एवं बहुविधां चिन्तां चिन्तयित्व महाकपिः । संश्रवे मधुरं वाक्यं वैदेह्या व्याजहार ह ।।१।।
evam bahuvidham cintam cintayitva mahakapih | samsrave madhuram vakyam vaidehya vyajahara ha ||1||
राजा दशरथो नाम रथकुञ्जरवाजिनाम् । पुण्यशीलो महाकीर्तिरृजुरासीन्महायशाः ।।२।।
raja dasaratho nama rathakunjaravajinam | punyasilo mahakirtirrjurasinmahayasah ||2||
राजर्षीणां गुणश्रेष्ठस्तपसा चर्षिभि स्समः। चक्रवर्तिकुले जातः पुरन्दरसमो बले ।।३।।
rajarsinam gunasresthastapasa carsibhi ssamah| cakravartikule jatah purandarasamo bale ||3||
अहिंसारतिरक्षुद्रो घृणी सत्यपराक्रमः । मुख्यश्चेक्ष्वाकुवंशस्य लक्ष्मीवाँल्लक्ष्मिवर्धनः ।।४।।
ahimsaratiraksudro ghrni satyaparakramah | mukhyasceksvakuvamsasya laksmivaँllaksmivardhanah ||4||
पार्थिवव्यञ्जनैर्युक्तः पृथुश्रीः पार्थिवर्षभः । पृथिव्यां चतुरन्तयां विश्रुतः सुखदः सुखी ।।५।।
parthivavyanjanairyuktah prthusrih parthivarsabhah | prthivyam caturantayam visrutah sukhadah sukhi ||5||
तस्य पुत्रः प्रियो ज्येष्ठस्ताराधिपनिभाननः । रामो नाम विशेषज्ञः श्रेष्ठः सर्वधनुष्मताम् ।।६।।
tasya putrah priyo jyesthastaradhipanibhananah | ramo nama visesajnah sresthah sarvadhanusmatam ||6||
रक्षिता स्वस्य वृत्तस्य स्वजनस्यापि रक्षिता । रक्षिता जीवलोकस्य धर्मस्य च परन्तपः ।।७।।
raksita svasya vrttasya svajanasyapi raksita | raksita jivalokasya dharmasya ca parantapah ||7||
तस्य सत्याभिसन्धस्य वृद्धस्य वचनात्पितुः । सभार्यः सह च भ्रात्रा वीरः प्रव्रजितो वनम् ।।८।।
tasya satyabhisandhasya vrddhasya vacanatpituh | sabharyah saha ca bhratra virah pravrajito vanam ||8||
तेन तत्र महारण्ये मृगयां परिधावता ।
राक्षसा निहताश्शूरा बहवः कामरूपिणः।।९।।
tena tatra maharanye mrgayam paridhavata | raksasa nihatassura bahavah kamarupinah ||9||
जनस्थानवधं श्रुत्वा हतौ च खरदूषणौ । ततस्त्वमर्षापहृता जानकी रावणेन तु।।१०।।
janasthanavadham srutva hatau ca kharadusanau |tatastvamarsapahrta janaki ravanena tu ||10||
वञ्चयित्वा वने रामं मृगरूपेण मायया । स मार्गमाणस्तां देवीं रामस्सीतामनिन्दिताम्।।११।।
vancayitva vane ramam mrgarupena mayaya|sa margamanastam devim ramassitamaninditam ||11||
आससाद वने मित्रं सुग्रीवं नाम वानरम् । तत स्स वालिनं हत्वा रामः परपुरञ्जयः।।१२।।
asasada vane mitram sugrivam nama vanaram|tata ssa valinam hatva ramah parapuranjayah ||12||
प्रायच्छत्कपिराज्यं तत्सुग्रीवाय महाबलः । सुग्रीवेणापि सन्दिष्टा हरयः कामरूपिणः।।१३।।
prayacchatkapirajyam tatsugrivaya mahabalah|sugrivenapi sandista harayah kamarupinah ||13||
दिक्षु सर्वासु तां देवीं विचिन्वन्ति सहस्रशः । अहं सम्पातिवचनाच्छतयोजनमायतम्।।१४।।
diksu sarvasu tam devim vicinvanti sahasrasah|aham sampativacanacchata yojanamayatam ||14||
अस्या हेतोर्विशालाक्ष्याः सागरं वेगवान्प्लुतः । यथारूपां यथावर्णां यथालक्ष्मीं विनिश्चिताम् ।।१५।।
asya hetorvisalaksyah sagaram vegavanplutah|yatharupam yathavarnam yathalaksmim viniscitam ||15||
अश्रौषं राघवस्याहं सेयमासादिता मया ।
विररामैवमुक्त्वासौ वाचं वानरपुङ्गवः ।।१६।।
asrausam raghavasyaham seyamasadita maya |viraramaivamuktvasau vacam vanarapuṅgavah ||16||
जानकी चापि तच्छ्रुत्वा विस्मयं परमं गता । ततः सा वक्रकेशान्ता सुकेशी केशसंवृतम् । उन्नम्य वदनं भीरुः शिंशपावृक्षमैक्षत ।।१७।।
janaki capi tacchrutva vismayam paramam gata | tatah sa vakrakesanta sukesi kesasamvrtam | unnamya vadanam bhiruh simsapavrksamaiksata ||17||
निशम्य सीता वचनं कपेश्च दिशश्च सर्वाः प्रदिशश्च वीक्ष्य।
स्वयं प्रहर्षं परमं जगाम सर्वात्मना राममनुस्मरन्ती।।१८।।
nisamya sita vacanam kapesca disasca sarvah pradisasca viksya| svayam praharsam paramam jagama sarvatmana ramamanusmaranti||18||
सा तिर्यगूर्ध्वं च तथाप्यधस्तान् निरीक्षमाणा तमचिन्त्य बुद्धिम् । ददर्श पिङ्गाधिपतेरमात्यं वातात्मजं सूर्यमिवोदयस्थम् ।।१९।।
sa tiryagurdhvam ca tathapyadhastan niriksamana tamacintya buddhim | dadarsa piṅgadhipateramatyam vatatmajam suryamivodayastham ||19||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
