ततो राम सुवेलाग्रं योजनद्वयमण्डलम् । उपरोहत् ससुग्रीवो हरियूथै समन्वितः ।। 1 ।।
tato rāma suvelāgraṃ yojanadvayamaṇḍalam | uparohat sasugrīvo hariyūthai samanvitaḥ || 1 ||
स्थित्वा मुहूर्तं तत्रैव दिशो दश विलोकयन् । त्रिकूटशिखरे रम्ये निर्मितां विश्वकर्मणा ।। 2 ।।
sthitvā muhūrtaṃ tatraiva diśo daśa vilokayan | trikūṭaśikhare ramye nirmitāṃ viśvakarmaṇā || 2 ||
ददर्श लङ्कां सुन्यस्तां रम्यकाननशोभिताम् । तस्य गोपुरशृङ्गस्थं राक्षसेन्द्रं दुरासदम् ।। 3 ।।
dadarśa laṅkāṃ sunyastāṃ ramyakānanaśobhitām | tasya gopuraśṛṅgasthaṃ rākṣasendraṃ durāsadam || 3 ||
श्वेतचामरपर्यन्तं विजयच्छत्रशोभितम् । रक्तचन्दनसंलिप्तं रत्नाभरणभूषितम् ।। 4 ।।
śvetacāmaraparyantaṃ vijayacchatraśobhitam | raktacandanasaṃliptaṃ ratnābharaṇabhūṣitam || 4 ||
नीलजीमूतसङ्काशं हेमसञ्छादिताम्बरम् । ऐरावतविषाणाग्रैरुत्कृष्टकिणवक्षसम् ।। 5 ।।
nīlajīmūtasaṅkāśaṃ hemasañchāditāmbaram | airāvataviṣāṇāgrairutkṛṣṭakiṇavakṣasam || 5 ||
शशलोहितरागेण संवीतं रक्तवाससा । सन्ध्यातपेन संछन्नं मेघराशिमिवाम्बरे ।। 6 ।।
śaśalohitarāgeṇa saṃvītaṃ raktavāsasā | sandhyātapena saṃchannaṃ megharāśimivāmbare || 6 ||
पश्यतां वानरेन्द्राणां राघवस्यापि पश्यतः । दर्शनादा राक्षसेन्द्रस्य सुग्रीव सहसोत्थितः ।। 7 ।।
paśyatāṃ vānarendrāṇāṃ rāghavasyāpi paśyataḥ | darśanādā rākṣasendrasya sugrīva sahasotthitaḥ || 7 ||
क्रोधवेगेन संयुक्त सत्त्वेन च बलेन च । अचलाग्रादथोत्थाय पुप्लुवे गोपुरस्थले ।। 8 ।।
krodhavegena saṃyukta sattvena ca balena ca | acalāgrādathotthāya pupluve gopurasthale || 8 ||
स्थित्वा मुहूर्तं सम्प्रेक्ष्य निर्भयेनान्तरात्मना । तृणीकृत्य च तद रक्ष सोऽब्रवीत् परुषं वचः ।। 9 ।।
sthitvā muhūrtaṃ samprekṣya nirbhayenāntarātmanā | tṛṇīkṛtya ca tada rakṣa so'bravīt paruṣaṃ vacaḥ || 9 ||
लोकनाथस्य रामस्य सखा दासोऽस्मि राक्षस । न मया मोक्ष्यसेऽद्य त्वं पार्थिवेन्द्रस्य तेजसा ।। 10 ।।
lokanāthasya rāmasya sakhā dāso'smi rākṣasa | na mayā mokṣyase'dya tvaṃ pārthivendrasya tejasā || 10 ||
इत्युक्त्वा सहसोत्पत्य पुप्लुवे तस्य चोपरि । आकृष्य मुकुटं चित्रं पातयामास तद्भुवि ।। 11 ।।
ityuktvā sahasotpatya pupluve tasya copari | ākṛṣya mukuṭaṃ citraṃ pātayāmāsa tadbhuvi || 11 ||
समीक्ष्य तूर्णमायान्तं बभाषे तं निशाचरः । सुग्रीवस्त्व परोक्षम् मे हीनग्रीवो भविष्यसि ।। 12 ।।
samīkṣya tūrṇamāyāntaṃ babhāṣe taṃ niśācaraḥ | sugrīvastva parokṣam me hīnagrīvo bhaviṣyasi || 12 ||
इत्युक्त्वोत्थाय तं क्षिप्रं बाहुभ्यामाक्षिपत्तले । कन्दुवत् स समुत्थाय बाहुभ्यामाक्षिपद्धरि ।। 13 ।।
ityuktvotthāya taṃ kṣipraṃ bāhubhyāmākṣipattale | kanduvat sa samutthāya bāhubhyāmākṣipaddhari || 13 ||
परस्परं स्वेदविदग्धगात्रौ परस्परं शोणितदिग्धदेह । परस्परंल शिष्टनिरुद्धचेष्टौ परस्परं शाल्मलिकिंशुकाविव ।। 14 ।।
parasparaṃ svedavidagdhagātrau parasparaṃ śoṇitadigdhadeha | parasparaṃla śiṣṭaniruddhaceṣṭau parasparaṃ śālmalikiṃśukāviva || 14 ||
मुष्टिप्रहारैश्च तलप्रहारैररत्निघातैश्च कराग्रघातैः । तौ चक्रतुर्युद्धमसह्यरूपं महाबलौ राक्षसवानरेन्द्रौ ।। 15 ।।
muṣṭiprahāraiśca talaprahārairaratnighātaiśca karāgraghātaiḥ | tau cakraturyuddhamasahyarūpaṃ mahābalau rākṣasavānarendrau || 15 ||
कृत्वा नियुद्धं भृशमुग्रवेगौ कालं चिर गोपुरवेदिमध्ये । उत्क्षिप्य चोत्क्षिप्य विनम्य देहौ पादक्रमाद् गोपुरवेदिलग्नौ ।। 16 ।।
kṛtvā niyuddhaṃ bhṛśamugravegau kālaṃ cira gopuravedimadhye | utkṣipya cotkṣipya vinamya dehau pādakramād gopuravedilagnau || 16 ||
अन्योन्यमापिधदड्य विलग्नदेहौ तौ पेततु सालनिखातमध्ये ।उत्पेततुर्भूमितल स्पृशन्तौ स्थित्वा मुहूर्तं त्वभिनिःश्वसन्तौ ।। 17 ।।
anyonyamāpidhadaḍya vilagnadehau tau petatu sālanikhātamadhye |utpetaturbhūmitala spṛśantau sthitvā muhūrtaṃ tvabhiniḥśvasantau || 17 ||
आलिङ्ग्य चालिङ्ग्य च बाहुयोक्त्रै स्संयोजयामासतुराहवे तौ । संरम्भशिक्षाबलसम्प्रयुक्तौ संचेरतु सम्प्रति युद्धमार्गैः ।। 18 ।।
āliṅgya cāliṅgya ca bāhuyoktrai ssaṃyojayāmāsaturāhave tau | saṃrambhaśikṣābalasamprayuktau saṃceratu samprati yuddhamārgaiḥ || 18 ||
शार्दूरसिंहाविव जातदर्पौग जेन्द्रपोताविव सम्प्रयुक्तौ । संहत्य संवेद्य च तौ कराभ्यां तौ पेततुर्वै युगपद धरायाम् ।। 19 ।।
śārdūrasiṃhāviva jātadarpauga jendrapotāviva samprayuktau | saṃhatya saṃvedya ca tau karābhyāṃ tau petaturvai yugapada dharāyām || 19 ||
उद्यम्य चान्योन्यमधिक्षिपन्तौ संचक्रमाते बहु युद्धमार्गे: । व्यायामशिक्षाबलसम्प्रयुक्तौ क्लमं न तौ जग्मतुराशु वीरौ ।। 20 ।।
udyamya cānyonyamadhikṣipantau saṃcakramāte bahu yuddhamārge: | vyāyāmaśikṣābalasamprayuktau klamaṃ na tau jagmaturāśu vīrau || 20 ||
बाहूत्तमैर्वारणवारणाभैर्निवारयन्तौ परवारणाभौ । चिरेण कालेन भृशं प्रयुक्तौ संचेरतुर्मण्डलमार्गमाशु ।। 21 ।।
bāhūttamairvāraṇavāraṇābhairnivārayantau paravāraṇābhau | cireṇa kālena bhṛśaṃ prayuktau saṃceraturmaṇḍalamārgamāśu || 21 ||
तौ परस्परमासाद्य यत्तावन्योन्यसूदने । मार्जाराविव भक्ष्यार्थेऽवितस्थाते मुहुर्मुहुः ।। 22 ।।
tau parasparamāsādya yattāvanyonyasūdane | mārjārāviva bhakṣyārthe'vitasthāte muhurmuhuḥ || 22 ||
मण्डलानि विचित्राणि स्थानानि विविधानि च । गोमूत्रकाणि चित्राणि गतप्रत्यागतानि च ।। 23 ।।
maṇḍalāni vicitrāṇi sthānāni vividhāni ca | gomūtrakāṇi citrāṇi gatapratyāgatāni ca || 23 ||
तिरच्शीनगतान्येव तथा वक्रगतानि च । परिमोक्षं प्रहाराणां वर्जनं परिधावनम् ।। 24 ।।
tiracśīnagatānyeva tathā vakragatāni ca | parimokṣaṃ prahārāṇāṃ varjanaṃ paridhāvanam || 24 ||
अभिद्रवणमाप्लावमावस्थानं सविग्रहम् । परावृत्तमपावृत्तमपद्रुतमवप्लुतम् ।। 25 ।।
abhidravaṇamāplāvamāvasthānaṃ savigraham | parāvṛttamapāvṛttamapadrutamavaplutam || 25 ||
उपन्यस्तपमन्यस्तं युद्धमार्गविशारदौ । तौ विचेरतुरन्योन्यं वानरेन्द्रश्च रावणः ।। 26 ।।
upanyastapamanyastaṃ yuddhamārgaviśāradau | tau viceraturanyonyaṃ vānarendraśca rāvaṇaḥ || 26 ||
एतस्मिन्नन्तरे रक्षो मायाबलमथात्मनः । आरब्धुमुपसंपेदे ज्ञात्वा तं वानराधिपः ।। 27 ।।
etasminnantare rakṣo māyābalamathātmanaḥ | ārabdhumupasaṃpede jñātvā taṃ vānarādhipaḥ || 27 ||
उत्पपात तदाऽऽकाशं जितकाशी जितक्लमः । रावणः स्थित एवात्र हरिराजेन वञ्चितः ।। 28 ।।
utpapāta tadā''kāśaṃ jitakāśī jitaklamaḥ | rāvaṇaḥ sthita evātra harirājena vañcitaḥ || 28 ||
अथ हरिवरनाथः प्राप्यसङ्ग्रामकीर्तिंनिशिचरपतिमाजौ योजयित्वा श्रमेण । गगनमतिविशालं लङ्घयित्वार्कसूनुर्हरिगणमध्ये रामपार्श्वं जगाम ।। 29 ।।
atha harivaranāthaḥ prāpyasaṅgrāmakīrtiṃniśicarapatimājau yojayitvā śrameṇa | gaganamativiśālaṃ laṅghayitvārkasūnurharigaṇamadhye rāmapārśvaṃ jagāma || 29 ||
इति स सवितृसूनुस्तत्र तत् कर्म कृत्वा पवनगतिरनीकं प्राविशत्स सम्प्रहृष्टः ।
रघुवरनृपसूनोद्वर्धय युद्धहर्षं तरुमृगगणमुख्यैः पूज्यमानो हरीन्द्रः ।। 30 ।।
iti sa savitṛsūnustatra tat karma kṛtvā pavanagatiranīkaṃ prāviśatsa samprahṛṣṭaḥ |
raghuvaranṛpasūnodvardhaya yuddhaharṣaṃ tarumṛgagaṇamukhyaiḥ pūjyamāno harīndraḥ || 30 ||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
