Gyaandweep | Shrimad Valmiki Ramayana - Sundara Kanda- Sarga 29

तथागतां तां व्यथितामनिन्दितां व्यपेतहर्षां परिदीनमानसाम् । शुभां निमित्तानि शुभानि भेजिरे नरं श्रिया जुष्टमिवोपजीविनः ।। १।।

tathagatam tam vyathitamaninditam vyapetaharsam paridinamanasam । subham nimittani subhani bhejire naram sriya justamivopajivinah ।। 1।।

तस्याः शुभं वाममरालपक्ष्म राजीवृतं कृष्णविशालशुक्लम् । प्रास्पन्दतैकं नयनं सुकेश्या मीनाहतं पद्ममिवाभिताम्रम् ।। २।।

tasyah subham vamamaralapaksma rajivrtam krsnavisalasuklam । praspandataikam nayanam sukesya minahatam padmamivabhitamram ।। 2।।

भुजश्च चार्वञ्चितपीनवृत्तः परार्ध्य कालागुरुचन्दनार्हः । अनुत्तमेनाध्युषितः प्रियेण चिरेण वामः समवेपताशु ।। ३।।

bhujasca carvancitapinavrttah parardhya kalagurucandanarhah । anuttamenadhyusitah priyena cirena vamah samavepatasu ।। 3।।

गजेन्द्रहस्तप्रतिमश्च पीनस् तयोर्द्वयोः संहतयोः सुजातः । प्रस्पन्दमानः पुनरूरुरस्या रामं पुरस्तात्स्थितमाचचक्षे ।। ४।।

gajendrahastapratimasca pinas tayordvayoh samhatayoh sujatah । praspandamanah punarururasya ramam purastatsthitamacacakse ।। 4।।

शुभं पुनर्हेमसमानवर्णम् ईषद्रजोध्वस्तमिवामलाक्ष्याः । वासः स्थितायाः शिखराग्रदन्त्याः किं चित्परिस्रंसत चारुगात्र्याः ।। ५।।

subham punarhemasamanavarnam isadrajodhvastamivamalaksyah । vasah sthitayah sikharagradantyah kim citparisramsata carugatryah ।। 5।।

एतैर्निमित्तैरपरैश्च सुभ्रूः सम्बोधिता प्रागपि साधुसिद्धैः । वातातपक्लान्तमिव प्रनष्टं वर्षेण बीजं प्रतिसञ्जहर्ष ।। ६।।

etairnimittairaparaisca subhruh sambodhita pragapi sadhusiddhaih । vatatapaklantamiva pranastam varsena bijam pratisanjaharsa ।। 6।।

तस्याः पुनर्बिम्बफलोपमौष्ठं स्वक्षिभ्रुकेशान्तमरालपक्ष्म । वक्त्रं बभासे सितशुक्लदंष्ट्रं राहोर्मुखाच्चन्द्र इव प्रमुक्तः ।। ७।।

tasyah punarbimbaphalopamaustham svaksibhrukesantamaralapaksma । vaktram babhase sitasukladamstram rahormukhaccandra iva pramuktah ।। 7।।

सा वीतशोका व्यपनीततन्द्री शान्तज्वरा हर्षविबुद्धसत्त्वा । अशोभतार्या वदनेन शुक्ले शीतान्शुना रात्रिरिवोदितेन ।। ८।।

sa vitasoka vyapanitatandri santajvara harsavibuddhasattva । asobhatarya vadanena sukle sitansuna ratririvoditena ।। 8।।

Languages