This overlay will guide you through the buttons:

| |
|
Shloka 1
प्रतिप्रयाते काकुत्स्थे महेन्द्रः पाकशासनः। अब्रवीत् परमप्रीतो राघवं प्राञ्जलिं स्थितम्॥ १॥

PADACHEDA

प्रतिप्रयाते काकुत्स्थे महा-इन्द्रः पाकशासनः। अब्रवीत् परम-प्रीतः राघवम् प्राञ्जलिम् स्थितम्॥ १॥

TRANSLITERATION

pratiprayāte kākutsthe mahā-indraḥ pākaśāsanaḥ. abravīt parama-prītaḥ rāghavam prāñjalim sthitam.. 1..
Shloka 2
अमोघं दर्शनं राम तवास्माकं नरर्षभ। प्रीतियुक्ताः स्म तेन त्वं ब्रूहि यन्मनसेप्सितम्॥ २॥

PADACHEDA

अमोघम् दर्शनम् राम तव अस्माकम् नर-ऋषभ। प्रीति-युक्ताः स्म तेन त्वम् ब्रूहि यत् मनसा ईप्सितम्॥ २॥

TRANSLITERATION

amogham darśanam rāma tava asmākam nara-ṛṣabha. prīti-yuktāḥ sma tena tvam brūhi yat manasā īpsitam.. 2..
Shloka 3
एवमुक्तो महेन्द्रेण प्रसन्नेन महात्मना। सुप्रसन्नमना हृष्टो वचनं प्राह राघवः॥ ३॥

PADACHEDA

एवम् उक्तः महा-इन्द्रेण प्रसन्नेन महात्मना। सु प्रसन्न-मनाः हृष्टः वचनम् प्राह राघवः॥ ३॥

TRANSLITERATION

evam uktaḥ mahā-indreṇa prasannena mahātmanā. su prasanna-manāḥ hṛṣṭaḥ vacanam prāha rāghavaḥ.. 3..
Shloka 4
यदि प्रीतिः समुत्पन्ना मयि ते विबुधेश्वर। वक्ष्यामि कुरु मे सत्यं वचनं वदतां वर॥ ४॥

PADACHEDA

यदि प्रीतिः समुत्पन्ना मयि ते विबुध-ईश्वर। वक्ष्यामि कुरु मे सत्यम् वचनम् वदताम् वर॥ ४॥

TRANSLITERATION

yadi prītiḥ samutpannā mayi te vibudha-īśvara. vakṣyāmi kuru me satyam vacanam vadatām vara.. 4..
Shloka 5
मम हेतोः पराक्रान्ता ये गता यमसादनम्। ते सर्वे जीवितं प्राप्य समुत्तिष्ठन्तु वानराः॥ ५॥

PADACHEDA

मम हेतोः पराक्रान्ताः ये गताः यम-सादनम्। ते सर्वे जीवितम् प्राप्य समुत्तिष्ठन्तु वानराः॥ ५॥

TRANSLITERATION

mama hetoḥ parākrāntāḥ ye gatāḥ yama-sādanam. te sarve jīvitam prāpya samuttiṣṭhantu vānarāḥ.. 5..
Shloka 6
मत्कृते विप्रयुक्ता ये पुत्रैर्दारैश्च वानराः। तान् प्रीतमनसः सर्वान् द्रष्टुमिच्छामि मानद॥ ६॥

PADACHEDA

मद्-कृते विप्रयुक्ताः ये पुत्रैः दारैः च वानराः। तान् प्रीत-मनसः सर्वान् द्रष्टुम् इच्छामि मानद॥ ६॥

TRANSLITERATION

mad-kṛte viprayuktāḥ ye putraiḥ dāraiḥ ca vānarāḥ. tān prīta-manasaḥ sarvān draṣṭum icchāmi mānada.. 6..
Shloka 7
विक्रान्ताश्चापि शूराश्च न मृत्युं गणयन्ति च। कृतयत्ना विपन्नाश्च जीवयैतान् पुरंदर॥ ७॥

PADACHEDA

विक्रान्ताः च अपि शूराः च न मृत्युम् गणयन्ति च। कृत-यत्नाः विपन्नाः च जीवय एतान् पुरंदर॥ ७॥

TRANSLITERATION

vikrāntāḥ ca api śūrāḥ ca na mṛtyum gaṇayanti ca. kṛta-yatnāḥ vipannāḥ ca jīvaya etān puraṃdara.. 7..
Shloka 8
मत्प्रियेष्वभिरक्ताश्च न मृत्युं गणयन्ति ये। त्वत्प्रसादात् समेयुस्ते वरमेतमहं वृणे॥ ८॥

PADACHEDA

मद्-प्रियेषु अभिरक्ताः च न मृत्युम् गणयन्ति ये। त्वद्-प्रसादात् समेयुः ते वरम् एतम् अहम् वृणे॥ ८॥

TRANSLITERATION

mad-priyeṣu abhiraktāḥ ca na mṛtyum gaṇayanti ye. tvad-prasādāt sameyuḥ te varam etam aham vṛṇe.. 8..
Shloka 9
नीरुजो निर्व्रणांश्चैव सम्पन्नबलपौरुषान्। गोलाङ्गूलांस्तथर्क्षांश्च द्रष्टुमिच्छामि मानद॥ ९॥

PADACHEDA

नीरुजः निर्व्रणान् च एव सम्पन्न-बल-पौरुषान्। गोलाङ्गूलान् तथा ऋक्षान् च द्रष्टुम् इच्छामि मानद॥ ९॥

TRANSLITERATION

nīrujaḥ nirvraṇān ca eva sampanna-bala-pauruṣān. golāṅgūlān tathā ṛkṣān ca draṣṭum icchāmi mānada.. 9..
Shloka 10
अकाले चापि पुष्पाणि मूलानि च फलानि च। नद्यश्च विमलास्तत्र तिष्ठेयुर्यत्र वानराः॥ १०॥

PADACHEDA

अकाले च अपि पुष्पाणि मूलानि च फलानि च। नद्यः च विमलाः तत्र तिष्ठेयुः यत्र वानराः॥ १०॥

TRANSLITERATION

akāle ca api puṣpāṇi mūlāni ca phalāni ca. nadyaḥ ca vimalāḥ tatra tiṣṭheyuḥ yatra vānarāḥ.. 10..
Shloka 11
श्रुत्वा तु वचनं तस्य राघवस्य महात्मनः। महेन्द्रः प्रत्युवाचेदं वचनं प्रीतिसंयुतम्॥ ११॥

PADACHEDA

श्रुत्वा तु वचनम् तस्य राघवस्य महात्मनः। महा-इन्द्रः प्रत्युवाच इदम् वचनम् प्रीति-संयुतम्॥ ११॥

TRANSLITERATION

śrutvā tu vacanam tasya rāghavasya mahātmanaḥ. mahā-indraḥ pratyuvāca idam vacanam prīti-saṃyutam.. 11..
Shloka 12
महानयं वरस्तात यस्त्वयोक्तो रघूत्तम। द्विर्मया नोक्तपूर्वं च तस्मादेतद् भविष्यति॥ १२॥

PADACHEDA

महान् अयम् वरः तात यः त्वया उक्तः रघूत्तम। द्विस् मया न उक्त-पूर्वम् च तस्मात् एतत् भविष्यति॥ १२॥

TRANSLITERATION

mahān ayam varaḥ tāta yaḥ tvayā uktaḥ raghūttama. dvis mayā na ukta-pūrvam ca tasmāt etat bhaviṣyati.. 12..
Shloka 13
समुत्तिष्ठन्तु ते सर्वे हता ये युधि राक्षसैः। ऋक्षाश्च सह गोपुच्छैर्निकृत्ताननबाहवः॥ १३॥

PADACHEDA

समुत्तिष्ठन्तु ते सर्वे हताः ये युधि राक्षसैः। ऋक्षाः च सह गो-पुच्छैः निकृत्त-आनन-बाहवः॥ १३॥

TRANSLITERATION

samuttiṣṭhantu te sarve hatāḥ ye yudhi rākṣasaiḥ. ṛkṣāḥ ca saha go-pucchaiḥ nikṛtta-ānana-bāhavaḥ.. 13..
Shloka 14
नीरुजो निर्व्रणाश्चैव सम्पन्नबलपौरुषाः। समुत्थास्यन्ति हरयः सुप्ता निद्राक्षये यथा॥ १४॥

PADACHEDA

नीरुजः निर्व्रणाः च एव सम्पन्न-बल-पौरुषाः। समुत्थास्यन्ति हरयः सुप्ताः निद्रा-क्षये यथा॥ १४॥

TRANSLITERATION

nīrujaḥ nirvraṇāḥ ca eva sampanna-bala-pauruṣāḥ. samutthāsyanti harayaḥ suptāḥ nidrā-kṣaye yathā.. 14..
Shloka 15
सुहृद्भिर्बान्धवैश्चैव ज्ञातिभिः स्वजनेन च। सर्व एव समेष्यन्ति संयुक्ताः परया मुदा॥ १५॥

PADACHEDA

सुहृद्भिः बान्धवैः च एव ज्ञातिभिः स्व-जनेन च। सर्वे एव समेष्यन्ति संयुक्ताः परया मुदा॥ १५॥

TRANSLITERATION

suhṛdbhiḥ bāndhavaiḥ ca eva jñātibhiḥ sva-janena ca. sarve eva sameṣyanti saṃyuktāḥ parayā mudā.. 15..
Shloka 16
अकाले पुष्पशबलाः फलवन्तश्च पादपाः। भविष्यन्ति महेष्वास नद्यश्च सलिलायुताः॥ १६॥

PADACHEDA

अकाले पुष्प-शबलाः फलवन्तः च पादपाः। भविष्यन्ति महा-इष्वास नद्यः च सलिल-आयुताः॥ १६॥

TRANSLITERATION

akāle puṣpa-śabalāḥ phalavantaḥ ca pādapāḥ. bhaviṣyanti mahā-iṣvāsa nadyaḥ ca salila-āyutāḥ.. 16..
Shloka 17
सव्रणैः प्रथमं गात्रैरिदानीं निर्व्रणैः समैः। ततः समुत्थिताः सर्वे सुप्त्वेव हरिसत्तमाः॥ १७॥

PADACHEDA

स व्रणैः प्रथमम् गात्रैः इदानीम् निर्व्रणैः समैः। ततस् समुत्थिताः सर्वे सुप्त्वा इव हरि-सत्तमाः॥ १७॥

TRANSLITERATION

sa vraṇaiḥ prathamam gātraiḥ idānīm nirvraṇaiḥ samaiḥ. tatas samutthitāḥ sarve suptvā iva hari-sattamāḥ.. 17..
Shloka 18
बभूवुर्वानराः सर्वे किं त्वेतदिति विस्मिताः। काकुत्स्थं परिपूर्णार्थं दृष्ट्वा सर्वे सुरोत्तमाः॥ १८॥

PADACHEDA

बभूवुः वानराः सर्वे किम् तु एतत् इति विस्मिताः। काकुत्स्थम् परिपूर्ण-अर्थम् दृष्ट्वा सर्वे सुर-उत्तमाः॥ १८॥

TRANSLITERATION

babhūvuḥ vānarāḥ sarve kim tu etat iti vismitāḥ. kākutstham paripūrṇa-artham dṛṣṭvā sarve sura-uttamāḥ.. 18..
Shloka 19
अब्रुवन् परमप्रीताः स्तुत्वा रामं सलक्ष्मणम्। गच्छायोध्यामितो राजन् विसर्जय च वानरान्॥ १९॥

PADACHEDA

अब्रुवन् परम-प्रीताः स्तुत्वा रामम् स लक्ष्मणम्। गच्छ अयोध्याम् इतस् राजन् विसर्जय च वानरान्॥ १९॥

TRANSLITERATION

abruvan parama-prītāḥ stutvā rāmam sa lakṣmaṇam. gaccha ayodhyām itas rājan visarjaya ca vānarān.. 19..
Shloka 20
मैथिलीं सान्त्वयस्वैनामनुरक्तां यशस्विनीम्। भ्रातरं भरतं पश्य त्वच्छोकाद् व्रतचारिणम्॥ २०॥

PADACHEDA

मैथिलीम् सान्त्वयस्व एनाम् अनुरक्ताम् यशस्विनीम्। भ्रातरम् भरतम् पश्य त्वद्-शोकात् व्रत-चारिणम्॥ २०॥

TRANSLITERATION

maithilīm sāntvayasva enām anuraktām yaśasvinīm. bhrātaram bharatam paśya tvad-śokāt vrata-cāriṇam.. 20..
Shloka 21
शत्रुघ्नं च महात्मानं मातॄः सर्वाः परंतप। अभिषेचय चात्मानं पौरान् गत्वा प्रहर्षय॥ २१॥

PADACHEDA

शत्रुघ्नम् च महात्मानम् मातॄः सर्वाः परंतप। अभिषेचय च आत्मानम् पौरान् गत्वा प्रहर्षय॥ २१॥

TRANSLITERATION

śatrughnam ca mahātmānam mātṝḥ sarvāḥ paraṃtapa. abhiṣecaya ca ātmānam paurān gatvā praharṣaya.. 21..
Shloka 22
एवमुक्त्वा सहस्राक्षो रामं सौमित्रिणा सह। विमानैः सूर्यसंकाशैर्ययौ हृष्टः सुरैः सह॥ २२॥

PADACHEDA

एवम् उक्त्वा सहस्राक्षः रामम् सौमित्रिणा सह। विमानैः सूर्य-संकाशैः ययौ हृष्टः सुरैः सह॥ २२॥

TRANSLITERATION

evam uktvā sahasrākṣaḥ rāmam saumitriṇā saha. vimānaiḥ sūrya-saṃkāśaiḥ yayau hṛṣṭaḥ suraiḥ saha.. 22..
Shloka 23
अभिवाद्य च काकुत्स्थः सर्वांस्तांस्त्रिदशोत्तमान्। लक्ष्मणेन सह भ्रात्रा वासमाज्ञापयत् तदा॥ २३॥

PADACHEDA

अभिवाद्य च काकुत्स्थः सर्वान् तान् त्रिदश-उत्तमान्। लक्ष्मणेन सह भ्रात्रा वासम् आज्ञापयत् तदा॥ २३॥

TRANSLITERATION

abhivādya ca kākutsthaḥ sarvān tān tridaśa-uttamān. lakṣmaṇena saha bhrātrā vāsam ājñāpayat tadā.. 23..
Shloka 24
ततस्तु सा लक्ष्मणरामपालिता महाचमूर्हृष्टजना यशस्विनी। श्रिया ज्वलन्ती विरराज सर्वतो निशा प्रणीतेव हि शीतरश्मिना॥ २४॥

PADACHEDA

ततस् तु सा लक्ष्मण-राम-पालिता महा-चमूः हृष्ट-जना यशस्विनी। श्रिया ज्वलन्ती विरराज सर्वतस् निशा प्रणीता इव हि शीतरश्मिना॥ २४॥

TRANSLITERATION

tatas tu sā lakṣmaṇa-rāma-pālitā mahā-camūḥ hṛṣṭa-janā yaśasvinī. śriyā jvalantī virarāja sarvatas niśā praṇītā iva hi śītaraśminā.. 24..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In