This overlay will guide you through the buttons:

| |
|
Shloka 1
ततस्तस्य गिरेः शृङ्गे महेन्द्रस्य महाबलाः । हनुमत्प्रमुखाः प्रीतिं हरयो जग्मुरुत्तमाम् ॥१॥

PADACHEDA

ततस् तस्य गिरेः शृङ्गे महेन्द्रस्य महा-बलाः । हनुमत्-प्रमुखाः प्रीतिम् हरयः जग्मुः उत्तमाम् ॥१॥

TRANSLITERATION

tatas tasya gireḥ śṛṅge mahendrasya mahā-balāḥ . hanumat-pramukhāḥ prītim harayaḥ jagmuḥ uttamām ..1..
Shloka 2
प्रीतिमत्सुपविष्टेषु वानरेषु महात्मसु।तं ततः प्रतिसंहृष्टः प्रीतिमन्तं महाकपिम् ॥२॥

PADACHEDA

प्रीतिमत् सु पविष्टेषु वानरेषु महात्मसु।तम् ततस् प्रतिसंहृष्टः प्रीतिमन्तम् महा-कपिम् ॥२॥

TRANSLITERATION

prītimat su paviṣṭeṣu vānareṣu mahātmasu.tam tatas pratisaṃhṛṣṭaḥ prītimantam mahā-kapim ..2..
Shloka 3
जाम्बवान्कार्यवृत्तान्तमपृच्छदनिलात्मजम् ।कथं दृष्टा त्वया देवी कथं वा तत्र वर्तते ॥३॥

PADACHEDA

जाम्बवान् कार्य-वृत्तान्तम् अपृच्छत् अनिलात्मजम् ।कथम् दृष्टा त्वया देवी कथम् वा तत्र वर्तते ॥३॥

TRANSLITERATION

jāmbavān kārya-vṛttāntam apṛcchat anilātmajam .katham dṛṣṭā tvayā devī katham vā tatra vartate ..3..
Shloka 4
तस्यां चापि कथं वृत्तः क्रूरकर्मा दशाननः ।तत्त्वतः सर्वमेतन्नः प्रब्रूहि त्वं महाकपे ॥४॥

PADACHEDA

तस्याम् च अपि कथम् वृत्तः क्रूर-कर्मा दशाननः ।तत्त्वतः सर्वम् एतत् नः प्रब्रूहि त्वम् महा-कपे ॥४॥

TRANSLITERATION

tasyām ca api katham vṛttaḥ krūra-karmā daśānanaḥ .tattvataḥ sarvam etat naḥ prabrūhi tvam mahā-kape ..4..
Shloka 5
संमार्गिता कथं देवी किं च सा प्रलमाषत। श्रुतार्थाश्चिन्तयिष्यामो भूयः कार्यविनिश्चयम् ॥५॥

PADACHEDA

संमार्गिता कथम् देवी किम् च सा प्रलमाषत। श्रुत-अर्थाः चिन्तयिष्यामः भूयस् कार्य-विनिश्चयम् ॥५॥

TRANSLITERATION

saṃmārgitā katham devī kim ca sā pralamāṣata. śruta-arthāḥ cintayiṣyāmaḥ bhūyas kārya-viniścayam ..5..
Shloka 6
यश्चार्थस्तत्र वक्तव्यो गतैरस्माभिरात्मवान् । रक्षितव्यं च यत्तत्र तद्भवान्व्याकरोतु नः ॥६॥

PADACHEDA

यः च अर्थः तत्र वक्तव्यः गतैः अस्माभिः आत्मवान् । रक्षितव्यम् च यत् तत्र तत् भवान् व्याकरोतु नः ॥६॥

TRANSLITERATION

yaḥ ca arthaḥ tatra vaktavyaḥ gataiḥ asmābhiḥ ātmavān . rakṣitavyam ca yat tatra tat bhavān vyākarotu naḥ ..6..
Shloka 7
स नियुक्तस्ततस्तेन सम्प्रहृष्टतनूरुहः । नमस्यञ्शिरसा देव्यै सीतायै प्रत्यभाषत ॥७॥

PADACHEDA

स नियुक्तः ततस् तेन सम्प्रहृष्ट-तनूरुहः । नमस्यन् शिरसा देव्यै सीतायै प्रत्यभाषत ॥७॥

TRANSLITERATION

sa niyuktaḥ tatas tena samprahṛṣṭa-tanūruhaḥ . namasyan śirasā devyai sītāyai pratyabhāṣata ..7..
Shloka 8
प्रत्यक्षमेव भवतां महेन्द्राग्रात्खमाप्लुतः । उदधेर्दक्षिणं पारं काङ्क्षमाणः समाहितः ॥८॥

PADACHEDA

प्रत्यक्षम् एव भवताम् महेन्द्र-अग्रात् खम् आप्लुतः । उदधेः दक्षिणम् पारम् काङ्क्षमाणः समाहितः ॥८॥

TRANSLITERATION

pratyakṣam eva bhavatām mahendra-agrāt kham āplutaḥ . udadheḥ dakṣiṇam pāram kāṅkṣamāṇaḥ samāhitaḥ ..8..
Shloka 9
गच्छतश्च हि मे घोरं विघ्नरूपमिवाभवत् । काञ्चनं शिखरं दिव्यं पश्यामि सुमनोहरम् ॥९॥

PADACHEDA

गच्छतः च हि मे घोरम् विघ्न-रूपम् इव अभवत् । काञ्चनम् शिखरम् दिव्यम् पश्यामि सु मनोहरम् ॥९॥

TRANSLITERATION

gacchataḥ ca hi me ghoram vighna-rūpam iva abhavat . kāñcanam śikharam divyam paśyāmi su manoharam ..9..
Shloka 10
स्थितं पन्थानमावृत्य मेने विघ्नं च तं नगम् ।उपसङ्गम्य तं दिव्यं काञ्चनं नगसत्तमम् ॥१०॥

PADACHEDA

स्थितम् पन्थानम् आवृत्य मेने विघ्नम् च तम् नगम् ।उपसङ्गम्य तम् दिव्यम् काञ्चनम् नग-सत्तमम् ॥१०॥

TRANSLITERATION

sthitam panthānam āvṛtya mene vighnam ca tam nagam .upasaṅgamya tam divyam kāñcanam naga-sattamam ..10..
Shloka 11
कृता मे मनसा बुद्धिर्भेत्तव्योऽयं मयेति च ।प्रहतस्य मया तस्य लाङ्गूलेन महागिरेः ॥११॥

PADACHEDA

कृता मे मनसा बुद्धिः भेत्तव्यः अयम् मया इति च ।प्रहतस्य मया तस्य लाङ्गूलेन महा-गिरेः ॥११॥

TRANSLITERATION

kṛtā me manasā buddhiḥ bhettavyaḥ ayam mayā iti ca .prahatasya mayā tasya lāṅgūlena mahā-gireḥ ..11..
Shloka 12
शिखरं सूर्यसङ्काशं व्यशीर्यत सहस्रधा ।व्यवसायं च मे बुद्ध्वा स होवाच महागिरिः ॥१२॥

PADACHEDA

शिखरम् सूर्य-सङ्काशम् व्यशीर्यत सहस्रधा ।व्यवसायम् च मे बुद्ध्वा स ह उवाच महा-गिरिः ॥१२॥

TRANSLITERATION

śikharam sūrya-saṅkāśam vyaśīryata sahasradhā .vyavasāyam ca me buddhvā sa ha uvāca mahā-giriḥ ..12..
Shloka 13
पुत्रेति मधुरां बाणीं मनःप्रह्लादयन्निव ।पितृव्यं चापि मां विद्धि सखायं मातरिश्वनः ॥१३॥

PADACHEDA

पुत्र इति मधुराम् बाणीम् मनः प्रह्लादयन् इव ।पितृव्यम् च अपि माम् विद्धि सखायम् मातरिश्वनः ॥१३॥

TRANSLITERATION

putra iti madhurām bāṇīm manaḥ prahlādayan iva .pitṛvyam ca api mām viddhi sakhāyam mātariśvanaḥ ..13..
Shloka 14
मैनाकमिति विख्यातं निवसन्तं महोदधौ ।पक्ष्ववन्तः पुरा पुत्र बभूवुः पर्वतोत्तमाः ॥१४॥

PADACHEDA

मैनाकम् इति विख्यातम् निवसन्तम् महा-उदधौ ।पक्ष्ववन्तः पुरा पुत्र बभूवुः पर्वत-उत्तमाः ॥१४॥

TRANSLITERATION

mainākam iti vikhyātam nivasantam mahā-udadhau .pakṣvavantaḥ purā putra babhūvuḥ parvata-uttamāḥ ..14..
Shloka 15
छन्दतः पृथिवीं चेरुर्बाधमानाः समन्ततः ।श्रुत्वा नगानां चरितं महेन्द्रः पाकशासनः ॥१५॥

PADACHEDA

छन्दतस् पृथिवीम् चेरुः बाधमानाः समन्ततः ।श्रुत्वा नगानाम् चरितम् महा-इन्द्रः पाकशासनः ॥१५॥

TRANSLITERATION

chandatas pṛthivīm ceruḥ bādhamānāḥ samantataḥ .śrutvā nagānām caritam mahā-indraḥ pākaśāsanaḥ ..15..
Shloka 16
वज्रेण भगवान् पक्षौ चिच्छेदैषां सहस्रशः ।अहं तु मोक्षितस्तस्मात्तव पित्रा महात्मना ॥१६॥

PADACHEDA

वज्रेण भगवान् पक्षौ चिच्छेद एषाम् सहस्रशस् ।अहम् तु मोक्षितः तस्मात् तव पित्रा महात्मना ॥१६॥

TRANSLITERATION

vajreṇa bhagavān pakṣau ciccheda eṣām sahasraśas .aham tu mokṣitaḥ tasmāt tava pitrā mahātmanā ..16..
Shloka 17
मारुतेन तदा वत्स प्रक्षिप्तोऽस्मि महार्णवे ।राघवस्य मया साह्ये वर्तितव्यमरिन्दम ॥१७॥

PADACHEDA

मारुतेन तदा वत्स प्रक्षिप्तः अस्मि महा-अर्णवे ।राघवस्य मया साह्ये वर्तितव्यम् अरिन्दम ॥१७॥

TRANSLITERATION

mārutena tadā vatsa prakṣiptaḥ asmi mahā-arṇave .rāghavasya mayā sāhye vartitavyam arindama ..17..
Shloka 18
रामो धर्मभृतां श्रेष्ठो महेन्द्रसमविक्रमः ।एतच्छ्रुत्वा मया तस्य मैनाकस्य महात्मनः ॥१८॥

PADACHEDA

रामः धर्म-भृताम् श्रेष्ठः महा-इन्द्र-सम-विक्रमः ।एतत् श्रुत्वा मया तस्य मैनाकस्य महात्मनः ॥१८॥

TRANSLITERATION

rāmaḥ dharma-bhṛtām śreṣṭhaḥ mahā-indra-sama-vikramaḥ .etat śrutvā mayā tasya mainākasya mahātmanaḥ ..18..
Shloka 19
कार्यमावेद्य तु गिरेरुद्धतं च मनो मम ।तेन चाहमनुज्ञातो मैनाकेन महात्मना ॥१९॥

PADACHEDA

कार्यम् आवेद्य तु गिरेः उद्धतम् च मनः मम ।तेन च अहम् अनुज्ञातः मैनाकेन महात्मना ॥१९॥

TRANSLITERATION

kāryam āvedya tu gireḥ uddhatam ca manaḥ mama .tena ca aham anujñātaḥ mainākena mahātmanā ..19..
Shloka 20
स चाप्यन्तर्हितः शैलो मानुपेण वुष्मता।शरीरेण महारोलः शैलेन च महोदधौ॥२०॥

PADACHEDA

स च अपि अन्तर्हितः शैलः मानुपेण।शरीरेण महारोलः शैलेन च महा-उदधौ॥२०॥

TRANSLITERATION

sa ca api antarhitaḥ śailaḥ mānupeṇa.śarīreṇa mahārolaḥ śailena ca mahā-udadhau..20..
Shloka 21
उत्तमं जवमास्थाय शेषमध्वानमास्थितः ।ततोऽहं सुचिरं कालं वेगेनाभ्यगमं पथि ॥२१॥

PADACHEDA

उत्तमम् जवम् आस्थाय शेषम् अध्वानम् आस्थितः ।ततस् अहम् सु चिरम् कालम् वेगेन अभ्यगमम् पथि ॥२१॥

TRANSLITERATION

uttamam javam āsthāya śeṣam adhvānam āsthitaḥ .tatas aham su ciram kālam vegena abhyagamam pathi ..21..
Shloka 22
ततः पश्याम्यहं देवीं सुरसां नागमातरम् ।समुद्रमध्ये सा देवी वचनं मामभाषत ॥२२॥

PADACHEDA

ततस् पश्यामि अहम् देवीम् सुरसाम् नागमातरम् ।समुद्र-मध्ये सा देवी वचनम् माम् अभाषत ॥२२॥

TRANSLITERATION

tatas paśyāmi aham devīm surasām nāgamātaram .samudra-madhye sā devī vacanam mām abhāṣata ..22..
Shloka 23
मम भक्ष्यः प्रदिष्टस्त्वममारैर्हरिसत्तमम् । ततस्त्वां भक्षयिष्यामि विहितस्त्वं चिरस्य मे ॥२३॥

PADACHEDA

मम भक्ष्यः प्रदिष्टः त्वम् अमारैः हरि-सत्तमम् । ततस् त्वाम् भक्षयिष्यामि विहितः त्वम् चिरस्य मे ॥२३॥

TRANSLITERATION

mama bhakṣyaḥ pradiṣṭaḥ tvam amāraiḥ hari-sattamam . tatas tvām bhakṣayiṣyāmi vihitaḥ tvam cirasya me ..23..
Shloka 24
एवमुक्तः सुरसया प्राञ्जलिः प्रणतः स्थितः । विवर्णवदनो भूत्वा वाक्यं चेदमुदीरयम् ॥२४॥

PADACHEDA

एवम् उक्तः सुरसया प्राञ्जलिः प्रणतः स्थितः । विवर्ण-वदनः भूत्वा वाक्यम् च इदम् उदीरयम् ॥२४॥

TRANSLITERATION

evam uktaḥ surasayā prāñjaliḥ praṇataḥ sthitaḥ . vivarṇa-vadanaḥ bhūtvā vākyam ca idam udīrayam ..24..
Shloka 25
रामो दाशरथिः श्रीमान्प्रविष्टो दण्डकावनम् । लक्ष्मणेन सह भ्रात्रा सीतया च परन्तपः ॥२५॥

PADACHEDA

रामः दाशरथिः श्रीमान् प्रविष्टः दण्डक-वनम् । लक्ष्मणेन सह भ्रात्रा सीतया च परन्तपः ॥२५॥

TRANSLITERATION

rāmaḥ dāśarathiḥ śrīmān praviṣṭaḥ daṇḍaka-vanam . lakṣmaṇena saha bhrātrā sītayā ca parantapaḥ ..25..
Shloka 26
तस्य सीता हृता भार्या रावणेन दुरात्मना । तस्याः सकाशं दूतोऽहं गमिष्ये रामशासनात् ॥२६॥

PADACHEDA

तस्य सीता हृता भार्या रावणेन दुरात्मना । तस्याः सकाशम् दूतः अहम् गमिष्ये राम-शासनात् ॥२६॥

TRANSLITERATION

tasya sītā hṛtā bhāryā rāvaṇena durātmanā . tasyāḥ sakāśam dūtaḥ aham gamiṣye rāma-śāsanāt ..26..
Shloka 27
कर्तुमर्हसि रामस्य साह्यं विषयवासिनि ।अथ वा मैथिलीं दृष्ट्वा रामं चाक्लिष्टकारिणम् ॥२७॥

PADACHEDA

कर्तुम् अर्हसि रामस्य साह्यम् विषय-वासिनि ।अथ वा मैथिलीम् दृष्ट्वा रामम् च अक्लिष्ट-कारिणम् ॥२७॥

TRANSLITERATION

kartum arhasi rāmasya sāhyam viṣaya-vāsini .atha vā maithilīm dṛṣṭvā rāmam ca akliṣṭa-kāriṇam ..27..
Shloka 28
आगमिष्यामि ते वक्त्रं सत्यं प्रतिशृणोति मे ।एवमुक्ता मया सा तु सुरसा कामरूपिणी ॥२८॥

PADACHEDA

आगमिष्यामि ते वक्त्रम् सत्यम् प्रतिशृणोति मे ।एवम् उक्ता मया सा तु सुरसा कामरूपिणी ॥२८॥

TRANSLITERATION

āgamiṣyāmi te vaktram satyam pratiśṛṇoti me .evam uktā mayā sā tu surasā kāmarūpiṇī ..28..
Shloka 29
अब्रवीन्नातिवर्तेत कश्चिदेष वरो मम ।एवमुक्तः सुरसया दशयोजनमायतः ॥२९॥

PADACHEDA

अब्रवीत् न अतिवर्तेत कश्चिद् एष वरः मम ।एवम् उक्तः सुरसया दश-योजनम् आयतः ॥२९॥

TRANSLITERATION

abravīt na ativarteta kaścid eṣa varaḥ mama .evam uktaḥ surasayā daśa-yojanam āyataḥ ..29..
Shloka 30
ततोऽर्धगुणविस्तारो बभूवाहं क्षणेन तु ।मत्प्रमाणानुरूपं च व्यादितं तन्मुखं तया ॥३०॥

PADACHEDA

ततस् अर्ध-गुण-विस्तारः बभूव अहम् क्षणेन तु ।मद्-प्रमाण-अनुरूपम् च व्यादितम् तद्-मुखम् तया ॥३०॥

TRANSLITERATION

tatas ardha-guṇa-vistāraḥ babhūva aham kṣaṇena tu .mad-pramāṇa-anurūpam ca vyāditam tad-mukham tayā ..30..
Shloka 31
तद्दृष्ट्वा व्यादितं त्वास्यं ह्रस्वं ह्यकरवं वपुः ।तस्मिन्मुहूर्ते च पुनर्बभूवाङ्गुष्ठसंमितः ॥३१॥

PADACHEDA

तत् दृष्ट्वा व्यादितम् तु आस्यम् ह्रस्वम् हि अकरवम् वपुः ।तस्मिन् मुहूर्ते च पुनर् बभूव अङ्गुष्ठ-संमितः ॥३१॥

TRANSLITERATION

tat dṛṣṭvā vyāditam tu āsyam hrasvam hi akaravam vapuḥ .tasmin muhūrte ca punar babhūva aṅguṣṭha-saṃmitaḥ ..31..
Shloka 32
अभिपत्याशु तद्वक्त्रं निर्गतोऽहं ततः क्षणात् ।अब्रवीत्सुरसा देवी स्वेन रूपेण मां पुनः ॥३२॥

PADACHEDA

अभिपत्य आशु तद्-वक्त्रम् निर्गतः अहम् ततस् क्षणात् ।अब्रवीत् सुरसा देवी स्वेन रूपेण माम् पुनर् ॥३२॥

TRANSLITERATION

abhipatya āśu tad-vaktram nirgataḥ aham tatas kṣaṇāt .abravīt surasā devī svena rūpeṇa mām punar ..32..
Shloka 33
अर्थसिद्ध्यै हरिश्रेष्ठ गच्छ सौम्य यथासुखम् ।समानय च वैदेहीं राघवेण महात्मना ॥३३॥

PADACHEDA

अर्थ-सिद्ध्यै हरि-श्रेष्ठ गच्छ सौम्य यथासुखम् ।समानय च वैदेहीम् राघवेण महात्मना ॥३३॥

TRANSLITERATION

artha-siddhyai hari-śreṣṭha gaccha saumya yathāsukham .samānaya ca vaidehīm rāghaveṇa mahātmanā ..33..
Shloka 34
सुखी भव महाबाहो प्रीतास्मि तव वानर ।ततोऽहं साधु साध्वीति सर्वभूतैः प्रशंसितः ॥३४॥

PADACHEDA

सुखी भव महा-बाहो प्रीता अस्मि तव वानर ।ततस् अहम् साधु साध्वी इति सर्व-भूतैः प्रशंसितः ॥३४॥

TRANSLITERATION

sukhī bhava mahā-bāho prītā asmi tava vānara .tatas aham sādhu sādhvī iti sarva-bhūtaiḥ praśaṃsitaḥ ..34..
Shloka 35
ततोऽन्तरिक्षं विपुलं प्लुतोऽहं गरुडो यथा ।छाया मे निगृहीता च न च पश्यामि किं चन ॥३५॥

PADACHEDA

ततस् अन्तरिक्षम् विपुलम् प्लुतः अहम् गरुडः यथा ।छाया मे निगृहीता च न च पश्यामि किम् चन ॥३५॥

TRANSLITERATION

tatas antarikṣam vipulam plutaḥ aham garuḍaḥ yathā .chāyā me nigṛhītā ca na ca paśyāmi kim cana ..35..
Shloka 36
सोऽहं विगतवेगस्तु दिशो दश विलोकयन् । न किं चित्तत्र पश्यामि येन मेऽपहृता गतिः ॥३६॥

PADACHEDA

सः अहम् विगत-वेगः तु दिशः दश विलोकयन् । न किम् चित् तत्र पश्यामि येन मे अपहृता गतिः ॥३६॥

TRANSLITERATION

saḥ aham vigata-vegaḥ tu diśaḥ daśa vilokayan . na kim cit tatra paśyāmi yena me apahṛtā gatiḥ ..36..
Shloka 37
अथ मे बुद्धिरुत्पन्ना किं नाम गमने मम । ईदृशो विघ्न उत्पन्नो रूपं यत्र न दृश्यते ॥३७॥

PADACHEDA

अथ मे बुद्धिः उत्पन्ना किम् नाम गमने मम । ईदृशः विघ्नः उत्पन्नः रूपम् यत्र न दृश्यते ॥३७॥

TRANSLITERATION

atha me buddhiḥ utpannā kim nāma gamane mama . īdṛśaḥ vighnaḥ utpannaḥ rūpam yatra na dṛśyate ..37..
Shloka 38
अधो भागेन मे दृष्टिः शोचता पातिता मया । ततोऽद्राक्षमहं भीमां राक्षसीं सलिले शयाम् ॥३८॥

PADACHEDA

अधस् भागेन मे दृष्टिः शोचता पातिता मया । ततस् अद्राक्षम् अहम् भीमाम् राक्षसीम् सलिले शयाम् ॥३८॥

TRANSLITERATION

adhas bhāgena me dṛṣṭiḥ śocatā pātitā mayā . tatas adrākṣam aham bhīmām rākṣasīm salile śayām ..38..
Shloka 39
प्रहस्य च महानादमुक्तोऽहं भीमया तया । अवस्थितमसम्भ्रान्तमिदं वाक्यमशोभनम् ॥३९॥

PADACHEDA

प्रहस्य च महा-नाद-मुक्तः अहम् भीमया तया । अवस्थितम् असम्भ्रान्तम् इदम् वाक्यम् अशोभनम् ॥३९॥

TRANSLITERATION

prahasya ca mahā-nāda-muktaḥ aham bhīmayā tayā . avasthitam asambhrāntam idam vākyam aśobhanam ..39..
Shloka 40
क्वासि गन्ता महाकाय क्षुधिताया ममेप्सितः । भक्षः प्रीणय मे देहं चिरमाहारवर्जितम् ॥४०॥

PADACHEDA

क्व असि गन्ता महा-काय क्षुधितायाः मम ईप्सितः । भक्षः प्रीणय मे देहम् चिरम् आहार-वर्जितम् ॥४०॥

TRANSLITERATION

kva asi gantā mahā-kāya kṣudhitāyāḥ mama īpsitaḥ . bhakṣaḥ prīṇaya me deham ciram āhāra-varjitam ..40..
Shloka 41
बाढमित्येव तां वाणीं प्रत्यगृह्णामहं ततः । आस्य प्रमाणादधिकं तस्याः कायमपूरयम् ॥४१॥

PADACHEDA

बाढम् इति एव ताम् वाणीम् प्रत्यगृह्णाम् अहम् ततस् । आ अस्य प्रमाणात् अधिकम् तस्याः कायम् अपूरयम् ॥४१॥

TRANSLITERATION

bāḍham iti eva tām vāṇīm pratyagṛhṇām aham tatas . ā asya pramāṇāt adhikam tasyāḥ kāyam apūrayam ..41..
Shloka 42
तस्याश्चास्यं महद्भीमं वर्धते मम भक्षणे । न च मां सा तु बुबुधे मम वा विकृतं कृतम् ॥४२॥

PADACHEDA

तस्याः च आस्यम् महत् भीमम् वर्धते मम भक्षणे । न च माम् सा तु बुबुधे मम वा विकृतम् कृतम् ॥४२॥

TRANSLITERATION

tasyāḥ ca āsyam mahat bhīmam vardhate mama bhakṣaṇe . na ca mām sā tu bubudhe mama vā vikṛtam kṛtam ..42..
Shloka 43
ततोऽहं विपुलं रूपं सङ्क्षिप्य निमिषान्तरात् । तस्या हृदयमादाय प्रपतामि नभस्तलम् ॥४३॥

PADACHEDA

ततस् अहम् विपुलम् रूपम् सङ्क्षिप्य निमिष-अन्तरात् । तस्याः हृदयम् आदाय प्रपतामि नभः-तलम् ॥४३॥

TRANSLITERATION

tatas aham vipulam rūpam saṅkṣipya nimiṣa-antarāt . tasyāḥ hṛdayam ādāya prapatāmi nabhaḥ-talam ..43..
Shloka 44
सा विसृष्टभुजा भीमा पपात लवणाम्भसि । मया पर्वतसङ्काशा निकृत्तहृदया सती ॥४४॥

PADACHEDA

सा विसृष्ट-भुजा भीमा पपात लवणाम्भसि । मया पर्वत-सङ्काशा निकृत्त-हृदया सती ॥४४॥

TRANSLITERATION

sā visṛṣṭa-bhujā bhīmā papāta lavaṇāmbhasi . mayā parvata-saṅkāśā nikṛtta-hṛdayā satī ..44..
Shloka 45
शृणोमि खगतानां च सिद्धानां चारणैः सह । राक्षसी सिंहिका भीमा क्षिप्रं हनुमता हृता ॥४५॥

PADACHEDA

शृणोमि ख-गतानाम् च सिद्धानाम् चारणैः सह । राक्षसी सिंहिका भीमा क्षिप्रम् हनुमता हृता ॥४५॥

TRANSLITERATION

śṛṇomi kha-gatānām ca siddhānām cāraṇaiḥ saha . rākṣasī siṃhikā bhīmā kṣipram hanumatā hṛtā ..45..
Shloka 46
तां हत्वा पुनरेवाहं कृत्यमात्ययिकं स्मरन् । गत्वा च महदध्वानं पश्यामि नगमण्डितम् ॥४६॥

PADACHEDA

ताम् हत्वा पुनर् एव अहम् कृत्यम् आत्ययिकम् स्मरन् । गत्वा च महत्-अध्वानम् पश्यामि नग-मण्डितम् ॥४६॥

TRANSLITERATION

tām hatvā punar eva aham kṛtyam ātyayikam smaran . gatvā ca mahat-adhvānam paśyāmi naga-maṇḍitam ..46..
Shloka 47
दक्षिणं तीरमुदधेर्लङ्का यत्र च सा पुरी ।अस्तं दिनकरे याते रक्षसां निलयं पुरीम् ॥४७॥

PADACHEDA

दक्षिणम् तीरम् उदधेः लङ्का यत्र च सा पुरी ।अस्तम् दिनकरे याते रक्षसाम् निलयम् पुरीम् ॥४७॥

TRANSLITERATION

dakṣiṇam tīram udadheḥ laṅkā yatra ca sā purī .astam dinakare yāte rakṣasām nilayam purīm ..47..
Shloka 48
प्रविष्टोऽहमविज्ञातो रक्षोभिर्भीमविक्रमैः ।तत्र प्रविशतश्चापि कल्पान्तघनसन्निभा॥४८॥

PADACHEDA

प्रविष्टः अहम् अविज्ञातः रक्षोभिः भीम-विक्रमैः ।तत्र प्रविशतः च अपि कल्पान्त-घन-सन्निभा॥४८॥

TRANSLITERATION

praviṣṭaḥ aham avijñātaḥ rakṣobhiḥ bhīma-vikramaiḥ .tatra praviśataḥ ca api kalpānta-ghana-sannibhā..48..
Shloka 49
अट्टहासं विमुञ्चन्ती नारी काप्युत्थिता पुरः।जिघांसन्तीं ततस्तां तु ज्वलदग्निशिरोरुहाम्॥४९॥

PADACHEDA

अट्टहासम् विमुञ्चन्ती नारी का अपि उत्थिता पुरस्।जिघांसन्तीम् ततस् ताम् तु ज्वलत्-अग्नि-शिरोरुहाम्॥४९॥

TRANSLITERATION

aṭṭahāsam vimuñcantī nārī kā api utthitā puras.jighāṃsantīm tatas tām tu jvalat-agni-śiroruhām..49..
Shloka 50
सव्यमुष्टिप्रहारेण पराजित्य सुभैरवाम्।प्रदोषकाले प्रविशं भीतयाऽहं तयोदितः॥५०॥

PADACHEDA

सव्य-मुष्टि-प्रहारेण पराजित्य सु भैरवाम्।प्रदोष-काले प्रविशम् भीतया अहम् तया उदितः॥५०॥

TRANSLITERATION

savya-muṣṭi-prahāreṇa parājitya su bhairavām.pradoṣa-kāle praviśam bhītayā aham tayā uditaḥ..50..
Shloka 51
अहं लङ्कापुरी वीर निर्जिता विक्रमेण ते।यस्मात्तस्माद्विजेतासि सर्वरक्षांस्यशेषतः॥५१॥

PADACHEDA

अहम् लङ्का-पुरी वीर निर्जिता विक्रमेण ते।यस्मात् तस्मात् विजेतासि सर्व-रक्षांसि अशेषतस्॥५१॥

TRANSLITERATION

aham laṅkā-purī vīra nirjitā vikrameṇa te.yasmāt tasmāt vijetāsi sarva-rakṣāṃsi aśeṣatas..51..
Shloka 52
तत्राहं सर्वरात्रं तु विचिन्वञ्जनकात्मजाम् । रावणान्तःपुरगतो न चापश्यं सुमध्यमाम् ॥५२॥

PADACHEDA

तत्र अहम् सर्व-रात्रम् तु विचिन्वन् जनकात्मजाम् । रावण-अन्तःपुर-गतः न च अपश्यम् सुमध्यमाम् ॥५२॥

TRANSLITERATION

tatra aham sarva-rātram tu vicinvan janakātmajām . rāvaṇa-antaḥpura-gataḥ na ca apaśyam sumadhyamām ..52..
Shloka 53
ततः सीतामपश्यंस्तु रावणस्य निवेशने । शोकसागरमासाद्य न पारमुपलक्षये ॥५३॥

PADACHEDA

ततस् सीताम् अपश्यन् तु रावणस्य निवेशने । शोक-सागरम् आसाद्य न पारम् उपलक्षये ॥५३॥

TRANSLITERATION

tatas sītām apaśyan tu rāvaṇasya niveśane . śoka-sāgaram āsādya na pāram upalakṣaye ..53..
Shloka 54
शोचता च मया दृष्टं प्राकारेण समावृतम् । काञ्चनेन विकृष्टेन गृहोपवनमुत्तमम् ॥५४॥

PADACHEDA

शोचता च मया दृष्टम् प्राकारेण समावृतम् । काञ्चनेन विकृष्टेन गृह-उपवनम् उत्तमम् ॥५४॥

TRANSLITERATION

śocatā ca mayā dṛṣṭam prākāreṇa samāvṛtam . kāñcanena vikṛṣṭena gṛha-upavanam uttamam ..54..
Shloka 55
सप्राकारमवप्लुत्य पश्यामि बहुपादपम् ।अशोकवनिकामध्ये शिंशपापादपो महान् ॥५५॥

PADACHEDA

स प्राकारम् अवप्लुत्य पश्यामि बहु-पादपम् ।अशोक-वनिका-मध्ये शिंशपा-पादपः महान् ॥५५॥

TRANSLITERATION

sa prākāram avaplutya paśyāmi bahu-pādapam .aśoka-vanikā-madhye śiṃśapā-pādapaḥ mahān ..55..
Shloka 56
तमारुह्य च पश्यामि काञ्चनं कदली वनम् ।अदूराच्छिंशपावृक्षात्पश्यामि वनवर्णिनीम् ॥५६॥

PADACHEDA

तम् आरुह्य च पश्यामि काञ्चनम् कदली वनम् ।अदूरात् शिंशपा-वृक्षात् पश्यामि वन-वर्णिनीम् ॥५६॥

TRANSLITERATION

tam āruhya ca paśyāmi kāñcanam kadalī vanam .adūrāt śiṃśapā-vṛkṣāt paśyāmi vana-varṇinīm ..56..
Shloka 57
श्यामां कमलपत्राक्षीमुपवासकृशाननाम् ।तदेकवासस्संवीतां रजोध्वस्तशिरोरुहाम्॥५७॥

PADACHEDA

श्यामाम् कमल-पत्र-अक्षीम् उपवास-कृश-आननाम् ।तद्-एक-वासः-संवीताम् रजः-ध्वस्त-शिरोरुहाम्॥५७॥

TRANSLITERATION

śyāmām kamala-patra-akṣīm upavāsa-kṛśa-ānanām .tad-eka-vāsaḥ-saṃvītām rajaḥ-dhvasta-śiroruhām..57..
Shloka 58
शोकसन्तापदीनाङ्गीं सीतां भर्तृहिते स्थिताम्।राक्षसीभिर्विरूपाभिः क्रूराभिरभिसंवृताम् ॥५८॥

PADACHEDA

शोक-सन्ताप-दीन-अङ्गीम् सीताम् भर्तृ-हिते स्थिताम्।राक्षसीभिः विरूपाभिः क्रूराभिः अभिसंवृताम् ॥५८॥

TRANSLITERATION

śoka-santāpa-dīna-aṅgīm sītām bhartṛ-hite sthitām.rākṣasībhiḥ virūpābhiḥ krūrābhiḥ abhisaṃvṛtām ..58..
Shloka 59
मांसशोणितभक्ष्याभिर्व्याघ्रीभिर्हरिणीं यथा ।सा मया राक्षसीमध्ये तर्ज्यमाना मुहुर्मुहुः॥५९॥

PADACHEDA

मांस-शोणित-भक्ष्याभिः व्याघ्रीभिः हरिणीम् यथा ।सा मया राक्षसी-मध्ये तर्ज्यमाना मुहुर् मुहुर्॥५९॥

TRANSLITERATION

māṃsa-śoṇita-bhakṣyābhiḥ vyāghrībhiḥ hariṇīm yathā .sā mayā rākṣasī-madhye tarjyamānā muhur muhur..59..
Shloka 60
एकवेणीधरा दीना भर्तृचिन्तापरायणा।भूमिशय्या विवर्णाङ्गी पद्मिनीव हिमागमे॥६०॥

PADACHEDA

एक-वेणी-धरा दीना भर्तृ-चिन्ता-परायणा।भूमि-शय्या विवर्ण-अङ्गी पद्मिनी इव हिम-आगमे॥६०॥

TRANSLITERATION

eka-veṇī-dharā dīnā bhartṛ-cintā-parāyaṇā.bhūmi-śayyā vivarṇa-aṅgī padminī iva hima-āgame..60..
Shloka 61
रावणाद्विनिवृत्तार्था मर्तव्यकृतनिश्चया।कथञ्चिन्मृगशाबाक्षी तूर्णमासादिता मया॥६१॥

PADACHEDA

रावणात् विनिवृत्त-अर्था मर्तव्य-कृत-निश्चया।कथञ्चिद् मृगशाबाक्षी तूर्णम् आसादिता मया॥६१॥

TRANSLITERATION

rāvaṇāt vinivṛtta-arthā martavya-kṛta-niścayā.kathañcid mṛgaśābākṣī tūrṇam āsāditā mayā..61..
Shloka 62
तां दृष्ट्वा तादृशीं नारीं रामपत्नीमनिन्दिताम् । तत्रैव शिंशपावृक्षे पश्यन्नहमवस्थितः ॥६२॥

PADACHEDA

ताम् दृष्ट्वा तादृशीम् नारीम् राम-पत्नीम् अनिन्दिताम् । तत्र एव शिंशपा-वृक्षे पश्यन् अहम् अवस्थितः ॥६२॥

TRANSLITERATION

tām dṛṣṭvā tādṛśīm nārīm rāma-patnīm aninditām . tatra eva śiṃśapā-vṛkṣe paśyan aham avasthitaḥ ..62..
Shloka 63
ततो हलहलाशब्दं काञ्चीनूपुरमिश्रितम् । शृणोम्यधिकगम्भीरं रावणस्य निवेशने ॥६३॥

PADACHEDA

ततस् हलहला शब्दम् काञ्ची-नूपुर-मिश्रितम् । शृणोमि अधिक-गम्भीरम् रावणस्य निवेशने ॥६३॥

TRANSLITERATION

tatas halahalā śabdam kāñcī-nūpura-miśritam . śṛṇomi adhika-gambhīram rāvaṇasya niveśane ..63..
Shloka 64
ततोऽहं परमोद्विग्नः स्वरूपं प्रत्यसंहरम् । अहं च शिंशपावृक्षे पक्षीव गहने स्थितः ॥६४॥

PADACHEDA

ततस् अहम् परम-उद्विग्नः स्व-रूपम् प्रत्यसंहरम् । अहम् च शिंशपा-वृक्षे पक्षी इव गहने स्थितः ॥६४॥

TRANSLITERATION

tatas aham parama-udvignaḥ sva-rūpam pratyasaṃharam . aham ca śiṃśapā-vṛkṣe pakṣī iva gahane sthitaḥ ..64..
Shloka 65
ततो रावणदाराश्च रावणश्च महाबलः । तं देशं समनुप्राप्ता यत्र सीताभवत्स्थिता ॥६५॥

PADACHEDA

ततस् रावण-दाराः च रावणः च महा-बलः । तम् देशम् समनुप्राप्ताः यत्र सीता भवत् स्थिता ॥६५॥

TRANSLITERATION

tatas rāvaṇa-dārāḥ ca rāvaṇaḥ ca mahā-balaḥ . tam deśam samanuprāptāḥ yatra sītā bhavat sthitā ..65..
Shloka 66
तं दृष्ट्वाथ वरारोहा सीता रक्षोगणेश्वरम् । सङ्कुच्योरू स्तनौ पीनौ बाहुभ्यां परिरभ्य च ॥६६॥

PADACHEDA

तम् दृष्ट्वा अथ वरारोहा सीता रक्षः-गण-ईश्वरम् । सङ्कुच्य ऊरू स्तनौ पीनौ बाहुभ्याम् परिरभ्य च ॥६६॥

TRANSLITERATION

tam dṛṣṭvā atha varārohā sītā rakṣaḥ-gaṇa-īśvaram . saṅkucya ūrū stanau pīnau bāhubhyām parirabhya ca ..66..
Shloka 67
वित्रस्तां परमोद्विग्नां वीक्षमाणां ततस्ततः।त्राणं किञ्चिदपश्यन्तीं वेपमानां तपस्विनीम्॥६७॥

PADACHEDA

वित्रस्ताम् परम-उद्विग्नाम् वीक्षमाणाम् ततस् ततस्।त्राणम् किञ्चिद् अपश्यन्तीम् वेपमानाम् तपस्विनीम्॥६७॥

TRANSLITERATION

vitrastām parama-udvignām vīkṣamāṇām tatas tatas.trāṇam kiñcid apaśyantīm vepamānām tapasvinīm..67..
Shloka 68
तामुवाच दशग्रीवः सीतां परमदुःखिताम् । अवाक्षिराः प्रपतितो बहु मन्यस्व माम् इति ॥६८॥

PADACHEDA

ताम् उवाच दशग्रीवः सीताम् परम-दुःखिताम् । अवाक्षिराः प्रपतितः बहु मन्यस्व माम् इति ॥६८॥

TRANSLITERATION

tām uvāca daśagrīvaḥ sītām parama-duḥkhitām . avākṣirāḥ prapatitaḥ bahu manyasva mām iti ..68..
Shloka 69
यदि चेत्त्वं तु मां दर्पान्नाभिनन्दसि गर्विते । द्विमासानन्तरं सीते पास्यामि रुधिरं तव ॥६९॥

PADACHEDA

यदि चेद् त्वम् तु माम् दर्पात् न अभिनन्दसि गर्विते । द्वि-मास-अनन्तरम् सीते पास्यामि रुधिरम् तव ॥६९॥

TRANSLITERATION

yadi ced tvam tu mām darpāt na abhinandasi garvite . dvi-māsa-anantaram sīte pāsyāmi rudhiram tava ..69..
Shloka 70
एतच्छ्रुत्वा वचस्तस्य रावणस्य दुरात्मनः । उवाच परमक्रुद्धा सीता वचनमुत्तमम् ॥७०॥

PADACHEDA

एतत् श्रुत्वा वचः तस्य रावणस्य दुरात्मनः । उवाच परम-क्रुद्धा सीता वचनम् उत्तमम् ॥७०॥

TRANSLITERATION

etat śrutvā vacaḥ tasya rāvaṇasya durātmanaḥ . uvāca parama-kruddhā sītā vacanam uttamam ..70..
Shloka 71
राक्षसाधम रामस्य भार्याममिततेजसः । इक्ष्वाकुकुलनाथस्य स्नुषां दशरथस्य च ॥७१॥

PADACHEDA

राक्षस-अधम रामस्य भार्याम् अमित-तेजसः । इक्ष्वाकु-कुल-नाथस्य स्नुषाम् दशरथस्य च ॥७१॥

TRANSLITERATION

rākṣasa-adhama rāmasya bhāryām amita-tejasaḥ . ikṣvāku-kula-nāthasya snuṣām daśarathasya ca ..71..
Shloka 72
अवाच्यं वदतो जिह्वा कथं न पतिता तव ।किंस्विद्वीर्यं तवानार्य यो मां भर्तुरसंनिधौ ॥७२॥

PADACHEDA

अवाच्यम् वदतः जिह्वा कथम् न पतिता तव ।किम् स्विद् वीर्यम् तव अनार्य यः माम् भर्तुः असंनिधौ ॥७२॥

TRANSLITERATION

avācyam vadataḥ jihvā katham na patitā tava .kim svid vīryam tava anārya yaḥ mām bhartuḥ asaṃnidhau ..72..
Shloka 73
अपहृत्यागतः पाप तेनादृष्टो महात्मना ।न त्वं रामस्य सदृशो दास्येऽप्यस्या न युज्यसे ॥७३॥

PADACHEDA

अपहृत्य आगतः पाप तेन अदृष्टः महात्मना ।न त्वम् रामस्य सदृशः दास्ये अपि अस्याः न युज्यसे ॥७३॥

TRANSLITERATION

apahṛtya āgataḥ pāpa tena adṛṣṭaḥ mahātmanā .na tvam rāmasya sadṛśaḥ dāsye api asyāḥ na yujyase ..73..
Shloka 74
अजेयः सत्यवाक्चैव रणश्लाघी च राघवः ।जानक्या परुषं वाक्यमेवमुक्तो दशाननः ॥७४॥

PADACHEDA

अजेयः सत्य-वाच् च एव रण-श्लाघी च राघवः ।जानक्या परुषम् वाक्यम् एवम् उक्तः दशाननः ॥७४॥

TRANSLITERATION

ajeyaḥ satya-vāc ca eva raṇa-ślāghī ca rāghavaḥ .jānakyā paruṣam vākyam evam uktaḥ daśānanaḥ ..74..
Shloka 75
जज्वाल सहसा कोपाच्चितास्थ इव पावकः ।विवृत्य नयने क्रूरे मुष्टिमुद्यम्य दक्षिणम् ॥७५॥

PADACHEDA

जज्वाल सहसा कोपात् चिता-स्थः इव पावकः ।विवृत्य नयने क्रूरे मुष्टिम् उद्यम्य दक्षिणम् ॥७५॥

TRANSLITERATION

jajvāla sahasā kopāt citā-sthaḥ iva pāvakaḥ .vivṛtya nayane krūre muṣṭim udyamya dakṣiṇam ..75..
Shloka 76
मैथिलीं हन्तुमारब्धः स्त्रीभिर्हाहाकृतं तदा ।स्त्रीणां मध्यात्समुत्पत्य तस्य भार्या दुरात्मनः ॥७६॥

PADACHEDA

मैथिलीम् हन्तुम् आरब्धः स्त्रीभिः हाहाकृतम् तदा ।स्त्रीणाम् मध्यात् समुत्पत्य तस्य भार्या दुरात्मनः ॥७६॥

TRANSLITERATION

maithilīm hantum ārabdhaḥ strībhiḥ hāhākṛtam tadā .strīṇām madhyāt samutpatya tasya bhāryā durātmanaḥ ..76..
Shloka 77
वरा मन्दोदरी नाम तया स प्रतिषेधितः ।उक्तश्च मधुरां वाणीं तया स मदनार्दितः ॥७७॥

PADACHEDA

वरा मन्दोदरी नाम तया स प्रतिषेधितः ।उक्तः च मधुराम् वाणीम् तया स मदन-अर्दितः ॥७७॥

TRANSLITERATION

varā mandodarī nāma tayā sa pratiṣedhitaḥ .uktaḥ ca madhurām vāṇīm tayā sa madana-arditaḥ ..77..
Shloka 78
सीतया तव किं कार्यं महेन्द्रसमविक्रम ।मया सह रमस्वाघ मव्दिशिष्टा न जानकी॥७८॥

PADACHEDA

सीतया तव किम् कार्यम् महा-इन्द्र-सम-विक्रम ।मया सह रमस्व अघ मद्-दिशिष्टा न जानकी॥७८॥

TRANSLITERATION

sītayā tava kim kāryam mahā-indra-sama-vikrama .mayā saha ramasva agha mad-diśiṣṭā na jānakī..78..
Shloka 79
देवगन्धर्वकन्याभिर्यक्षकन्याभिरेव च । सार्धं प्रभो रमस्वेह सीतया किं करिष्यसि ॥७९॥

PADACHEDA

देव-गन्धर्व-कन्याभिः यक्ष-कन्याभिः एव च । सार्धम् प्रभोः रमस्व इह सीतया किम् करिष्यसि ॥७९॥

TRANSLITERATION

deva-gandharva-kanyābhiḥ yakṣa-kanyābhiḥ eva ca . sārdham prabhoḥ ramasva iha sītayā kim kariṣyasi ..79..
Shloka 80
ततस्ताभिः समेताभिर्नारीभिः स महाबलः । उत्थाप्य सहसा नीतो भवनं स्वं निशाचरः ॥८०॥

PADACHEDA

ततस् ताभिः समेताभिः नारीभिः स महा-बलः । उत्थाप्य सहसा नीतः भवनम् स्वम् निशाचरः ॥८०॥

TRANSLITERATION

tatas tābhiḥ sametābhiḥ nārībhiḥ sa mahā-balaḥ . utthāpya sahasā nītaḥ bhavanam svam niśācaraḥ ..80..
Shloka 81
याते तस्मिन्दशग्रीवे राक्षस्यो विकृताननाः । सीतां निर्भर्त्सयामासुर्वाक्यैः क्रूरैः सुदारुणैः ॥८१॥

PADACHEDA

याते तस्मिन् दशग्रीवे राक्षस्यः विकृत-आननाः । सीताम् निर्भर्त्सयामासुः वाक्यैः क्रूरैः सु दारुणैः ॥८१॥

TRANSLITERATION

yāte tasmin daśagrīve rākṣasyaḥ vikṛta-ānanāḥ . sītām nirbhartsayāmāsuḥ vākyaiḥ krūraiḥ su dāruṇaiḥ ..81..
Shloka 82
तृणवद्भाषितं तासां गणयामास जानकी । गर्जितं च तदा तासां सीतां प्राप्य निरर्थकम् ॥८२॥

PADACHEDA

तृण-वत् भाषितम् तासाम् गणयामास जानकी । गर्जितम् च तदा तासाम् सीताम् प्राप्य निरर्थकम् ॥८२॥

TRANSLITERATION

tṛṇa-vat bhāṣitam tāsām gaṇayāmāsa jānakī . garjitam ca tadā tāsām sītām prāpya nirarthakam ..82..
Shloka 83
वृथागर्जितनिश्चेष्टा राक्षस्यः पिशिताशनाः । रावणाय शशंसुस्ताः सीताव्यवसितं महत् ॥८३॥

PADACHEDA

वृथा गर्जित-निश्चेष्टाः राक्षस्यः पिशित-अशनाः । रावणाय शशंसुः ताः सीता-व्यवसितम् महत् ॥८३॥

TRANSLITERATION

vṛthā garjita-niśceṣṭāḥ rākṣasyaḥ piśita-aśanāḥ . rāvaṇāya śaśaṃsuḥ tāḥ sītā-vyavasitam mahat ..83..
Shloka 84
ततस्ताः सहिताः सर्वा विहताशा निरुद्यमाः । परिक्षिप्य समन्तात्तां निद्रावशमुपागताः ॥८४॥

PADACHEDA

ततस् ताः सहिताः सर्वाः विहत-आशाः निरुद्यमाः । परिक्षिप्य समन्तात् ताम् निद्रा-वशम् उपागताः ॥८४॥

TRANSLITERATION

tatas tāḥ sahitāḥ sarvāḥ vihata-āśāḥ nirudyamāḥ . parikṣipya samantāt tām nidrā-vaśam upāgatāḥ ..84..
Shloka 85
तासु चैव प्रसुप्तासु सीता भर्तृहिते रता । विलप्य करुणं दीना प्रशुशोच सुदुःखिता ॥८५॥

PADACHEDA

तासु च एव प्रसुप्तासु सीता भर्तृ-हिते रता । विलप्य करुणम् दीना प्रशुशोच सु दुःखिता ॥८५॥

TRANSLITERATION

tāsu ca eva prasuptāsu sītā bhartṛ-hite ratā . vilapya karuṇam dīnā praśuśoca su duḥkhitā ..85..
Shloka 86
तासां मध्यात्समुत्थाय त्रिजटा वाक्यमब्रवीत्।आत्मानं खादत क्षिप्रं न सीता विनशिष्यति॥८६॥

PADACHEDA

तासाम् मध्यात् समुत्थाय त्रिजटा वाक्यम् अब्रवीत्।आत्मानम् खादत क्षिप्रम् न सीता विनशिष्यति॥८६॥

TRANSLITERATION

tāsām madhyāt samutthāya trijaṭā vākyam abravīt.ātmānam khādata kṣipram na sītā vinaśiṣyati..86..
Shloka 87
जनकस्यात्मजा साध्वी स्नुषा दशरथस्य च।स्वप्नो ह्यद्य मया दृष्टो दारुणो रोमहर्षणः॥८७॥

PADACHEDA

जनकस्य आत्मजा साध्वी स्नुषा दशरथस्य च।स्वप्नः हि अद्य मया दृष्टः दारुणः रोम-हर्षणः॥८७॥

TRANSLITERATION

janakasya ātmajā sādhvī snuṣā daśarathasya ca.svapnaḥ hi adya mayā dṛṣṭaḥ dāruṇaḥ roma-harṣaṇaḥ..87..
Shloka 88
रक्षसां च विनाशाय भर्तुरस्या जयाय च।अलमस्मात्परित्रातुं राघवाद्राक्षसीगणम्॥८८॥

PADACHEDA

रक्षसाम् च विनाशाय भर्तुः अस्याः जयाय च।अलम् अस्मात् परित्रातुम् राघवात् राक्षसी-गणम्॥८८॥

TRANSLITERATION

rakṣasām ca vināśāya bhartuḥ asyāḥ jayāya ca.alam asmāt paritrātum rāghavāt rākṣasī-gaṇam..88..
Shloka 89
अभियाचाम वैदेहीमेतद्धि मम रोचते।यदि ह्येवंविधस्स्वप्नो दुःखितायाः प्रदृश्यते॥८९॥

PADACHEDA

अभियाचाम वैदेहीम् एतत् हि मम रोचते।यदि हि एवंविधः स्वप्नः दुःखितायाः प्रदृश्यते॥८९॥

TRANSLITERATION

abhiyācāma vaidehīm etat hi mama rocate.yadi hi evaṃvidhaḥ svapnaḥ duḥkhitāyāḥ pradṛśyate..89..
Shloka 90
सा दुःखैर्विविधैर्मुक्ता सुखमाप्नोत्यनुत्तमम्।प्रणिपातप्रसन्ना हि मैथिली जनकात्मजा॥९०॥

PADACHEDA

सा दुःखैः विविधैः मुक्ता सुखम् आप्नोति अनुत्तमम्।प्रणिपात-प्रसन्ना हि मैथिली जनकात्मजा॥९०॥

TRANSLITERATION

sā duḥkhaiḥ vividhaiḥ muktā sukham āpnoti anuttamam.praṇipāta-prasannā hi maithilī janakātmajā..90..
Shloka 91
अलमेषा परित्रातु राक्षस्यो महतो भयात्।ततः सा ह्रीमती बाला भर्तुर्विजयहर्षिता॥९१॥

PADACHEDA

अलम् एषा परित्रातु राक्षस्यः महतः भयात्।ततस् सा ह्रीमती बाला भर्तुः विजय-हर्षिता॥९१॥

TRANSLITERATION

alam eṣā paritrātu rākṣasyaḥ mahataḥ bhayāt.tatas sā hrīmatī bālā bhartuḥ vijaya-harṣitā..91..
Shloka 92
अवोचद्यदि तत्तथ्यं भवेयं शरणं हि वः।तां चाहं तादृशीं दृष्ट्वा सीताया दारुणां दशाम् ॥९२॥

PADACHEDA

अवोचत् यदि तत् तथ्यम् भवेयम् शरणम् हि वः।ताम् च अहम् तादृशीम् दृष्ट्वा सीतायाः दारुणाम् दशाम् ॥९२॥

TRANSLITERATION

avocat yadi tat tathyam bhaveyam śaraṇam hi vaḥ.tām ca aham tādṛśīm dṛṣṭvā sītāyāḥ dāruṇām daśām ..92..
Shloka 93
चिन्तयामास विश्रान्तो न च मे निर्वृतं मनः ।सम्भाषणार्थे च मया जानक्याश्चिन्तितो विधिः ॥९३॥

PADACHEDA

चिन्तयामास विश्रान्तः न च मे निर्वृतम् मनः ।सम्भाषण-अर्थे च मया जानक्याः चिन्तितः विधिः ॥९३॥

TRANSLITERATION

cintayāmāsa viśrāntaḥ na ca me nirvṛtam manaḥ .sambhāṣaṇa-arthe ca mayā jānakyāḥ cintitaḥ vidhiḥ ..93..
Shloka 94
इक्ष्वाकुकुलवंशस्तु ततो मम पुरस्कृतः ।श्रुत्वा तु गदितां वाचं राजर्षिगणपूजिताम् ॥९४॥

PADACHEDA

इक्ष्वाकु-कुल-वंशः तु ततस् मम पुरस्कृतः ।श्रुत्वा तु गदिताम् वाचम् राजर्षि-गण-पूजिताम् ॥९४॥

TRANSLITERATION

ikṣvāku-kula-vaṃśaḥ tu tatas mama puraskṛtaḥ .śrutvā tu gaditām vācam rājarṣi-gaṇa-pūjitām ..94..
Shloka 95
प्रत्यभाषत मां देवी बाष्पैः पिहितलोचना ।कस्त्वं केन कथं चेह प्राप्तो वानरपुङ्गव ॥९५॥

PADACHEDA

प्रत्यभाषत माम् देवी बाष्पैः पिहित-लोचना ।कः त्वम् केन कथम् च इह प्राप्तः वानर-पुङ्गव ॥९५॥

TRANSLITERATION

pratyabhāṣata mām devī bāṣpaiḥ pihita-locanā .kaḥ tvam kena katham ca iha prāptaḥ vānara-puṅgava ..95..
Shloka 96
का च रामेण ते प्रीतिस्तन्मे शंसितुमर्हसि ।तस्यास्तद्वचनं श्रुत्वा अहमप्यब्रुवं वचः ॥९६॥

PADACHEDA

का च रामेण ते प्रीतिः तत् मे शंसितुम् अर्हसि ।तस्याः तत् वचनम् श्रुत्वा अहम् अपि अब्रुवम् वचः ॥९६॥

TRANSLITERATION

kā ca rāmeṇa te prītiḥ tat me śaṃsitum arhasi .tasyāḥ tat vacanam śrutvā aham api abruvam vacaḥ ..96..
Shloka 97
देवि रामस्य भर्तुस्ते सहायो भीमविक्रमः । सुग्रीवो नाम विक्रान्तो वानरेन्दो महाबलः ॥९७॥

PADACHEDA

देवि रामस्य भर्तुः ते सहायः भीम-विक्रमः । सुग्रीवः नाम विक्रान्तः वानर-इन्दो महा-बलः ॥९७॥

TRANSLITERATION

devi rāmasya bhartuḥ te sahāyaḥ bhīma-vikramaḥ . sugrīvaḥ nāma vikrāntaḥ vānara-indo mahā-balaḥ ..97..
Shloka 98
तस्य मां विद्धि भृत्यं त्वं हनूमन्तमिहागतम् । भर्त्राहं प्रहितस्तुभ्यं रामेणाक्लिष्टकर्मणा ॥९८॥

PADACHEDA

तस्य माम् विद्धि भृत्यम् त्वम् हनूमन्तम् इह आगतम् । भर्त्रा अहम् प्रहितः तुभ्यम् रामेण अक्लिष्ट-कर्मणा ॥९८॥

TRANSLITERATION

tasya mām viddhi bhṛtyam tvam hanūmantam iha āgatam . bhartrā aham prahitaḥ tubhyam rāmeṇa akliṣṭa-karmaṇā ..98..
Shloka 99
इदं च पुरुषव्याघ्रः श्रीमान्दाशरथिः स्वयम् । अङ्गुलीयमभिज्ञानमदात्तुभ्यं यशस्विनि ॥९९॥

PADACHEDA

इदम् च पुरुष-व्याघ्रः श्रीमान् दाशरथिः स्वयम् । अङ्गुलीयम् अभिज्ञानम् अदात् तुभ्यम् यशस्विनि ॥९९॥

TRANSLITERATION

idam ca puruṣa-vyāghraḥ śrīmān dāśarathiḥ svayam . aṅgulīyam abhijñānam adāt tubhyam yaśasvini ..99..
Shloka 100
तदिच्छामि त्वयाज्ञप्तं देवि किं करवाण्यहम् । रामलक्ष्मणयोः पार्श्वं नयामि त्वां किमुत्तरम् ॥१००॥

PADACHEDA

तत् इच्छामि त्वया आज्ञप्तम् देवि किम् करवाणि अहम् । राम-लक्ष्मणयोः पार्श्वम् नयामि त्वाम् किम् उत्तरम् ॥१००॥

TRANSLITERATION

tat icchāmi tvayā ājñaptam devi kim karavāṇi aham . rāma-lakṣmaṇayoḥ pārśvam nayāmi tvām kim uttaram ..100..
Shloka 101
एतच्छ्रुत्वा विदित्वा च सीता जनकनन्दिनी । आह रावणमुत्साद्य राघवो मां नयत्विति ॥१०१॥

PADACHEDA

एतत् श्रुत्वा विदित्वा च सीता जनकनन्दिनी । आह रावणम् उत्साद्य राघवः माम् नयतु इति ॥१०१॥

TRANSLITERATION

etat śrutvā viditvā ca sītā janakanandinī . āha rāvaṇam utsādya rāghavaḥ mām nayatu iti ..101..
Shloka 102
प्रणम्य शिरसा देवीमहमार्यामनिन्दिताम् । राघवस्य मनोह्लादमभिज्ञानमयाचिषम् ॥१०२॥

PADACHEDA

प्रणम्य शिरसा देवीम् अहम् आर्याम् अनिन्दिताम् । राघवस्य मनः-ह्लादम् अभिज्ञानम् अयाचिषम् ॥१०२॥

TRANSLITERATION

praṇamya śirasā devīm aham āryām aninditām . rāghavasya manaḥ-hlādam abhijñānam ayāciṣam ..102..
Shloka 103
अथ मामब्रवीत्सीता गृह्यतामयमुत्तमः।मणिर्येन महाबाहू रामस्त्वां बहुमन्यते॥१०३॥

PADACHEDA

अथ माम् अब्रवीत् सीता गृह्यताम् अयम् उत्तमः।मणिः येन महा-बाहुः रामः त्वाम् बहु मन्यते॥१०३॥

TRANSLITERATION

atha mām abravīt sītā gṛhyatām ayam uttamaḥ.maṇiḥ yena mahā-bāhuḥ rāmaḥ tvām bahu manyate..103..
Shloka 104
इत्युक्त्वा तु वरारोहा मणिप्रवरमुत्तमम् । प्रायच्छत्परमोद्विग्ना वाचा मां सन्दिदेश ह ॥१०४॥

PADACHEDA

इति उक्त्वा तु वरारोहा मणि-प्रवरम् उत्तमम् । प्रायच्छत् परम-उद्विग्ना वाचा माम् सन्दिदेश ह ॥१०४॥

TRANSLITERATION

iti uktvā tu varārohā maṇi-pravaram uttamam . prāyacchat parama-udvignā vācā mām sandideśa ha ..104..
Shloka 105
ततस्तस्यै प्रणम्याहं राजपुत्र्यै समाहितः । प्रदक्षिणं परिक्राममिहाभ्युद्गतमानसः ॥१०५॥

PADACHEDA

ततस् तस्यै प्रणम्य अहम् राज-पुत्र्यै समाहितः । प्रदक्षिणम् परिक्रामम् इह अभ्युद्गत-मानसः ॥१०५॥

TRANSLITERATION

tatas tasyai praṇamya aham rāja-putryai samāhitaḥ . pradakṣiṇam parikrāmam iha abhyudgata-mānasaḥ ..105..
Shloka 106
उत्तरं पुनरेवाह निश्चित्य मनसा तदा । हनूमन्मम वृत्तान्तं वक्तुमर्हसि राघवे ॥१०६॥

PADACHEDA

उत्तरम् पुनर् एव आह निश्चित्य मनसा तदा । हनूमन् मम वृत्तान्तम् वक्तुम् अर्हसि राघवे ॥१०६॥

TRANSLITERATION

uttaram punar eva āha niścitya manasā tadā . hanūman mama vṛttāntam vaktum arhasi rāghave ..106..
Shloka 107
यथा श्रुत्वैव नचिरात्तावुभौ रामलक्ष्मणौ । सुग्रीवसहितौ वीरावुपेयातां तथा कुरु ॥१०७॥

PADACHEDA

यथा श्रुत्वा एव नचिरात् तौ उभौ राम-लक्ष्मणौ । सुग्रीव-सहितौ वीरौ उपेयाताम् तथा कुरु ॥१०७॥

TRANSLITERATION

yathā śrutvā eva nacirāt tau ubhau rāma-lakṣmaṇau . sugrīva-sahitau vīrau upeyātām tathā kuru ..107..
Shloka 108
यद्यन्यथा भवेदेतद्द्वौ मासौ जीवितं मम । न मां द्रक्ष्यति काकुत्स्थो म्रिये साहमनाथवत् ॥१०८॥

PADACHEDA

यदि अन्यथा भवेत् एतत् द्वौ मासौ जीवितम् मम । न माम् द्रक्ष्यति काकुत्स्थः म्रिये सा अहम् अनाथ-वत् ॥१०८॥

TRANSLITERATION

yadi anyathā bhavet etat dvau māsau jīvitam mama . na mām drakṣyati kākutsthaḥ mriye sā aham anātha-vat ..108..
Shloka 109
तच्छ्रुत्वा करुणं वाक्यं क्रोधो माम् अभ्यवर्तत । उत्तरं च मया दृष्टं कार्यशेषमनन्तरम् ॥१०९॥

PADACHEDA

तत् श्रुत्वा करुणम् वाक्यम् क्रोधः माम् अभ्यवर्तत । उत्तरम् च मया दृष्टम् कार्य-शेषम् अनन्तरम् ॥१०९॥

TRANSLITERATION

tat śrutvā karuṇam vākyam krodhaḥ mām abhyavartata . uttaram ca mayā dṛṣṭam kārya-śeṣam anantaram ..109..
Shloka 110
ततोऽवर्धत मे कायस्तदा पर्वतसंनिभः । युद्धकाङ्क्षी वनं तच्च विनाशयितुमारभे ॥११०॥

PADACHEDA

ततस् अवर्धत मे कायः तदा पर्वत-संनिभः । युद्ध-काङ्क्षी वनम् तत् च विनाशयितुम् आरभे ॥११०॥

TRANSLITERATION

tatas avardhata me kāyaḥ tadā parvata-saṃnibhaḥ . yuddha-kāṅkṣī vanam tat ca vināśayitum ārabhe ..110..
Shloka 111
तद्भग्नं वनषण्डं तु भ्रान्तत्रस्तमृगद्विजम् । प्रतिबुद्धा निरीक्षन्ते राक्षस्यो विकृताननाः ॥१११॥

PADACHEDA

तत् भग्नम् वन-षण्डम् तु भ्रान्त-त्रस्त-मृग-द्विजम् । प्रतिबुद्धाः निरीक्षन्ते राक्षस्यः विकृत-आननाः ॥१११॥

TRANSLITERATION

tat bhagnam vana-ṣaṇḍam tu bhrānta-trasta-mṛga-dvijam . pratibuddhāḥ nirīkṣante rākṣasyaḥ vikṛta-ānanāḥ ..111..
Shloka 112
मां च दृष्ट्वा वने तस्मिन्समागम्य ततस्ततः । ताः समभ्यागताः क्षिप्रं रावणायाचचक्षिरे ॥११२॥

PADACHEDA

माम् च दृष्ट्वा वने तस्मिन् समागम्य ततस् ततस् । ताः समभ्यागताः क्षिप्रम् रावणाय आचचक्षिरे ॥११२॥

TRANSLITERATION

mām ca dṛṣṭvā vane tasmin samāgamya tatas tatas . tāḥ samabhyāgatāḥ kṣipram rāvaṇāya ācacakṣire ..112..
Shloka 113
राजन्वनमिदं दुर्गं तव भग्नं दुरात्मना । वानरेण ह्यविज्ञाय तव वीर्यं महाबल ॥११३॥

PADACHEDA

राजन् वनम् इदम् दुर्गम् तव भग्नम् दुरात्मना । वानरेण हि अ विज्ञाय तव वीर्यम् महा-बल ॥११३॥

TRANSLITERATION

rājan vanam idam durgam tava bhagnam durātmanā . vānareṇa hi a vijñāya tava vīryam mahā-bala ..113..
Shloka 114
तस्य दुर्बुद्धिती राजंस्तव विप्रियकारिणः । वधमाज्ञापय क्षिप्रं यथासौ विलयं व्रजेत् ॥११४॥

PADACHEDA

तस्य दुर्बुद्धितिः राजन् तव विप्रिय-कारिणः । वधम् आज्ञापय क्षिप्रम् यथा असौ विलयम् व्रजेत् ॥११४॥

TRANSLITERATION

tasya durbuddhitiḥ rājan tava vipriya-kāriṇaḥ . vadham ājñāpaya kṣipram yathā asau vilayam vrajet ..114..
Shloka 115
तच्छ्रुत्वा राक्षसेन्द्रेण विसृष्टा भृशदुर्जयाः । राक्षसाः किङ्करा नाम रावणस्य मनोऽनुगाः ॥११५॥

PADACHEDA

तत् श्रुत्वा राक्षस-इन्द्रेण विसृष्टाः भृश-दुर्जयाः । राक्षसाः किङ्कराः नाम रावणस्य मनः-अनुगाः ॥११५॥

TRANSLITERATION

tat śrutvā rākṣasa-indreṇa visṛṣṭāḥ bhṛśa-durjayāḥ . rākṣasāḥ kiṅkarāḥ nāma rāvaṇasya manaḥ-anugāḥ ..115..
Shloka 116
तेषामशीतिसाहस्रं शूलमुद्गरपाणिनाम् । मया तस्मिन्वनोद्देशे परिघेण निषूदितम् ॥११६॥

PADACHEDA

तेषाम् अशीति-साहस्रम् शूल-मुद्गर-पाणिनाम् । मया तस्मिन् वन-उद्देशे परिघेण निषूदितम् ॥११६॥

TRANSLITERATION

teṣām aśīti-sāhasram śūla-mudgara-pāṇinām . mayā tasmin vana-uddeśe parigheṇa niṣūditam ..116..
Shloka 117
तेषां तु हतशेषा ये ते गता लघुविक्रमाः । निहतं च मया सैन्यं रावणायाचचक्षिरे ॥११७॥

PADACHEDA

तेषाम् तु हत-शेषाः ये ते गताः लघु-विक्रमाः । निहतम् च मया सैन्यम् रावणाय आचचक्षिरे ॥११७॥

TRANSLITERATION

teṣām tu hata-śeṣāḥ ye te gatāḥ laghu-vikramāḥ . nihatam ca mayā sainyam rāvaṇāya ācacakṣire ..117..
Shloka 118
ततो मे बुद्धिरुत्पन्ना चैत्यप्रासादमाक्रमम् ।तत्रस्थान्राक्षसान्हत्वा शतं स्तम्भेन वै पुनः ॥११८॥

PADACHEDA

ततस् मे बुद्धिः उत्पन्ना चैत्य-प्रासादम् आक्रमम् ।तत्रस्थान् राक्षसान् हत्वा शतम् स्तम्भेन वै पुनर् ॥११८॥

TRANSLITERATION

tatas me buddhiḥ utpannā caitya-prāsādam ākramam .tatrasthān rākṣasān hatvā śatam stambhena vai punar ..118..
Shloka 119
ललाम भूतो लङ्काया मया विध्वंसितो रुषा ।ततः प्रहस्तस्य सुतं जम्बुमालिनमादिशत् ॥११९॥

PADACHEDA

ललाम भूतः लङ्कायाः मया विध्वंसितः रुषा ।ततस् प्रहस्तस्य सुतम् जम्बुमालिनम् आदिशत् ॥११९॥

TRANSLITERATION

lalāma bhūtaḥ laṅkāyāḥ mayā vidhvaṃsitaḥ ruṣā .tatas prahastasya sutam jambumālinam ādiśat ..119..
Shloka 120
राक्षसैर्बहुभिस्सार्धं घोररूपैर्भयानकैः।तमहं बलसम्पन्नं राक्षसं रणकोविदम् ॥१२०॥

PADACHEDA

राक्षसैः बहुभिः सार्धम् घोर-रूपैः भयानकैः।तम् अहम् बल-सम्पन्नम् राक्षसम् रण-कोविदम् ॥१२०॥

TRANSLITERATION

rākṣasaiḥ bahubhiḥ sārdham ghora-rūpaiḥ bhayānakaiḥ.tam aham bala-sampannam rākṣasam raṇa-kovidam ..120..
Shloka 121
परिघेणातिघोरेण सूदयामि सहानुगम् ।तच्छ्रुत्वा राक्षसेन्द्रस्तु मन्त्रिपुत्रान्महाबलान् ॥१२१॥

PADACHEDA

परिघेण अति घोरेण सूदयामि सह अनुगम् ।तत् श्रुत्वा राक्षस-इन्द्रः तु मन्त्रि-पुत्रान् महा-बलान् ॥१२१॥

TRANSLITERATION

parigheṇa ati ghoreṇa sūdayāmi saha anugam .tat śrutvā rākṣasa-indraḥ tu mantri-putrān mahā-balān ..121..
Shloka 122
पदातिबलसम्पन्नान्प्रेषयामास रावणः ।परिघेणैव तान् सर्वान्नयामि यमसादनम्॥१२२॥

PADACHEDA

पदाति-बल-सम्पन्नान् प्रेषयामास रावणः ।परिघेण एव तान् सर्वान् नयामि यम-सादनम्॥१२२॥

TRANSLITERATION

padāti-bala-sampannān preṣayāmāsa rāvaṇaḥ .parigheṇa eva tān sarvān nayāmi yama-sādanam..122..
Shloka 123
मन्त्रिपुत्रान्हताञ्श्रुत्वा समरे लघुविक्रमान् । पञ्चसेनाग्रगाञ्शूरान्प्रेषयामास रावणः ॥१२३॥

PADACHEDA

मन्त्रि-पुत्रान् हतान् श्रुत्वा समरे लघु-विक्रमान् । पञ्च-सेना-अग्रगान् शूरान् प्रेषयामास रावणः ॥१२३॥

TRANSLITERATION

mantri-putrān hatān śrutvā samare laghu-vikramān . pañca-senā-agragān śūrān preṣayāmāsa rāvaṇaḥ ..123..
Shloka 124
तानहं सहसैन्यान्वै सर्वानेवाभ्यसूदयम्।ततः पुनर्दशग्रीवः पुत्रमक्षं महाबलम् ॥१२४॥

PADACHEDA

तान् अहम् सह सैन्यान् वै सर्वान् एव अभ्यसूदयम्।ततस् पुनर् दशग्रीवः पुत्रम् अक्षम् महा-बलम् ॥१२४॥

TRANSLITERATION

tān aham saha sainyān vai sarvān eva abhyasūdayam.tatas punar daśagrīvaḥ putram akṣam mahā-balam ..124..
Shloka 125
बहुभी राकसैः सार्धं प्रेषयामास संयुगे ।तं तु मन्दोदरी पुत्रं कुमारं रणपण्डितम् ॥१२५॥

PADACHEDA

बहुभिः राकसैः सार्धम् प्रेषयामास संयुगे ।तम् तु मन्दोदरी पुत्रम् कुमारम् रण-पण्डितम् ॥१२५॥

TRANSLITERATION

bahubhiḥ rākasaiḥ sārdham preṣayāmāsa saṃyuge .tam tu mandodarī putram kumāram raṇa-paṇḍitam ..125..
Shloka 126
सहसा खं समुत्क्रान्तं पादयोश्च गृहीतवान् ।तमासिनं शतगुणं भ्रामयित्वा व्यपेषयम्॥१२६॥

PADACHEDA

सहसा खम् समुत्क्रान्तम् पादयोः च गृहीतवान् ।तम् आसिनम् शतगुणम् भ्रामयित्वा व्यपेषयम्॥१२६॥

TRANSLITERATION

sahasā kham samutkrāntam pādayoḥ ca gṛhītavān .tam āsinam śataguṇam bhrāmayitvā vyapeṣayam..126..
Shloka 127
तमक्षमागतं भग्नं निशम्य स दशाननः । तत इन्द्रजितं नाम द्वितीयं रावणः सुतम् ॥१२७॥

PADACHEDA

तम् अक्षम् आगतम् भग्नम् निशम्य स दशाननः । ततस् इन्द्रजितम् नाम द्वितीयम् रावणः सुतम् ॥१२७॥

TRANSLITERATION

tam akṣam āgatam bhagnam niśamya sa daśānanaḥ . tatas indrajitam nāma dvitīyam rāvaṇaḥ sutam ..127..
Shloka 128
व्यादिदेश सुसंकृद्धो बलिनम् युद्धदुर्मदम्।तस्याप्यहं बलं सर्वं तं च राक्षसपुङ्गवम् ॥१२८॥

PADACHEDA

व्यादिदेश सु संकृद्धः बलिनम् युद्ध-दुर्मदम्।तस्य अपि अहम् बलम् सर्वम् तम् च राक्षस-पुङ्गवम् ॥१२८॥

TRANSLITERATION

vyādideśa su saṃkṛddhaḥ balinam yuddha-durmadam.tasya api aham balam sarvam tam ca rākṣasa-puṅgavam ..128..
Shloka 129
नष्टौजसं रणे कृत्वा परं हर्षमुपागमम् ।महतापि महाबाहुः प्रत्ययेन महाबलः ॥१२९॥

PADACHEDA

नष्ट-ओजसम् रणे कृत्वा परम् हर्षम् उपागमम् ।महता अपि महा-बाहुः प्रत्ययेन महा-बलः ॥१२९॥

TRANSLITERATION

naṣṭa-ojasam raṇe kṛtvā param harṣam upāgamam .mahatā api mahā-bāhuḥ pratyayena mahā-balaḥ ..129..
Shloka 130
प्रेषितो रावणेनैष सह वीरैर्मदोत्कटैः ।सोऽविषह्यं हि मां बुद्ध्वा स्वं बलं चावमर्दितम्॥१३०॥

PADACHEDA

प्रेषितः रावणेन एष सह वीरैः मद-उत्कटैः ।सः अविषह्यम् हि माम् बुद्ध्वा स्वम् बलम् च अवमर्दितम्॥१३०॥

TRANSLITERATION

preṣitaḥ rāvaṇena eṣa saha vīraiḥ mada-utkaṭaiḥ .saḥ aviṣahyam hi mām buddhvā svam balam ca avamarditam..130..
Shloka 131
ब्राह्मेणास्त्रेण स तु मां प्रबध्नाच्चातिवेगतः । रज्जूभिरभिबध्नन्ति ततो मां तत्र राक्षसाः ॥१३१॥

PADACHEDA

ब्राह्मेण अस्त्रेण स तु माम् प्रबध्नात् च अतिवेगतः । रज्जूभिः अभिबध्नन्ति ततस् माम् तत्र राक्षसाः ॥१३१॥

TRANSLITERATION

brāhmeṇa astreṇa sa tu mām prabadhnāt ca ativegataḥ . rajjūbhiḥ abhibadhnanti tatas mām tatra rākṣasāḥ ..131..
Shloka 132
रावणस्य समीपं च गृहीत्वा मामुपानयन् । दृष्ट्वा सम्भाषितश्चाहं रावणेन दुरात्मना ॥१३२॥

PADACHEDA

रावणस्य समीपम् च गृहीत्वा माम् उपानयन् । दृष्ट्वा सम्भाषितः च अहम् रावणेन दुरात्मना ॥१३२॥

TRANSLITERATION

rāvaṇasya samīpam ca gṛhītvā mām upānayan . dṛṣṭvā sambhāṣitaḥ ca aham rāvaṇena durātmanā ..132..
Shloka 133
पृष्टश्च लङ्कागमनं राक्षसानां च तद्वधम् । तत्सर्वं च मया तत्र सीतार्थमिति जल्पितम् ॥१३३॥

PADACHEDA

पृष्टः च लङ्का-आगमनम् राक्षसानाम् च तद्-वधम् । तत् सर्वम् च मया तत्र सीता-अर्थम् इति जल्पितम् ॥१३३॥

TRANSLITERATION

pṛṣṭaḥ ca laṅkā-āgamanam rākṣasānām ca tad-vadham . tat sarvam ca mayā tatra sītā-artham iti jalpitam ..133..
Shloka 134
तस्यासतु दर्शनाकाङ्क्षी प्राप्तस्त्वद्भवनं विभो । मारुतस्यौरसः पुत्रो वानरो हनुमानहम् ॥१३४॥

PADACHEDA

तस्य आसतु दर्शन-आकाङ्क्षी प्राप्तः त्वद्-भवनम् विभो । मारुतस्य औरसः पुत्रः वानरः हनुमान् अहम् ॥१३४॥

TRANSLITERATION

tasya āsatu darśana-ākāṅkṣī prāptaḥ tvad-bhavanam vibho . mārutasya aurasaḥ putraḥ vānaraḥ hanumān aham ..134..
Shloka 135
रामदूतं च मां विद्धि सुग्रीवसचिवं कपिम् । सोऽहं दौत्येन रामस्य त्वत्समीपमिहागतः ॥१३५॥

PADACHEDA

राम-दूतम् च माम् विद्धि सुग्रीव-सचिवम् कपिम् । सः अहम् दौत्येन रामस्य त्वद्-समीपम् इह आगतः ॥१३५॥

TRANSLITERATION

rāma-dūtam ca mām viddhi sugrīva-sacivam kapim . saḥ aham dautyena rāmasya tvad-samīpam iha āgataḥ ..135..
Shloka 136
शृणु चापि समादेशं यदहं प्रब्रवीमि ते । राक्षसेश हरीशस्त्वां वाक्यमाह समाहितम् ॥१३६॥

PADACHEDA

शृणु च अपि समादेशम् यत् अहम् प्रब्रवीमि ते । राक्षस-ईश हरि-ईशः त्वाम् वाक्यम् आह समाहितम् ॥१३६॥

TRANSLITERATION

śṛṇu ca api samādeśam yat aham prabravīmi te . rākṣasa-īśa hari-īśaḥ tvām vākyam āha samāhitam ..136..
Shloka 137
सुग्रीवश्च महातेजास्सत्वां कुशलमब्रवीत्।धर्मार्थकामसहितं हितं पथ्यमुवाच च॥१३७॥

PADACHEDA

सुग्रीवः च महा-तेजाः सत्वाम् कुशलम् अब्रवीत्।धर्म-अर्थ-काम-सहितम् हितम् पथ्यम् उवाच च॥१३७॥

TRANSLITERATION

sugrīvaḥ ca mahā-tejāḥ satvām kuśalam abravīt.dharma-artha-kāma-sahitam hitam pathyam uvāca ca..137..
Shloka 138
वसतो ऋष्यमूके मे पर्वते विपुलद्रुमे । राघवो रणविक्रान्तो मित्रत्वं समुपागतः ॥१३८॥

PADACHEDA

वसतः ऋष्यमूके मे पर्वते विपुल-द्रुमे । राघवः रण-विक्रान्तः मित्र-त्वम् समुपागतः ॥१३८॥

TRANSLITERATION

vasataḥ ṛṣyamūke me parvate vipula-drume . rāghavaḥ raṇa-vikrāntaḥ mitra-tvam samupāgataḥ ..138..
Shloka 139
तेन मे कथितं राजन्भार्या मे रक्षसा हृता । तत्र साहाय्यहेतोर्मे समयं कर्तुमर्हसि ॥१३९॥

PADACHEDA

तेन मे कथितम् राजन् भार्या मे रक्षसा हृता । तत्र साहाय्य-हेतोः मे समयम् कर्तुम् अर्हसि ॥१३९॥

TRANSLITERATION

tena me kathitam rājan bhāryā me rakṣasā hṛtā . tatra sāhāyya-hetoḥ me samayam kartum arhasi ..139..
Shloka 140
वालिना हृतराज्येन सुग्रीवेण सह प्रभुः । चक्रेऽग्निसाक्षिकं सक्यं राघवः सहलक्ष्मणः ॥१४०॥

PADACHEDA

वालिना हृत-राज्येन सुग्रीवेण सह प्रभुः । चक्रे अग्नि-साक्षिकम् सक्यम् राघवः सहलक्ष्मणः ॥१४०॥

TRANSLITERATION

vālinā hṛta-rājyena sugrīveṇa saha prabhuḥ . cakre agni-sākṣikam sakyam rāghavaḥ sahalakṣmaṇaḥ ..140..
Shloka 141
तेन वालिनमुत्साद्य शरेणैकेन संयुगे । वानराणां महाराजः कृतः सम्प्लवतां प्रभुः ॥१४१॥

PADACHEDA

तेन वालिनम् उत्साद्य शरेण एकेन संयुगे । वानराणाम् महा-राजः कृतः सम्प्लवताम् प्रभुः ॥१४१॥

TRANSLITERATION

tena vālinam utsādya śareṇa ekena saṃyuge . vānarāṇām mahā-rājaḥ kṛtaḥ samplavatām prabhuḥ ..141..
Shloka 142
तस्य साहाय्यमस्माभिः कार्यं सर्वात्मना त्विह । तेन प्रस्थापितस्तुभ्यं समीपमिह धर्मतः ॥१४२॥

PADACHEDA

तस्य साहाय्यम् अस्माभिः कार्यम् सर्व-आत्मना तु इह । तेन प्रस्थापितः तुभ्यम् समीपम् इह धर्मतः ॥१४२॥

TRANSLITERATION

tasya sāhāyyam asmābhiḥ kāryam sarva-ātmanā tu iha . tena prasthāpitaḥ tubhyam samīpam iha dharmataḥ ..142..
Shloka 143
क्षिप्रमानीयतां सीता दीयतां राघवस्य च । यावन्न हरयो वीरा विधमन्ति बलं तव ॥१४३॥

PADACHEDA

क्षिप्रम् आनीयताम् सीता दीयताम् राघवस्य च । यावत् न हरयः वीराः विधमन्ति बलम् तव ॥१४३॥

TRANSLITERATION

kṣipram ānīyatām sītā dīyatām rāghavasya ca . yāvat na harayaḥ vīrāḥ vidhamanti balam tava ..143..
Shloka 144
वानराणां प्रभवो हि न केन विदितः पुरा । देवतानां सकाशं च ये गच्छन्ति निमन्त्रिताः ॥१४४॥

PADACHEDA

वानराणाम् प्रभवः हि न केन विदितः पुरा । देवतानाम् सकाशम् च ये गच्छन्ति निमन्त्रिताः ॥१४४॥

TRANSLITERATION

vānarāṇām prabhavaḥ hi na kena viditaḥ purā . devatānām sakāśam ca ye gacchanti nimantritāḥ ..144..
Shloka 145
इति वानरराजस्त्वामाहेत्यभिहितो मया । मामैक्षत ततो रुष्टश्चक्षुषा प्रदहन्निव ॥१४५॥

PADACHEDA

इति वानर-राजः त्वाम् आह इति अभिहितः मया । माम् ऐक्षत ततस् रुष्टः चक्षुषा प्रदहन् इव ॥१४५॥

TRANSLITERATION

iti vānara-rājaḥ tvām āha iti abhihitaḥ mayā . mām aikṣata tatas ruṣṭaḥ cakṣuṣā pradahan iva ..145..
Shloka 146
तेन वध्योऽहमाज्ञप्तो रक्षसा रौद्रकर्मणा।मत्प्रभावमविज्ञाय रावणेन दुरात्मना॥१४६॥

PADACHEDA

तेन वध्यः अहम् आज्ञप्तः रक्षसा रौद्र-कर्मणा।मद्-प्रभावम् अ विज्ञाय रावणेन दुरात्मना॥१४६॥

TRANSLITERATION

tena vadhyaḥ aham ājñaptaḥ rakṣasā raudra-karmaṇā.mad-prabhāvam a vijñāya rāvaṇena durātmanā..146..
Shloka 147
ततो विभीषणो नाम तस्य भ्राता महामतिः । तेन राक्षसराजोऽसौ याचितो मम कारणात् ॥१४७॥

PADACHEDA

ततस् विभीषणः नाम तस्य भ्राता महामतिः । तेन राक्षस-राजः असौ याचितः मम कारणात् ॥१४७॥

TRANSLITERATION

tatas vibhīṣaṇaḥ nāma tasya bhrātā mahāmatiḥ . tena rākṣasa-rājaḥ asau yācitaḥ mama kāraṇāt ..147..
Shloka 148
नैवं राक्षसशार्दूल त्यज्यतामेष निश्चयः।राजशास्त्रव्यपेतो हि मार्गः संसेव्यते त्वया॥।१४८॥

PADACHEDA

न एवम् राक्षस-शार्दूल त्यज्यताम् एष निश्चयः।राज-शास्त्र-व्यपेतः हि मार्गः संसेव्यते त्वया॥।१४८॥

TRANSLITERATION

na evam rākṣasa-śārdūla tyajyatām eṣa niścayaḥ.rāja-śāstra-vyapetaḥ hi mārgaḥ saṃsevyate tvayā...148..
Shloka 149
दूतवध्या न दृष्टा हि राजशास्त्रेषु राक्षस । दूतेन वेदितव्यं च यथार्थं हितवादिना ॥१४९॥

PADACHEDA

दूत-वध्या न दृष्टा हि राज-शास्त्रेषु राक्षस । दूतेन वेदितव्यम् च यथार्थम् हित-वादिना ॥१४९॥

TRANSLITERATION

dūta-vadhyā na dṛṣṭā hi rāja-śāstreṣu rākṣasa . dūtena veditavyam ca yathārtham hita-vādinā ..149..
Shloka 150
सुमहत्यपराधेऽपि दूतस्यातुलविक्रमः । विरूपकरणं दृष्टं न वधोऽस्तीह शास्त्रतः ॥१५०॥

PADACHEDA

सु महति अपराधे अपि दूतस्य अतुल-विक्रमः । विरूप-करणम् दृष्टम् न वधः अस्ति इह शास्त्रतः ॥१५०॥

TRANSLITERATION

su mahati aparādhe api dūtasya atula-vikramaḥ . virūpa-karaṇam dṛṣṭam na vadhaḥ asti iha śāstrataḥ ..150..
Shloka 151
विभीषणेनैवमुक्तो रावणः सन्दिदेश तान् । राक्षसानेतदेवाद्य लाङ्गूलं दह्यताम् इति ॥१५१॥

PADACHEDA

विभीषणेन एवम् उक्तः रावणः सन्दिदेश तान् । राक्षसान् एतत् एव अद्य लाङ्गूलम् दह्यताम् इति ॥१५१॥

TRANSLITERATION

vibhīṣaṇena evam uktaḥ rāvaṇaḥ sandideśa tān . rākṣasān etat eva adya lāṅgūlam dahyatām iti ..151..
Shloka 152
ततस्तस्य वचः श्रुत्वा मम पुच्छं समन्ततः । वेष्टितं शणवल्कैश्च पटैः कार्पासकैस्तथा ॥१५२॥

PADACHEDA

ततस् तस्य वचः श्रुत्वा मम पुच्छम् समन्ततः । वेष्टितम् शण-वल्कैः च पटैः कार्पासकैः तथा ॥१५२॥

TRANSLITERATION

tatas tasya vacaḥ śrutvā mama puccham samantataḥ . veṣṭitam śaṇa-valkaiḥ ca paṭaiḥ kārpāsakaiḥ tathā ..152..
Shloka 153
राक्षसाः सिद्धसंनाहास्ततस्ते चण्डविक्रमाः । तदादीप्यन्त मे पुच्छं हनन्तः काष्ठमुष्टिभिः ॥१५३॥

PADACHEDA

राक्षसाः सिद्ध-संनाहाः ततस् ते चण्ड-विक्रमाः । तदा अदीप्यन्त मे पुच्छम् हनन्तः काष्ठ-मुष्टिभिः ॥१५३॥

TRANSLITERATION

rākṣasāḥ siddha-saṃnāhāḥ tatas te caṇḍa-vikramāḥ . tadā adīpyanta me puccham hanantaḥ kāṣṭha-muṣṭibhiḥ ..153..
Shloka 154
बद्धस्य बहुभिः पाशैर्यन्त्रितस्य च राक्षसैः । न मे पीडा भवेत्का चिद्दिदृक्षोर्नगरीं दिवा ॥१५४॥

PADACHEDA

बद्धस्य बहुभिः पाशैः यन्त्रितस्य च राक्षसैः । न मे पीडा भवेत् का चित् दिदृक्षोः नगरीम् दिवा ॥१५४॥

TRANSLITERATION

baddhasya bahubhiḥ pāśaiḥ yantritasya ca rākṣasaiḥ . na me pīḍā bhavet kā cit didṛkṣoḥ nagarīm divā ..154..
Shloka 155
ततस्ते राक्षसाः शूरा बद्धं मामग्निसंवृतम् । अघोषयन्राजमार्गे नगरद्वारमागताः ॥१५५॥

PADACHEDA

ततस् ते राक्षसाः शूराः बद्धम् माम् अग्नि-संवृतम् । अघोषयन् राजमार्गे नगर-द्वारम् आगताः ॥१५५॥

TRANSLITERATION

tatas te rākṣasāḥ śūrāḥ baddham mām agni-saṃvṛtam . aghoṣayan rājamārge nagara-dvāram āgatāḥ ..155..
Shloka 156
ततोऽहं सुमहद्रूपं सङ्क्षिप्य पुनरात्मनः । विमोचयित्वा तं बन्धं प्रकृतिष्ठः स्थितः पुनः ॥१५६॥

PADACHEDA

ततस् अहम् सु महत् रूपम् सङ्क्षिप्य पुनर् आत्मनः । विमोचयित्वा तम् बन्धम् प्रकृतिष्ठः स्थितः पुनर् ॥१५६॥

TRANSLITERATION

tatas aham su mahat rūpam saṅkṣipya punar ātmanaḥ . vimocayitvā tam bandham prakṛtiṣṭhaḥ sthitaḥ punar ..156..
Shloka 157
आयसं परिघं गृह्य तानि रक्षांस्यसूदयम् । ततस्तन्नगरद्वारं वेगेनाप्लुतवानहम् ॥१५७॥

PADACHEDA

आयसम् परिघम् गृह्य तानि रक्षांसि असूदयम् । ततस् तत् नगर-द्वारम् वेगेन आप्लुतवान् अहम् ॥१५७॥

TRANSLITERATION

āyasam parigham gṛhya tāni rakṣāṃsi asūdayam . tatas tat nagara-dvāram vegena āplutavān aham ..157..
Shloka 158
पुच्छेन च प्रदीप्तेन तां पुरीं साट्टगोपुराम् । दहाम्यहमसम्भ्रान्तो युगान्ताग्निरिव प्रजाः ॥१५८॥

PADACHEDA

पुच्छेन च प्रदीप्तेन ताम् पुरीम् स अट्ट-गोपुराम् । दहामि अहम् असम्भ्रान्तः युगान्त-अग्निः इव प्रजाः ॥१५८॥

TRANSLITERATION

pucchena ca pradīptena tām purīm sa aṭṭa-gopurām . dahāmi aham asambhrāntaḥ yugānta-agniḥ iva prajāḥ ..158..
Shloka 159
विनष्टा जानकी व्यक्तं न ह्यदग्धः प्रदृश्यते।लङ्कायां कश्चिदुद्धेशः सर्वा भस्मीकृता पुरी॥१५९॥

PADACHEDA

विनष्टा जानकी व्यक्तम् न हि अदग्धः प्रदृश्यते।लङ्कायाम् कश्चिद् उद्धेशः सर्वा भस्मीकृता पुरी॥१५९॥

TRANSLITERATION

vinaṣṭā jānakī vyaktam na hi adagdhaḥ pradṛśyate.laṅkāyām kaścid uddheśaḥ sarvā bhasmīkṛtā purī..159..
Shloka 160
दहता च मया लङ्कां दघ्दा सीता न संशयः ।रामस्य हि महत्कार्यं मयेदं वितथीकृतम्॥१६०॥

PADACHEDA

दहता च मया लङ्काम् दघ्दा सीता न संशयः ।रामस्य हि महत् कार्यम् मया इदम् वितथीकृतम्॥१६०॥

TRANSLITERATION

dahatā ca mayā laṅkām daghdā sītā na saṃśayaḥ .rāmasya hi mahat kāryam mayā idam vitathīkṛtam..160..
Shloka 161
इति शोकसमाविष्टश्चिन्तामहमुपागतः।अथाहं वाचमश्रौषं चारणानां शुभाक्षराम्॥१६१॥

PADACHEDA

इति शोक-समाविष्टः चिन्ताम् अहम् उपागतः।अथ अहम् वाचम् अश्रौषम् चारणानाम् शुभ-अक्षराम्॥१६१॥

TRANSLITERATION

iti śoka-samāviṣṭaḥ cintām aham upāgataḥ.atha aham vācam aśrauṣam cāraṇānām śubha-akṣarām..161..
Shloka 162
जानकी न च दग्धेति विस्मयोदन्तभाषिणाम्।ततो मे बुद्धिरुत्पन्ना श्रुत्वा तामद्भुतां गिरम्॥१६२॥

PADACHEDA

जानकी न च दग्धा इति विस्मय-उदन्त-भाषिणाम्।ततस् मे बुद्धिः उत्पन्ना श्रुत्वा ताम् अद्भुताम् गिरम्॥१६२॥

TRANSLITERATION

jānakī na ca dagdhā iti vismaya-udanta-bhāṣiṇām.tatas me buddhiḥ utpannā śrutvā tām adbhutām giram..162..
Shloka 163
अदग्धा जानकीत्येवं निमित्तैश्चोपलक्षिता।दीप्यमाने तु लाङ्गूले न मां दहति पावकः॥१६३॥

PADACHEDA

अदग्धा जानकी इति एवम् निमित्तैः च उपलक्षिता।दीप्यमाने तु लाङ्गूले न माम् दहति पावकः॥१६३॥

TRANSLITERATION

adagdhā jānakī iti evam nimittaiḥ ca upalakṣitā.dīpyamāne tu lāṅgūle na mām dahati pāvakaḥ..163..
Shloka 164
हृदयं च प्रहृष्टं मे वातास्सुरभिगन्धिनः।तैर्निमित्तैश्च दृष्टाथै: कारणैश्च महागुणैः॥१६४॥

PADACHEDA

हृदयम् च प्रहृष्टम् मे वाताः सुरभि-गन्धिनः।तैः निमित्तैः च कारणैः च महा-गुणैः॥१६४॥

TRANSLITERATION

hṛdayam ca prahṛṣṭam me vātāḥ surabhi-gandhinaḥ.taiḥ nimittaiḥ ca kāraṇaiḥ ca mahā-guṇaiḥ..164..
Shloka 165
ऋषिवाक्यैश्च सिद्धार्थैरभवं हृष्टमानसः।पुनर्दृष्ट्वा च वैदेहीं विसृष्टश्च तया पुनः॥१६५॥

PADACHEDA

ऋषि-वाक्यैः च सिद्धार्थैः अभवम् हृष्ट-मानसः।पुनर् दृष्ट्वा च वैदेहीम् विसृष्टः च तया पुनर्॥१६५॥

TRANSLITERATION

ṛṣi-vākyaiḥ ca siddhārthaiḥ abhavam hṛṣṭa-mānasaḥ.punar dṛṣṭvā ca vaidehīm visṛṣṭaḥ ca tayā punar..165..
Shloka 166
ततः पर्वतमासाद्य तत्रारिष्टमहं पुनः।प्रतिप्लवनमारेभे युष्मद्धर्शनकांक्षया॥१६६॥

PADACHEDA

ततस् पर्वतम् आसाद्य तत्र अरिष्टमहम् पुनर्।प्रतिप्लवनम् आरेभे युष्मद्-धर्शन-कांक्षया॥१६६॥

TRANSLITERATION

tatas parvatam āsādya tatra ariṣṭamaham punar.pratiplavanam ārebhe yuṣmad-dharśana-kāṃkṣayā..166..
Shloka 167
ततः पवनचन्द्रार्कसिद्धगन्धर्वसेवितम्।पन्थानमहमाक्रम्य भवतो दृष्टवानिह॥१६७॥

PADACHEDA

ततस् पवन-चन्द्र-अर्क-सिद्ध-गन्धर्व-सेवितम्।पन्थानम् अहम् आक्रम्य भवतः दृष्टवान् इह॥१६७॥

TRANSLITERATION

tatas pavana-candra-arka-siddha-gandharva-sevitam.panthānam aham ākramya bhavataḥ dṛṣṭavān iha..167..
Shloka 168
राघवस्य प्रभावेन भवतां चैव तेजसा । सुग्रीवस्य च कार्यार्थं मया सर्वमनुष्ठितम् ॥१६८॥

PADACHEDA

राघवस्य प्रभावेन भवताम् च एव तेजसा । सुग्रीवस्य च कार्य-अर्थम् मया सर्वम् अनुष्ठितम् ॥१६८॥

TRANSLITERATION

rāghavasya prabhāvena bhavatām ca eva tejasā . sugrīvasya ca kārya-artham mayā sarvam anuṣṭhitam ..168..
Shloka 169
एतत्सर्वं मया तत्र यथावदुपपादितम् ।तत्र यन्न कृतं शेषं तत्सर्वं क्रियताम् इति ॥१६९॥

PADACHEDA

एतत् सर्वम् मया तत्र यथावत् उपपादितम् ।तत्र यत् न कृतम् शेषम् तत् सर्वम् क्रियताम् इति ॥१६९॥

TRANSLITERATION

etat sarvam mayā tatra yathāvat upapāditam .tatra yat na kṛtam śeṣam tat sarvam kriyatām iti ..169..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In