This overlay will guide you through the buttons:

| |
|
Shloka 1
प्रभातायां तु शर्वर्यां पृथुवक्षा महायशाः । रामः कमलपत्राक्षः पुरोधसमथाब्रवीत् ॥ ७.१०९.१ ॥
prabhātāyāṃ tu śarvaryāṃ pṛthuvakṣā mahāyaśāḥ . rāmaḥ kamalapatrākṣaḥ purodhasamathābravīt .. 7.109.1 ..
Shloka 2
अग्निहोत्रं व्रजत्वग्रे दीप्यमानं सह द्विजैः । वाजपेयातपत्रं च शोभमानं महापथे ॥ ७.१०९.२ ॥
agnihotraṃ vrajatvagre dīpyamānaṃ saha dvijaiḥ . vājapeyātapatraṃ ca śobhamānaṃ mahāpathe .. 7.109.2 ..
Shloka 3
ततो वसिष्ठस्तेजस्वी सर्वं निरवशेषतः । चकार विधिवद्धर्मं महाप्रास्थानिकं विधिम् ॥ ७.१०९.३ ॥
tato vasiṣṭhastejasvī sarvaṃ niravaśeṣataḥ . cakāra vidhivaddharmaṃ mahāprāsthānikaṃ vidhim .. 7.109.3 ..
Shloka 4
ततः सूक्ष्माम्बरधरो ब्रह्ममावर्तयन्परम् । कुशान्गृहीत्वा पाणिभ्यां प्रसज्य प्रययावथ ॥ ७.१०९.४ ॥
tataḥ sūkṣmāmbaradharo brahmamāvartayanparam . kuśāngṛhītvā pāṇibhyāṃ prasajya prayayāvatha .. 7.109.4 ..
Shloka 5
अव्याहरन्क्वचित्किञ्चिन्निश्चेष्टो निःसुखः पथि । निर्जगाम गृहात्तस्माद्दीप्यमान इवांशुमान् ॥ ७.१०९.५ ॥
avyāharankvacitkiñcinniśceṣṭo niḥsukhaḥ pathi . nirjagāma gṛhāttasmāddīpyamāna ivāṃśumān .. 7.109.5 ..
Shloka 6
रामस्य दक्षिणे पार्श्वे सपद्मा श्रीरपाश्रिता । सव्ये तु ह्रीर्महादेवी व्यवसायस्तथाग्रतः ॥ ७.१०९.६ ॥
rāmasya dakṣiṇe pārśve sapadmā śrīrapāśritā . savye tu hrīrmahādevī vyavasāyastathāgrataḥ .. 7.109.6 ..
Shloka 7
शरा नानाविधाश्चापि धनुरायतमुत्तमम् । तथा ऽ ऽयुधानि ते सर्वे ययुः पुरुषविग्रहाः ॥ ७.१०९.७ ॥
śarā nānāvidhāścāpi dhanurāyatamuttamam . tathā ' 'yudhāni te sarve yayuḥ puruṣavigrahāḥ .. 7.109.7 ..
Shloka 8
वेदा ब्राह्मणरूपेण गायत्री सर्वरक्षिणी । ओङ्कारो ऽथ वषट्कारः सर्वे राममनुव्रताः ॥ ७.१०९.८ ॥
vedā brāhmaṇarūpeṇa gāyatrī sarvarakṣiṇī . oṅkāro 'tha vaṣaṭkāraḥ sarve rāmamanuvratāḥ .. 7.109.8 ..
Shloka 9
ऋषयश्च महात्मानः सर्व एव महीसुराः । अन्वगच्छन्महात्मानं स्वर्गद्वारमपावृतम् ॥ ७.१०९.९ ॥
ṛṣayaśca mahātmānaḥ sarva eva mahīsurāḥ . anvagacchanmahātmānaṃ svargadvāramapāvṛtam .. 7.109.9 ..
Shloka 10
तं यान्तमनुगच्छन्ति ह्यन्तःपुरचराः स्त्रियः । सवृद्धबालदासीकाः सवर्षवरकिङ्कराः ॥ ७.१०९.१० ॥
taṃ yāntamanugacchanti hyantaḥpuracarāḥ striyaḥ . savṛddhabāladāsīkāḥ savarṣavarakiṅkarāḥ .. 7.109.10 ..
Shloka 11
सान्तःपुरश्च भरतः शत्रुघ्नसहितो ययौ । रामं गतिमुपागम्य साग्निहोत्रमनुव्रतः ॥ ७.१०९.११ ॥
sāntaḥpuraśca bharataḥ śatrughnasahito yayau . rāmaṃ gatimupāgamya sāgnihotramanuvrataḥ .. 7.109.11 ..
Shloka 12
ते च सर्वे महात्मानः साग्निहोत्राः समागताः । सपुत्रदाराः काकुत्स्थमनुजग्मुर्महामतिम् ॥ ७.१०९.१२ ॥
te ca sarve mahātmānaḥ sāgnihotrāḥ samāgatāḥ . saputradārāḥ kākutsthamanujagmurmahāmatim .. 7.109.12 ..
Shloka 13
मन्त्रिणो भृत्यवर्गाश्च सपुत्रपशुबान्धवाः । सर्वे सहानुगा राममन्वगच्छन्प्रहृष्टवत् ॥ ७.१०९.१३ ॥
mantriṇo bhṛtyavargāśca saputrapaśubāndhavāḥ . sarve sahānugā rāmamanvagacchanprahṛṣṭavat .. 7.109.13 ..
Shloka 14
ततः सर्वाः प्रकृतयो हृष्टपुष्टजनावृताः । गच्छन्तमन्वगछंस्तं राघवं गुणरञ्जिताः ॥ ७.१०९.१४ ॥
tataḥ sarvāḥ prakṛtayo hṛṣṭapuṣṭajanāvṛtāḥ . gacchantamanvagachaṃstaṃ rāghavaṃ guṇarañjitāḥ .. 7.109.14 ..
Shloka 15
ततः सस्त्रीपुमांसस्ते सपक्षिपशुवाहनाः । राघवस्यानुगाः सर्वे हृष्टा विगतकल्मषाः ॥ ७.१०९.१५ ॥
tataḥ sastrīpumāṃsaste sapakṣipaśuvāhanāḥ . rāghavasyānugāḥ sarve hṛṣṭā vigatakalmaṣāḥ .. 7.109.15 ..
Shloka 16
स्नाताः प्रमुदिताः सर्वे हृष्टाः पुष्टाश्च वानराः । दृढं किलकिलाशब्दैः सर्वं राममनुव्रतम् ॥ ७.१०९.१६ ॥
snātāḥ pramuditāḥ sarve hṛṣṭāḥ puṣṭāśca vānarāḥ . dṛḍhaṃ kilakilāśabdaiḥ sarvaṃ rāmamanuvratam .. 7.109.16 ..
Shloka 17
न तत्र कश्चिद्दीनो वा व्रीडितो वा ऽपि दुःखितः । हृष्टं समुदितं सर्वं बभूव परमाद्भुतम् ॥ ७.१०९.१७ ॥
na tatra kaściddīno vā vrīḍito vā 'pi duḥkhitaḥ . hṛṣṭaṃ samuditaṃ sarvaṃ babhūva paramādbhutam .. 7.109.17 ..
Shloka 18
द्रष्टुकामो ऽथ निर्यान्तं रामं जानपदो जनः । यः प्राप्तः सो ऽपि दृष्ट्वैव स्वर्गायानुगतो मुदा ॥ ७.१०९.१८ ॥
draṣṭukāmo 'tha niryāntaṃ rāmaṃ jānapado janaḥ . yaḥ prāptaḥ so 'pi dṛṣṭvaiva svargāyānugato mudā .. 7.109.18 ..
Shloka 19
ऋक्षवानररक्षांसि जनाश्च पुरवासिनः । आगच्छन्परया भक्त्या पृष्ठतः सुसमाहिताः ॥ ७.१०९.१९ ॥
ṛkṣavānararakṣāṃsi janāśca puravāsinaḥ . āgacchanparayā bhaktyā pṛṣṭhataḥ susamāhitāḥ .. 7.109.19 ..
Shloka 20
यानि भूतानि नगरे ऽप्यन्तर्धानगतानि च । राघवं तान्यनुययुः स्वर्गाय समुपस्थितम् ॥ ७.१०९.२० ॥
yāni bhūtāni nagare 'pyantardhānagatāni ca . rāghavaṃ tānyanuyayuḥ svargāya samupasthitam .. 7.109.20 ..
Shloka 21
यानि पश्यन्ति काकुत्स्थं स्थावराणि चराणि च । सर्वाणि रामगमने ह्यनुजग्मुर्हि तान्यपि ॥ ७.१०९.२१ ॥
yāni paśyanti kākutsthaṃ sthāvarāṇi carāṇi ca . sarvāṇi rāmagamane hyanujagmurhi tānyapi .. 7.109.21 ..
Shloka 22
नोच्छ्वसत्तदयोध्यायां सुसूक्ष्ममपि दृश्यते । तिर्यग्योनिगताश्चापि सर्वे राममनुव्रताः ॥ ७.१०९.२२ ॥
nocchvasattadayodhyāyāṃ susūkṣmamapi dṛśyate . tiryagyonigatāścāpi sarve rāmamanuvratāḥ .. 7.109.22 ..
Shloka 23
इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे नवाधिकशततमः सर्गः ॥ १०९ ॥
ityārṣe śrīmadrāmāyaṇe vālmīkīye ādikāvye śrīmaduttarakāṇḍe navādhikaśatatamaḥ sargaḥ .. 109 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In