स निर्जित्य पुरीं श्रेष्ठां लङ्कां तां कामरूपिणीम् । विक्रमेण महातेजा हनुमान् कपिसत्तमः ।।१।।
sa nirjitya purim srestham laṅkam tam kamarupinim | vikramena mahateja hanuman kapisattamah ||1||
अद्वारेण च महाबाहुः प्राकारमभिपुप्लुवे ।निशि लड़्का महातेजा हनूमान कपिसत्तमः।।२।।
advarena ca mahabahuh prakaramabhipupluve | nisi lanka mahateja hanumana kapisattamah||2||
प्रविश्य नगरीं लङ्कां कपिराजहितंकरः ।चक्रेऽथ पादं सव्यं च शत्रूणां स तु मूर्धनि ।।३।।
pravisya nagarim laṅkam kapirajahitamkarah | cakre'tha padam savyam ca satrunam sa tu murdhani ||3||
प्रविष्टः सत्त्वसम्पन्नो निशायां मारुतात्मजः । स महापथमास्थाय मुक्तापुष्पविराजितम् ।।४।।
pravistah sattvasampanno nisayam marutatmajah | sa mahapathamasthaya muktapuspavirajitam ||4||
ततस्तु तां पुरीं लङ्कां रम्यामभिययौ कपिः ।
हसितोत्कृष्टनिनदैस्तूर्यघोषपुरस्सरैः ।।५।।
tatastu tam purim laṅkam ramyamabhiyayau kapih | hasitotkrstaninad aisturyaghosapurassaraih ||5||
वज्रांकुशनिकाशैश्च वज्रजालविभूषितैः । गृहमेघैः पुरी रम्या बभासे द्यौरिवाम्बुदैः ।।६।।
vajramkusanikasaisca vajrajalavibhusitaih | grhameghaih puri ramya babhase dyaurivambudaih ||6||
प्रजज्वाल ततो लङ्का रक्षोगणगृहैः शुभैः ।
सिताभ्रसदृशैश्चित्रैः पद्मस्वस्तिकसंस्थितैः ।।७।।
prajajvala tato laṅka raksoganagrhaih subhaih | sitabhrasadrsaiscitraih padmasvastikasamsthitaih ||7||
वर्धमानगृहैश्चापि सर्वतः सुविभूषिता । तां चित्रमाल्याभरणां कपिराजहितङ्करः ।।८।।
vardhamanagrhaiscapi sarvatah suvibhusita | tam citramalyabharanam kapirajahitaṅkarah ||8||
राघवार्थं चरन् श्रीमान् ददर्श च ननन्द च । भवनाद्भवनं गच्छन् ददर्श पवनात्मजः ।।९।।
raghavartham caran sriman dadarsa ca nananda ca | bhavanadbhavanam gacchan dadarsa pavanatmajah ||9||
विविधाकृतिरूपाणि भवनानि ततस्ततः । शुश्राव मधुरं गीतं त्रिस्थानस्वरभूषितम् ।।१०।।
vividhakrtirupani bhavanani tatastatah | susrava madhuram gitam tristhanasvarabhusitam ||10||
स्त्रीणां मदसमृद्धानां दिवि चाप्सरसामिव । शुश्राव काञ्चीनिनदं नूपुराणां च निःस्वनम् ।।११।।
strinam madasamrddhanam divi capsarasamiva | susrava kancininadam nupuranam ca, nihsvanam ||11||
सोपाननिनदांश्चैव भवनेषु महात्मनाम् । अस्फोटितनिनादांश्च क्ष्वेलितांश्च ततस्ततः ।।१२।।
sopananinadamscaiva bhavanesu mahatmanam | asphotitaninadamsca ksvelitamsca tatastatah ||12||
शुश्राव जपतां तत्र मन्त्रान् रक्षोगृहेषु वै ।
स्वाध्यायनिरतांश्चैव यातुधानान् ददर्श सः ।।१३।।
susrava japatam tatra mantran raksogrhesu vai | svadhyayaniratamscaiva yatudhanan dadarsa sah ||13||
रावणस्तवसंयुक्तान् गर्जतो राक्षसानपि । राजमार्गं समावृत्य स्थितं रक्षोबलं महत् ।।१४।।
ravanastavasamyuktan garjato raksasanapi | rajamargam samavrtya sthitam raksobalam mahat ||14||
ददर्श मध्यमे गुल्मे रावणस्य चरान् बहून् । दीक्षितान् जटिलान् मुण्डान् गोजिनाम्बरवाससः ।।१५।।
dadarsa madhyame gulme ravanasya caran bahun | diksitan jatilan mundan gojinambaravasasah ||15||
दर्भमुष्टिप्रहरणानग्निकुण्डायुघांस्तथा । कूटमुद्गरपाणींश्च दण्डायुधधरानपि ।।१६।।
darbhamustipraharanan agnikundayughamstatha | kutamudgarapanimsca dandayudhadharanapi ||16||
एकाक्षानेककर्णांश्च लम्बोदरपयोधरान् । करालान् भुग्नवक्त्रांश्च विकटान् वामनांस्तथा ।।१७।।
ekaksanekakarnamsca lambodarapayodharan | karalan bhugnavaktramsca vikatan vamanamstatha ||17||
धन्विनः खङ्गिनश्चैव शतघ्नीमुसलायुधान् ।
परिघोत्तमहस्तांश्च विचित्रकवचोज्ज्वलान् ।।१८।।
dhanvinah khaṅginascaiva sataghnimusalayudhan | parighottamahastamsca vicitrakavacojjvalan ||18||
नातिस्थूलान्नातिकृशान्नातिदीर्घातिह्रस्वकान् ।
नातिगौरान्नातिकृष्णान्नातिकुब्जान्न वामनान् ।।१९।।
natisthulan natikrsan natidirghatihrasvakan | natigauran natikrsnannatikubjanna vamanan ||19||
विरूपान् बहुरूपांश्च सुरूपांश्च सुवर्चसः । ध्वजीन् पताकिनश्चैव ददर्श विविधायुधान् ।।२०।।
virupan bahurupamsca surupamsca suvarcasah | dhvajin patakinascaiva dadarsa vividhayudhan ||20||
शक्तिवृक्षायुधांश्चैव पट्टिसाशनिधारिणः ।
क्षेपणीपाशहस्तांश्च ददर्श स महाकपिः ।।२१।।
saktivrksayudhamscaiva pattisasanidharinah | ksepanipasahastamsca dadarsa sa mahakapih ||21||
स्रग्विणस्त्वनुलिप्तांश्च वराभरणभूषितान् ।
नानावेषसमायुक्तान् यथास्स्वैरगतान् बहून् ।।२२।।
sragvinastvanuliptamsca varabharanabhusitan | nanavesasamayuktan yathassvairagatan bahun ||22||
तीक्ष्णशूलधरांश्चैव वज्रिणश्च महाबलान् ।शतसाहस्रमव्यग्रमारक्षं मध्यमं कपिः ।।२३।।
tiksnasuladharamscaiva vajrinasca mahabalan | satasahasramavyagramaraksam madhyamam kapih ||23||
रक्षोधिपतिनिर्दिष्टं ददर्शान्तःपुराग्रतः । स तदा तद्गृहं दृष्ट्वा महाहाटकतोरणम् ।।२४।।
raksodhipatinirdistam dadarsantahpuragratah | sa tada tadgrham drstva mahahatakatoranam ||24||
राक्षसेन्द्रस्य विख्यातमद्रिमूर्ध्नि प्रतिष्ठितम् ।
पुण्डरीकावतंसाभिः परिखाभिरलङ्कृतम् ।।२५।।
raksasendrasya vikhyatamadrimurdhni pratisthitam | pundarikavatamsabhih parikhabhiralaṅkrtam ||25||
प्राकारावृतमत्यन्तं ददर्श स महाकपिः । त्रिविष्टपनिभं दिव्यं दिव्यनादनिनादितम् ।।२६।।
prakaravrtamatyantam dadarsa sa mahakapih | trivistapanibham divyam divyanadaninaditam ||26||
वाजिहेषितसङ्घुष्टं नादितं भूषणैस्तथा । रथैर्यानैर्विमानैश्च तथा हयगजैः शुभैः ।।२७।।
vajihesitasaṅghustam naditam bhusanaistatha | rathairyanairvimanaisca tatha hayagajaih subhaih ||27||
वारणैश्च चतुर्थन्तैः श्वेताभ्रनिचयोपमैः । भूषितं रुचिरद्वारं मत्तैश्च मृगपक्षिभिः ।।२८।।
varanaisca caturthantaih svetabhranicayopamaih | bhusitam ruciradvaram mattaisca mrgapaksibhih ||28||
रक्षितं सुमहावीर्यैर्यातुधानैः सहस्रशः । राक्षसाधिपतेर्गुप्तमाविवेश महाकपिः ।।२९।।
raksitam sumahaviryairyatudhanaih sahasrasah | raksasadhipaterguptamavivesa mahakapih ||29||
स हेमजाम्बूनदचक्रवालं महार्हमुक्तामणिभूषितान्तम् । परार्थ्यकालागुरुचन्दनाक्तं स रावणान्तःपुरमाविवेश ।।३०।।
sa hemajambunadacakravalam maharhamuktamanibhusitantam | pararthyakalagurucandanaktam sa ravanantahpuramavivesa ||30||
AnonymousUser
150
5 Days
Learn
Teach
Discuss
Panchanga
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
