This overlay will guide you through the buttons:

| |
|
Shloka 1
श्रीमद्वाल्मीकियरामायणे बालकाण्डे षट्षष्ठितमः सर्गः ॥१-६६॥

PADACHEDA

श्रीमत्-वाल्मीकिय-रामायणे बालकाण्डे षट्षष्ठितमः सर्गः ॥१॥

TRANSLITERATION

śrīmat-vālmīkiya-rāmāyaṇe bālakāṇḍe ṣaṭṣaṣṭhitamaḥ sargaḥ ..1..
Shloka 1
ततः प्रभाते विमले कृतकर्मा नराधिपः। विश्वामित्रं महात्मानमाजुहाव सराघवम्॥ १॥

PADACHEDA

ततस् प्रभाते विमले कृत-कर्मा नराधिपः। विश्वामित्रम् महात्मानम् आजुहाव स राघवम्॥ १॥

TRANSLITERATION

tatas prabhāte vimale kṛta-karmā narādhipaḥ. viśvāmitram mahātmānam ājuhāva sa rāghavam.. 1..
Shloka 2
तमर्चयित्वा धर्मात्मा शास्त्रदृष्टेन कर्मणा। राघवौ च महात्मानौ तदा वाक्यमुवाच ह॥ २॥

PADACHEDA

तम् अर्चयित्वा धर्म-आत्मा शास्त्र-दृष्टेन कर्मणा। राघवौ च महात्मानौ तदा वाक्यम् उवाच ह॥ २॥

TRANSLITERATION

tam arcayitvā dharma-ātmā śāstra-dṛṣṭena karmaṇā. rāghavau ca mahātmānau tadā vākyam uvāca ha.. 2..
Shloka 3
भगवन् स्वागतं तेऽस्तु किं करोमि तवानघ। भवानाज्ञापयतु मामाज्ञाप्यो भवता ह्यहम्॥ ३॥

PADACHEDA

भगवन् स्वागतम् ते अस्तु किम् करोमि तव अनघ। भवान् आज्ञापयतु माम् आज्ञाप्यः भवता हि अहम्॥ ३॥

TRANSLITERATION

bhagavan svāgatam te astu kim karomi tava anagha. bhavān ājñāpayatu mām ājñāpyaḥ bhavatā hi aham.. 3..
Shloka 4
एवमुक्तः स धर्मात्मा जनकेन महात्मना। प्रत्युवाच मुनिश्रेष्ठो वाक्यं वाक्यविशारदः॥ ४॥

PADACHEDA

एवम् उक्तः स धर्म-आत्मा जनकेन महात्मना। प्रत्युवाच मुनि-श्रेष्ठः वाक्यम् वाक्य-विशारदः॥ ४॥

TRANSLITERATION

evam uktaḥ sa dharma-ātmā janakena mahātmanā. pratyuvāca muni-śreṣṭhaḥ vākyam vākya-viśāradaḥ.. 4..
Shloka 5
पुत्रौ दशरथस्येमौ क्षत्रियौ लोकविश्रुतौ। द्रष्टुकामौ धनुःश्रेष्ठं यदेतत्त्वयि तिष्ठति॥ ५॥

PADACHEDA

पुत्रौ दशरथस्य इमौ क्षत्रियौ लोक-विश्रुतौ। द्रष्टु-कामौ धनुः-श्रेष्ठम् यत् एतत् त्वयि तिष्ठति॥ ५॥

TRANSLITERATION

putrau daśarathasya imau kṣatriyau loka-viśrutau. draṣṭu-kāmau dhanuḥ-śreṣṭham yat etat tvayi tiṣṭhati.. 5..
Shloka 6
एतद् दर्शय भद्रं ते कृतकामौ नृपात्मजौ। दर्शनादस्य धनुषो यथेष्टं प्रतियास्यतः॥ ६॥

PADACHEDA

एतत् दर्शय भद्रम् ते कृत-कामौ नृप-आत्मजौ। दर्शनात् अस्य धनुषः यथेष्टम् प्रतियास्यतः॥ ६॥

TRANSLITERATION

etat darśaya bhadram te kṛta-kāmau nṛpa-ātmajau. darśanāt asya dhanuṣaḥ yatheṣṭam pratiyāsyataḥ.. 6..
Shloka 7
एवमुक्तस्तु जनकः प्रत्युवाच महामुनिम्। श्रूयतामस्य धनुषो यदर्थमिह तिष्ठति॥ ७॥

PADACHEDA

एवम् उक्तः तु जनकः प्रत्युवाच महा-मुनिम्। श्रूयताम् अस्य धनुषः यत् अर्थम् इह तिष्ठति॥ ७॥

TRANSLITERATION

evam uktaḥ tu janakaḥ pratyuvāca mahā-munim. śrūyatām asya dhanuṣaḥ yat artham iha tiṣṭhati.. 7..
Shloka 8
देवरात इति ख्यातो निमेर्ज्येष्ठो महीपतिः। न्यासोऽयं तस्य भगवन् हस्ते दत्तो महात्मनः॥ ८॥

PADACHEDA

देवरातः इति ख्यातः निमेः ज्येष्ठः महीपतिः। न्यासः अयम् तस्य भगवन् हस्ते दत्तः महात्मनः॥ ८॥

TRANSLITERATION

devarātaḥ iti khyātaḥ nimeḥ jyeṣṭhaḥ mahīpatiḥ. nyāsaḥ ayam tasya bhagavan haste dattaḥ mahātmanaḥ.. 8..
Shloka 9
दक्षयज्ञवधे पूर्वं धनुरायम्य वीर्यवान्। विध्वंस्य त्रिदशान् रोषात् सलीलमिदमब्रवीत्॥ ९॥

PADACHEDA

दक्ष-यज्ञ-वधे पूर्वम् धनुः आयम्य वीर्यवान्। विध्वंस्य त्रिदशान् रोषात् स लीलम् इदम् अब्रवीत्॥ ९॥

TRANSLITERATION

dakṣa-yajña-vadhe pūrvam dhanuḥ āyamya vīryavān. vidhvaṃsya tridaśān roṣāt sa līlam idam abravīt.. 9..
Shloka 10
यस्माद् भागार्थिनो भागं नाकल्पयत मे सुराः। वरांगानि महार्हाणि धनुषा शातयामि वः॥ १०॥

PADACHEDA

यस्मात् भाग-अर्थिनः भागम् न अकल्पयत मे सुराः। वरांगानि महार्हाणि धनुषा शातयामि वः॥ १०॥

TRANSLITERATION

yasmāt bhāga-arthinaḥ bhāgam na akalpayata me surāḥ. varāṃgāni mahārhāṇi dhanuṣā śātayāmi vaḥ.. 10..
Shloka 11
ततो विमनसः सर्वे देवा वै मुनिपुंगव। प्रसादयन्त देवेशं तेषां प्रीतोऽभवद् भवः॥ ११॥

PADACHEDA

ततस् विमनसः सर्वे देवाः वै मुनि-पुंगव। प्रसादयन्त देवेशम् तेषाम् प्रीतः अभवत् भवः॥ ११॥

TRANSLITERATION

tatas vimanasaḥ sarve devāḥ vai muni-puṃgava. prasādayanta deveśam teṣām prītaḥ abhavat bhavaḥ.. 11..
Shloka 12
प्रीतियुक्तस्तु सर्वेषां ददौ तेषां महात्मनाम्। तदेतद् देवदेवस्य धनूरत्नं महात्मनः॥ १२॥

PADACHEDA

प्रीति-युक्तः तु सर्वेषाम् ददौ तेषाम् महात्मनाम्। तत् एतत् देवदेवस्य धनुः-रत्नम् महात्मनः॥ १२॥

TRANSLITERATION

prīti-yuktaḥ tu sarveṣām dadau teṣām mahātmanām. tat etat devadevasya dhanuḥ-ratnam mahātmanaḥ.. 12..
Shloka 13
न्यासभूतं तदा न्यस्तमस्माकं पूर्वजे विभौ। अथ मे कृषतः क्षेत्रं लांगलादुत्थिता ततः॥ १३॥

PADACHEDA

न्यास-भूतम् तदा न्यस्तम् अस्माकम् पूर्वजे विभौ। अथ मे कृषतः क्षेत्रम् लांगलात् उत्थिता ततस्॥ १३॥

TRANSLITERATION

nyāsa-bhūtam tadā nyastam asmākam pūrvaje vibhau. atha me kṛṣataḥ kṣetram lāṃgalāt utthitā tatas.. 13..
Shloka 14
क्षेत्रं शोधयता लब्धा नाम्ना सीतेति विश्रुता। भूतलादुत्थिता सा तु व्यवर्धत ममात्मजा॥ १४॥

PADACHEDA

क्षेत्रम् शोधयता लब्धा नाम्ना सीता इति विश्रुता। भू-तलात् उत्थिता सा तु व्यवर्धत मम आत्मजा॥ १४॥

TRANSLITERATION

kṣetram śodhayatā labdhā nāmnā sītā iti viśrutā. bhū-talāt utthitā sā tu vyavardhata mama ātmajā.. 14..
Shloka 15
वीर्यशुल्केति मे कन्या स्थापितेयमयोनिजा। भूतलादुत्थितां तां तु वर्धमानां ममात्मजाम्॥ १५॥

PADACHEDA

वीर्य-शुल्का इति मे कन्या स्थापिता इयम् अयोनिजा। भू-तलात् उत्थिताम् ताम् तु वर्धमानाम् मम आत्मजाम्॥ १५॥

TRANSLITERATION

vīrya-śulkā iti me kanyā sthāpitā iyam ayonijā. bhū-talāt utthitām tām tu vardhamānām mama ātmajām.. 15..
Shloka 16
वरयामासुरागत्य राजानो मुनिपुंगव। तेषां वरयतां कन्यां सर्वेषां पृथिवीक्षिताम्॥ १६॥

PADACHEDA

वरयामासुः आगत्य राजानः मुनि-पुंगव। तेषाम् वरयताम् कन्याम् सर्वेषाम् पृथिवीक्षिताम्॥ १६॥

TRANSLITERATION

varayāmāsuḥ āgatya rājānaḥ muni-puṃgava. teṣām varayatām kanyām sarveṣām pṛthivīkṣitām.. 16..
Shloka 17
वीर्यशुल्केति भगवन् न ददामि सुतामहम्। ततः सर्वे नृपतयः समेत्य मुनिपुंगव॥ १७॥

PADACHEDA

वीर्य-शुल्का इति भगवत् न ददामि सुताम् अहम्। ततस् सर्वे नृपतयः समेत्य मुनि-पुंगव॥ १७॥

TRANSLITERATION

vīrya-śulkā iti bhagavat na dadāmi sutām aham. tatas sarve nṛpatayaḥ sametya muni-puṃgava.. 17..
Shloka 18
मिथिलामप्युपागम्य वीर्यं जिज्ञासवस्तदा। तेषां जिज्ञासमानानां शैवं धनुरुपाहृतम्॥ १८॥

PADACHEDA

मिथिलाम् अपि उपागम्य वीर्यम् जिज्ञासवः तदा। तेषाम् जिज्ञासमानानाम् शैवम् धनुः उपाहृतम्॥ १८॥

TRANSLITERATION

mithilām api upāgamya vīryam jijñāsavaḥ tadā. teṣām jijñāsamānānām śaivam dhanuḥ upāhṛtam.. 18..
Shloka 19
न शेकुर्ग्रहणे तस्य धनुषस्तोलनेऽपि वा। तेषां वीर्यवतां वीर्यमल्पं ज्ञात्वा महामुने॥ १९॥

PADACHEDA

न शेकुः ग्रहणे तस्य धनुषः तोलने अपि वा। तेषाम् वीर्यवताम् वीर्यम् अल्पम् ज्ञात्वा महा-मुने॥ १९॥

TRANSLITERATION

na śekuḥ grahaṇe tasya dhanuṣaḥ tolane api vā. teṣām vīryavatām vīryam alpam jñātvā mahā-mune.. 19..
Shloka 20
प्रत्याख्याता नृपतयस्तन्निबोध तपोधन। ततः परमकोपेन राजानो मुनिपुंगव॥ २०॥

PADACHEDA

प्रत्याख्याताः नृपतयः तत् निबोध तपोधन। ततस् परम-कोपेन राजानः मुनि-पुंगव॥ २०॥

TRANSLITERATION

pratyākhyātāḥ nṛpatayaḥ tat nibodha tapodhana. tatas parama-kopena rājānaḥ muni-puṃgava.. 20..
Shloka 21
अरुन्धन् मिथिलां सर्वे वीर्यसंदेहमागताः। आत्मानमवधूतं मे विज्ञाय नृपपुंगवाः॥ २१॥

PADACHEDA

अरुन्धन् मिथिलाम् सर्वे वीर्य-संदेहम् आगताः। आत्मानम् अवधूतम् मे विज्ञाय नृप-पुंगवाः॥ २१॥

TRANSLITERATION

arundhan mithilām sarve vīrya-saṃdeham āgatāḥ. ātmānam avadhūtam me vijñāya nṛpa-puṃgavāḥ.. 21..
Shloka 22
रोषेण महताविष्टाः पीडयन् मिथिलां पुरीम्। ततः संवत्सरे पूर्णे क्षयं यातानि सर्वशः॥ २२॥

PADACHEDA

रोषेण महता आविष्टाः पीडयन् मिथिलाम् पुरीम्। ततस् संवत्सरे पूर्णे क्षयम् यातानि सर्वशस्॥ २२॥

TRANSLITERATION

roṣeṇa mahatā āviṣṭāḥ pīḍayan mithilām purīm. tatas saṃvatsare pūrṇe kṣayam yātāni sarvaśas.. 22..
Shloka 23
साधनानि मुनिश्रेष्ठ ततोऽहं भृशदुःखितः। ततो देवगणान् सर्वांस्तपसाहं प्रसादयम्॥ २३॥

PADACHEDA

साधनानि मुनि-श्रेष्ठ ततस् अहम् भृश-दुःखितः। ततस् देव-गणान् सर्वान् तपसा अहम् प्रसादयम्॥ २३॥

TRANSLITERATION

sādhanāni muni-śreṣṭha tatas aham bhṛśa-duḥkhitaḥ. tatas deva-gaṇān sarvān tapasā aham prasādayam.. 23..
Shloka 24
ददुश्च परमप्रीताश्चतुरंगबलं सुराः। ततो भग्ना नृपतयो हन्यमाना दिशो ययुः॥ २४॥

PADACHEDA

ददुः च परम-प्रीताः चतुरंग-बलम् सुराः। ततस् भग्नाः नृपतयः हन्यमानाः दिशः ययुः॥ २४॥

TRANSLITERATION

daduḥ ca parama-prītāḥ caturaṃga-balam surāḥ. tatas bhagnāḥ nṛpatayaḥ hanyamānāḥ diśaḥ yayuḥ.. 24..
Shloka 25
अवीर्या वीर्यसंदिग्धाः सामात्याः पापकारिणः। तदेतन्मुनिशार्दूल धनुः परमभास्वरम्॥ २५॥

PADACHEDA

अवीर्याः वीर्य-संदिग्धाः स अमात्याः पाप-कारिणः। तत् एतत् मुनि-शार्दूल धनुः परम-भास्वरम्॥ २५॥

TRANSLITERATION

avīryāḥ vīrya-saṃdigdhāḥ sa amātyāḥ pāpa-kāriṇaḥ. tat etat muni-śārdūla dhanuḥ parama-bhāsvaram.. 25..
Shloka 26
रामलक्ष्मणयोश्चापि दर्शयिष्यामि सुव्रत। यद्यस्य धनुषो रामः कुर्यादारोपणं मुने। सुतामयोनिजां सीतां दद्यां दाशरथेरहम्॥ २६॥

PADACHEDA

राम-लक्ष्मणयोः च अपि दर्शयिष्यामि सुव्रत। यदि अस्य धनुषः रामः कुर्यात् आरोपणम् मुने। सुताम् अयोनिजाम् सीताम् दद्याम् दाशरथेः अहम्॥ २६॥

TRANSLITERATION

rāma-lakṣmaṇayoḥ ca api darśayiṣyāmi suvrata. yadi asya dhanuṣaḥ rāmaḥ kuryāt āropaṇam mune. sutām ayonijām sītām dadyām dāśaratheḥ aham.. 26..
Shloka 27
इत्यार्षे श्रीमद्रामायणे वाल्मीकीये आदिकाव्ये बालकाण्डे षट्षष्ठितमः सर्गः ॥१-६६॥

PADACHEDA

इति आर्षे श्रीमत्-रामायणे वाल्मीकीये आदिकाव्ये बालकाण्डे षट्षष्ठितमः सर्गः ॥१॥

TRANSLITERATION

iti ārṣe śrīmat-rāmāyaṇe vālmīkīye ādikāvye bālakāṇḍe ṣaṭṣaṣṭhitamaḥ sargaḥ ..1..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In