This overlay will guide you through the buttons:

| |
|
Shloka 1
निर्गतं मकराक्षं ते दृष्ट्वा वानरपुङ्गवाः । आप्लुत्य सहसा सर्वे योद्धुकामा व्यवस्थिताः ॥ १॥
nirgataṃ makarākṣaṃ te dṛṣṭvā vānarapuṅgavāḥ . āplutya sahasā sarve yoddhukāmā vyavasthitāḥ .. 1..
Shloka 2
ततः प्रवृत्तं सुमहत्तद्युद्धं लोमहर्षणम् । निशाचरैः प्लवङ्गानां देवानां दानवैरिव ॥ २॥
tataḥ pravṛttaṃ sumahattadyuddhaṃ lomaharṣaṇam . niśācaraiḥ plavaṅgānāṃ devānāṃ dānavairiva .. 2..
Shloka 3
वृक्षशूलनिपातैश्च शिलापरिघपातनैः । अन्योन्यं मर्दयन्ति स्म तदा कपिनिशाचराः ॥ ३॥
vṛkṣaśūlanipātaiśca śilāparighapātanaiḥ . anyonyaṃ mardayanti sma tadā kapiniśācarāḥ .. 3..
Shloka 4
शक्तिशूलगदाखड्गैस्तोमरैश्च निशाचराः । पट्टसैर्भिन्दिपालैश्च बाणपातैः समन्ततः ॥ ४॥
śaktiśūlagadākhaḍgaistomaraiśca niśācarāḥ . paṭṭasairbhindipālaiśca bāṇapātaiḥ samantataḥ .. 4..
Shloka 5
पाशमुद्गरदण्डैश्च निर्घातैश्चापरैस्तथा । कदनं कपिसिंहानां चक्रुस्ते रजनीचराः ॥ ५॥
pāśamudgaradaṇḍaiśca nirghātaiścāparaistathā . kadanaṃ kapisiṃhānāṃ cakruste rajanīcarāḥ .. 5..
Shloka 6
बाणौघैरर्दिताश्चापि खरपुत्रेण वानराः । सम्भ्रान्तमनसः सर्वे दुद्रुवुर्भयपीडिताः ॥ ६॥
bāṇaughairarditāścāpi kharaputreṇa vānarāḥ . sambhrāntamanasaḥ sarve dudruvurbhayapīḍitāḥ .. 6..
Shloka 7
तान्दृष्ट्वा राक्षसाः सर्वे द्रवमाणान्वनौकसः । नेदुस्ते सिंहवद्धृष्टा राक्षसा जितकाशिनः ॥ ७॥
tāndṛṣṭvā rākṣasāḥ sarve dravamāṇānvanaukasaḥ . neduste siṃhavaddhṛṣṭā rākṣasā jitakāśinaḥ .. 7..
Shloka 8
विद्रवत्सु तदा तेषु वानरेषु समन्ततः । रामस्तान्वारयामास शरवर्षेण राक्षसान् ॥ ८॥
vidravatsu tadā teṣu vānareṣu samantataḥ . rāmastānvārayāmāsa śaravarṣeṇa rākṣasān .. 8..
Shloka 9
वारितान्राक्षसान्दृष्ट्वा मकराक्षो निशाचरः । कोपानलसमाविष्टो वचनं चेदमब्रवीत् ॥ ९॥
vāritānrākṣasāndṛṣṭvā makarākṣo niśācaraḥ . kopānalasamāviṣṭo vacanaṃ cedamabravīt .. 9..
Shloka 10
तिष्ठ राम मया सार्धं द्वन्द्वयुद्धं भविष्यति । त्याजयिष्यामि ते प्राणान् धनुर्मुक्तैः शितैः शरैः ॥ १०॥
tiṣṭha rāma mayā sārdhaṃ dvandvayuddhaṃ bhaviṣyati . tyājayiṣyāmi te prāṇān dhanurmuktaiḥ śitaiḥ śaraiḥ .. 10..
Shloka 11
यत्तदा दण्डकारण्ये पितरं हतवान्मम । मदग्रतः स्वकर्मस्थं स्मृत्वा रोषोऽभिवर्धते ॥ ११॥
yattadā daṇḍakāraṇye pitaraṃ hatavānmama . madagrataḥ svakarmasthaṃ smṛtvā roṣo'bhivardhate .. 11..
Shloka 12
दह्यन्ते भृशमङ्गानि दुरात्मन्मम राघव । यन्मयासि न दृष्टस्त्वं तस्मिन्काले महावने ॥ १२॥
dahyante bhṛśamaṅgāni durātmanmama rāghava . yanmayāsi na dṛṣṭastvaṃ tasminkāle mahāvane .. 12..
Shloka 13
दिष्ट्यासि दर्शनं राम मम त्वं प्राप्तवानिह । काङ्क्षितोऽसि क्षुधार्तस्य सिंहस्येवेतरो मृगः ॥ १३॥
diṣṭyāsi darśanaṃ rāma mama tvaṃ prāptavāniha . kāṅkṣito'si kṣudhārtasya siṃhasyevetaro mṛgaḥ .. 13..
Shloka 14
अद्य मद्बाणवेगेन प्रेतराड्विषयं गतः । ये त्वया निहताः शूराः सह तैस्त्वं वसिष्यसि ॥ १४॥
adya madbāṇavegena pretarāḍviṣayaṃ gataḥ . ye tvayā nihatāḥ śūrāḥ saha taistvaṃ vasiṣyasi .. 14..
Shloka 15
बहुनात्र किमुक्तेन शृणु राम वचो मम । पश्यन्तु सकला लोकास्त्वां मां चैव रणाजिरे ॥ १५॥
bahunātra kimuktena śṛṇu rāma vaco mama . paśyantu sakalā lokāstvāṃ māṃ caiva raṇājire .. 15..
Shloka 16
अस्त्रैर्वा गदया वापि बाहुभ्यां वा रणाजिरे । अभ्यस्तं येन वा राम वर्ततां तेन वा मृधम् ॥ १६॥
astrairvā gadayā vāpi bāhubhyāṃ vā raṇājire . abhyastaṃ yena vā rāma vartatāṃ tena vā mṛdham .. 16..
Shloka 17
मकराक्षवचः श्रुत्वा रामो दशरथात्मजः । अब्रवीत्प्रहसन्वाक्यमुत्तरोत्तरवादिनम् ॥ १७॥
makarākṣavacaḥ śrutvā rāmo daśarathātmajaḥ . abravītprahasanvākyamuttarottaravādinam .. 17..
Shloka 18
कत्थसे किं वृथा रक्षो बहून्यसदृशानि ते । न रणे शक्यते जेतुं विना युद्धेन वाग्बलात् ॥ 18 ॥
katthase kiṃ vṛthā rakṣo bahūnyasadṛśāni te . na raṇe śakyate jetuṃ vinā yuddhena vāgbalāt .. 18 ..
Shloka 19
चतुर्दशसहस्राणि रक्षसां त्वत्पिता च यः । त्रिशिरा दूषणश्चापि दण्डके निहतो मया ॥ 19 ॥
caturdaśasahasrāṇi rakṣasāṃ tvatpitā ca yaḥ . triśirā dūṣaṇaścāpi daṇḍake nihato mayā .. 19 ..
Shloka 20
स्वाशिताश्चापि मांसेन गृध्रगोमायुवायसाः । भविष्यन्त्यद्य वै पाप तीक्ष्णतुण्डनखाङ्कुशाः ॥ 20 ॥
svāśitāścāpi māṃsena gṛdhragomāyuvāyasāḥ . bhaviṣyantyadya vai pāpa tīkṣṇatuṇḍanakhāṅkuśāḥ .. 20 ..
Shloka 21
एवमुक्तस्तु रामेण खरपुत्रो निशाचरः । बाणौघानसृजत्तस्मै राघवाय रणाजिरे ॥ 21 ॥
evamuktastu rāmeṇa kharaputro niśācaraḥ . bāṇaughānasṛjattasmai rāghavāya raṇājire .. 21 ..
Shloka 22
ताञ्शराञ्शरवर्षेण रामश्चिच्छेद नैकधा । निपेतुर्भुवि ते छिन्ना रुक्मपुङ्खाः सहस्रशः ॥ 22 ॥
tāñśarāñśaravarṣeṇa rāmaściccheda naikadhā . nipeturbhuvi te chinnā rukmapuṅkhāḥ sahasraśaḥ .. 22 ..
Shloka 23
तद्युद्धमभवत्तत्र समेत्यान्योन्यमोजसा । खर राक्षसपुत्रस्य सूनोर्दशरथस्य च ॥ 23 ॥
tadyuddhamabhavattatra sametyānyonyamojasā . khara rākṣasaputrasya sūnordaśarathasya ca .. 23 ..
Shloka 24
जीमूतयोरिवाकाशे शब्दो ज्यातलयोस्तदा । धनुर्मुक्तः स्वनोत्कृष्टः श्रूयते च रणाजिरे ॥ 24 ॥
jīmūtayorivākāśe śabdo jyātalayostadā . dhanurmuktaḥ svanotkṛṣṭaḥ śrūyate ca raṇājire .. 24 ..
Shloka 25
देवदानवगन्धर्वाः किंनराश्च महोरगाः । अन्तरिक्षगताः सर्वे द्रष्टुकामास्तदद्भुतम् ॥ 25 ॥
devadānavagandharvāḥ kiṃnarāśca mahoragāḥ . antarikṣagatāḥ sarve draṣṭukāmāstadadbhutam .. 25 ..
Shloka 26
विद्धमन्योन्यगात्रेषु द्विगुणं वर्धते बलम् । कृतप्रतिकृतान्योन्यं कुर्वाते तौ रणाजिरे ॥ 26 ॥
viddhamanyonyagātreṣu dviguṇaṃ vardhate balam . kṛtapratikṛtānyonyaṃ kurvāte tau raṇājire .. 26 ..
Shloka 27
राममुक्तास्तु बाणौघान्राक्षसस्त्वच्छिनद्रणे । रक्षोमुक्तांस्तु रामो वै नैकधा प्राच्छिनच्छरैः ॥ 27 ॥
rāmamuktāstu bāṇaughānrākṣasastvacchinadraṇe . rakṣomuktāṃstu rāmo vai naikadhā prācchinaccharaiḥ .. 27 ..
Shloka 28
बाणौघवितताः सर्वा दिशश्च विदिशस्तथा । सञ्चन्ना वसुधा चैव समन्तान्न प्रकाशते ॥ 28 ॥
bāṇaughavitatāḥ sarvā diśaśca vidiśastathā . sañcannā vasudhā caiva samantānna prakāśate .. 28 ..
Shloka 29
ततः क्रुद्धो महाबाहुर्धनुश्चिच्छेद रक्षसः । अष्टाभिरथ नाराचैः सूतं विव्याध राघवः ॥ 29 ॥
tataḥ kruddho mahābāhurdhanuściccheda rakṣasaḥ . aṣṭābhiratha nārācaiḥ sūtaṃ vivyādha rāghavaḥ .. 29 ..
Shloka 30
भित्त्वा रथं शरै रामो रथाश्वान्समपातयत् । विरथो वसुधां तिष्ठन्मकराक्षो निशाचरः ॥ 30 ॥
bhittvā rathaṃ śarai rāmo rathāśvānsamapātayat . viratho vasudhāṃ tiṣṭhanmakarākṣo niśācaraḥ .. 30 ..
Shloka 31
तत्तिष्ठद् वसुधां रक्षः शूलं जग्राह पाणिना । त्रासनं सर्वभूतानां युगान्ताग्निसमप्रभम् ॥ 31 ॥
tattiṣṭhad vasudhāṃ rakṣaḥ śūlaṃ jagrāha pāṇinā . trāsanaṃ sarvabhūtānāṃ yugāntāgnisamaprabham .. 31 ..
Shloka 32
दुरवापम् महच्छूलं रुद्रदत्तं भयङ्करम् । जाज्वल्यमानमाकाशे संहारास्त्रमिवापरम् ॥ 32 ॥
duravāpam mahacchūlaṃ rudradattaṃ bhayaṅkaram . jājvalyamānamākāśe saṃhārāstramivāparam .. 32 ..
Shloka 33
यं दृष्टवा देवताः सर्वा भयार्ता विद्रुता दिशः । विभ्राम्य च महच्छूलं प्रज्वलन्तं निशाचरः ॥ 33 ॥
yaṃ dṛṣṭavā devatāḥ sarvā bhayārtā vidrutā diśaḥ . vibhrāmya ca mahacchūlaṃ prajvalantaṃ niśācaraḥ .. 33 ..
Shloka 34
स क्रोधात् प्राहिणोत् तस्मै राघवाय महाहवे । तमापतन्तं ज्वलितं खरपुत्रकराच्च्युतम् ॥ 34 ॥
sa krodhāt prāhiṇot tasmai rāghavāya mahāhave . tamāpatantaṃ jvalitaṃ kharaputrakarāccyutam .. 34 ..
Shloka 35
बाणैस्तु त्रिभिराकाशे शूलं चिच्छेद राघवः । स भिन्नो नैकधा शूलो दिव्यहाटकमण्डितः । व्यशीर्यत महोक्लेव रामबाणार्दितो भुवि ॥ 35 ॥
bāṇaistu tribhirākāśe śūlaṃ ciccheda rāghavaḥ . sa bhinno naikadhā śūlo divyahāṭakamaṇḍitaḥ . vyaśīryata mahokleva rāmabāṇārdito bhuvi .. 35 ..
Shloka 36
तच्छूलं निहतं दृष्ट्वा रामेणाद्भुतकर्मणा । साधु साध्विति भूतानि व्याहरन्ति नभोगताः ॥ 36 ॥
tacchūlaṃ nihataṃ dṛṣṭvā rāmeṇādbhutakarmaṇā . sādhu sādhviti bhūtāni vyāharanti nabhogatāḥ .. 36 ..
Shloka 37
तं द्दृष्ट्वा निहतं शूलं मकराक्षो निशाचरः । मुष्टिमुद्यम्य काकुत्स्थं तिष्ठ तिष्ठेति चाब्रवीत् ॥ 37 ॥
taṃ ddṛṣṭvā nihataṃ śūlaṃ makarākṣo niśācaraḥ . muṣṭimudyamya kākutsthaṃ tiṣṭha tiṣṭheti cābravīt .. 37 ..
Shloka 38
स तं दृष्ट्वाऽऽन्तं तु प्रहस्य रघुनन्दनः । पावकास्त्रं ततो रामः सन्दधे तु शरासने ॥ 38 ॥
sa taṃ dṛṣṭvā''ntaṃ tu prahasya raghunandanaḥ . pāvakāstraṃ tato rāmaḥ sandadhe tu śarāsane .. 38 ..
Shloka 39
तेनास्त्रेण हतं रक्षः काकुत्स्थेन तदा रणे । संछिन्नहृदयं तत्र पपात च ममार च ॥ 39 ॥
tenāstreṇa hataṃ rakṣaḥ kākutsthena tadā raṇe . saṃchinnahṛdayaṃ tatra papāta ca mamāra ca .. 39 ..
Shloka 40
दृष्ट्वा ते राक्षसाः सर्वे मकराक्षस्य पातनम् । लङ्कामेव प्रधावन्त रामबाणभयार्दिताः ॥ 40 ॥
dṛṣṭvā te rākṣasāḥ sarve makarākṣasya pātanam . laṅkāmeva pradhāvanta rāmabāṇabhayārditāḥ .. 40 ..
Shloka 41
दशरथनृपपुत्रबाणवेगै रजनिचरं निहतं खरात्मजं तम् । प्रददृशुरथ च देवताः प्रहृष्टा गिरिमिव वज्रहतं यथा विकीर्णम् ॥ 41 ॥
daśarathanṛpaputrabāṇavegai rajanicaraṃ nihataṃ kharātmajaṃ tam . pradadṛśuratha ca devatāḥ prahṛṣṭā girimiva vajrahataṃ yathā vikīrṇam .. 41 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In