ततस्ते राक्षसेन्द्रेण चोदिता मन्त्रिणः सुताः । निर्ययुर्भवनात्तस्मात्सप्त सप्तार्चिवर्चसः ।। १।।
tataste raksasendrena codita mantrinah sutah । niryayurbhavanattasmatsapta saptarcivarcasah ।। 1।।
महाबलपरीवारा धनुष्मन्तो महाबलाः । कृतास्त्रास्त्रविदां श्रेष्ठाः परस्परजयैषिणः ।। २।।
mahabalaparivara dhanusmanto mahabalah । krtastrastravidam sresthah parasparajayaisinah ।। 2।।
हेमजालपरिक्षिप्तैर्ध्वजवद्भिः पताकिभिः । तोयदस्वननिर्घोषैर्वाजियुक्तैर्महारथैः ।। ३।।
hemajalapariksip tairdhvajavadbhih patakibhih । toyadasvananirghosairvajiyuktair maharathaih ।। 3।।
तप्तकाञ्चनचित्राणि चापान्यमितविक्रमाः । विस्फारयन्तः संहृष्टास्तडिद्वन्त इवाम्बुदाः ।। ४।।
taptakancanacitrani capanyamitavikramah । vispharayantah samhrstastadidvanta ivambudah ।। 4।।
जनन्यस्तास्ततस्तेषां विदित्वा किङ्करान्हतान् । बभूवुः शोकसम्भ्रान्ताः सबान्धवसुहृज्जनाः ।। ५।।
jananyastastatastesam viditva kinkaranhatan । babhuvuh sokasambhrantah sabandhavasuhrjjanah ।। 5।।
ते परस्परसङ्घर्षास्तप्तकाञ्चनभूषणाः । अभिपेतुर्हनूमन्तं तोरणस्थमवस्थितम् ।। ६।।
te parasparasangharsas taptakancanabhusanah । abhipeturhanumantam toranasthamavasthitam ।। 6।।
सृजन्तो बाणवृष्टिं ते रथगर्जितनिःस्वनाः । वृष्टिमन्त इवाम्भोदा विचेरुर्नैरृतर्षभाः ।। ७।।
srjanto banavrstim te rathagarjitanihsvanah । vrstimanta ivambhoda vicerurnairrtarsabhah ।। 7।।
अवकीर्णस्ततस्ताभिर्हनूमाञ्शरवृष्टिभिः । अभवत्संवृताकारः शैलराडिव वृष्टिभिः ।। ८।।
avakirnastatastabhir hanumansaravrstibhih । abhavatsamvrtakarah sailaradiva vrstibhih ।। 8।।
स शरान्वञ्चयामास तेषामाशुचरः कपिः । रथवेगांश्च वीराणां विचरन्विमलेऽम्बरे ।। ९।।
sa saranvancayamasa tesamasucarah kapih । rathavegamsca viranam vicaranvimale- ambare ।। 9।।
स तैः क्रीडन्धनुष्मद्भिर्व्योम्नि वीरः प्रकाशते । धनुष्मद्भिर्यथा मेघैर्मारुतः प्रभुरम्बरे ।। १०।।
sa taih kridandhanusmadbhirvyomni virah prakasate । dhanusmadbhiryatha meghairmarutah prabhurambare ।। 10।।
स कृत्वा निनदं घोरं त्रासयंस्तां महाचमूम् । चकार हनुमान्वेगं तेषु रक्षःसु वीर्यवान् ।। ११।।
sa krtva ninadam ghoram trasayamstam mahacamum । cakara hanumanvegam tesu raksahsu viryavan ।। 11।।
तलेनाभिहनत्कांश्चित्पादैः कांश्चित्परन्तपः । मुष्टिनाभ्यहनत्कांश्चिन्नखैः कांश्चिद्व्यदारयत् ।। १२।।
talenabhihanat kamscit padaih kamscit parantapah । mustinabhyahanat kamscinnakhaih kamscid vyadarayat ।। 12।।
प्रममाथोरसा कांश्चिदूरुभ्यामपरान्कपिः । के चित्तस्यैव नादेन तत्रैव पतिता भुवि ।। १३।।
pramamathorasa kamscidurubhyamaparankapih । ke cittasyaiva nadena tatraiva patita bhuvi ।। 13।।
ततस्तेष्ववपन्नेषु भूमौ निपतितेषु च । तत्सैन्यमगमत्सर्वं दिशो दशभयार्दितम् ।। १४।।
tatastesvavapannesu bhumau nipatitesu ca । tatsainyamagamatsarvam diso dasabhayarditam ।। 14।।
विनेदुर्विस्वरं नागा निपेतुर्भुवि वाजिनः । भग्ननीडध्वजच्छत्रैर्भूश्च कीर्णाभवद्रथैः ।। १५।।
vinedurvisvaram naga nipeturbhuvi vajinah । bhagnanidadhvajac chatrairbhusca kirnabhavadr athaih ।। 15।।
स्रवता रुधिरेणाथ स्रवन्त्यो दर्शिताः पथि । विविधैश्च स्वरैर्लङ्का ननाद विकृतं तदा ।।१६।।
sravata rudhirenatha sravantyo darsitah pathi | vividhaisca svarairlaṅka nanada vikrtam tada ||16||
स तान्प्रवृद्धान्विनिहत्य राक्षसान् महाबलश्चण्डपराक्रमः कपिः । युयुत्सुरन्यैः पुनरेव राक्षसैस् तदेव वीरोऽभिजगाम तोरणम् ।। १७।।
sa tanpravrddhanvinihatya raksasan mahabalascandaparakramah kapih । yuyutsuranyaih punareva raksasais tadeva viro-abhijagama toranam ।। 17।
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
