This overlay will guide you through the buttons:

| |
|
Shloka 1
तं तु शोकपरिद्यूनं रामं दशरथात्मजम् । उवाच वचनं श्रीमान्सुग्रीवः शोकनाशनम् ॥ 1 ॥
taṃ tu śokaparidyūnaṃ rāmaṃ daśarathātmajam . uvāca vacanaṃ śrīmānsugrīvaḥ śokanāśanam .. 1 ..
Shloka 2
किं त्वं सन्तप्यसे वीर यथान्यः प्राकृतस्तथा । मैवं भूस्त्यज सन्तापं कृतघ्न इव सौहृदम् ॥ 2 ॥
kiṃ tvaṃ santapyase vīra yathānyaḥ prākṛtastathā . maivaṃ bhūstyaja santāpaṃ kṛtaghna iva sauhṛdam .. 2 ..
Shloka 3
सन्तापस्य च ते स्थानं न हि पश्यामि राघव । प्रवृत्तावुपलब्धायां ज्ञाते च निलये रिपोः ॥ 3 ॥
santāpasya ca te sthānaṃ na hi paśyāmi rāghava . pravṛttāvupalabdhāyāṃ jñāte ca nilaye ripoḥ .. 3 ..
Shloka 4
मतिमाञ्शास्त्रवित्प्राज्ञः पण्डितश्चासि राघव । त्यजेमां पापिकां बुद्धिं कृत्वात्मेवार्थदूषणीम् ॥ 4 ॥
matimāñśāstravitprājñaḥ paṇḍitaścāsi rāghava . tyajemāṃ pāpikāṃ buddhiṃ kṛtvātmevārthadūṣaṇīm .. 4 ..
Shloka 5
समुद्रं लङ्घयित्वा तु महानक्रसमाकुलम् । लङ्कामारोहयिष्यामो हनिष्यामश् च ते रिपुम् ॥ 5 ॥
samudraṃ laṅghayitvā tu mahānakrasamākulam . laṅkāmārohayiṣyāmo haniṣyāmaś ca te ripum .. 5 ..
Shloka 6
निरुत्साहस्य दीनस्य शोकपर्याकुलात्मनः । सर्वार्था व्यवसीदन्ति व्यसनं चाधिगच्छति ॥ 6 ॥
nirutsāhasya dīnasya śokaparyākulātmanaḥ . sarvārthā vyavasīdanti vyasanaṃ cādhigacchati .. 6 ..
Shloka 7
इमे शूराः समर्थाश्च सर्वे नो हरियूथपाः । त्वत्प्रियार्थं कृतोत्साहाः प्रवेष्टुमपि पावकम् । एषां हर्षेण जानामि तर्कश्चास्मिन्दृढो मम ॥ 7 ॥
ime śūrāḥ samarthāśca sarve no hariyūthapāḥ . tvatpriyārthaṃ kṛtotsāhāḥ praveṣṭumapi pāvakam . eṣāṃ harṣeṇa jānāmi tarkaścāsmindṛḍho mama .. 7 ..
Shloka 8
विक्रमेण समानेष्ये सीतां हत्वा यथा रिपुम् । रावणंपापकर्माणंतथात्वंकर्तुमर्हसि ॥ 8 ॥
vikrameṇa samāneṣye sītāṃ hatvā yathā ripum . rāvaṇaṃpāpakarmāṇaṃtathātvaṃkartumarhasi .. 8 ..
Shloka 9
सेतुरत्र यथा वध्येद्यथा पश्येम तां पुरीम् । तस्य राक्षसराजस्य तथा त्वं कुरु राघव ॥ 9 ॥
seturatra yathā vadhyedyathā paśyema tāṃ purīm . tasya rākṣasarājasya tathā tvaṃ kuru rāghava .. 9 ..
Shloka 10
दृष्ट्वा तां हि पुरीं लङ्कां त्रिकूटशिखरे स्थिताम् । हतं च रावणं युद्धे दर्शनादुपधारय ॥ 10 ॥
dṛṣṭvā tāṃ hi purīṃ laṅkāṃ trikūṭaśikhare sthitām . hataṃ ca rāvaṇaṃ yuddhe darśanādupadhāraya .. 10 ..
Shloka 11
अबध्वासागरेसेतुंघोरेचतुवरुणालये । लङ्कांनमर्दितुंशक्यासेन्द्रैरपिसुरासुरैः ॥ 11 ॥
abadhvāsāgaresetuṃghorecatuvaruṇālaye . laṅkāṃnamardituṃśakyāsendrairapisurāsuraiḥ .. 11 ..
Shloka 12
सेतुबद्धः समुद्रे च यावल्लङ्का समीपतः । सर्वं तीर्णं च वै सैन्यं जितमित्युपधार्यताम् । इमे हि समरे शूरा हरयः कामरूपिणः ॥ 12 ॥
setubaddhaḥ samudre ca yāvallaṅkā samīpataḥ . sarvaṃ tīrṇaṃ ca vai sainyaṃ jitamityupadhāryatām . ime hi samare śūrā harayaḥ kāmarūpiṇaḥ .. 12 ..
Shloka 13
तदलं विक्लवा बुद्धी राजन्सर्वार्थनाशनी । पुरुषस्य हि लोकेऽस्मिञ्शोकः शौर्यापकर्षणः ॥ 13 ॥
tadalaṃ viklavā buddhī rājansarvārthanāśanī . puruṣasya hi loke'smiñśokaḥ śauryāpakarṣaṇaḥ .. 13 ..
Shloka 14
यत् तु कार्यं मनुष्येण शौण्डीर्यमवलम्बता । तदलंकपणायैव कर्तुर्भवति सत्वरम् ॥ 14 ॥
yat tu kāryaṃ manuṣyeṇa śauṇḍīryamavalambatā . tadalaṃkapaṇāyaiva karturbhavati satvaram .. 14 ..
Shloka 15
अस्मिन् कालेमहाप्राज्ञसत्त्वमातिष्ठतेजसा । शूराणां हि मनुष्याणां त्वद्विधानां महात्मनाम् । विनष्टे वा प्रनष्टे वा शोकः सर्वार्थनाशनः ॥ 15 ॥
asmin kālemahāprājñasattvamātiṣṭhatejasā . śūrāṇāṃ hi manuṣyāṇāṃ tvadvidhānāṃ mahātmanām . vinaṣṭe vā pranaṣṭe vā śokaḥ sarvārthanāśanaḥ .. 15 ..
Shloka 16
तत् त्वं बुद्धिमतां श्रेष्ठः सर्वशास्त्रार्थकोविदः । मद्विधैः सचिवैः सार्थमरिं जेतुमिहार्हसि ॥ 16 ॥
tat tvaṃ buddhimatāṃ śreṣṭhaḥ sarvaśāstrārthakovidaḥ . madvidhaiḥ sacivaiḥ sārthamariṃ jetumihārhasi .. 16 ..
Shloka 17
न हि पश्याम्यहं कं चित्त्रिषु लोकेषु राघव । गृहीतधनुषो यस्ते तिष्ठेदभिमुखो रणे ॥ 17 ॥
na hi paśyāmyahaṃ kaṃ cittriṣu lokeṣu rāghava . gṛhītadhanuṣo yaste tiṣṭhedabhimukho raṇe .. 17 ..
Shloka 18
वानरेषु समासक्तं न ते कार्यं विपत्स्यते । अचिराद्द्रक्ष्यसे सीतां तीर्त्वा सागरमक्षयम् ॥ 18 ॥
vānareṣu samāsaktaṃ na te kāryaṃ vipatsyate . acirāddrakṣyase sītāṃ tīrtvā sāgaramakṣayam .. 18 ..
Shloka 19
तदलं शोकमालम्ब्य क्रोधमालम्ब भूपते । निश्चेष्टाः क्षत्रिया मन्दाः सर्वे चण्डस्य बिभ्यति ॥ 19 ॥
tadalaṃ śokamālambya krodhamālamba bhūpate . niśceṣṭāḥ kṣatriyā mandāḥ sarve caṇḍasya bibhyati .. 19 ..
Shloka 20
लङ्गनार्थं च घोरस्य समुद्रस्य नदीपतेः । सहास्माभिरिहोपेतः सूक्ष्मबुद्धिर्विचारय ॥ 20 ॥
laṅganārthaṃ ca ghorasya samudrasya nadīpateḥ . sahāsmābhirihopetaḥ sūkṣmabuddhirvicāraya .. 20 ..
Shloka 21
लङ्घितेतस्यतैस्सैन्यंजितमित्युपधारय । सर्वंतीर्णंचमेसैन्यंजितमित्यवधार्यताम् ॥ 21 ॥
laṅghitetasyataissainyaṃjitamityupadhāraya . sarvaṃtīrṇaṃcamesainyaṃjitamityavadhāryatām .. 21 ..
Shloka 22
इमे हि समरे शूरा हरयः कामरूपिणः । तानरीन्विधमिष्यन्ति शिलापादपवृष्टिभिः ॥ 22 ॥
ime hi samare śūrā harayaḥ kāmarūpiṇaḥ . tānarīnvidhamiṣyanti śilāpādapavṛṣṭibhiḥ .. 22 ..
Shloka 23
कथं चित्परिपश्यामस्ते वयं वरुणालयम् । हतमित्येवतंमन्येयुद्धेशत्रुनिबर्हण ॥ 23 ॥
kathaṃ citparipaśyāmaste vayaṃ varuṇālayam . hatamityevataṃmanyeyuddheśatrunibarhaṇa .. 23 ..
Shloka 24
किमुक्त्वा बहुधा चापि सर्वथा विजयी भवान् । निमित्तानिचपश्यामिमनोमेसम्प्रहृष्यति ॥ 24 ॥
kimuktvā bahudhā cāpi sarvathā vijayī bhavān . nimittānicapaśyāmimanomesamprahṛṣyati .. 24 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In