ततः पक्षिनिनादेन वृक्षभङ्गस्वनेन च । बभूवुस्त्राससम्भ्रान्ताः सर्वे लङ्कानिवासिनः ।। १।।
tatah paksininadena vrksabhangasvanena ca । babhuvustrasasambhrantah sarve lankanivasinah ।। 1।।
विद्रुताश्च भयत्रस्ता विनेदुर्मृगपक्षुणः । रक्षसां च निमित्तानि क्रूराणि प्रतिपेदिरे ।। २।।
vidrutasca bhayatrasta vinedurmrgapaksunah । raksasam ca nimittani krurani pratipedire ।। 2।।
ततो गतायां निद्रायां राक्षस्यो विकृताननाः । तद्वनं ददृशुर्भग्नं तं च वीरं महाकपिम् ।। ३।।
tato gatayam nidrayam raksasyo vikrtananah । tadvanam dadrsurbhagnam tam ca viram mahakapim ।। 3।।
स ता दृष्ट्व महाबाहुर्महासत्त्वो महाबलः । चकार सुमहद्रूपं राक्षसीनां भयावहम् ।। ४।।
sa ta drstva mahabahurmahasattvo mahabalah । cakara sumahadrupam raksasinam bhayavaham ।। 4।।
ततस्तं गिरिसङ्काशमतिकायं महाबलम् । राक्षस्यो वानरं दृष्ट्वा पप्रच्छुर्जनकात्मजाम् ।। ५।।
tatastam girisankasamatikayam mahabalam । raksasyo vanaram drstva papracchurjanakatmajam ।। 5।।
कोऽयं कस्य कुतो वायं किंनिमित्तमिहागतः । कथं त्वया सहानेन संवादः कृत इत्युत ।। ६।।
ko- ayam kasya kuto vayam kimnimittamihagatah । katham tvaya sahanena samvadah krta ityuta ।। 6।।
आचक्ष्व नो विशालाक्षि मा भूत्ते सुभगे भयम् । संवादमसितापाङ्गे त्वया किं कृतवानयम् ।। ७।।
acaksva no visalaksi ma bhutte subhage bhayam । samvadamasitapange tvaya kim krtavanayam ।। 7।।
अथाब्रवीत्तदा साध्वी सीता सर्वाङ्गशोभना । रक्षसां कामरूपाणां विज्ञाने मम का गतिः ।। ८।।
athabravittada sadhvi sita sarvangasobhana । raksasam kamarupanam vijnane mama ka gatih ।। 8।।
यूयमेवास्य जानीत योऽयं यद्वा करिष्यति । अहिरेव अहेः पादान्विजानाति न संशयः ।। ९।।
yuyamevasya janita yo- ayam yadva karisyati । ahireva aheh padanvijanati na samsayah ।। 9।।
अहमप्यस्य भीतास्मि नैनं जानामि कोऽन्वयम् । वेद्मि राक्षसमेवैनं कामरूपिणमागतम् ।। १०।।
ahamapyasya bhitasmi nainam janami ko- anvayam । vedmi raksasamevainam kamarupinamagatam ।। 10।।
वैदेह्या वचनं श्रुत्वा राक्षस्यो विद्रुता द्रुतम् । स्थिताः काश्चिद्गताः काश्चिद्रावणाय निवेदितुम् ।। ११।।
vaidehya vacanam srutva raksasyo vidruta drutam । sthitah kascidgatah kascidravanaya niveditum ।। 11।।
रावणस्य समीपे तु राक्षस्यो विकृताननाः । विरूपं वानरं भीममाख्यतुमुपचक्रमुः ।। १२।।
ravanasya samipe tu raksasyo vikrtananah । virupam vanaram bhimamakhyatumupacakramuh ।। 12।।
अशोकवनिका मध्ये राजन्भीमवपुः कपिः । सीतया कृतसंवादस्तिष्ठत्यमितविक्रमः ।। १३।।
asokavanika madhye rajanbhimavapuh kapih । sitaya krtasamvadastisthatyam itavikramah ।। 13।।
न च तं जानकी सीता हरिं हरिणलोचणा । अस्माभिर्बहुधा पृष्टा निवेदयितुमिच्छति ।। १४।।
na ca tam janaki sita harim harinalocana । asmabhirbahudha prsta nivedayitumicchati ।। 14।।
वासवस्य भवेद्दूतो दूतो वैश्रवणस्य वा । प्रेषितो वापि रामेण सीतान्वेषणकाङ्क्षया ।। १५।।
vasavasya bhavedduto duto vaisravanasya va । presito vapi ramena sitanvesanakanksaya ।। 15।।
तेन त्वद्भूतरूपेण यत्तत्तव मनोहरम् । नानामृगगणाकीर्णं प्रमृष्टं प्रमदावनम् ।। १६।।
tena tvadbhutarupena yattattava manoharam । nanamrgaganakirnam pramrstam pramadavanam ।। 16।।
न तत्र कश्चिदुद्देशो यस्तेन न विनाशितः । यत्र सा जानकी सीता स तेन न विनाशितः ।। १७।।
na tatra kasciduddeso yastena na vinasitah । yatra sa janaki sita sa tena na vinasitah ।। 17।।
जानकीरक्षणार्थं वा श्रमाद्वा नोपलभ्यते । अथ वा कः श्रमस्तस्य सैव तेनाभिरक्षिता ।। १८।।
janakiraksanartham va sramadva nopalabhyate । atha va kah sramastasya saiva tenabhiraksita ।। 18।।
चारुपल्लवपत्राढ्यं यं सीता स्वयमास्थिता । प्रवृद्धः शिंशपावृक्षः स च तेनाभिरक्षितः ।। १९।।
carupallavapatradhyam yam sita svayamasthita । pravrddhah simsapavrksah sa ca tenabhiraksitah ।। 19।।
तस्योग्ररूपस्योग्रं त्वं दण्डमाज्ञातुमर्हसि । सीता सम्भाषिता येन तद्वनं च विनाशितम् ।। २०।।
tasyograrupasyogram tvam dandamajnatumarhasi । sita sambhasita yena tadvanam ca vinasitam ।। 20।।
मनःपरिगृहीतां तां तव रक्षोगणेश्वर । कः सीतामभिभाषेत यो न स्यात्त्यक्तजीवितः ।। २१।।
manahparigrhitam tam tava raksoganesvara । kah sitamabhibhaseta yo na syattyaktajivitah ।। 21।।
राक्षसीनां वचः श्रुत्वा रावणो राक्षसेश्वरः । हुतागिरिव जज्वाल कोपसंवर्तितेक्षणः ।। २२।।
raksasinam vacah srutva ravano raksasesvarah । hutagiriva jajvala kopasamvartiteksanah ।। 22।।
तस्य क्रुद्धस्य नेत्राभ्यां प्रापतन्नास्रबिन्दवः। दीप्ताभ्यामिव दीपाभ्यां सार्चिष स्स्नेहबिन्दवः।।२३।।
tasya kruddhasya netrabhyam prapatannasrabindavah | diptabhyamiva dipabhyam sarcisa ssnehabindavah||23||
आत्मनः सदृशाञ्शूरान्किङ्करान्नाम राक्षसान् । व्यादिदेश महातेजा निग्रहार्थं हनूमतः ।।२४।।
atmanah sadrsansurankiṅkarannama raksasan | vyadidesa mahateja nigrahartham hanumatah ||24||
तेषामशीतिसाहस्रं किङ्कराणां तरस्विनाम् । निर्ययुर्भवनात्तस्मात्कूटमुद्गरपाणयः ।।२५।।
tesamasitisahasram kiṅkaranam tarasvinam | niryayurbhavanat tasmat kutamudgarapanayah ||25||
महोदरा महादंष्ट्रा घोररूपा महाबलाः । युद्धाभिमनसः सर्वे हनूमद्ग्रहणोन्मुखाः ।।२६।।
mahodara mahadamstra ghorarupa mahabalah | yuddhabhimanasah sarve hanumadgrahanonmukhah ||26||
ते कपिं तं समासाद्य तोरणस्थमवस्थितम् । अभिपेतुर्महावेगाः पतङ्गा इव पावकम् ।।२७।।
te kapim tam samasadya toranasthamavasthitam | abhipeturmahavegah pataṅga iva pavakam ||27||
ते गदाभिर्विचित्राभिः परिघैः काञ्चनाङ्गदैः । आजघ्नुर्वानरश्रेष्ठं शरैरादित्यसंनिभैः ।।२८।।
te gadabhirvicitrabhih parighaih kancanaṅgadaih | ajaghnurvanarasrestham sarairadityasamnibhaih ||28||
मुद्गरैः पट्टिशैश्शूलैः प्रासतोमरशक्तिभिः । परिवार्य हनूमन्तं सहसा तस्थुरग्रतः।।२९।।
mudgaraih pattisaissulaih prasatomarasaktibhih | parivarya hanumantam sahasa tasthuragratah||29||
हनूमानपि तेजस्वी श्रीमान्पर्वतसंनिभः । क्षितावाविध्य लाङ्गूलं ननाद च महास्वनम् ।।३०।।
hanumanapi tejasvi srimanparvatasamnibhah | ksitavavidhya laṅgulam nanada ca mahasvanam ||30||
स भूत्वा सुमहाकायो हनुमान्मारुतात्मजः।
धृष्टमास्फोटयामास लङ्कां शब्देन पूरयन्।।३१।।
sa bhutva sumahakayo hanumanmarutatmajah | dhrstamasphotayamasa laṅkam sabdena purayan||31||
तस्यास्फोटितशब्देन महता सानुनादिना । पेतुर्विहङ्गा गगनादुच्चैश्चेदमघोषयत्।।३२।।
tasyasphotitasabdena mahata sanunadina | peturvihaṅga gaganaduccaiscedamaghosayat ||32||
जयत्यतिबलो रामो लक्ष्मणश्च महाबलः। राजा जयति सुग्रीवो राघवेणाभिपालितः।।३३।।
jayatyatibalo ramo laksmanasca mahabalah|raja jayati sugrivo raghavenabhipalitah||33||
दासोऽहं कोसलेन्द्रस्य रामस्याक्लिष्टकर्मणः।
हनुमान्शत्रुसैन्यानां निहन्ता मारुतात्मजः।।३४।।
daso'ham kosalendrasya ramasyaklistakarmanah | hanumansatrusainyanam nihanta marutatmajah||34||
न रावणसहस्रं मे युद्धे प्रतिबलं भवेत् । शिलाभिस्तु प्रहरतः पादपैश्च सहस्रशः।।३५।।
na ravanasahasram me yuddhe pratibalam bhavet | silabhistu praharatah padapaisca sahasrasah||35||
अर्दयित्वा पुरीं लङ्कामभिवाद्य च मैथिलीम् । समृद्धार्थो गमिष्यामि मिषतां सर्वरक्षसाम्।।३६।।
ardayitva purim laṅkamabhivadya ca maithilim | samrddhartho gamisyami misatam sarvaraksasam||36||
तस्य संनादशब्देन तेऽभवन्भयशङ्किताः । ददृशुश्च हनूमन्तं सन्ध्यामेघमिवोन्नतम् ।।३७।।
tasya samnadasabdena te'bhavanbhayasaṅkitah | dadrsusca hanumantam sandhyameghamivonnatam ||37||
स्वामिसन्देशनिःशङ्कास्ततस्ते राक्षसाः कपिम् । चित्रैः प्रहरणैर्भीमैरभिपेतुस्ततस्ततः ।।३८।।
svamisandesanihsaṅkastataste raksasah kapim | citraih praharanairbhimairabhi petustatastatah ||38||
स तैः परिवृतः शूरैः सर्वतः स महाबलः । आससादायसं भीमं परिघं तोरणाश्रितम् ।।३९।।
sa taih parivrtah suraih sarvatah sa mahabalah | asasadayasam bhimam parigham toranasritam ||39||
स तं परिघमादाय जघान रजनीचरान् । सपन्नगमिवादाय स्फुरन्तं विनतासुतः ।।४०।।
sa tam parighamadaya jaghana rajanicaran | sapannagamivadaya sphurantam vinatasutah ||40||
विचचाराम्बरे वीरः परिगृह्य च मारुतिः । सूदयामास वज्रेण दैत्यनिव सहस्त्रदृक्।।४१।।
vicacarambare virah parigrhya ca marutih | sudayamasa vajrena daityaniva sahastradrk||41||
स हत्वा राक्षसान्वीरः किङ्करान्मारुतात्मजः । युद्धाकाङ्क्षी पुनर्वीरस्तोरणं समुपस्थितः ।।४२।।
sa hatva raksasanvirah kiṅkaranmarutatmajah | yuddhakaṅksi punarvirastoranam samupasthitah ||42||
ततस्तस्माद्भयान्मुक्ताः कति चित्तत्र राक्षसाः । निहतान्किङ्करान्सर्वान्रावणाय न्यवेदयन् ।।४३।।
tatastasmadbhayanmuktah kati cittatra raksasah | nihatankiṅkaransarvanravanaya nyavedayan ||43||
स राक्षसानां निहतं महाबलं निशम्य राजा परिवृत्तलोचनः । समादिदेशाप्रतिमं पराक्रमे प्रहस्तपुत्रं समरे सुदुर्जयम् ।।४४।।
sa raksasanam nihatam mahabalam nisamya raja parivrttalocanah | samadidesapratimam parakrame prahastaputram samare sudurjayam ||44||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
