एवमुक्तस्तु हनुमान्राघवेण महात्मना । सीताया भाषितं सर्वं न्यवेदयत राघवे ।। १।।
evamuktastu hanumanraghavena mahatmana । sitaya bhasitam sarvam nyavedayata raghave ।। 1।।
इदमुक्तवती देवी जानकी पुरुषर्षभ । पूर्ववृत्तमभिज्ञानं चित्रकूटे यथा तथम् ।। २।।
idamuktavati devi janaki purusarsabha । purvavrttamabhijnanam citrakute yatha tatham ।। 2।।
सुखसुप्ता त्वया सार्धं जानकी पूर्वमुत्थिता । वायसः सहसोत्पत्य विरराद स्तनान्तरे ।। ३।।
sukhasupta tvaya sardham janaki purvamutthita । vayasah sahasotpatya virarada stanantare ।। 3।।
पर्यायेण च सुप्तस्त्वं देव्यङ्के भरताग्रज । पुनश्च किल पक्षी स देव्या जनयति व्यथाम् ।। ४।।
paryayena ca suptastvam devyanke bharatagraja । punasca kila paksi sa devya janayati vyatham ।। 4।।
ततः पुनरुपागम्य विरराद भृशं किल । ततस्त्वं बोधितस्तस्याः शोणितेन समुक्षितः ।। ५।।
tatah punarupagamya virarada bhrsam kila । tatastvam bodhitastasyah sonitena samuksitah ।। 5।।
वायसेन च तेनैव सततं बाध्यमानया । बोधितः किल देव्यास्त्वं सुखसुप्तः परन्तप ।। ६।।
vayasena ca tenaiva satatam badhyamanaya । bodhitah kila devyastvam sukhasuptah parantapa ।। 6।।
तां तु दृष्ट्वा महाबाहो रादितां च स्तनान्तरे । आशीविष इव क्रुद्धो निःश्वसन्नभ्यभाषथाः ।। ७।।
tam tu drstva mahabaho raditam ca stanantare । asivisa iva kruddho nihsvasannabhyabhasathah ।। 7।।
नखाग्रैः केन ते भीरु दारितं तु स्तनान्तरम् । कः क्रीडति सरोषेण पञ्चवक्त्रेण भोगिना ।। ८।।
nakhagraih kena te bhiru daritam tu stanantaram । kah kridati sarosena pancavaktrena bhogina ।। 8।।
निरीक्षमाणः सहसा वायसं समवैक्षताः । नखैः सरुधिरैस्तीक्ष्णैर्मामेवाभिमुखं स्थितम् ।। ९।।
niriksamanah sahasa vayasam samavaiksatah । nakhaih sarudhiraistiksnairmam evabhimukham sthitam ।। 9।।
सुतः किल स शक्रस्य वायसः पततां वरः । धरान्तरचरः शीघ्रं पवनस्य गतौ समः ।। १०।।
sutah kila sa sakrasya vayasah patatam varah । dharantaracarah sighram pavanasya gatau samah ।। 10।।
ततस्तस्मिन्महाबाहो कोपसंवर्तितेक्षणः । वायसे त्वं कृत्वाः क्रूरां मतिं मतिमतां वर ।। ११।।
tatastasminmahabaho kopasamvartiteksanah । vayase tvam krtvah kruram matim matimatam vara ।। 11।।
स दर्भं संस्तराद्गृह्य ब्रह्मास्त्रेण न्ययोजयः । स दीप्त इव कालाग्निर्जज्वालाभिमुखः खगम् ।। १२।।
sa darbham samstaradgrhya brahmastrena nyayojayah । sa dipta iva kalagnirjajvalabhimukhah khagam ।। 12।।
स त्वं प्रदीप्तं चिक्षेप दर्भं तं वायसं प्रति । ततस्तु वायसं दीप्तः स दर्भोऽनुजगाम ह ।। १३।।
sa tvam pradiptam ciksepa darbham tam vayasam prati । tatastu vayasam diptah sa darbho- anujagama ha ।। 13।।
भीतैश्च सम्परित्यक्तः सुरैः सर्वैश्च वायसः। त्रीँल्लोकान्सम्परिक्रम्य त्रातारं नाधिगच्छति ।।१४।।
bhitaisca samparityaktah suraih sarvaisca vayasah| triँllokansamparikramya trataram nadhigacchati ||14||
पुनरप्यागतस्त्रत्र त्वत्सकाशमरिंदम। तं त्वं निपतितं भूमौ शरण्यः शरणागतम् ।।१५।।
punarapyagatastratra tvatsakasamarimdama | tam tvam nipatitam bhumau saranyah saranagatam ||15||
वधार्हमपि काकुत्स्थ कृपया परिपालयः । मोघमस्त्रं न शक्यं तु कर्तुमित्येव राघव ।।१६।।
vadharhamapi kakutstha krpaya paripalayah | moghamastram na sakyam tu kartumityeva raghava ||16||
भवांस्तस्याक्षि काकस्य हिनस्ति स्म स दक्षिणम् । राम त्वां स नमस्कृत्वा राज्ञो दशरथस्य च ।।१७।।
bhavamstasyaksi kakasya hinasti sma sa daksinam | rama tvam sa namaskrtva rajno dasarathasya ca ||17||
विसृष्टस्तु तदा काकः प्रतिपेदे खमालयम् । एवमस्त्रविदां श्रेष्ठः सत्त्ववाञ्शीलवानपि ।।१८।।
visrstastu tada kakah pratipede khamalayam | evamastravidam sresthah sattvavansilavanapi ||18||
किमर्थमस्त्रं रक्षःसु न योजयसि राघव । न नागा नापि गन्धर्वा नासुरा न मरुद्गणाः ।।१९।।
kimarthamastram raksahsu na yojayasi raghava | na naga napi gandharva nasura na marudganah ||19||
तव राम मुखे स्थातुं शक्ताः प्रतिसमाधितुम् । तव वीर्यवतः कच्चिन्मयि यद्यस्ति सम्भ्रमः ।।२०।।
tava rama mukhe sthatum saktah pratisamadhitum | tava viryavatah kaccinmayi yadyasti sambhramah ||20||
क्षिप्रं सुनिशितैर्बाणैर्हन्यतां युधि रावणः । भ्रातुरादेशमादाय लक्ष्मणो वा परन्तपः ।।२१।।
ksipram sunisitairbanairhanyatam yudhi ravanah | bhraturadesamadaya laksmano va parantapah ||21||
स किमर्थं नरवरो न मां रक्षति राघवः । शक्तौ तौ पुरुषव्याघ्रौ वाय्वग्निसमतेजसौ ।।२२।।
sa kimartham naravaro na mam raksati raghavah | saktau tau purusavyaghrau vayvagnisamatejasau ||22||
सुराणामपि दुर्धर्षौ किमर्थं मामुपेक्षतः । ममैव दुष्कृतं किं चिन्महदस्ति न संशयः ।।२३।।
suranamapi durdharsau kimartham mamupeksatah | mamaiva duskrtam kim cinmahadasti na samsayah ||23||
समर्थौ सहितौ यन्मां नापेक्षेते परन्तपौ । वैदेह्या वचनं श्रुत्वा करुणं साश्रुभाषितम् ।।२४।।
samarthau sahitau yanmam napeksete parantapau | vaidehya vacanam srutva karunam sasrubhasitam ||24||
पुनरप्यहमार्यां तामिदं वचनमब्रुवम् । त्वच्छोकविमुखो रामो देवि सत्येन ते शपे ।।२५।।
punarapyahamaryam tamidam vacanamabruvam | tvacchokavimukho ramo devi satyena te sape ||25||
रामे दुःखाभिभूते च लक्ष्मणः परितप्यते । कथं चिद्भवती दृष्टा न कालः परिशोचितुम् ।।२६।।
rame duhkhabhibhute ca laksmanah paritapyate | katham cidbhavati drsta na kalah parisocitum ||26||
अस्मिन् मुहूर्तं दुःखानामन्तं द्रक्ष्यसि भामिनि । तावुभौ नरशार्दूलौ राजपुत्रावरिन्दमौ ।।२७।।
asmin muhurtam duhkhanamantam draksyasi bhamini | tavubhau narasardulau rajaputravarindamau ||27||
त्वद्दर्शनकृतोत्साहौ लङ्कां भस्मीकरिष्यतः । हत्वा च समरे रौद्रं रावणं सह बान्धवम् ।।२८।।
tvaddarsanakrtotsahau laṅkam bhasmikarisyatah | hatva ca samare raudram ravanam saha bandhavam ||28||
राघवस्त्वां महाबाहुः स्वां पुरीं नयते ध्रुवम् । यत्तु रामो विजानीयादभिज्ञानमनिन्दिते ।।२९।।
raghavastvam mahabahuh svam purim nayate dhruvam | yattu ramo vijaniyadabhijnanamanindite ||29||
प्रीतिसञ्जननं तस्य प्रदातुं तत्त्वमर्हसि । साभिवीक्ष्य दिशः सर्वा वेण्युद्ग्रथनमुत्तमम् ।।३०।।
pritisanjananam tasya pradatum tattvamarhasi | sabhiviksya disah sarva venyudgrathanamuttamam ||30||
मुक्त्वा वस्त्राद्ददौ मह्यं मणिमेतं महाबल । प्रतिगृह्य मणिं दिव्यं तव हेतो रघूत्तम ।।३१।।
muktva vastraddadau mahyam manimetam mahabala | pratigrhya manim divyam tava heto raghuttama ||31||
शिरसा सम्प्रणम्यैनामहमागमने त्वरे । गमने च कृतोत्साहमवेक्ष्य वरवर्णिनी ।।३२।।
sirasa sampranamyai namahamagamane tvare | gamane ca krtotsahamaveksya varavarnini ||32||
विवर्धमानं च हि मामुवाच जनकात्मजा । अश्रुपूर्णमुखी दीना बाष्पसन्दिग्धभाषिणी ।।३३।।
vivardhamanam ca hi mamuvaca janakatmaja | asrupurnamukhi dina baspasandigdhabhasini ||33||
ममोत्पतनसंभ्रान्ता शोक्वेगसमाहता। मामुवाच ततः सीता सभाग्योसि महाकपे।।३४।।
mamotpatanasambhranta sokvegasamahata|mamuvaca tatah sita sabhagyosi mahakape||34||
यद्रक्ष्यसि महाबाहुं रामं कमललोचनम्। लक्ष्मणे च महाबाहुं देवरं मे यशखिनम्।।३५।।
yadraksyasi mahabahum ramam kamalalocanam | laksmane ca mahabahum devaram me yasakhinam||35||
सीतयाऽप्यवश्क्तोऽहम्रवं मैथिलीं तथा। पृष्ठमारोह मे देवि सिभ्र जनकनन्दिनि।।३६।।
sitaya'pyavaskto'hamravam maithilim tatha | prsthamaroha me devi sibhra janakanandini||36||
यावत्ते दर्शयाम्यद्य ससुग्रीवं सलक्ष्मणम्। राघवं च महाभागे भर्तरमसितेक्षणे।।३७।।
yavatte darsayamyadya sasugrivam salaksmanam | raghavam ca mahabhage bhartaramasiteksane||37||
साऽत्रवीन्मां ततो देवी नैष धमे महाकपे । यत्ते पृष्ठं सिषेवेऽहं स्ववशा हरिपुङ्गव।।३८।।
sa'travinmam tato devi naisa dhame mahakape | yatte prstham siseve'ham svavasa haripuṅgava||38||
पुरा च यदहं वीर सपृष्टा गात्रेषु रक्षसा। तत्राहं किं करिष्यामि कालेनोपनिपीडिता।।३९।।
pura ca yadaham vira saprsta gatresu raksasa| tatraham kim karisyami kalenopanipidita||39||
गच्छ त्वं कपिशार्दूल यत्र तौ नृपतेः सुतौ। इत्येवं सा समाभाष्य भूयः संदेष्टुमास्थिता।।४०।।
gaccha tvam kapisardula yatra tau nrpateh sutau| ityevam sa samabhasya bhuyah samdestumasthita||40||
हनुमन्सिंहसङ्काशौ तावुभौ रामलक्ष्मणौ । सुग्रीवं च सहामात्यं सर्वान्ब्रूया अनामयम् ।।४१।।
hanumansimhasaṅkasau tavubhau ramalaksmanau | sugrivam ca sahamatyam sarvanbruya anamayam ||41||
यथा च स महाबाहुर्मां तारयति राघवः । अस्माद्दुःखाम्बुसंरोधा त्त त्वमाख्यातुमर्हसि ।।४२।।
yatha ca sa mahabahurmam tarayati raghavah | asmad duhkhambusamrodhat tat tvamkhyatumarhasi ||42||
इदं च तीव्रं मम शोकवेगं रक्षोभिरेभिः परिभर्त्सनं च । ब्रूयास्तु रामस्य गतः समीपं शिवश्च तेऽध्वास्तु हरिप्रवीर ।।४३।।
idam ca tivram mama sokavegam raksobhirebhih paribhartsanam ca | bruyastu ramasya gatah samipam sivasca te'dhvastu haripravira ||43||
एतत्तवार्या नृपराजसिंह सीता वचः प्राह विषादपूर्वम् । एतच्च बुद्ध्वा गदितं मया त्वं श्रद्धत्स्व सीतां कुशलां समग्राम् ।।४४।।
etattavarya nrparajasimha sita vacah praha visadapurvam | etacca buddhva gaditam maya tvam sraddhatsva sitam kusalam samagram ||44||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
