| |
|

This overlay will guide you through the buttons:

Shloka 1
भृगोः ख्यात्यां समुत्पन्ना लक्ष्मीर्नारायणप्रिया । देवौ धाताविधातारौ मेरोर्जामातरौ शुभौ ॥ १३.१॥
bhṛgoḥ khyātyāṃ samutpannā lakṣmīrnārāyaṇapriyā . devau dhātāvidhātārau merorjāmātarau śubhau .. 13.1..
Shloka 2
आयतिर्नियतिश्चैव र्मेरोः कन्ये महात्मनः । धाताविधात्रोस्ते भार्य्ये तयोर्जातौ सुतावुभौ ॥ १३.२॥
āyatirniyatiścaiva rmeroḥ kanye mahātmanaḥ . dhātāvidhātroste bhāryye tayorjātau sutāvubhau .. 13.2..
Shloka 3
प्राणश्चैव मृकण्डुश्च मार्कण्डेयो मृकण्डुतः । तथा वेदशिरा नाम प्राणस्य द्युतिमान् सुतः ॥ १३.३॥
prāṇaścaiva mṛkaṇḍuśca mārkaṇḍeyo mṛkaṇḍutaḥ . tathā vedaśirā nāma prāṇasya dyutimān sutaḥ .. 13.3..
Shloka 4
मरीचेरपि संभूतिः पौर्णमासमसूयत । कन्याचतुष्टयं चैव सर्वलक्षणसंयुतम् ॥ १३.४॥
marīcerapi saṃbhūtiḥ paurṇamāsamasūyata . kanyācatuṣṭayaṃ caiva sarvalakṣaṇasaṃyutam .. 13.4..
Shloka 5
तुष्टिर्ज्येष्ठा तथा वृष्टिः कृष्टिश्चापचितिस्तथा । विरजाः पर्वश्चैव पौर्णमासस्य तौ सुतौ ॥ १३.५॥
tuṣṭirjyeṣṭhā tathā vṛṣṭiḥ kṛṣṭiścāpacitistathā . virajāḥ parvaścaiva paurṇamāsasya tau sutau .. 13.5..
Shloka 6
क्षमा तु सुषुवे पुत्रान् पुलहस्य प्रजापतेः । कर्दमं च वरीयांसं सहिष्णुं मुनिसत्तमम् ॥ १३.६॥
kṣamā tu suṣuve putrān pulahasya prajāpateḥ . kardamaṃ ca varīyāṃsaṃ sahiṣṇuṃ munisattamam .. 13.6..
Shloka 7
तथैव च कनीयासं तपोनिर्द्धूतकल्पषम् । अनसूया तथैवात्रेर्जज्ञे पुत्रानकल्पषान् ॥ १३.७॥
tathaiva ca kanīyāsaṃ taponirddhūtakalpaṣam . anasūyā tathaivātrerjajñe putrānakalpaṣān .. 13.7..
Shloka 8
सोमं दुर्वाससं चैव दत्तात्रेयं च योगिनम् । स्मृतिश्चाङ्गिरसः पुत्रीर्जज्ञे लक्षणसंयुताः ॥ १३.८॥
somaṃ durvāsasaṃ caiva dattātreyaṃ ca yoginam . smṛtiścāṅgirasaḥ putrīrjajñe lakṣaṇasaṃyutāḥ .. 13.8..
Shloka 9
सिनीवालीं कुहूं चैव राकामनुमतीमपि । प्रीत्यां पुलस्त्यो भगवान् दम्भोजिमसृजत् प्रभुः ॥ १३.९॥
sinīvālīṃ kuhūṃ caiva rākāmanumatīmapi . prītyāṃ pulastyo bhagavān dambhojimasṛjat prabhuḥ .. 13.9..
Shloka 10
पूर्वजन्मनि सोऽगस्त्यः स्मृतः स्वायंभुवेऽन्तरे । वेदबाहुस्तथा कन्या सन्नति नाम नामतः ॥ १३.१॥
pūrvajanmani so'gastyaḥ smṛtaḥ svāyaṃbhuve'ntare . vedabāhustathā kanyā sannati nāma nāmataḥ .. 13.1..
Shloka 11
पुत्राणां षष्टिसाहस्त्रं संततिः सुषुवे क्रतोः । ते चोर्ध्वरेतसः सर्वे वालखिल्या इति स्मृताः ॥ १३.११॥
putrāṇāṃ ṣaṣṭisāhastraṃ saṃtatiḥ suṣuve kratoḥ . te cordhvaretasaḥ sarve vālakhilyā iti smṛtāḥ .. 13.11..
Shloka 12
वसिष्ठश्च तथोर्ज्जायां सप्तपुत्रानजीजनत् । कन्यां च पुण्डरीकाक्षां सर्वेशोभासमन्विताम् ॥ १३.१२॥
vasiṣṭhaśca tathorjjāyāṃ saptaputrānajījanat . kanyāṃ ca puṇḍarīkākṣāṃ sarveśobhāsamanvitām .. 13.12..
Shloka 13
रजोमात्रोर्द्ध्वबाहुश्च सवनश्चानगस्तथा । *सुतपाः शुक्र इत्येते सप्त पुत्रा महौजसः ॥ १३.१३॥
rajomātrorddhvabāhuśca savanaścānagastathā . *sutapāḥ śukra ityete sapta putrā mahaujasaḥ .. 13.13..
Shloka 14
योऽसौ रुद्रात्मको वह्निर्ब्रह्मणस्तनयो द्विजाः । स्वाहा तस्मात् सुतान् लेभे त्रीनुदारान् महौजसः ॥ १३.१४॥
yo'sau rudrātmako vahnirbrahmaṇastanayo dvijāḥ . svāhā tasmāt sutān lebhe trīnudārān mahaujasaḥ .. 13.14..
Shloka 15
पावकः पवमानश्च शुचिरग्निश्च ते त्रयः । निर्मथ्यः पवमानः स्याद् वैद्युतः पावकः स्मृतः ॥ १३.१५॥
pāvakaḥ pavamānaśca śuciragniśca te trayaḥ . nirmathyaḥ pavamānaḥ syād vaidyutaḥ pāvakaḥ smṛtaḥ .. 13.15..
Shloka 16
यश्चासौ तपते सूर्यः शुचिरग्निस्त्वसौ स्मृतः । तेषां तु संततावन्ये चत्वारिंशच्च पञ्च च ॥ १३.१६॥
yaścāsau tapate sūryaḥ śuciragnistvasau smṛtaḥ . teṣāṃ tu saṃtatāvanye catvāriṃśacca pañca ca .. 13.16..
Shloka 17
पावकः पवमानश्च शुचिस्तेषां पिता च यः । एते चैकोनपञ्चाशद् वह्नयः परिकीर्तिताः ॥ १३.१७॥
pāvakaḥ pavamānaśca śucisteṣāṃ pitā ca yaḥ . ete caikonapañcāśad vahnayaḥ parikīrtitāḥ .. 13.17..
Shloka 18
सर्वे तपस्विनः प्रोक्ताः सर्वे यज्ञेषु भागिनः । रुद्रात्मकाः स्मृताः सर्वे त्रिपुण्ड्राङ्कितमस्तकाः ॥ १३.१८॥
sarve tapasvinaḥ proktāḥ sarve yajñeṣu bhāginaḥ . rudrātmakāḥ smṛtāḥ sarve tripuṇḍrāṅkitamastakāḥ .. 13.18..
Shloka 19
अयज्वानश्च यज्वानः पितरो ब्रह्मणः सुताः । अग्निष्वात्ता बर्हिषदो द्विधा तेषां व्यवस्थितिः ॥ १३.१९॥
ayajvānaśca yajvānaḥ pitaro brahmaṇaḥ sutāḥ . agniṣvāttā barhiṣado dvidhā teṣāṃ vyavasthitiḥ .. 13.19..
Shloka 20
तेभ्यः स्वधा सुतां जज्ञे मेनां वैतरणीं तथा । ते उभे ब्रह्मवादिन्यौ योगिन्यौ मुनिसत्तमाः ॥ १३.२॥
tebhyaḥ svadhā sutāṃ jajñe menāṃ vaitaraṇīṃ tathā . te ubhe brahmavādinyau yoginyau munisattamāḥ .. 13.2..
Shloka 21
असूत मेना मैनाकं क्रौञ्चं तस्यानुजस्तथा । गङ्गा हिमवतो जज्ञे सर्वलोकैकपावनी ॥ १३.२१॥
asūta menā mainākaṃ krauñcaṃ tasyānujastathā . gaṅgā himavato jajñe sarvalokaikapāvanī .. 13.21..
Shloka 22
स्वयोगाग्निबलाद् देवीं पुत्रीं लेभे महेश्वरीं । यथावत् कथितं पूर्वं देव्या माहात्म्यमुत्तमम् ॥ १३.२२॥
svayogāgnibalād devīṃ putrīṃ lebhe maheśvarīṃ . yathāvat kathitaṃ pūrvaṃ devyā māhātmyamuttamam .. 13.22..
Shloka 23
धारिणी मेरुराजस्य पत्नी पद्मसमानना। देवौ दाताविधातारौ मेरोर्जामातरावुभौ॥ १३.२३॥
dhāriṇī merurājasya patnī padmasamānanā. devau dātāvidhātārau merorjāmātarāvubhau.. 13.23..
Shloka 24
एषा दक्षस्य कन्यानां मय़पत्यानुसंततिः । व्याख्याता भवतामद्य मनोः सृष्टिं निबोधत ॥ १३.२४॥
eṣā dakṣasya kanyānāṃ maẏapatyānusaṃtatiḥ . vyākhyātā bhavatāmadya manoḥ sṛṣṭiṃ nibodhata .. 13.24..
Shloka 25
इति श्रीकूर्मपुराणे षट्साहस्त्र्यां संहितायां पूर्वविभागे त्रयोद्दशोऽध्यायः। ॥ ॥
iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge trayoddaśo'dhyāyaḥ. .. ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In