तस्मिन्नेव ततः काले राजपुत्री त्वनिन्दिता । रूपयौवनसम्पन्नं भूषणोत्तमभूषितम् ।। १।।
tasminneva tatah kale rajaputri tvanindita । rupayauvanasampannam bhusanottamabhusitam ।। 1।।
ततो दृष्ट्वैव वैदेही रावणं राक्षसाधिपम् । प्रावेपत वरारोहा प्रवाते कदली यथा ।। २।।
tato drstvaiva vaidehi ravanam raksasadhipam । pravepata vararoha pravate kadali yatha ।। 2।।
ऊरुभ्यामुदरं छाद्य बाहुभ्यां च पयोधरौ । उपविष्टा विशालाक्षी रुदन्ती वरवर्णिनी ।। ३।।
urubhyamudaram chadya bahubhyam ca payodharau । upavista visalaksi rudanti varavarnini ।। 3।।
दशग्रीवस्तु वैदेहीं रक्षितां राक्षसीगणैः । ददर्श दीनां दुःखार्तं नावं सन्नामिवार्णवे ।। ४।।
dasagrivastu vaidehim raksitam raksasiganaih । dadarsa dinam duhkhartam navam sannamivarnave ।। 4।।
असंवृतायामासीनां धरण्यां संशितव्रताम् । छिन्नां प्रपतितां भूमौ शाखामिव वनस्पतेः || ५||
asamvrtayamasinam dharanyam samsitavratam । chinnam prapatitam bhumau sakhamiva vanaspateh । malamandanadigdhangim mandanarhamamanditam ।। 5 ।।
मलमण्डनचित्राङ्गीं मण्डनार्हाममण्डिताम् । मृणाली पङ्कदिग्धेव विभाति न विभाति च।।६।।
malamandanacitraṅgim mandanarhamamanditam | mrnali paṅkadigdheva vibhati na vibhati ca||6||
समीपं राजसिंहस्य रामस्य विदितात्मनः । सङ्कल्पहयसंयुक्तैर्यान्तीमिव मनोरथैः ।।७।।
samipam rajasimhasya ramasya viditatmanah | saṅkalpahayasamyuktairyantimiva manorathaih ||7||
शुष्यन्तीं रुदतीमेकां ध्यानशोकपरायणाम् । दुःखस्यान्तमपश्यन्तीं रामां राममनुव्रताम् ।।८।।
susyantim rudatimekam dhyanasokaparayanam | duhkhasyantamapasyantim ramam ramamanuvratam ||8||
वेष्टमानामथाविष्टां पन्नगेन्द्रवधूम् इव । धूप्यमानां ग्रहेणेव रोहिणीं धूमकेतुना ।।९।।
vestamanamathavistam pannagendravadhum iva | dhupyamanam graheneva rohinim dhumaketuna ||9||
वृत्तशीले कुले जातामाचारवति धार्मिके । पुनः संस्कारमापन्नां जातमिव च दुष्कुले ।।१०।।
vrttasile kule jatamacaravati dharmike | punah samskaramapannam jatamiva ca duskule ||10||
सन्नामिव महाकीर्तिं श्रद्धामिव विमानिताम् । प्रज्ञामिव परिक्षीणामाशां प्रतिहताम् इव ।।११।।
sannamiva mahakirtim sraddhamiva vimanitam | prajnamiva pariksinamasam pratihatam iva ||11||
आयतीमिव विध्वस्तामाज्ञां प्रतिहताम् इव । दीप्तामिव दिशं काले पूजामपहृताम् इव ।।१२।।
ayatimiva vidhvastamajnam pratihatam iva | diptamiva disam kale pujamapahrtam iva ||12||
पद्मिनीमिव विध्वस्तां हतशूरां चमूम् इव । प्रभामिव तपोध्वस्तामुपक्षीणामिवापगाम् ।।१३।।
padminimiva vidhvastam hatasuram camum iva | prabhamiva tapodhvastamupaksinamivapagam ||13||
वेदीमिव परामृष्टां शान्तामग्निशिखाम् इव । पौर्णमासीमिव निशां राहुग्रस्तेन्दुमण्डलाम् ।।१४।।
vedimiva paramrstam santamagnisikham iva | paurnamasimiva nisam rahugrastendumandalam ||14||
उत्कृष्टपर्णकमलां वित्रासितविहङ्गमाम् । हस्तिहस्तपरामृष्टामाकुलां पद्मिनीम् इव ।।१५।।
utkrstaparnakamalam vitrasitavihaṅgamam | hastihastaparamrstamakulam padminim iva ||15||
पतिशोकातुरां शुष्कां नदीं विस्राविताम् इव । परया मृजया हीनां कृष्णपक्षे निशाम् इव ।।१६।।
patisokaturam suskam nadim visravitam iva | paraya mrjaya hinam krsnapakse nisam iva ||16||
सुकुमारीं सुजाताङ्गीं रत्नगर्भगृहोचिताम् । तप्यमानामिवोष्णेन मृणालीमचिरोद्धृताम् ।।१७।।
sukumarim sujataṅgim ratnagarbhagrhocitam | tapyamanamivosnena mrnalimaciroddhrtam ||17||
गृहीतामालितां स्तम्भे यूथपेन विनाकृताम् । निःश्वसन्तीं सुदुःखार्तां गजराजवधूम् इव ।।१८।।
grhitamalitam stambhe yuthapena vinakrtam | nihsvasantim suduhkhartam gajarajavadhum iva ||18||
एकया दीर्घया वेण्या शोभमानामयत्नतः । नीलया नीरदापाये वनराज्या महीम् इव ।।१९।।
ekaya dirghaya venya sobhamanamayatnatah | nilaya niradapaye vanarajya mahim iva ||19||
उपवासेन शोकेन ध्यानेन च भयेन च । परिक्षीणां कृशां दीनामल्पाहारां तपोधनाम् ।।२०।।
upavasena sokena dhyanena ca bhayena ca | pariksinam krsam dinamalpaharam tapodhanam ||20||
आयाचमानां दुःखार्तां प्राञ्जलिं देवताम् इव । भावेन रघुमुख्यस्य दशग्रीवपराभवम् ।।२१।।
ayacamanam duhkhartam pranjalim devatam iva | bhavena raghumukhyasya dasagrivaparabhavam ||21||
समीक्षमाणां रुदतीमनिन्दितां सुपक्ष्मताम्रायतशुक्ललोचनाम् । अनुव्रतां राममतीव मैथिलीं प्रलोभयामास वधाय रावणः ।।२२।।
samiksamanam rudatimaninditam supaksmatamrayatasuklalocanam | anuvratam ramamativa maithilim pralobhayamasa vadhaya ravanah ||22||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
