṛṣṇo'strī gāṇḍivaṃ cāpaṃ suhṛt kṛṣṇaḥ tato vipat .. 15 ..
Shloka 16
न ह्यस्य कर्हिचित् राजन् पुमान् वेद विधित्सितम् । यत् विजिज्ञासया युक्ता मुह्यन्ति कवयोऽपि हि ॥ १६ ॥
na hyasya karhicit rājan pumān veda vidhitsitam . yat vijijñāsayā yuktā muhyanti kavayo'pi hi .. 16 ..
Shloka 17
तस्मात् इदं दैवतंत्रं व्यवस्य भरतर्षभ । तस्यानुविहितोऽनाथा नाथ पाहि प्रजाः प्रभो ॥ १७ ॥
tasmāt idaṃ daivataṃtraṃ vyavasya bharatarṣabha . tasyānuvihito'nāthā nātha pāhi prajāḥ prabho .. 17 ..
Shloka 18
एष वै भगवान् साक्षात् आद्यो नारायणः पुमान् । मोहयन् मायया लोकं गूढश्चरति वृष्णिषु ॥ १८ ॥
eṣa vai bhagavān sākṣāt ādyo nārāyaṇaḥ pumān . mohayan māyayā lokaṃ gūḍhaścarati vṛṣṇiṣu .. 18 ..
Shloka 19
अस्यानुभावं भगवान् वेद गुह्यतमं शिवः । देवर्षिर्नारदः साक्षात् भगवान् कपिलो नृप ॥ १९ ॥
asyānubhāvaṃ bhagavān veda guhyatamaṃ śivaḥ . devarṣirnāradaḥ sākṣāt bhagavān kapilo nṛpa .. 19 ..
Shloka 20
यं मन्यसे मातुलेयं प्रियं मित्रं सुहृत्तमम् । अकरोः सचिवं दूतं सौहृदादथ सारथिम् ॥ २० ॥
yaṃ manyase mātuleyaṃ priyaṃ mitraṃ suhṛttamam . akaroḥ sacivaṃ dūtaṃ sauhṛdādatha sārathim .. 20 ..
Shloka 21
सर्वात्मनः समदृशो ह्यद्वयस्यानहङ्कृतेः । तत्कृतं मतिवैषम्यं निरवद्यस्य न क्वचित् ॥ २१ ॥
sarvātmanaḥ samadṛśo hyadvayasyānahaṅkṛteḥ . tatkṛtaṃ mativaiṣamyaṃ niravadyasya na kvacit .. 21 ..
Shloka 22
तथाप्येकान्तभक्तेषु पश्य भूपानुकम्पितम् । यत् मे असून् त्यजतः साक्षात् कृष्णो दर्शनमागतः ॥ २२ ॥
tathāpyekāntabhakteṣu paśya bhūpānukampitam . yat me asūn tyajataḥ sākṣāt kṛṣṇo darśanamāgataḥ .. 22 ..
Shloka 23
भक्त्यावेश्य मनो यस्मिन् वाचा यन्नाम कीर्तयन् । त्यजन् कलेवरं योगी मुच्यते कामकर्मभिः ॥ २३ ॥
bhaktyāveśya mano yasmin vācā yannāma kīrtayan . tyajan kalevaraṃ yogī mucyate kāmakarmabhiḥ .. 23 ..
Shloka 24
स देवदेवो भगवान् प्रतीक्षतां कलेवरं यावदिदं हिनोम्यहम् । प्रसन्नहासारुणलोचनोल्लसन् मुखाम्बुजो ध्यानपथश्चतुर्भुजः ॥ २४ ॥
sa devadevo bhagavān pratīkṣatāṃ kalevaraṃ yāvadidaṃ hinomyaham . prasannahāsāruṇalocanollasan mukhāmbujo dhyānapathaścaturbhujaḥ .. 24 ..
(वंशस्थ)
Shloka 25
युधिष्ठिरः तत् आकर्ण्य शयानं शरपञ्जरे । अपृच्छत् विविधान् धर्मान् ऋषीणां चानुश्रृण्वताम् ॥ २५ ॥
yudhiṣṭhiraḥ tat ākarṇya śayānaṃ śarapañjare . apṛcchat vividhān dharmān ṛṣīṇāṃ cānuśrṛṇvatām .. 25 ..
Shloka 26
पुरुषस्वभावविहितान् यथावर्णं यथाश्रमम् । वैराग्यरागोपाधिभ्यां आम्नातोभयलक्षणान् ॥ २६ ॥
puruṣasvabhāvavihitān yathāvarṇaṃ yathāśramam . vairāgyarāgopādhibhyāṃ āmnātobhayalakṣaṇān .. 26 ..
सूत उवाच ।
Shloka 27
दानधर्मान् राजधर्मान् मोक्षधर्मान् विभागशः । स्त्रीधर्मान् भगवद्धर्मान् समासव्यास योगतः ॥ २७ ॥
dānadharmān rājadharmān mokṣadharmān vibhāgaśaḥ . strīdharmān bhagavaddharmān samāsavyāsa yogataḥ .. 27 ..
(अनुष्टुप्)
Shloka 28
धर्मार्थकाममोक्षांश्च सहोपायान् यथा मुने । नानाख्यानेतिहासेषु वर्णयामास तत्त्ववित् ॥ २८ ॥
dharmārthakāmamokṣāṃśca sahopāyān yathā mune . nānākhyānetihāseṣu varṇayāmāsa tattvavit .. 28 ..
Shloka 29
धर्मं प्रवदतस्तस्य स कालः प्रत्युपस्थितः । यो योगिनः छन्दमृत्योः वाञ्छितस्तु उत्तरायणः ॥ २९ ॥
dharmaṃ pravadatastasya sa kālaḥ pratyupasthitaḥ . yo yoginaḥ chandamṛtyoḥ vāñchitastu uttarāyaṇaḥ .. 29 ..
Shloka 30
तदोपसंहृत्य गिरः सहस्रणीः विमुक्तसङ्गं मन आदिपूरुषे । कृष्णे लसत्पीतपटे चतुर्भुजे पुरः स्थितेऽमीलित दृग् व्यधारयत् ॥ ३० ॥
tadopasaṃhṛtya giraḥ sahasraṇīḥ vimuktasaṅgaṃ mana ādipūruṣe . kṛṣṇe lasatpītapaṭe caturbhuje puraḥ sthite'mīlita dṛg vyadhārayat .. 30 ..
(वंशस्थ)
Shloka 31
विशुद्धया धारणया हताशुभः तदीक्षयैवाशु गतायुधश्रमः । निवृत्त सर्वेन्द्रिय वृत्ति विभ्रमः तुष्टाव जन्यं विसृजन् जनार्दनम् ॥ ३१ ॥
viśuddhayā dhāraṇayā hatāśubhaḥ tadīkṣayaivāśu gatāyudhaśramaḥ . nivṛtta sarvendriya vṛtti vibhramaḥ tuṣṭāva janyaṃ visṛjan janārdanam .. 31 ..
Shloka 32
इति मतिरुपकल्पिता वितृष्णा भगवति सात्वतपुङ्गवे विभूम्नि । स्वसुखमुपगते क्वचित् विहर्तुं प्रकृतिमुपेयुषि यद्भवप्रवाहः ॥ ३२ ॥
iti matirupakalpitā vitṛṣṇā bhagavati sātvatapuṅgave vibhūmni . svasukhamupagate kvacit vihartuṃ prakṛtimupeyuṣi yadbhavapravāhaḥ .. 32 ..
श्रीभीष्म उवाच ।
Shloka 33
त्रिभुवनकमनं तमालवर्णं रविकरगौरवराम्बरं दधाने । वपुरलककुलावृत आननाब्जं विजयसखे रतिरस्तु मेऽनवद्या ॥ ३३ ॥
tribhuvanakamanaṃ tamālavarṇaṃ ravikaragauravarāmbaraṃ dadhāne . vapuralakakulāvṛta ānanābjaṃ vijayasakhe ratirastu me'navadyā .. 33 ..
(पुष्पिताग्रा)
Shloka 34
युधि तुरगरजो विधूम्र विष्वक् कचलुलितश्रमवारि अलङ्कृतास्ये । मम निशितशरैर्विभिद्यमान त्वचि विलसत्कवचेऽस्तु कृष्ण आत्मा ॥ ३४ ॥
yudhi turagarajo vidhūmra viṣvak kacalulitaśramavāri alaṅkṛtāsye . mama niśitaśarairvibhidyamāna tvaci vilasatkavace'stu kṛṣṇa ātmā .. 34 ..
Shloka 35
सपदि सखिवचो निशम्य मध्ये निजपरयोर्बलयो रथं निवेश्य । स्थितवति परसैनिकायुरक्ष्णा हृतवति पार्थसखे रतिर्ममास्तु ॥ ३५ ॥
sapadi sakhivaco niśamya madhye nijaparayorbalayo rathaṃ niveśya . sthitavati parasainikāyurakṣṇā hṛtavati pārthasakhe ratirmamāstu .. 35 ..
Shloka 36
व्यवहित पृतनामुखं निरीक्ष्य स्वजनवधात् विमुखस्य दोषबुद्ध्या । कुमतिम अहरत् आत्मविद्यया यः चश्चरणरतिः परमस्य तस्य मेऽस्तु ॥ ३६ ॥
vyavahita pṛtanāmukhaṃ nirīkṣya svajanavadhāt vimukhasya doṣabuddhyā . kumatima aharat ātmavidyayā yaḥ caścaraṇaratiḥ paramasya tasya me'stu .. 36 ..
Shloka 37
स्वनिगममपहाय मत्प्रतिज्ञां ऋतमधि कर्तुमवप्लुतो रथस्थः । धृतरथ चरणोऽभ्ययात् चलद्गुः हरिरिव हन्तुमिभं गतोत्तरीयः ॥ ३७ ॥
svanigamamapahāya matpratijñāṃ ṛtamadhi kartumavapluto rathasthaḥ . dhṛtaratha caraṇo'bhyayāt caladguḥ haririva hantumibhaṃ gatottarīyaḥ .. 37 ..
Shloka 38
शितविशिखहतो विशीर्णदंशः क्षतजपरिप्लुत आततायिनो मे । प्रसभं अभिससार मद्वधार्थं स भवतु मे भगवान् गतिर्मुकुन्दः ॥ ३८ ॥
śitaviśikhahato viśīrṇadaṃśaḥ kṣatajaparipluta ātatāyino me . prasabhaṃ abhisasāra madvadhārthaṃ sa bhavatu me bhagavān gatirmukundaḥ .. 38 ..
Shloka 39
विजयरथकुटुम्ब आत्ततोत्रे धृतहयरश्मिनि तत् श्रियेक्षणीये । भगवति रतिरस्तु मे मुमूर्षोः यमिह निरीक्ष्य हता गताः स्वरूपम् ॥ ३९ ॥
vijayarathakuṭumba āttatotre dhṛtahayaraśmini tat śriyekṣaṇīye . bhagavati ratirastu me mumūrṣoḥ yamiha nirīkṣya hatā gatāḥ svarūpam .. 39 ..
Shloka 40
ललित गति विलास वल्गुहास प्रणय निरीक्षण कल्पितोरुमानाः । कृतमनुकृतवत्य उन्मदान्धाः प्रकृतिमगन् किल यस्य गोपवध्वः ॥ ४० ॥
lalita gati vilāsa valguhāsa praṇaya nirīkṣaṇa kalpitorumānāḥ . kṛtamanukṛtavatya unmadāndhāḥ prakṛtimagan kila yasya gopavadhvaḥ .. 40 ..
Shloka 41
मुनिगण नृपवर्यसङ्कुलेऽन्तः सदसि युधिष्ठिर राजसूय एषाम् । अर्हणं उपपेद ईक्षणीयो मम दृशिगोचर एष आविरात्मा ॥ ४१ ॥
munigaṇa nṛpavaryasaṅkule'ntaḥ sadasi yudhiṣṭhira rājasūya eṣām . arhaṇaṃ upapeda īkṣaṇīyo mama dṛśigocara eṣa āvirātmā .. 41 ..
Shloka 42
तमिममहमजं शरीरभाजां हृदि हृदि धिष्ठितमात्म कल्पितानाम् । प्रतिदृशमिव नैकधार्कमेकं समधिगतोऽस्मि विधूत भेदमोहः ॥ ४२ ॥
tamimamahamajaṃ śarīrabhājāṃ hṛdi hṛdi dhiṣṭhitamātma kalpitānām . pratidṛśamiva naikadhārkamekaṃ samadhigato'smi vidhūta bhedamohaḥ .. 42 ..
Shloka 43
कृष्ण एवं भगवति मनोवाक् दृष्टिवृत्तिभिः । आत्मनि आत्मानमावेश्य सोऽन्तःश्वास उपारमत् ॥ ४३ ॥
kṛṣṇa evaṃ bhagavati manovāk dṛṣṭivṛttibhiḥ . ātmani ātmānamāveśya so'ntaḥśvāsa upāramat .. 43 ..
सूत उवाच ।
Shloka 44
सम्पद्यमानमाज्ञाय भीष्मं ब्रह्मणि निष्कले । सर्वे बभूवुस्ते तूष्णीं वयांसीव दिनात्यये ॥ ४४ ॥
sampadyamānamājñāya bhīṣmaṃ brahmaṇi niṣkale . sarve babhūvuste tūṣṇīṃ vayāṃsīva dinātyaye .. 44 ..
(अनुष्टुप्)
Shloka 45
तत्र दुन्दुभयो नेदुः देवमानव वादिताः । शशंसुः साधवो राज्ञां खात्पेतुः पुष्पवृष्टयः ॥ ४५ ॥
tatra dundubhayo neduḥ devamānava vāditāḥ . śaśaṃsuḥ sādhavo rājñāṃ khātpetuḥ puṣpavṛṣṭayaḥ .. 45 ..
Shloka 46
तस्य निर्हरणादीनि सम्परेतस्य भार्गव । युधिष्ठिरः कारयित्वा मुहूर्तं दुःखितोऽभवत् ॥ ४६ ॥
tasya nirharaṇādīni samparetasya bhārgava . yudhiṣṭhiraḥ kārayitvā muhūrtaṃ duḥkhito'bhavat .. 46 ..
Shloka 47
तुष्टुवुर्मुनयो हृष्टाः कृष्णं तत् गुह्यनामभिः । ततस्ते कृष्णहृदयाः स्वाश्रमान्प्रययुः पुनः ॥ ४७ ॥
tuṣṭuvurmunayo hṛṣṭāḥ kṛṣṇaṃ tat guhyanāmabhiḥ . tataste kṛṣṇahṛdayāḥ svāśramānprayayuḥ punaḥ .. 47 ..
Shloka 48
ततो युधिष्ठिरो गत्वा सहकृष्णो गजाह्वयम् । पितरं सान्त्वयामास गान्धारीं च तपस्विनीम् ॥ ४८ ॥
tato yudhiṣṭhiro gatvā sahakṛṣṇo gajāhvayam . pitaraṃ sāntvayāmāsa gāndhārīṃ ca tapasvinīm .. 48 ..
Shloka 49
पित्रा चानुमतो राजा वासुदेवानुमोदितः । चकार राज्यं धर्मेण पितृपैतामहं विभुः ॥ ४९ ॥
pitrā cānumato rājā vāsudevānumoditaḥ . cakāra rājyaṃ dharmeṇa pitṛpaitāmahaṃ vibhuḥ .. 49 ..
Shloka 50
इति श्रीमद्भागवते महापुराणे पारमहंस्यां संहितायां प्रथमस्कन्धे युधिष्ठिरराज्यप्रलम्भो नाम नवमोऽध्यायः ॥ ९ ॥
iti śrīmadbhāgavate mahāpurāṇe pāramahaṃsyāṃ saṃhitāyāṃ prathamaskandhe yudhiṣṭhirarājyapralambho nāma navamo'dhyāyaḥ .. 9 ..
Shloka 51
हरिः ॐ तत्सत् श्रीकृष्णार्पणमस्तु ॥
hariḥ oṃ tatsat śrīkṛṣṇārpaṇamastu ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In