Gyaandweep | Shrimad Valmiki Ramayana - Sundara Kanda- Sarga 8

Sarga Begins

श्रीमद्वाल्मीकीयरामायणे सुन्दरकाण्डे अष्टमः सर्गः ॥५-८॥

śrīmadvālmīkīyarāmāyaṇe sundarakāṇḍe aṣṭamaḥ sargaḥ ..5-8..

Shloka 1

स तस्य मध्ये भवनस्य संस्थितो महद्विमानं मणिरत्नचित्रितम्। प्रतप्तजाम्बूनदजालकृत्रिमं ददर्श धीमान् पवनात्मजः कपिः॥ १॥

sa tasya madhye bhavanasya saṃsthito mahadvimānaṃ maṇiratnacitritam. prataptajāmbūnadajālakṛtrimaṃ dadarśa dhīmān pavanātmajaḥ kapiḥ.. 1..

Shloka 2

तदप्रमेयप्रतिकारकृत्रिमं कृतं स्वयं साध्विति विश्वकर्मणा। दिवं गते वायुपथे प्रतिष्ठितं व्यराजतादित्यपथस्य लक्ष्म तत्॥ २॥

tadaprameyapratikārakṛtrimaṃ kṛtaṃ svayaṃ sādhviti viśvakarmaṇā. divaṃ gate vāyupathe pratiṣṭhitaṃ vyarājatādityapathasya lakṣma tat.. 2..

Shloka 3

न तत्र किंचिन्न कृतं प्रयत्नतो न तत्र किंचिन्न महार्घरत्नवत्। न ते विशेषा नियताः सुरेष्वपि न तत्र किंचिन्न महाविशेषवत्॥ ३॥

na tatra kiṃcinna kṛtaṃ prayatnato na tatra kiṃcinna mahārgharatnavat. na te viśeṣā niyatāḥ sureṣvapi na tatra kiṃcinna mahāviśeṣavat.. 3..

Shloka 4

तपः समाधानपराक्रमार्जितं मनःसमाधानविचारचारिणम्। अनेकसंस्थानविशेषनिर्मितं ततस्ततस्तुल्यविशेषनिर्मितम्॥ ४॥

tapaḥ samādhānaparākramārjitaṃ manaḥsamādhānavicāracāriṇam. anekasaṃsthānaviśeṣanirmitaṃ tatastatastulyaviśeṣanirmitam.. 4..

Shloka 5

मनः समाधाय तु शीघ्रगामिनं दुरासदं मारुततुल्यगामिनम्। महात्मनां पुण्यकृतां महर्द्धिनां यशस्विनामग्ऱ्यमुदामिवालयम्॥ ५॥

manaḥ samādhāya tu śīghragāminaṃ durāsadaṃ mārutatulyagāminam. mahātmanāṃ puṇyakṛtāṃ maharddhināṃ yaśasvināmagṟyamudāmivālayam.. 5..

Shloka 6

विशेषमालम्ब्य विशेषसंस्थितं विचित्रकूटं बहुकूटमण्डितम्। मनोऽभिरामं शरदिन्दुनिर्मलं विचित्रकूटं शिखरं गिरेर्यथा॥ ६॥

viśeṣamālambya viśeṣasaṃsthitaṃ vicitrakūṭaṃ bahukūṭamaṇḍitam. mano'bhirāmaṃ śaradindunirmalaṃ vicitrakūṭaṃ śikharaṃ gireryathā.. 6..

Shloka 7

वहन्ति यत्कुण्डलशोभितानना महाशना व्योमचरानिशाचराः। विवृत्तविध्वस्तविशाललोचना महाजवा भूतगणाः सहस्रशः॥ ७॥

vahanti yatkuṇḍalaśobhitānanā mahāśanā vyomacarāniśācarāḥ. vivṛttavidhvastaviśālalocanā mahājavā bhūtagaṇāḥ sahasraśaḥ.. 7..

Shloka 8

वसन्तपुष्पोत्करचारुदर्शनं वसन्तमासादपि चारुदर्शनम्। स पुष्पकं तत्र विमानमुत्तमं ददर्श तद् वानरवीरसत्तमः॥ ८॥

vasantapuṣpotkaracārudarśanaṃ vasantamāsādapi cārudarśanam. sa puṣpakaṃ tatra vimānamuttamaṃ dadarśa tad vānaravīrasattamaḥ.. 8..

Shloka 9

इत्यार्षे श्रीमद्रामायणे वाल्मीकीये आदिकाव्ये सुन्दरकाण्डे अष्टमः सर्गः ॥५-८॥

ityārṣe śrīmadrāmāyaṇe vālmīkīye ādikāvye sundarakāṇḍe aṣṭamaḥ sargaḥ ..5-8..

Languages