This overlay will guide you through the buttons:

| |
|
Sarga Begins
श्रीमद्वाल्मीकीयरामायणे सुन्दरकाण्डे द्वात्रिंशः सर्गः ॥५-३२॥
śrīmadvālmīkīyarāmāyaṇe sundarakāṇḍe dvātriṃśaḥ sargaḥ ..5-32..
Shloka 1
ततः शाखान्तरे लीनं दृष्ट्वा चलितमानसा। वेष्टितार्जुनवस्त्रं तं विद्युत्संघातपिंगलम्॥ १॥
tataḥ śākhāntare līnaṃ dṛṣṭvā calitamānasā. veṣṭitārjunavastraṃ taṃ vidyutsaṃghātapiṃgalam.. 1..
Shloka 2
सा ददर्श कपिं तत्र प्रश्रितं प्रियवादिनम्। फुल्लाशोकोत्कराभासं तप्तचामीकरेक्षणम्॥ २॥
sā dadarśa kapiṃ tatra praśritaṃ priyavādinam. phullāśokotkarābhāsaṃ taptacāmīkarekṣaṇam.. 2..
Shloka 3
साथ दृष्ट्वा हरिश्रेष्ठं विनीतवदवस्थितम्। मैथिली चिन्तयामास विस्मयं परमं गता॥ ३॥
sātha dṛṣṭvā hariśreṣṭhaṃ vinītavadavasthitam. maithilī cintayāmāsa vismayaṃ paramaṃ gatā.. 3..
Shloka 4
अहो भीममिदं सत्त्वं वानरस्य दुरासदम्। दुर्निरीक्ष्यमिदं मत्वा पुनरेव मुमोह सा॥ ४॥
aho bhīmamidaṃ sattvaṃ vānarasya durāsadam. durnirīkṣyamidaṃ matvā punareva mumoha sā.. 4..
Shloka 5
विललाप भृशं सीता करुणं भयमोहिता। राम रामेति दुःखार्ता लक्ष्मणेति च भामिनी॥ ५॥
vilalāpa bhṛśaṃ sītā karuṇaṃ bhayamohitā. rāma rāmeti duḥkhārtā lakṣmaṇeti ca bhāminī.. 5..
Shloka 6
रुरोद सहसा सीता मन्दमन्दस्वरा सती। साथ दृष्ट्वा हरिवरं विनीतवदुपागतम्। मैथिली चिन्तयामास स्वप्नोऽयमिति भामिनी॥ ६॥
ruroda sahasā sītā mandamandasvarā satī. sātha dṛṣṭvā harivaraṃ vinītavadupāgatam. maithilī cintayāmāsa svapno'yamiti bhāminī.. 6..
Shloka 7
सा वीक्षमाणा पृथुभुग्नवक्त्रं शाखामृगेन्द्रस्य यथोक्तकारम्। ददर्श पिंगप्रवरं महार्हं वातात्मजं बुद्धिमतां वरिष्ठम्॥ ७॥
sā vīkṣamāṇā pṛthubhugnavaktraṃ śākhāmṛgendrasya yathoktakāram. dadarśa piṃgapravaraṃ mahārhaṃ vātātmajaṃ buddhimatāṃ variṣṭham.. 7..
Shloka 8
सा तं समीक्ष्यैव भृशं विपन्ना गतासुकल्पेव बभूव सीता। चिरेण संज्ञां प्रतिलभ्य चैवं विचिन्तयामास विशालनेत्रा॥ ८॥
sā taṃ samīkṣyaiva bhṛśaṃ vipannā gatāsukalpeva babhūva sītā. cireṇa saṃjñāṃ pratilabhya caivaṃ vicintayāmāsa viśālanetrā.. 8..
Shloka 9
स्वप्नो मयायं विकृतोऽद्य दृष्टः शाखामृगः शास्त्रगणैर्निषिद्धः। स्वस्त्यस्तु रामाय सलक्ष्मणाय तथा पितुर्मे जनकस्य राज्ञः॥ ९॥
svapno mayāyaṃ vikṛto'dya dṛṣṭaḥ śākhāmṛgaḥ śāstragaṇairniṣiddhaḥ. svastyastu rāmāya salakṣmaṇāya tathā piturme janakasya rājñaḥ.. 9..
Shloka 10
स्वप्नो हि नायं नहि मेऽस्ति निद्रा शोकेन दुःखेन च पीडितायाः। सुखं हि मे नास्ति यतो विहीना तेनेन्दुपूर्णप्रतिमाननेन॥ १०॥
svapno hi nāyaṃ nahi me'sti nidrā śokena duḥkhena ca pīḍitāyāḥ. sukhaṃ hi me nāsti yato vihīnā tenendupūrṇapratimānanena.. 10..
Shloka 11
रामेति रामेति सदैव बुद्ध्या विचिन्त्य वाचा ब्रुवती तमेव। तस्यानुरूपं च कथां तदर्था- मेवं प्रपश्यामि तथा शृणोमि॥ ११॥
rāmeti rāmeti sadaiva buddhyā vicintya vācā bruvatī tameva. tasyānurūpaṃ ca kathāṃ tadarthā- mevaṃ prapaśyāmi tathā śṛṇomi.. 11..
Shloka 12
अहं हि तस्याद्य मनोभवेन सम्पीडिता तद्गतसर्वभावा। विचिन्तयन्ती सततं तमेव तथैव पश्यामि तथा शृणोमि॥ १२॥
ahaṃ hi tasyādya manobhavena sampīḍitā tadgatasarvabhāvā. vicintayantī satataṃ tameva tathaiva paśyāmi tathā śṛṇomi.. 12..
Shloka 13
मनोरथः स्यादिति चिन्तयामि तथापि बुद्ध्यापि वितर्कयामि। किं कारणं तस्य हि नास्ति रूपं सुव्यक्तरूपश्च वदत्ययं माम्॥ १३॥
manorathaḥ syāditi cintayāmi tathāpi buddhyāpi vitarkayāmi. kiṃ kāraṇaṃ tasya hi nāsti rūpaṃ suvyaktarūpaśca vadatyayaṃ mām.. 13..
Shloka 14
नमोऽस्तु वाचस्पतये सवज्रिणे स्वयम्भुवे चैव हुताशनाय। अनेन चोक्तं यदिदं ममाग्रतो वनौकसा तच्च तथास्तु नान्यथा॥ १४॥
namo'stu vācaspataye savajriṇe svayambhuve caiva hutāśanāya. anena coktaṃ yadidaṃ mamāgrato vanaukasā tacca tathāstu nānyathā.. 14..
Shloka 15
इत्यार्षे श्रीमद्रामायणे वाल्मीकीये आदिकाव्ये सुन्दरकाण्डे द्वात्रिंशः सर्गः ॥ ५.३२॥
ityārṣe śrīmadrāmāyaṇe vālmīkīye ādikāvye sundarakāṇḍe dvātriṃśaḥ sargaḥ .. 5.32..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In