श्रीकूर्म उवाच ।
एवं सृष्ट्वा मरीच्यादीन्देवदेवः पितामहः । सहैव मानसैः पुत्रैस्तताप परमं तपः ॥ ११.१॥
evaṃ sṛṣṭvā marīcyādīndevadevaḥ pitāmahaḥ | sahaiva mānasaiḥ putraistatāpa paramaṃ tapaḥ || 11.1||
तस्यैवं तपतो वक्राद् रुद्रः कालाग्निसम्भवः .त्रिशूलपाणिरीशानः प्रदुरासीत्त्रिलोचनः ॥ ११.२॥
tasyaivaṃ tapato vakrād rudraḥ kālāgnisambhavaḥ .triśūlapāṇirīśānaḥ pradurāsīttrilocanaḥ || 11.2||
अर्द्धनारीनरवपुः दुष्प्रेक्ष्योऽतिभयंकरः । विभजात्मानमित्युक्त्वा ब्रह्मा चान्तर्दधे भयात् ॥ ११.३॥
arddhanārīnaravapuḥ duṣprekṣyo'tibhayaṃkaraḥ | vibhajātmānamityuktvā brahmā cāntardadhe bhayāt || 11.3||
तथोक्तोऽसौ द्विधा स्त्रीत्वं पुरुषत्वम् तथाकरोत् । बिभेद पुरुषत्वं च दशधा चैकधा पुनः ॥ ११.४॥
tathokto'sau dvidhā strītvaṃ puruṣatvam tathākarot | bibheda puruṣatvaṃ ca daśadhā caikadhā punaḥ || 11.4||
एकादशैते कथिता रुद्रास्त्रिभुवनेश्वराः । कपालीशादयो विप्रा देवकार्ये नियोजिताः ॥ ११.५॥
ekādaśaite kathitā rudrāstribhuvaneśvarāḥ | kapālīśādayo viprā devakārye niyojitāḥ || 11.5||
सौम्यासौम्यैस्तथा शान्ताशान्तैः स्त्रीत्वं च स प्रभुः । बिभेद बहुधा देवः स्वरूपैरसितैः सितैः ॥ ११.६॥
saumyāsaumyaistathā śāntāśāntaiḥ strītvaṃ ca sa prabhuḥ | bibheda bahudhā devaḥ svarūpairasitaiḥ sitaiḥ || 11.6||
ता वै विभूतयो विप्रा विश्रुताः शक्तयो भुवि । लक्ष्म्यादयो याभिरीशा विश्वंव्याप्नोति शांकरी ॥ ११.७॥
tā vai vibhūtayo viprā viśrutāḥ śaktayo bhuvi | lakṣmyādayo yābhirīśā viśvaṃvyāpnoti śāṃkarī || 11.7||
विभज्य पुररीशानं आत्मानं शंकराद् विभोः । महादेवनियोगेन पितामहमुपस्थिता ॥ ११.८॥
vibhajya purarīśānaṃ ātmānaṃ śaṃkarād vibhoḥ | mahādevaniyogena pitāmahamupasthitā || 11.8||
तामाह भगवान् ब्रह्मा दक्षस्य दुहिता भव । साऽपि तस्य नियोगेन प्रादुरासीत्प्रजापतेः ॥ ११.९॥
tāmāha bhagavān brahmā dakṣasya duhitā bhava | sā'pi tasya niyogena prādurāsītprajāpateḥ || 11.9||
नियोगाद् ब्रह्मणो देवीं ददौ रुद्राय तां सतीम् । दक्षात् रुद्रोऽपि जग्राह स्वकीयामेव शूलभृत् ॥ ११.१॥
niyogād brahmaṇo devīṃ dadau rudrāya tāṃ satīm | dakṣāt rudro'pi jagrāha svakīyāmeva śūlabhṛt || 11.1||
प्रजापति विनिर्दैशात्कालेन परमेश्वरी । विभज्य पुनरीशानि आत्मानं शंकराद्विभोः॥ ११.११॥
prajāpati vinirdaiśātkālena parameśvarī | vibhajya punarīśāni ātmānaṃ śaṃkarādvibhoḥ|| 11.11||
मेनायामभवत्पुत्री तदा हिमवतः सती । स चापि पर्वतवरो ददौ रुद्राय पार्वतीम्॥ ११.१२॥
menāyāmabhavatputrī tadā himavataḥ satī | sa cāpi parvatavaro dadau rudrāya pārvatīm|| 11.12||
हिताय सर्वदेवानां त्रिलोकस्यात्मनोऽपि च । सैषा माहेश्वरी देवी शंकरार्द्धशरीरिणी ॥ ११.१३॥
hitāya sarvadevānāṃ trilokasyātmano'pi ca | saiṣā māheśvarī devī śaṃkarārddhaśarīriṇī || 11.13||
शिवा सती हैमवती सुरासुरनमस्कृता । तस्याः प्रभावमतुलं सर्वे देवाः सवासवाः ॥ ११.१४॥
śivā satī haimavatī surāsuranamaskṛtā | tasyāḥ prabhāvamatulaṃ sarve devāḥ savāsavāḥ || 11.14||
विन्दन्ति मुनयो वेत्ति शंकरो वा स्वयं हरिः । एतद्वः कथितं विप्राः पुत्रत्वं परमेष्ठिनः ॥ ११.१५॥
vindanti munayo vetti śaṃkaro vā svayaṃ hariḥ | etadvaḥ kathitaṃ viprāḥ putratvaṃ parameṣṭhinaḥ || 11.15||
ब्रह्मणः पद्मयोनित्वं शंकरस्यामितौजसः । इति श्रीकूर्मपुराणे देव्यवतारे एकादशोऽध्यायः॥ ११.१६॥
brahmaṇaḥ padmayonitvaṃ śaṃkarasyāmitaujasaḥ | iti śrīkūrmapurāṇe devyavatāre ekādaśo'dhyāyaḥ|| 11.16||
इति श्रीकूर्मपुराणे देव्यवतारे एकादशोऽध्यायः॥ ११.१६॥
iti śrīkūrmapurāṇe devyavatāre ekādaśo'dhyāyaḥ|| 11.16||
ॐ श्री परमात्मने नमः
AnonymousUser
150
5 Days
Learn
Teach
Discuss
Panchanga
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
