इत्युक्त्वा मैथिलीं राजा रावणः शत्रुरावणः । सन्दिश्य च ततः सर्वा राक्षसीर्निर्जगाम ह ।। १।।
ityuktva maithilim raja ravanah satruravanah | sandisya ca tatah sarva raksasirnirjagama ha || 1||
निष्क्रान्ते राक्षसेन्द्रे तु पुनरन्तःपुरं गते । राक्षस्यो भीमरूपास्ताः सीतां समभिदुद्रुवुः ।। २।।
niskrante raksasendre tu punarantahpuram gate | raksasyo bhimarupastah sitam samabhidudruvuh || 2||
ततः सीतामुपागम्य राक्षस्यः क्रोधमूर्छिताः । परं परुषया वाचा वैदेहीम् इदमब्रुवन् ।। ३।।
tatah sitamupagamya raksasyah krodhamurchitah | param parusaya vaca vaidehim idamabruvan || 3||
पौलस्त्यस्य वरिष्ठस्य रावणस्य महात्मनः । दशग्रीवस्य भार्यात्वं सीते न बहु मन्यसे ।। ४।।
paulastyasya varisthasya ravanasya mahatmanah | dasagrivasya bharyatvam site na bahu manyase || 4||
ततस्त्वेकजटा नाम राक्षसी वाक्यमब्रवीत् । आमन्त्र्य क्रोधताम्राक्षी सीतां करतलोदरीम् ।। ५।।
tatastvekajata nama raksasi vakyamabravit | amantrya krodhatamraksi sitam karatalodarim || 5||
प्रजापतीनां षण्णां तु चतुर्थो यः प्रजापतिः । मानसो ब्रह्मणः पुत्रः पुलस्त्य इति विश्रुतः ।। ६।।
prajapatinam sannam tu caturtho yah prajapatih | manaso brahmanah putrah pulastya iti visrutah || 6||
पुलस्त्यस्य तु तेजस्वी महर्षिर्मानसः सुतः । नाम्ना स विश्रवा नाम प्रजापतिसमप्रभः ।। ७।।
pulastyasya tu tejasvi maharsirmanasah sutah | namna sa visrava nama prajapatisamaprabhah || 7||
तस्य पुत्रो विशालाक्षि रावणः शत्रुरावणः । तस्य त्वं राक्षसेन्द्रस्य भार्या भवितुमर्हसि । ।। ८।।
tasya putro visalaksi ravanah satruravanah | tasya tvam raksasendrasya bharya bhavitumarhasi | || 8||
मयोक्तं चारुसर्वाङ्गि वाक्यं किं नानुमन्यसे । ततो हरिजटा नाम राक्षसी वाक्यमब्रवीत् ।। ९।।
mayoktam carusarvaṅgi vakyam kim nanumanyase | tato harijata nama raksasi vakyamabravit || 9||
विवृत्य नयने कोपान्मार्जारसदृशेक्षणा । येन देवास्त्रयस्त्रिंशद्देवराजश्च निर्जितः ।। १०।।
vivrtya nayane kopanmarjarasadrseksana | yena devastrayastrimsaddevarajasca nirjitah || 10||
तस्य त्वं राक्षसेन्द्रस्य भार्या भवितुमर्हसि । वीर्योत्सिक्तस्य शूरस्य सङ्ग्रामेष्वनिवर्तिनः । बलिनो वीर्ययुक्तस्या भार्यात्वं किं न लप्स्यसे ।। ११।।
tasya tvam raksasendrasya bharya bhavitumarhasi | viryotsiktasya surasya saṅgramesvanivartinah | balino viryayuktasya bharyatvam kim na lapsyase || 11||
प्रियां बहुमतां भार्यां त्यक्त्वा राजा महाबलः । सर्वासां च महाभागां त्वामुपैष्यति रावणः ।। १२।।
priyam bahumatam bharyam tyaktva raja mahabalah | sarvasam ca mahabhagam tvamupaisyati ravanah || 12||
समृद्धं स्त्रीसहस्रेण नानारत्नोपशोभितम् । अन्तःपुरं समुत्सृज्य त्वामुपैष्यति रावणः ।। १३।।
samrddham strisahasrena nanaratnopasobhitam | antahpuram samutsrjya tvamupaisyati ravanah || 13||
अन्या तु विकटा नाम राक्षसी वाक्यमब्रवीत् । असकृद्देवता युद्धे नागगन्धर्वदानवाः । निर्जिताः समरे येन स ते पार्श्वमुपागतः ।। १४।।
anya tu vikata nama raksasi vakyamabravit | asakrddevata yuddhe nagagandharvadanavah | nirjitah samare yena sa te parsvamupagatah || 14||
तस्य सर्वसमृद्धस्या रावणस्य महात्मनः । किमर्थं राक्षसेन्द्रस्य भार्यात्वं नेच्छसेऽधमे ।। १५।।
tasya sarvasamrddhasya ravanasya mahatmanah | kimartham raksasendrasya bharyatvam necchase'dhame || 15||
ततस्तां दुर्मुखी नाम राक्षसी वाक्यमब्रवीत् । यस्य सूर्यो न तपति भीतो यस्य च मारुतः । न वाति स्मायतापाङ्गे किं त्वं तस्य न तिष्ठसि ।। १६।।
tatastam durmukhi nama raksasi vakyamabravit | yasya suryo na tapati bhito yasya ca marutah | na vati smayatapaṅge kim tvam tasya na tisthasi || 16||
पुष्पवृष्टिं च तरवो मुमुचुर्यस्य वै भयात् । शैलाश्च सुभ्रु पानीयं जलदाश् च यदेच्छति ।। १७।।
puspavrstim ca taravo mumucuryasya vai bhayat | sailasca subhru paniyam jaladas ca yadecchati || 17||
तस्य नैरृतराजस्य राजराजस्य भामिनि । किं त्वं न कुरुषे बुद्धिं भार्यार्थे रावणस्य हि ।। १८।।
tasya nairrtarajasya rajarajasya bhamini | kim tvam na kuruse buddhim bharyarthe ravanasya hi || 18||
साधु ते तत्त्वतो देवि कथितं साधु भामिनि । गृहाण सुस्मिते वाक्यमन्यथा न भविष्यसि ।। १९।।
sadhu te tattvato devi kathitam sadhu bhamini | grhana susmite vakyamanyatha na bhavisyasi || 19||
AnonymousUser
150
5 Days
Learn
Teach
Discuss
Panchanga
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
