| |
|

This overlay will guide you through the buttons:

Shloka 1
सूत उवाच ।
क्रोष्टोरेकोऽभवत् पुत्रो वज्रवानिति विश्रुतः । तस्य पुत्रोऽभवतच्छान्तिः कुशिकस्तत्सुतोऽभवत् ॥ २४.१॥
kroṣṭoreko'bhavat putro vajravāniti viśrutaḥ . tasya putro'bhavatacchāntiḥ kuśikastatsuto'bhavat .. 24.1..
Shloka 2
उशद्गोरभवत् पुत्रो नाम्ना चित्ररथो बली । अथ चैत्ररथिर्लोके शशबिन्दुरिति स्मृतः ॥ २४.२॥
uśadgorabhavat putro nāmnā citraratho balī . atha caitrarathirloke śaśabinduriti smṛtaḥ .. 24.2..
Shloka 3
तस्य पुत्रः पृथुयशा राजाऽभूद् धर्मतत्परः । पृथुकर्मा च तत्पुत्रस्तस्मात् पृथुजयोऽभवत् ॥ २४.३॥
tasya putraḥ pṛthuyaśā rājā'bhūd dharmatatparaḥ . pṛthukarmā ca tatputrastasmāt pṛthujayo'bhavat .. 24.3..
Shloka 4
पृथुकीर्तिरभूत् तस्मात् पृथुदानस्ततोऽभवत् । पृथुश्रवास्तस्य पुत्रस्तस्यासीत् पृथुसत्तमः ॥ २४.४॥
pṛthukīrtirabhūt tasmāt pṛthudānastato'bhavat . pṛthuśravāstasya putrastasyāsīt pṛthusattamaḥ .. 24.4..
Shloka 5
उशनास्तस्य पुत्रोऽभूच्छतेषुस्तत्सुतोऽभवत् । तस्याभूद् रुक्मकवचः परावृतश्च तत्सुतः ॥ २४.५॥
uśanāstasya putro'bhūcchateṣustatsuto'bhavat . tasyābhūd rukmakavacaḥ parāvṛtaśca tatsutaḥ .. 24.5..
Shloka 6
परावृतः सुतो जज्ञे यामघो लोकविश्रुतः । तस्माद् विदर्भः संजज्ञे विदर्भात् क्रथकैशिकौ ॥ २४.६॥
parāvṛtaḥ suto jajñe yāmagho lokaviśrutaḥ . tasmād vidarbhaḥ saṃjajñe vidarbhāt krathakaiśikau .. 24.6..
Shloka 7
रोमपादस्तृतीयस्तु बभ्रुस्तस्यात्मजो नृपः । धृतिस्तस्याभवत् पुत्रः संन्तस्तस्याप्यभूत् सुतः ॥ २४.७॥
romapādastṛtīyastu babhrustasyātmajo nṛpaḥ . dhṛtistasyābhavat putraḥ saṃntastasyāpyabhūt sutaḥ .. 24.7..
Shloka 8
संन्तस्य पुत्रो बलवान् नाम्ना विश्वसहः स्मृतः। तस्य पुत्रो महावीर्यः प्रजावान् कौशिक स्मृतः॥ २४.८॥
saṃntasya putro balavān nāmnā viśvasahaḥ smṛtaḥ. tasya putro mahāvīryaḥ prajāvān kauśika smṛtaḥ.. 24.8..
Shloka 9
अभूत् तस्य सुतो धीमान् सुमन्तुस्तत्सुतोऽनलः । कैशिकस्य सुतश्चेदिश्चैद्यास्तस्याभवन् सुताः ॥ २४.९॥
abhūt tasya suto dhīmān sumantustatsuto'nalaḥ . kaiśikasya sutaścediścaidyāstasyābhavan sutāḥ .. 24.9..
Shloka 10
तेषां प्रधानो द्युतिमान् वपुष्मांस्तत्सुतोऽभवत् । वपुष्मतो बृहन्मेधा श्रीदेवस्तत्सुतोऽभवत् ॥ २४.१॥
teṣāṃ pradhāno dyutimān vapuṣmāṃstatsuto'bhavat . vapuṣmato bṛhanmedhā śrīdevastatsuto'bhavat .. 24.1..
Shloka 11
तस्य वीतरथो विप्रा रुद्रभक्तो महाबलः । क्रथस्याप्यभवत् कुन्ती वृष्णी तस्याभवत् सुतः ॥ २४.११॥
tasya vītaratho viprā rudrabhakto mahābalaḥ . krathasyāpyabhavat kuntī vṛṣṇī tasyābhavat sutaḥ .. 24.11..
Shloka 12
तस्मान्नवरथो नाम बभुव सुमहाबलः। .कदाचिन्मृगयां यातो दृष्ट्वा राक्षसमूर्जितम् ॥ २४.१२॥
tasmānnavaratho nāma babhuva sumahābalaḥ. .kadācinmṛgayāṃ yāto dṛṣṭvā rākṣasamūrjitam .. 24.12..
Shloka 13
दुद्राव महातविष्टो भयेन मुनिपुंगवाः । अन्वधावत संक्रुद्धो राक्षसस्तं महाबलः॥ २४.१३॥
dudrāva mahātaviṣṭo bhayena munipuṃgavāḥ . anvadhāvata saṃkruddho rākṣasastaṃ mahābalaḥ.. 24.13..
Shloka 14
दुर्योधनोऽग्निसंकाशः शूलासक्तमहाकरः । राजा नवरथो भीत्या नातिदूरादवस्थितम् ॥ २४.१४॥
duryodhano'gnisaṃkāśaḥ śūlāsaktamahākaraḥ . rājā navaratho bhītyā nātidūrādavasthitam .. 24.14..
Shloka 15
अपश्यत् परमं स्थानं सरस्वत्या सुगोपितम् । स तद्वेगेन महता संप्राप्य मतिमान् नृपः॥ २४.१५॥
apaśyat paramaṃ sthānaṃ sarasvatyā sugopitam . sa tadvegena mahatā saṃprāpya matimān nṛpaḥ.. 24.15..
Shloka 16
ववन्दे शिरसा दृष्ट्वा साक्षाद् देवीं सरस्वतीम् । तुष्टाव वाग्भिरिष्टाभिर्बद्धाञ्जलिरमित्रजित् ॥ २४.१६॥
vavande śirasā dṛṣṭvā sākṣād devīṃ sarasvatīm . tuṣṭāva vāgbhiriṣṭābhirbaddhāñjaliramitrajit .. 24.16..
Shloka 17
पपात दण्डवद् भूमौ त्वामहं शरणं गतः । नमस्यामि महादेवीं साक्षाद् देवीं सरस्वतीम् ।॥ २४.१७॥
papāta daṇḍavad bhūmau tvāmahaṃ śaraṇaṃ gataḥ . namasyāmi mahādevīṃ sākṣād devīṃ sarasvatīm ... 24.17..
Shloka 18
वाग्देवतामनाद्यन्तामीश्वरीं ब्रह्मचारिणीम् । नमस्ये जगतां योनिं योगिनीं परमां कलाम् । ॥ २४.१८॥
vāgdevatāmanādyantāmīśvarīṃ brahmacāriṇīm . namasye jagatāṃ yoniṃ yoginīṃ paramāṃ kalām . .. 24.18..
Shloka 19
हिरण्यगर्भमहिषीं त्रिनेत्रां चन्द्रशेखराम् । नमस्ये परमानन्दां चित्कलां ब्रह्मरूपिणीम् । ॥ २४.१९॥
hiraṇyagarbhamahiṣīṃ trinetrāṃ candraśekharām . namasye paramānandāṃ citkalāṃ brahmarūpiṇīm . .. 24.19..
Shloka 20
पाहि मां परमेशानि भीतं शरणमागतम् । एतस्मिन्नन्तरे क्रुद्धो राजानं राक्षसेश्वरः ।॥ २४.२॥
pāhi māṃ parameśāni bhītaṃ śaraṇamāgatam . etasminnantare kruddho rājānaṃ rākṣaseśvaraḥ ... 24.2..
Shloka 21
हन्तुं समागतः स्थानं यत्र देवी सरस्वती । समुद्यम्य तदा शूलं प्रवेष्टुं बलदर्पितः ॥ २४.२१॥
hantuṃ samāgataḥ sthānaṃ yatra devī sarasvatī . samudyamya tadā śūlaṃ praveṣṭuṃ baladarpitaḥ .. 24.21..
Shloka 22
त्रिलोकमातुस्तत्स्थानं शशाङ्कादित्यसंन्निभम् । तदन्तरे महद्भूतं युगान्तादित्यसन्निभम् ।॥ २४.२२॥
trilokamātustatsthānaṃ śaśāṅkādityasaṃnnibham . tadantare mahadbhūtaṃ yugāntādityasannibham ... 24.22..
Shloka 23
शूलेनोरसि निर्भिद्य पातयामास तं भुवि । गच्छेत्याह महाराज न स्थातव्यं त्वया पुनः ॥ २४.२३॥
śūlenorasi nirbhidya pātayāmāsa taṃ bhuvi . gacchetyāha mahārāja na sthātavyaṃ tvayā punaḥ .. 24.23..
Shloka 24
इदानीं निर्भयस्तूर्णं स्थानेऽस्मिन् राक्षसो हतः । ततः प्रणम्य हृष्टात्मा राजा नवरथः पराम् ॥ २४.२४॥
idānīṃ nirbhayastūrṇaṃ sthāne'smin rākṣaso hataḥ . tataḥ praṇamya hṛṣṭātmā rājā navarathaḥ parām .. 24.24..
Shloka 25
पुरीं जगाम विप्रेन्द्राः पुरंदरपुरोपमाम् । स्थापयामास देवेशीं तत्र भक्तिसमन्वितः ॥ २४.२५॥
purīṃ jagāma viprendrāḥ puraṃdarapuropamām . sthāpayāmāsa deveśīṃ tatra bhaktisamanvitaḥ .. 24.25..
Shloka 26
ईजे च विविधैर्यज्ञैर्होमैर्देवीं सरस्वतीम् । तस्य चासीद् दशरथः पुत्रः परमधार्मिकः॥ २४.२६॥
īje ca vividhairyajñairhomairdevīṃ sarasvatīm . tasya cāsīd daśarathaḥ putraḥ paramadhārmikaḥ.. 24.26..
Shloka 27
देव्या भक्तो महातेजाः शकुनिस्तस्य चात्मजः । तस्मात् करम्भः संभूतो देवरातोऽभवत् ततः ।॥ २४.२७॥
devyā bhakto mahātejāḥ śakunistasya cātmajaḥ . tasmāt karambhaḥ saṃbhūto devarāto'bhavat tataḥ ... 24.27..
Shloka 28
ईजे स चाश्वमेधेन देवक्षत्रश्च तत्सुतः । मधुस्तस्य तु दायादस्तस्मात् कुरुवशोऽभवत् ॥ २४.२८॥
īje sa cāśvamedhena devakṣatraśca tatsutaḥ . madhustasya tu dāyādastasmāt kuruvaśo'bhavat .. 24.28..
Shloka 29
पुत्रद्वयमभूत् तस्य सुत्रामा चानुरेव च । अनोस्तु पुरुकुत्सोऽभूदंशुस्तस्य च रिक्थभाक्॥ २४.२९॥
putradvayamabhūt tasya sutrāmā cānureva ca . anostu purukutso'bhūdaṃśustasya ca rikthabhāk.. 24.29..
Shloka 30
अथांशोःरन्धको नाम विष्णुभक्तः प्रतापवान् । महात्मा दाननिरतो धनुर्वेदविदां वरः ॥ २४.३॥
athāṃśoḥrandhako nāma viṣṇubhaktaḥ pratāpavān . mahātmā dānanirato dhanurvedavidāṃ varaḥ .. 24.3..
Shloka 31
स नारदस्य वचनाद् वासुदेवार्चने रतः । शास्त्रं प्रवर्तयामास कुण्डगोलादिभिः श्रुतम् ॥ २४.३१॥
sa nāradasya vacanād vāsudevārcane rataḥ . śāstraṃ pravartayāmāsa kuṇḍagolādibhiḥ śrutam .. 24.31..
Shloka 32
तस्य नाम्ना तु विख्यातं सात्त्वतं नाम शोभनम् । प्रवर्तते महाशास्त्रं कुण्डादीनां हितावहम् ॥ २४.३२॥
tasya nāmnā tu vikhyātaṃ sāttvataṃ nāma śobhanam . pravartate mahāśāstraṃ kuṇḍādīnāṃ hitāvaham .. 24.32..
Shloka 33
सात्त्वतस्तस्य पुत्रोऽभूत् सर्वशास्त्रविशारदः । पुण्यश्लोको महाराजस्तेन वै तत्प्रवर्तितम् ॥ २४.३३॥
sāttvatastasya putro'bhūt sarvaśāstraviśāradaḥ . puṇyaśloko mahārājastena vai tatpravartitam .. 24.33..
Shloka 34
सात्त्वतः सत्त्वसंपन्नः कौशल्यां सुषुवे सुतान् । अन्धकं वै महाभोजं वृष्णिं देवावृधं नृपम् ॥ २४.३४॥
sāttvataḥ sattvasaṃpannaḥ kauśalyāṃ suṣuve sutān . andhakaṃ vai mahābhojaṃ vṛṣṇiṃ devāvṛdhaṃ nṛpam .. 24.34..
Shloka 35
ज्येष्ठं च भजमानाख्यं धनुर्वेदविदां वरम् । तेषां देवावृधो राजा चचार परमं तपः ॥ २४.३५॥
jyeṣṭhaṃ ca bhajamānākhyaṃ dhanurvedavidāṃ varam . teṣāṃ devāvṛdho rājā cacāra paramaṃ tapaḥ .. 24.35..
Shloka 36
पुत्रः सर्वगुणोपेतो मम भूयादिति प्रभुः । तस्य बभ्रुरिति ख्यातः पुण्यश्लोकोऽभवन्नृपः ॥ २४.३६॥
putraḥ sarvaguṇopeto mama bhūyāditi prabhuḥ . tasya babhruriti khyātaḥ puṇyaśloko'bhavannṛpaḥ .. 24.36..
Shloka 37
धार्मिको रूपसंपन्नस्तत्त्वज्ञानरतः सदा । भजमानस्य मृञ्जय्यां भजमानाद्विजज्ञिरे ॥ २४.३७॥
dhārmiko rūpasaṃpannastattvajñānarataḥ sadā . bhajamānasya mṛñjayyāṃ bhajamānādvijajñire .. 24.37..
Shloka 38
तेषां प्रधानौ विख्यातौ निमिः कृकण एव च । महाभोजकुले जाता भोजा वैमातृकास्तथा ॥ २४.३८॥
teṣāṃ pradhānau vikhyātau nimiḥ kṛkaṇa eva ca . mahābhojakule jātā bhojā vaimātṛkāstathā .. 24.38..
Shloka 39
वृष्णेः सुमित्रो बलवाननमित्रस्तिमिस्तथा । अनमित्रादभून्निघ्नो निघ्नस्य द्वौ बभूवतुः ॥ २४.३९॥
vṛṣṇeḥ sumitro balavānanamitrastimistathā . anamitrādabhūnnighno nighnasya dvau babhūvatuḥ .. 24.39..
Shloka 40
प्रसेनस्तु महाभागः सत्राजिन्नाम चोत्तमः । अनमित्राच्छिनिर्जज्ञे कनिष्ठाद् वृष्णिनन्दनात्॥ २४.४॥
prasenastu mahābhāgaḥ satrājinnāma cottamaḥ . anamitrācchinirjajñe kaniṣṭhād vṛṣṇinandanāt.. 24.4..
Shloka 41
सत्यवान् सत्यसंपन्नः सत्यकस्तत्सुतोऽभवत् । सात्यकिर्युयुधानस्तु तस्यासङ्गोऽभवत् सुतः॥ २४.४१॥
satyavān satyasaṃpannaḥ satyakastatsuto'bhavat . sātyakiryuyudhānastu tasyāsaṅgo'bhavat sutaḥ.. 24.41..
Shloka 42
कुणिस्तस्य सुतो धीमांस्तस्य पुत्रो युगंधरः । माद्र्या वृष्णेः सुतो जज्ञे वृष्णेर्वै यदुनन्दनः ॥ २४.४२॥
kuṇistasya suto dhīmāṃstasya putro yugaṃdharaḥ . mādryā vṛṣṇeḥ suto jajñe vṛṣṇervai yadunandanaḥ .. 24.42..
Shloka 43
जज्ञाते तनयौ पृश्नेः श्वफल्कश्चित्रकश्च हि । श्वफल्कः काशिराजस्यसुतां भार्यामविन्दत॥ २४.४३॥
jajñāte tanayau pṛśneḥ śvaphalkaścitrakaśca hi . śvaphalkaḥ kāśirājasyasutāṃ bhāryāmavindata.. 24.43..
Shloka 44
तस्यामजनयत् पुत्रमक्रूरं नाम धार्मिकम् । उपमङ्गुस्तथा मङ्गुरन्ये च बहवः सुताः ॥ २४.४४॥
tasyāmajanayat putramakrūraṃ nāma dhārmikam . upamaṅgustathā maṅguranye ca bahavaḥ sutāḥ .. 24.44..
Shloka 45
अक्रूरस्य स्मृतः पुत्रो देववानिति विश्रुतः । उपदेवश्च पुण्यात्मा तयोर्विश्वप्रमाथिनौ ॥ २४.४५॥
akrūrasya smṛtaḥ putro devavāniti viśrutaḥ . upadevaśca puṇyātmā tayorviśvapramāthinau .. 24.45..
Shloka 46
चित्रकस्याभवत् पुत्रः पृथुर्विपृथुरेव च । अश्वग्रीवः सुबाहुश्च सुपार्श्वकगवेषणौ ॥ २४.४६॥
citrakasyābhavat putraḥ pṛthurvipṛthureva ca . aśvagrīvaḥ subāhuśca supārśvakagaveṣaṇau .. 24.46..
Shloka 47
अन्धकात् कास्यदुहिता लेभे च चतुरः सुतान् । कुकुरं भजमानं च शमीकं बलगर्वितम्॥ २४.४७॥
andhakāt kāsyaduhitā lebhe ca caturaḥ sutān . kukuraṃ bhajamānaṃ ca śamīkaṃ balagarvitam.. 24.47..
Shloka 48
कुकुरस्य सुतो वृष्णिर्वृष्णेस्तु तनयोऽभवत् । कपोतरोमा विपुलस्तस्य पुत्रो विलोमकः ॥ २४.४८॥
kukurasya suto vṛṣṇirvṛṣṇestu tanayo'bhavat . kapotaromā vipulastasya putro vilomakaḥ .. 24.48..
Shloka 49
तस्यासीत् तुम्बुरुसखा विद्वान् पुत्रस्तलः किल । स्थीयते तस्यनाम्नातु तयोरानकदुन्दुभिः ॥ २४.४९॥
tasyāsīt tumburusakhā vidvān putrastalaḥ kila . sthīyate tasyanāmnātu tayorānakadundubhiḥ .. 24.49..
Shloka 50
स गोवर्धनमासाद्य तताप विपुलं तपः । वरं तस्मै ददौ देवो ब्रह्मा लोकमहेश्वरः ॥ २४.५॥
sa govardhanamāsādya tatāpa vipulaṃ tapaḥ . varaṃ tasmai dadau devo brahmā lokamaheśvaraḥ .. 24.5..
Shloka 51
वंशस्य चाक्षयां कीर्ति ज्ञानयोगमनुत्तमम् । गुरोरप्यधिकं विप्राः कामरूपित्वमेव च ॥ २४.५१॥
vaṃśasya cākṣayāṃ kīrti jñānayogamanuttamam . gurorapyadhikaṃ viprāḥ kāmarūpitvameva ca .. 24.51..
Shloka 52
स लब्ध्वा वरमव्यग्रो वरेण्यं वृषवाहनम् । पूजयामास गानेन स्थाणुं त्रिदशपूजितम् ॥ २४.५२॥
sa labdhvā varamavyagro vareṇyaṃ vṛṣavāhanam . pūjayāmāsa gānena sthāṇuṃ tridaśapūjitam .. 24.52..
Shloka 53
तस्य गानरतस्याथ भगवानम्बिकापतिः । कन्यारत्नं ददौ देवो दुर्लभं त्रिदशैरपि ॥ २४.५३॥
tasya gānaratasyātha bhagavānambikāpatiḥ . kanyāratnaṃ dadau devo durlabhaṃ tridaśairapi .. 24.53..
Shloka 54
तया स सङ्गतो राजा गानयोगमनुत्तमम् । अशिक्षयदमित्रघ्नः प्रियां तां भ्रान्तलोचनाम् ॥ २४.५४॥
tayā sa saṅgato rājā gānayogamanuttamam . aśikṣayadamitraghnaḥ priyāṃ tāṃ bhrāntalocanām .. 24.54..
Shloka 55
तस्यामुत्पादयामास सुभुजं नाम शोभनम् । रूपलावण्यसंपन्नां ह्रीमतीमपि कन्यकाम् ॥ २४.५५॥
tasyāmutpādayāmāsa subhujaṃ nāma śobhanam . rūpalāvaṇyasaṃpannāṃ hrīmatīmapi kanyakām .. 24.55..
Shloka 56
ततस्तं जननी पुत्रं बाल्ये वयसि शोभनम् । शिक्षयामास विधिवद् गानविद्यां च कन्यकाम् ॥ २४.५६॥
tatastaṃ jananī putraṃ bālye vayasi śobhanam . śikṣayāmāsa vidhivad gānavidyāṃ ca kanyakām .. 24.56..
Shloka 57
कृतोपनयनो वेदानधीत्य विधिवद् गुरोः । उद्ववाहात्मजां कन्यां गन्धर्वाणां तु मानसीम् ॥ २४.५७॥
kṛtopanayano vedānadhītya vidhivad guroḥ . udvavāhātmajāṃ kanyāṃ gandharvāṇāṃ tu mānasīm .. 24.57..
Shloka 58
तस्यामुत्पादयामास पञ्च पुत्राननुत्तमान् । वीणावादनतत्त्वज्ञान् गानशास्त्रविशारदान् ॥ २४.५८॥
tasyāmutpādayāmāsa pañca putrānanuttamān . vīṇāvādanatattvajñān gānaśāstraviśāradān .. 24.58..
Shloka 59
पुत्रैः पौत्रैः सपत्नीको राजा गानविशारदः । पूजयामास गानेन देवं त्रिपुरनाशनम् ॥ २४.५९॥
putraiḥ pautraiḥ sapatnīko rājā gānaviśāradaḥ . pūjayāmāsa gānena devaṃ tripuranāśanam .. 24.59..
Shloka 60
ह्रीमती चापि या कन्या श्रीरिवायतलोचना । सुबाहुर्नाम गन्धर्वस्तामादाय ययौ पुरीम् ॥ २४.६॥
hrīmatī cāpi yā kanyā śrīrivāyatalocanā . subāhurnāma gandharvastāmādāya yayau purīm .. 24.6..
Shloka 61
तस्यामप्यभवन् पुत्रा गन्धर्वस्य सुतेजसः । सुषेणधीरसुग्रीवसुभोजनरवाहनाः ॥ २४.६१॥
tasyāmapyabhavan putrā gandharvasya sutejasaḥ . suṣeṇadhīrasugrīvasubhojanaravāhanāḥ .. 24.61..
Shloka 62
अथासीदभिजित् पुत्रो वीरस्त्वानकदुन्दुभेः । पुनर्वसुश्चाभिजितः संबभूवाहुकस्ततः ॥ २४.६२॥
athāsīdabhijit putro vīrastvānakadundubheḥ . punarvasuścābhijitaḥ saṃbabhūvāhukastataḥ .. 24.62..
Shloka 63
आहुकस्योग्रसेनश्च देवकश्च द्विजोत्तमाः । देवकस्य सुता वीरा जज्ञिरे त्रिदशोपमाः ॥ २४.६३॥
āhukasyograsenaśca devakaśca dvijottamāḥ . devakasya sutā vīrā jajñire tridaśopamāḥ .. 24.63..
Shloka 64
देववानुपदेवश्च सुदेवो देवरक्षितः । तेषां स्वसारः सप्तासन् वसुदेवाय ता ददौ ॥ २४.६४॥
devavānupadevaśca sudevo devarakṣitaḥ . teṣāṃ svasāraḥ saptāsan vasudevāya tā dadau .. 24.64..
Shloka 65
वृकदेवोपदेवा च तथान्या देवरक्षिता । श्रीदेवा शान्तिदेवा च सहदेवा च सुव्रता ॥ २४.६५॥
vṛkadevopadevā ca tathānyā devarakṣitā . śrīdevā śāntidevā ca sahadevā ca suvratā .. 24.65..
Shloka 66
देवकी चापि तासां तु वरिष्ठाऽभूत् सुमध्यमा । उग्रसेनस्य पुत्रोऽभून्न्यग्रोधः कंस एव च ॥ २४.६६॥
devakī cāpi tāsāṃ tu variṣṭhā'bhūt sumadhyamā . ugrasenasya putro'bhūnnyagrodhaḥ kaṃsa eva ca .. 24.66..
Shloka 67
सुभूमी राष्ट्रपालश्च तुष्टिमाञ्छङ्कुरेव च । भजमानादबूत् पुत्रः प्रख्यातोऽसौ विदूरथः॥ २४.६७॥
subhūmī rāṣṭrapālaśca tuṣṭimāñchaṅkureva ca . bhajamānādabūt putraḥ prakhyāto'sau vidūrathaḥ.. 24.67..
Shloka 68
तस्य सूरसमस्तस्मात् प्रतिक्षत्रस्ततोऽभवत् । स्वयंभोजस्ततस्तस्माद् हृदिकः शत्रुतापनः ॥ २४.६८॥
tasya sūrasamastasmāt pratikṣatrastato'bhavat . svayaṃbhojastatastasmād hṛdikaḥ śatrutāpanaḥ .. 24.68..
Shloka 69
कृतवर्माऽथ तत्पुत्रो देवलस्तत्सुतः स्मृतः । स शूरस्तत्सुतो धीमान् वसुदेवोऽथ तत्सुतः ॥ २४.६९॥
kṛtavarmā'tha tatputro devalastatsutaḥ smṛtaḥ . sa śūrastatsuto dhīmān vasudevo'tha tatsutaḥ .. 24.69..
Shloka 70
वसुदेवावन्महाबाहुर्वासुदेवो जगद्गुरुः । बभूव देवकीपुत्रो देवैरभ्यर्थितो हरिः ॥ २४.७॥
vasudevāvanmahābāhurvāsudevo jagadguruḥ . babhūva devakīputro devairabhyarthito hariḥ .. 24.7..
Shloka 71
रोहिणी च महाभागा वसुदेवस्य शोभना । असूत पत्नी संकर्षं रामं ज्येष्ठं हलायुधम् ॥ २४.७१॥
rohiṇī ca mahābhāgā vasudevasya śobhanā . asūta patnī saṃkarṣaṃ rāmaṃ jyeṣṭhaṃ halāyudham .. 24.71..
Shloka 72
स एव परमात्माऽसौ वासुदेवो जगन्मयः । हलायुधः स्वयं साक्षाच्छेषः संकर्षणः प्रभुः ॥ २४.७२॥
sa eva paramātmā'sau vāsudevo jaganmayaḥ . halāyudhaḥ svayaṃ sākṣāccheṣaḥ saṃkarṣaṇaḥ prabhuḥ .. 24.72..
Shloka 73
भृगुशापच्छलेनैव मानयन् मानुषीं तनुम् । बभूत तस्यां देवक्यां रोहिण्यामपि माधवः ॥ २४.७३॥
bhṛguśāpacchalenaiva mānayan mānuṣīṃ tanum . babhūta tasyāṃ devakyāṃ rohiṇyāmapi mādhavaḥ .. 24.73..
Shloka 74
उमादेहसमुद्भूता योगनिद्रा च कौशीकी । नियोगाद् वासुदेवस्य यशोदातनया ह्यभूत् ॥ २४.७४॥
umādehasamudbhūtā yoganidrā ca kauśīkī . niyogād vāsudevasya yaśodātanayā hyabhūt .. 24.74..
Shloka 75
ये चान्ये वसुदेवस्य वासुदेवाग्रजाः सुताः । प्रागेव कंसस्तान् सर्वान् जघान मुनिपुंगवाः ॥ २४.७५॥
ye cānye vasudevasya vāsudevāgrajāḥ sutāḥ . prāgeva kaṃsastān sarvān jaghāna munipuṃgavāḥ .. 24.75..
Shloka 76
सुषेणश्च तथोदायी भद्रसेनो महाबलः । ऋजुदासो भद्रदासः कीर्तिमानपि पूर्वजः ॥ २४.७६॥
suṣeṇaśca tathodāyī bhadraseno mahābalaḥ . ṛjudāso bhadradāsaḥ kīrtimānapi pūrvajaḥ .. 24.76..
Shloka 77
हतेष्वेतेषु सर्वेषु रोहिणी वसुदेवतः । असूत रामं लोकेशं बलभद्रं हलायुधम् ॥ २४.७७॥
hateṣveteṣu sarveṣu rohiṇī vasudevataḥ . asūta rāmaṃ lokeśaṃ balabhadraṃ halāyudham .. 24.77..
Shloka 78
जातेऽथ रामे देवानामादिमात्मानमच्युतम् । असूत देवकी कृष्णं श्रीवत्साङ्कितवक्षसम् ॥ २४.७८॥
jāte'tha rāme devānāmādimātmānamacyutam . asūta devakī kṛṣṇaṃ śrīvatsāṅkitavakṣasam .. 24.78..
Shloka 79
रेवती नाम रामस्य भार्यासीत् सुगुणान्विता । तस्यामुत्पादयामास पुत्रौ द्वौ निशितोल्मुकौ ॥ २४.७९॥
revatī nāma rāmasya bhāryāsīt suguṇānvitā . tasyāmutpādayāmāsa putrau dvau niśitolmukau .. 24.79..
Shloka 80
षोडशस्त्रीसहस्त्राणि कृष्णस्याक्लिष्टकर्मणः । बभूवुरात्मजास्तासु शतशोऽथ सहस्त्रशः ॥ २४.८॥
ṣoḍaśastrīsahastrāṇi kṛṣṇasyākliṣṭakarmaṇaḥ . babhūvurātmajāstāsu śataśo'tha sahastraśaḥ .. 24.8..
Shloka 81
चारुदेष्णः सुचारुश्च चारुवेषो यशोधरः । चारुश्रवाश्चारुयशाः प्रद्युम्नः शंख एव च ॥ २४.८१॥
cārudeṣṇaḥ sucāruśca cāruveṣo yaśodharaḥ . cāruśravāścāruyaśāḥ pradyumnaḥ śaṃkha eva ca .. 24.81..
Shloka 82
रुक्मिण्यां वासुदेवस्य महाबलपराक्रमाः । विशिष्टाः सर्वपुत्राणां संबभूवुरिमे सुताः ॥ २४.८२॥
rukmiṇyāṃ vāsudevasya mahābalaparākramāḥ . viśiṣṭāḥ sarvaputrāṇāṃ saṃbabhūvurime sutāḥ .. 24.82..
Shloka 83
तान् दृष्ट्वा तनयान् वीरान् रौक्मिणेयाञ्जनार्दनात् । जाम्बवत्यब्रवीत् कृष्णं भार्या तस्य शुचिस्मिता ॥ २४.८३॥
tān dṛṣṭvā tanayān vīrān raukmiṇeyāñjanārdanāt . jāmbavatyabravīt kṛṣṇaṃ bhāryā tasya śucismitā .. 24.83..
Shloka 84
मम त्वं पुण्डरीकाक्ष विशिष्टं गुणवत्तमम् । सुरेशसदृशं पुत्रं देहि दानवसूदन ॥ २४.८४॥
mama tvaṃ puṇḍarīkākṣa viśiṣṭaṃ guṇavattamam . sureśasadṛśaṃ putraṃ dehi dānavasūdana .. 24.84..
Shloka 85
जाम्बवत्या वचः श्रुत्वा जगन्नाथः स्वयं हरिः । समारेभे तपः कर्त्तुं तपोनिधिररिंदमः ॥ २४.८५॥
jāmbavatyā vacaḥ śrutvā jagannāthaḥ svayaṃ hariḥ . samārebhe tapaḥ karttuṃ taponidhirariṃdamaḥ .. 24.85..
Shloka 86
तच्छृणुध्वं मुनिश्रेष्ठा यथाऽसौ देवकीसुतः । दृष्ट्वा लेभे सुतं रुद्रं तप्त्वा तीव्रं महत् तपः ॥ २४.८६॥
tacchṛṇudhvaṃ muniśreṣṭhā yathā'sau devakīsutaḥ . dṛṣṭvā lebhe sutaṃ rudraṃ taptvā tīvraṃ mahat tapaḥ .. 24.86..
Shloka 87
इति श्रीकूर्मपुराणे षट्साहस्त्र्यां संहितायां पूर्वविभागे चतुर्विंशोऽध्यायः॥ ॥
iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge caturviṃśo'dhyāyaḥ.. ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In