This overlay will guide you through the buttons:

| |
|
Shloka 1
श्रीमद्वाल्मीकियरामायणे बालकाण्डे चतुःषष्ठितमः सर्गः ॥१-६४॥

PADACHEDA

श्रीमत्-वाल्मीकिय-रामायणे बाल-काण्डे चतुःषष्ठितमः सर्गः ॥१॥

TRANSLITERATION

śrīmat-vālmīkiya-rāmāyaṇe bāla-kāṇḍe catuḥṣaṣṭhitamaḥ sargaḥ ..1..
Shloka 1
सुरकार्यमिदं रम्भे कर्तव्यं सुमहत् त्वया। लोभनं कौशिकस्येह काममोहसमन्वितम्॥ १॥

PADACHEDA

सुर-कार्यम् इदम् रम्भे कर्तव्यम् सु महत् त्वया। लोभनम् कौशिकस्य इह काम-मोह-समन्वितम्॥ १॥

TRANSLITERATION

sura-kāryam idam rambhe kartavyam su mahat tvayā. lobhanam kauśikasya iha kāma-moha-samanvitam.. 1..
Shloka 2
तथोक्ता साप्सरा राम सहस्राक्षेण धीमता। व्रीडिता प्राञ्जलिर्वाक्यं प्रत्युवाच सुरेश्वरम्॥ २॥

PADACHEDA

तथा उक्ता सा अप्सराः राम सहस्राक्षेण धीमता। व्रीडिता प्राञ्जलिः वाक्यम् प्रत्युवाच सुरेश्वरम्॥ २॥

TRANSLITERATION

tathā uktā sā apsarāḥ rāma sahasrākṣeṇa dhīmatā. vrīḍitā prāñjaliḥ vākyam pratyuvāca sureśvaram.. 2..
Shloka 3
अयं सुरपते घोरो विश्वामित्रो महामुनिः। क्रोधमुत्स्रक्ष्यते घोरं मयि देव न संशयः॥ ३॥

PADACHEDA

अयम् सुरपते घोरः विश्वामित्रः महा-मुनिः। क्रोधम् उत्स्रक्ष्यते घोरम् मयि देव न संशयः॥ ३॥

TRANSLITERATION

ayam surapate ghoraḥ viśvāmitraḥ mahā-muniḥ. krodham utsrakṣyate ghoram mayi deva na saṃśayaḥ.. 3..
Shloka 4
ततो हि मे भयं देव प्रसादं कर्तुुमर्हसि। एवमुक्तस्तया राम सभयं भीतया तदा॥ ४॥

PADACHEDA

ततस् हि मे भयम् देव प्रसादम् कर्तुउम् अर्हसि। एवम् उक्तः तया राम स भयम् भीतया तदा॥ ४॥

TRANSLITERATION

tatas hi me bhayam deva prasādam kartuum arhasi. evam uktaḥ tayā rāma sa bhayam bhītayā tadā.. 4..
Shloka 5
तामुवाच सहस्राक्षो वेपमानां कृताञ्जलिम्। मा भैषी रम्भे भद्रं ते कुरुष्व मम शासनम्॥ ५॥

PADACHEDA

ताम् उवाच सहस्राक्षः वेपमानाम् कृत-अञ्जलिम्। मा भैषीः रम्भे भद्रम् ते कुरुष्व मम शासनम्॥ ५॥

TRANSLITERATION

tām uvāca sahasrākṣaḥ vepamānām kṛta-añjalim. mā bhaiṣīḥ rambhe bhadram te kuruṣva mama śāsanam.. 5..
Shloka 6
कोकिलो हृदयग्राही माधवे रुचिरद्रुमे। अहं कन्दर्पसहितः स्थास्यामि तव पार्श्वतः॥ ६॥

PADACHEDA

कोकिलः हृदय-ग्राही माधवे रुचिर-द्रुमे। अहम् कन्दर्प-सहितः स्थास्यामि तव पार्श्वतस्॥ ६॥

TRANSLITERATION

kokilaḥ hṛdaya-grāhī mādhave rucira-drume. aham kandarpa-sahitaḥ sthāsyāmi tava pārśvatas.. 6..
Shloka 7
त्वं हि रूपं बहुगुणं कृत्वा परमभास्वरम्। तमृषिं कौशिकं भद्रे भेदयस्व तपस्विनम्॥ ७॥

PADACHEDA

त्वम् हि रूपम् बहु-गुणम् कृत्वा परम-भास्वरम्। तम् ऋषिम् कौशिकम् भद्रे भेदयस्व तपस्विनम्॥ ७॥

TRANSLITERATION

tvam hi rūpam bahu-guṇam kṛtvā parama-bhāsvaram. tam ṛṣim kauśikam bhadre bhedayasva tapasvinam.. 7..
Shloka 8
सा श्रुत्वा वचनं तस्य कृत्वा रूपमनुत्तमम्। लोभयामास ललिता विश्वामित्रं शुचिस्मिता॥ ८॥

PADACHEDA

सा श्रुत्वा वचनम् तस्य कृत्वा रूपम् अनुत्तमम्। लोभयामास ललिता विश्वामित्रम् शुचि-स्मिता॥ ८॥

TRANSLITERATION

sā śrutvā vacanam tasya kṛtvā rūpam anuttamam. lobhayāmāsa lalitā viśvāmitram śuci-smitā.. 8..
Shloka 9
कोकिलस्य तु शुश्राव वल्गु व्याहरतः स्वनम्। सम्प्रहृष्टेन मनसा स चैनामन्ववैक्षत॥ ९॥

PADACHEDA

कोकिलस्य तु शुश्राव वल्गु व्याहरतः स्वनम्। सम्प्रहृष्टेन मनसा स च एनाम् अन्ववैक्षत॥ ९॥

TRANSLITERATION

kokilasya tu śuśrāva valgu vyāharataḥ svanam. samprahṛṣṭena manasā sa ca enām anvavaikṣata.. 9..
Shloka 10
अथ तस्य च शब्देन गीतेनाप्रतिमेन च। दर्शनेन च रम्भाया मुनिः संदेहमागतः॥ १०॥

PADACHEDA

अथ तस्य च शब्देन गीतेन अप्रतिमेन च। दर्शनेन च रम्भायाः मुनिः संदेहम् आगतः॥ १०॥

TRANSLITERATION

atha tasya ca śabdena gītena apratimena ca. darśanena ca rambhāyāḥ muniḥ saṃdeham āgataḥ.. 10..
Shloka 11
सहस्राक्षस्य तत्सर्वं विज्ञाय मुनिपुंगवः। रम्भां क्रोधसमाविष्टः शशाप कुशिकात्मजः॥ ११॥

PADACHEDA

सहस्राक्षस्य तत् सर्वम् विज्ञाय मुनि-पुंगवः। रम्भाम् क्रोध-समाविष्टः शशाप कुशिक-आत्मजः॥ ११॥

TRANSLITERATION

sahasrākṣasya tat sarvam vijñāya muni-puṃgavaḥ. rambhām krodha-samāviṣṭaḥ śaśāpa kuśika-ātmajaḥ.. 11..
Shloka 12
यन्मां लोभयसे रम्भे कामक्रोधजयैषिणम्। दशवर्षसहस्राणि शैली स्थास्यसि दुर्भगे॥ १२॥

PADACHEDA

यत् माम् लोभयसे रम्भे काम-क्रोध-जय-एषिणम्। दश-वर्ष-सहस्राणि शैली स्थास्यसि दुर्भगे॥ १२॥

TRANSLITERATION

yat mām lobhayase rambhe kāma-krodha-jaya-eṣiṇam. daśa-varṣa-sahasrāṇi śailī sthāsyasi durbhage.. 12..
Shloka 13
ब्राह्मणः सुमहातेजास्तपोबलसमन्वितः। उद्धरिष्यति रम्भे त्वां मत्क्रोधकलुषीकृताम्॥ १३॥

PADACHEDA

ब्राह्मणः सु महा-तेजाः तपः-बल-समन्वितः। उद्धरिष्यति रम्भे त्वाम् मद्-क्रोध-कलुषीकृताम्॥ १३॥

TRANSLITERATION

brāhmaṇaḥ su mahā-tejāḥ tapaḥ-bala-samanvitaḥ. uddhariṣyati rambhe tvām mad-krodha-kaluṣīkṛtām.. 13..
Shloka 14
एवमुक्त्वा महातेजा विश्वामित्रो महामुनिः। अशक्नुवन् धारयितुं कोपं संतापमात्मनः॥ १४॥

PADACHEDA

एवम् उक्त्वा महा-तेजाः विश्वामित्रः महा-मुनिः। अशक्नुवन् धारयितुम् कोपम् संतापम् आत्मनः॥ १४॥

TRANSLITERATION

evam uktvā mahā-tejāḥ viśvāmitraḥ mahā-muniḥ. aśaknuvan dhārayitum kopam saṃtāpam ātmanaḥ.. 14..
Shloka 15
तस्य शापेन महता रम्भा शैली तदाभवत्। वचः श्रुत्वा च कन्दर्पो महर्षेः स च निर्गतः॥ १५॥

PADACHEDA

तस्य शापेन महता रम्भा शैली तदा भवत्। वचः श्रुत्वा च कन्दर्पः महा-ऋषेः स च निर्गतः॥ १५॥

TRANSLITERATION

tasya śāpena mahatā rambhā śailī tadā bhavat. vacaḥ śrutvā ca kandarpaḥ mahā-ṛṣeḥ sa ca nirgataḥ.. 15..
Shloka 16
कोपेन च महातेजास्तपोऽपहरणे कृते। इन्द्रियैरजितै राम न लेभे शान्तिमात्मनः॥ १६॥

PADACHEDA

कोपेन च महा-तेजाः तपः-अपहरणे कृते। इन्द्रियैः अजितैः राम न लेभे शान्तिम् आत्मनः॥ १६॥

TRANSLITERATION

kopena ca mahā-tejāḥ tapaḥ-apaharaṇe kṛte. indriyaiḥ ajitaiḥ rāma na lebhe śāntim ātmanaḥ.. 16..
Shloka 17
बभूवास्य मनश्चिन्ता तपोऽपहरणे कृते। नैवं क्रोधं गमिष्यामि न च वक्ष्ये कथंचन॥ १७॥

PADACHEDA

बभूव अस्य मनः-चिन्ता तपः-अपहरणे कृते। न एवम् क्रोधम् गमिष्यामि न च वक्ष्ये कथंचन॥ १७॥

TRANSLITERATION

babhūva asya manaḥ-cintā tapaḥ-apaharaṇe kṛte. na evam krodham gamiṣyāmi na ca vakṣye kathaṃcana.. 17..
Shloka 18
अथवा नोच्छ्वसिष्यामि संवत्सरशतान्यपि। अहं हि शोषयिष्यामि आत्मानं विजितेन्द्रियः॥ १८॥

PADACHEDA

अथवा ना उच्छ्वसिष्यामि संवत्सर-शतानि अपि। अहम् हि शोषयिष्यामि आत्मानम् विजित-इन्द्रियः॥ १८॥

TRANSLITERATION

athavā nā ucchvasiṣyāmi saṃvatsara-śatāni api. aham hi śoṣayiṣyāmi ātmānam vijita-indriyaḥ.. 18..
Shloka 19
तावद् यावद्धि मे प्राप्तं ब्राह्मण्यं तपसार्जितम्। अनुच्छ्वसन्नभुञ्जानस्तिष्ठेयं शाश्वतीः समाः॥ १९॥

PADACHEDA

तावत् यावत् हि मे प्राप्तम् ब्राह्मण्यम् तपसा अर्जितम्। अन् उच्छ्वसन् अ भुञ्जानः तिष्ठेयम् शाश्वतीः समाः॥ १९॥

TRANSLITERATION

tāvat yāvat hi me prāptam brāhmaṇyam tapasā arjitam. an ucchvasan a bhuñjānaḥ tiṣṭheyam śāśvatīḥ samāḥ.. 19..
Shloka 20
नहि मे तप्यमानस्य क्षयं यास्यन्ति मूर्तयः। एवं वर्षसहस्रस्य दीक्षां स मुनिपुंगवः। चकाराप्रतिमां लोके प्रतिज्ञां रघुनन्दन॥ २०॥

PADACHEDA

नहि मे तप्यमानस्य क्षयम् यास्यन्ति मूर्तयः। एवम् वर्ष-सहस्रस्य दीक्षाम् स मुनि-पुंगवः। चकार अप्रतिमाम् लोके प्रतिज्ञाम् रघुनन्दन॥ २०॥

TRANSLITERATION

nahi me tapyamānasya kṣayam yāsyanti mūrtayaḥ. evam varṣa-sahasrasya dīkṣām sa muni-puṃgavaḥ. cakāra apratimām loke pratijñām raghunandana.. 20..
Shloka 21
इत्यार्षे श्रीमद्रामायणे वाल्मीकीये आदिकाव्ये बालकाण्डे चतुःषष्ठितमः सर्गः ॥१-६४॥

PADACHEDA

इति आर्षे श्रीमत्-रामायणे वाल्मीकीये आदिकाव्ये बालकाण्डे चतुःषष्ठितमः सर्गः ॥१॥

TRANSLITERATION

iti ārṣe śrīmat-rāmāyaṇe vālmīkīye ādikāvye bālakāṇḍe catuḥṣaṣṭhitamaḥ sargaḥ ..1..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In