स च वाग्भिः प्रशस्ताभिर्गमिष्यन्पूजितस्तया । तस्माद्देशादपक्रम्य चिन्तयामास वानरः ।।१।।
sa ca vagbhih prasastabhirgamisyanpujitastaya | tasmaddesadapakramya cintayamasa vanarah ||1||
अल्पशेषमिदं कार्यं दृष्टेयमसितेक्षणा । त्रीनुपायानतिक्रम्य चतुर्थ इह दृश्यते ।।२।।
alpasesamidam karyam drsteyamasiteksana | trinupayanatikramya caturtha iha drsyate ||2||
न साम रक्षःसु गुणाय कल्पते न दनमर्थोपचितेषु वर्तते । न भेदसाध्या बलदर्पिता जनाः पराक्रमस्त्वेष ममेह रोचते ।।३।।
na sama raksahsu gunaya kalpate na danamarthopacitesu vartate | na bhedasadhya baladarpita janah parakramastvesa mameha rocate ||3||
न चास्य कार्यस्य पराक्रमादृते विनिश्चयः कश् चिदिहोपपद्यते । हृतप्रवीरास्तु रणे हि राक्षसाः कथं चिदीयुर्यदिहाद्य मार्दवम् ।।४।।
na casya karyasya parakramadrte viniscayah kas cidihopapadyate | hrtapravirastu rane hi raksasah katham cidiyuryadihadya mardavam ||4||
कार्ये कर्मणि निर्दिष्टो यो बहून्यपि साधयेत् । पूर्वकार्यविरोधेन स कार्यं कर्तुमर्हति ।।५।।
karye karmani nirdisto yo bahunyapi sadhayet | purvakaryavirodhena sa karyam kartumarhati ||5||
न ह्येकः साधको हेतुः स्वल्पस्यापीह कर्मणः । यो ह्यर्थं बहुधा वेद स समर्थोऽर्थसाधने ।।६।।
na hyekah sadhako hetuh svalpasyapiha karmanah | yo hyartham bahudha veda sa samartho'rthasadhane ||6||
इहैव तावत्कृतनिश्चयो ह्यहं यदि व्रजेयं प्लवगेश्वरालयम् । परात्मसंमर्द विशेषतत्त्ववित् ततः कृतं स्यान्मम भर्तृशासनम् ।।७।।
ihaiva tavatkrtaniscayo hyaham yadi vrajeyam plavagesvaralayam | paratmasammarda visesatattvavit tatah krtam syanmama bhartrsasanam ||7||
कथं नु खल्वद्य भवेत्सुखागतं प्रसह्य युद्धं मम राक्षसैः सह । तथैव खल्वात्मबलं च सारवत् समानयेन्मां च रणे दशाननः ।।८।।
katham nu khalvadya bhavetsukhagatam prasahya yuddham mama raksasaih saha | tathaiva khalvatmabalam ca saravat samanayenmam ca rane dasananah ||8||
ततस्समासाद्य रणे दशाननं समन्त्रिवर्गं सबलप्रयायिनम् ।
हृदि स्थितं तस्य मतं बलं च वै सुखेन मत्त्वाऽहमितः पुनर्व्रजे।।९।।
tatassamasadya rane dasananam samantrivargam sabalaprayayinam | hrdi sthitam tasya matam balam ca vai sukhena mattva'hamitah punarvraje||9||
इदमस्य नृशंसस्य नन्दनोपममुत्तमम् । वनं नेत्रमनःकान्तं नानाद्रुमलतायुतम् ।।१०।।
idamasya nrsamsasya nandanopamamuttamam | vanam netramanahkantam nanadrumalatayutam ||10||
इदं विध्वंसयिष्यामि शुष्कं वनमिवानलः । अस्मिन्भग्ने ततः कोपं करिष्यति स रावणः ।।११।।
idam vidhvamsayisyami suskam vanamivanalah | asminbhagne tatah kopam karisyati sa ravanah ||11||
ततो महत्साश्वमहारथद्विपं बलं समानेष्वपि राक्षसाधिपः । त्रिशूलकालायसपट्टिशायुधं ततो महद्युद्धमिदं भविष्यति ।।१२।।
tato mahatsasvamaharathadvipam balam samanesvapi raksasadhipah | trisulakalayasapattisayudham tato mahadyuddhamidam bhavisyati ||12||
अहं तु तैः संयति चण्डविक्रमैः समेत्य रक्षोभिरसङ्गविक्रमः । निहत्य तद्रावणचोदितं बलं सुखं गमिष्यामि कपीश्वरालयम् ।।१३।।
aham tu taih samyati candavikramaih sametya raksobhirasaṅgavikramah | nihatya tadravanacoditam balam sukham gamisyami kapisvaralayam ||13||
ततो मारुतवत्क्रुद्धो मारुतिर्भीमविक्रमः । ऊरुवेगेन महता द्रुमान्क्षेप्तुमथारभत् ।।१४।।
tato marutavatkruddho marutirbhimavikramah | uruvegena mahata drumankseptumatharabhat ||14||
ततस्तद्धनुमान्वीरो बभञ्ज प्रमदावनम् । मत्तद्विजसमाघुष्टं नानाद्रुमलतायुतम् ।।१५।।
tatastaddhanumanviro babhanja pramadavanam | mattadvijasamaghustam nanadrumalatayutam ||15||
तद्वनं मथितैर्वृक्षैर्भिन्नैश्च सलिलाशयैः । चूर्णितैः पर्वताग्रैश्च बभूवाप्रियदर्शनम् ।।१६।।
tadvanam mathitairvrksairbhinnaisca salilasayaih | curnitaih parvatagraisca babhuvapriyadarsanam ||16||
नानाशकुन्तविरुतैः प्रभिन्नैस्सलिलाशयैः । ताम्रैः किसलयैः क्लान्तै: क्लान्तद्रुमलतायुतम्।।१७।।
nanasakuntavirutaih prabhinnaissalilasayaih | tamraih kisalayaih klantai: klantadrumalatayutam||17||
न बभौ तद्वनं तत्र दावानलहतं यथा । व्याकुलावरणा रेजुर्विह्वला इव ता लताः।।१८।।
na babhau tadvanam tatra davanalahatam yatha | vyakulavarana rejurvihvala iva ta latah||18||
लतागृहैश्चित्रगृहैश्च नाशितैर् महोरगैर्व्यालमृगैश्च निर्धुतैः । शिलागृहैरुन्मथितैस्तथा गृहैः प्रनष्टरूपं तदभून्महद्वनम् ।।१९।।
latagrhaiscitragrhaisca nasitair mahoragairvyalamrgaisca nirdhutaih | silagrhairunmathitaistatha grhaih pranastarupam tadabhunmahadvanam ||19||
सा विह्वलाऽशोकलताप्रताना वनस्थली शोकलताप्रताना।
जाता दशास्यप्रमदावनस्य कपेर्बलाद्धि प्रमदावनस्य।।।२०।।
sa vihvala'sokalatapratana vanasthali sokalatapratana | jata dasasyapramadavanasya kaperbaladdhi pramadavanasya|||20||
ततः स कृत्वा जगतीपतेर्महान् महद्व्यलीकं मनसो महात्मनः । युयुत्सुरेको बहुभिर्महाबलैः श्रिया ज्वलंस्तोरणमाश्रितः कपिः ।।२१।।
tatah sa krtva jagatipatermahan mahadvyalikam manaso mahatmanah | yuyutsureko bahubhirmahabalaih sriya jvalamstoranamasritah kapih ||21||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
