ततः कुमुदषण्डाभो निर्मलं निर्मलः स्वयम् । प्रजगाम नभश्चन्द्रो हंसो नीलमिवोदकम् ।। १।।
tatah kumudasandabho nirmalam nirmalah svayam । prajagama nabhascandro hamso nilamivodakam ।। 1।।
साचिव्यमिव कुर्वन्स प्रभया निर्मलप्रभः । चन्द्रमा रश्मिभिः शीतैः सिषेवे पवनात्मजम् ।। २।।
sacivyamiva kurvansa prabhaya nirmalaprabhah । candrama rasmibhih sitaih siseve pavanatmajam ।। 2।।
स ददर्श ततः सीतां पूर्णचन्द्रनिभाननाम् । शोकभारैरिव न्यस्तां भारैर्नावमिवाम्भसि ।। ३।।
sa dadarsa tatah sitam purnacandranibhananam । sokabharairiva nyastam bharairnavamivambhasi ।। 3।।
दिदृक्षमाणो वैदेहीं हनूमान्मारुतात्मजः । स ददर्शाविदूरस्था राक्षसीर्घोरदर्शनाः ।। ४।।
didrksamano vaidehim hanumanmarutatmajah । sa dadarsavidurastha raksasirghoradarsanah ।। 4।।
एकाक्षीमेककर्णां च कर्णप्रावरणां तथा । अकर्णां शङ्कुकर्णां च मस्तकोच्छ्वासनासिकाम् ।। ५।।
ekaksimekakarnam ca karnapravaranam tatha । akarnam sankukarnam ca mastakocchvasanasikam ।। 5।।
अतिकायोत्तमाङ्गीं च तनुदीर्घशिरोधराम् । ध्वस्तकेशीं तथाकेशीं केशकम्बलधारिणीम् ।। ६।।
atikayottamangim ca tanudirghasirodharam । dhvastakesim tathakesim kesakambaladharinim ।। 6।।
लम्बकर्णललाटां च लम्बोदरपयोधराम् । लम्बौष्ठीं चिबुकौष्ठीं च लम्बास्यां लम्बजानुकाम् ।। ७।।
lambakarnalalatam ca lambodarapayodharam । lambausthim cibukausthim ca lambasyam lambajanukam ।। 7।।
ह्रस्वां दीर्घां च कुब्जां च विकटां वामनां तथा । करालां भुग्नवस्त्रां च पिङ्गाक्षीं विकृताननाम् ।। ८।।
hrasvam dirgham ca kubjam ca vikatam vamanam tatha । karalam bhugnavastram ca pingaksim vikrtananam ।। 8।।
विकृताः पिङ्गलाः कालीः क्रोधनाः कलहप्रियाः । कालायसमहाशूलकूटमुद्गरधारिणीः ।। ९।।
vikrtah pingalah kalih krodhanah kalahapriyah । kalayasamahasulakuta mudgaradharinih ।। 9।।
वराहमृगशार्दूलमहिषाजशिवा मुखाः । गजोष्ट्रहयपादाश्च निखातशिरसोऽपराः ।। १०।।
varahamrgasardulamahisajasiva mukhah । gajostrahayapadasca nikhatasiraso- aparah ।। 10।।
एकहस्तैकपादाश्च खरकर्ण्यश्वकर्णिकाः । गोकर्णीर्हस्तिकर्णीश्च हरिकर्णीस्तथापराः ।। ११।।
ekahastaikapadasca kharakarnyasvakarnikah । gokarnirhastikarnisca harikarnistathaparah ।। 11।।
अतिनासाश्च काश्चिच्च तिर्यन्नासा विनासिकाः । गजसंनिभनासाश्च ललाटोच्छ्वासनासिकाः ।। १२।।
atinasasca kanschiccha tiryannasa vinasikah । gajasamnibhanasasca lalatocchvasanasikah ।। 12।।
हस्तिपादा महापादा गोपादाः पादचूलिकाः । अतिमात्रशिरोग्रीवा अतिमात्रकुचोदरीः ।। १३।।
hastipada mahapada gopadah padaculikah । atimatrasirogriva atimatrakucodarih ।। 13।।
अतिमात्रास्य नेत्राश्च दीर्घजिह्वानखास्तथा । अजामुखीर्हस्तिमुखीर्गोमुखीः सूकरीमुखीः ।। १४।।
atimatrasya netrasca dirghajihvanakhastatha । ajamukhirhastimukhirgomukhih sukarimukhih ।। 14।।
हयोष्ट्रखरवक्त्राश्च राक्षसीर्घोरदर्शनाः । शूलमुद्गरहस्ताश्च क्रोधनाः कलहप्रियाः ।। १५।।
hayostrakharavaktrasca raksasirghoradarsanah । sulamudgarahastasca krodhanah kalahapriyah ।। 15।।
कराला धूम्रकेशीश्च रक्षसीर्विकृताननाः । पिबन्तीः सततं पानं सदा मांससुराप्रियाः ।। १६।।
karala dhumrakesisca raksasirvikrtananah । pibantih satatam panam sada mamsasurapriyah ।। 16।।
मांसशोणितदिग्धाङ्गीर्मांसशोणितभोजनाः । ता ददर्श कपिश्रेष्ठो रोमहर्षणदर्शनाः ।। १७।।
mamsasonitadigdhangir mamsasonitabhojanah । ta dadarsa kapisrestho romaharsanadarsanah ।। 17।।
स्कन्धवन्तमुपासीनाः परिवार्य वनस्पतिम् । तस्याधस्ताच्च तां देवीं राजपुत्रीमनिन्दिताम् ।। १८।।
skandhavantamupasinah parivarya vanaspatim । tasyadhastacca tam devim rajaputrimaninditam ।। 18।।
लक्षयामास लक्ष्मीवान्हनूमाञ्जनकात्मजाम् । निष्प्रभां शोकसन्तप्तां मलसङ्कुलमूर्धजाम् ।। १९।।
laksayamasa laksmivanhanumanjanakatmajam । nisprabham sokasantaptam malasankulamurdhajam ।। 19।।
क्षीणपुण्यां च्युतां भूमौ तारां निपतिताम् इव । चारित्र्य व्यपदेशाढ्यां भर्तृदर्शनदुर्गताम् ।। २०।।
ksinapunyam cyutam bhumau taram nipatitam iva । caritrya vyapadesadhyam bhartrdarsanadurgatam ।। 20।।
भूषणैरुत्तमैर्हीनां भर्तृवात्सल्यभूषिताम् । राक्षसाधिपसंरुद्धां बन्धुभिश्च विनाकृताम् ।। २१।।
bhusanairuttamairhinam bhartrvatsalyabhusitam । raksasadhipasamruddham bandhubhisca vinakrtam ।। 21।।
वियूथां सिंहसंरुद्धां बद्धां गजवधूम् इव । चन्द्रलेखां पयोदान्ते शारदाभ्रैरिवावृताम् ।। २२।।
viyutham simhasamruddham baddham gajavadhum iva । candralekham payodante saradabhrairivavrtam ।। 22।।
क्लिष्टरूपामसंस्पर्शादयुक्तामिव वल्लकीम् । सीतां भर्तृहिते युक्तामयुक्तां रक्षसां वशे ।। २३।।
klistarupama - samsparsadayuktamiva vallakim । sitam bhartrhite yuktamayuktam raksasam vase ।। 23।।
अशोकवनिकामध्ये शोकसागरमाप्लुताम् । ताभिः परिवृतां तत्र सग्रहामिव रोहिणीम् ।। २४।।
asokavanikamadhye sokasagaramaplutam । tabhih parivrtam tatra sagrahamiva rohinim ।। 24।।
ददर्श हनुमान्देवीं लतामकुसुमाम् इव । सा मलेन च दिग्धाङ्गी वपुषा चाप्यलङ्कृता ।मृणाली पङ्कदिघ्देव विभाति च न भाति च ।।२५।।
dadarsa hanumandevim latamakusumam iva | sa malena ca digdhaṅgi vapusa capyalaṅkrta |mrnali paṅkadighdeva vibhati ca na bhati ca ||25||
मलिनेन तु वस्त्रेण परिक्लिष्टेन भामिनीम् । संवृतां मृगशावाक्षीं ददर्श हनुमान्कपिः ।।२६।।
malinena tu vastrena pariklistena bhaminim |samvrtam mrgasavaksim dadarsa hanumankapih ||26||
तां देवीं दीनवदनामदीनां भर्तृतेजसा । रक्षितां स्वेन शीलेन सीतामसितलोचनाम् ।।२७।।
tam devim dinavadanamadinam bhartrtejasa |raksitam svena silena sitamasitalocanam ||27||
तां दृष्ट्वा हनुमान्सीतां मृगशावनिभेक्षणाम् । मृगकन्यामिव त्रस्तां वीक्षमाणां समन्ततः ।।२८।।
tam drstva hanumansitam mrgasavanibheksanam | mrgakanyamiva trastam viksamanam samantatah ||28||
दहन्तीमिव निःश्वासैर्वृक्षान्पल्लवधारिणः । सङ्घातमिव शोकानां दुःखस्योर्मिमिवोत्थिताम् ।।२९।।
dahantimiva nihsvasairvrksanpallavadharinah | saṅghatamiva sokanam duhkhasyormimivotthitam ||29||
तां क्षामां सुविभक्ताङ्गीं विनाभरणशोभिनीम् । प्रहर्षमतुलं लेभे मारुतिः प्रेक्ष्य मैथिलीम् ।।३०।।
tam ksamam suvibhaktaṅgim vinabharanasobhinim | praharsamatulam lebhe marutih preksya maithilim ||30||
हर्षजानि च सोऽश्रूणि तां दृष्ट्वा मदिरेक्षणाम् । मुमोच हनुमांस्तत्र नमश्चक्रे च राघवम् ।।३१।।
harsajani ca so'sruni tam drstva madireksanam | mumoca hanumamstatra namascakre ca raghavam ||31||
नमस्कृत्वा च रामाय लक्ष्मणाय च वीर्यवान् ।
सीतादर्शनसंहृष्टो हनूमान्संवृतोऽभवत् ।।३२।।
namaskrtva ca ramaya laksmanaya ca viryavan | sitadarsanasamhrsto hanumansamvrto'bhavat ||32||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
