This overlay will guide you through the buttons:

| |
|
Shloka 1
राममाश्वासमाने तु लक्ष्मणे भ्रातृवत्सले।निक्षिप्य गुल्मान् स्वस्थाने तत्रागच्छद् विभीषणः॥ १॥

PADACHEDA

रामम् आश्वासमाने तु लक्ष्मणे भ्रातृ-वत्सले।निक्षिप्य गुल्मान् स्व-स्थाने तत्र अगच्छत् विभीषणः॥ १॥

TRANSLITERATION

rāmam āśvāsamāne tu lakṣmaṇe bhrātṛ-vatsale.nikṣipya gulmān sva-sthāne tatra agacchat vibhīṣaṇaḥ.. 1..
Shloka 2
नानाप्रहरणैर्वीरैश्चतुर्भिरभिसंवृतः।नीलाञ्जनचयाकारैर्मातंगैरिव यूथपैः॥ २॥

PADACHEDA

नाना प्रहरणैः वीरैः चतुर्भिः अभिसंवृतः।नीलाञ्जन-चय-आकारैः मातंगैः इव यूथपैः॥ २॥

TRANSLITERATION

nānā praharaṇaiḥ vīraiḥ caturbhiḥ abhisaṃvṛtaḥ.nīlāñjana-caya-ākāraiḥ mātaṃgaiḥ iva yūthapaiḥ.. 2..
Shloka 3
सोऽभिगम्य महात्मानं राघवं शोकलालसम्।वानरांश्चापि ददृशे बाष्पपर्याकुलेक्षणान्॥ ३॥

PADACHEDA

सः अभिगम्य महात्मानम् राघवम् शोक-लालसम्।वानरान् च अपि ददृशे बाष्प-पर्याकुल-ईक्षणान्॥ ३॥

TRANSLITERATION

saḥ abhigamya mahātmānam rāghavam śoka-lālasam.vānarān ca api dadṛśe bāṣpa-paryākula-īkṣaṇān.. 3..
Shloka 4
राघवं च महात्मानमिक्ष्वाकुकुलनन्दनम्।ददर्श मोहमापन्नं लक्ष्मणस्याङ्कमाश्रितम्॥ ४॥

PADACHEDA

राघवम् च महात्मानम् इक्ष्वाकु-कुल-नन्दनम्।ददर्श मोहम् आपन्नम् लक्ष्मणस्य अङ्कम् आश्रितम्॥ ४॥

TRANSLITERATION

rāghavam ca mahātmānam ikṣvāku-kula-nandanam.dadarśa moham āpannam lakṣmaṇasya aṅkam āśritam.. 4..
Shloka 5
व्रीडितं शोकसंतप्तं दृष्ट्वा रामं विभीषणः।अन्तर्दुःखेन दीनात्मा किमेतदिति सोऽब्रवीत्॥ ५॥

PADACHEDA

व्रीडितम् शोक-संतप्तम् दृष्ट्वा रामम् विभीषणः।अन्तर् दुःखेन दीन-आत्मा किम् एतत् इति सः अब्रवीत्॥ ५॥

TRANSLITERATION

vrīḍitam śoka-saṃtaptam dṛṣṭvā rāmam vibhīṣaṇaḥ.antar duḥkhena dīna-ātmā kim etat iti saḥ abravīt.. 5..
Shloka 6
विभीषणमुखं दृष्ट्वा सुग्रीवं तांश्च वानरान्।लक्ष्मणोवाच मन्दार्थमिदं बाष्पपरिप्लुतः॥ ६॥

PADACHEDA

विभीषण-मुखम् दृष्ट्वा सुग्रीवम् तान् च वानरान्।लक्ष्मणा उवाच मन्द-अर्थम् इदम् बाष्प-परिप्लुतः॥ ६॥

TRANSLITERATION

vibhīṣaṇa-mukham dṛṣṭvā sugrīvam tān ca vānarān.lakṣmaṇā uvāca manda-artham idam bāṣpa-pariplutaḥ.. 6..
Shloka 7
हता इन्द्रजिता सीता इति श्रुत्वैव राघवः।हनूमद्वचनात् सौम्य ततो मोहमुपाश्रितः॥ ७॥

PADACHEDA

हताः इन्द्रजिता सीता इति श्रुत्वा एव राघवः।हनूमत्-वचनात् सौम्य ततस् मोहम् उपाश्रितः॥ ७॥

TRANSLITERATION

hatāḥ indrajitā sītā iti śrutvā eva rāghavaḥ.hanūmat-vacanāt saumya tatas moham upāśritaḥ.. 7..
Shloka 8
कथयन्तं तु सौमित्रिं संनिवार्य विभीषणः।पुष्कलार्थमिदं वाक्यं विसंज्ञं राममब्रवीत्॥ ८॥

PADACHEDA

कथयन्तम् तु सौमित्रिम् संनिवार्य विभीषणः।पुष्कल-अर्थम् इदम् वाक्यम् विसंज्ञम् रामम् अब्रवीत्॥ ८॥

TRANSLITERATION

kathayantam tu saumitrim saṃnivārya vibhīṣaṇaḥ.puṣkala-artham idam vākyam visaṃjñam rāmam abravīt.. 8..
Shloka 9
मनुजेन्द्रार्तरूपेण यदुक्तस्त्वं हनूमता।तदयुक्तमहं मन्ये सागरस्येव शोषणम्॥ ९॥

PADACHEDA

मनुज-इन्द्र-आर्त-रूपेण यत् उक्तः त्वम् हनूमता।तत् अयुक्तम् अहम् मन्ये सागरस्य इव शोषणम्॥ ९॥

TRANSLITERATION

manuja-indra-ārta-rūpeṇa yat uktaḥ tvam hanūmatā.tat ayuktam aham manye sāgarasya iva śoṣaṇam.. 9..
Shloka 10
अभिप्रायं तु जानामि रावणस्य दुरात्मनः।सीतां प्रति महाबाहो न च घातं करिष्यति॥ १०॥

PADACHEDA

अभिप्रायम् तु जानामि रावणस्य दुरात्मनः।सीताम् प्रति महा-बाहो न च घातम् करिष्यति॥ १०॥

TRANSLITERATION

abhiprāyam tu jānāmi rāvaṇasya durātmanaḥ.sītām prati mahā-bāho na ca ghātam kariṣyati.. 10..
Shloka 11
याच्यमानः सुबहुशो मया हितचिकीर्षुणा।वैदेहीमुत्सृजस्वेति न च तत् कृतवान् वचः॥ ११॥

PADACHEDA

याच्यमानः सु बहुशस् मया हित-चिकीर्षुणा।वैदेहीम् उत्सृजस्व इति न च तत् कृतवान् वचः॥ ११॥

TRANSLITERATION

yācyamānaḥ su bahuśas mayā hita-cikīrṣuṇā.vaidehīm utsṛjasva iti na ca tat kṛtavān vacaḥ.. 11..
Shloka 12
नैव साम्ना न दानेन न भेदेन कुतो युधा।सा द्रष्टुमपि शक्येत नैव चान्येन केनचित्॥ १२॥

PADACHEDA

न एव साम्ना न दानेन न भेदेन कुतस् युधा।सा द्रष्टुम् अपि शक्येत ना एव च अन्येन केनचिद्॥ १२॥

TRANSLITERATION

na eva sāmnā na dānena na bhedena kutas yudhā.sā draṣṭum api śakyeta nā eva ca anyena kenacid.. 12..
Shloka 13
वानरान् मोहयित्वा तु प्रतियातः स राक्षसः।मायामयीं महाबाहो तां विद्धि जनकात्मजाम्॥ १३॥

PADACHEDA

वानरान् मोहयित्वा तु प्रतियातः स राक्षसः।माया-मयीम् महा-बाहो ताम् विद्धि जनकात्मजाम्॥ १३॥

TRANSLITERATION

vānarān mohayitvā tu pratiyātaḥ sa rākṣasaḥ.māyā-mayīm mahā-bāho tām viddhi janakātmajām.. 13..
Shloka 14
चैत्यं निकुम्भिलामद्य प्राप्य होमं करिष्यति।हुतवानुपयातो हि देवैरपि सवासवैः॥ १४॥

PADACHEDA

चैत्यम् निकुम्भिलाम् अद्य प्राप्य होमम् करिष्यति।हुतवान् उपयातः हि देवैः अपि स वासवैः॥ १४॥

TRANSLITERATION

caityam nikumbhilām adya prāpya homam kariṣyati.hutavān upayātaḥ hi devaiḥ api sa vāsavaiḥ.. 14..
Shloka 15
दुराधर्षो भवत्येष संग्रामे रावणात्मजः।तेन मोहयता नूनमेषा माया प्रयोजिता॥ १५॥

PADACHEDA

दुराधर्षः भवति एष संग्रामे रावण-आत्मजः।तेन मोहयता नूनम् एषा माया प्रयोजिता॥ १५॥

TRANSLITERATION

durādharṣaḥ bhavati eṣa saṃgrāme rāvaṇa-ātmajaḥ.tena mohayatā nūnam eṣā māyā prayojitā.. 15..
Shloka 16
विघ्नमन्विच्छता तत्र वानराणां पराक्रमे।ससैन्यास्तत्र गच्छामो यावत्तन्न समाप्यते॥ १६॥

PADACHEDA

विघ्नम् अन्विच्छता तत्र वानराणाम् पराक्रमे।स सैन्याः तत्र गच्छामः यावत् तत् न समाप्यते॥ १६॥

TRANSLITERATION

vighnam anvicchatā tatra vānarāṇām parākrame.sa sainyāḥ tatra gacchāmaḥ yāvat tat na samāpyate.. 16..
Shloka 17
त्यजैनं नरशार्दूल मिथ्या संतापमागतम्।सीदते हि बलं सर्वं दृष्ट्वा त्वां शोककर्शितम्॥ १७॥

PADACHEDA

त्यज एनम् नर-शार्दूल मिथ्या संतापम् आगतम्।सीदते हि बलम् सर्वम् दृष्ट्वा त्वाम् शोक-कर्शितम्॥ १७॥

TRANSLITERATION

tyaja enam nara-śārdūla mithyā saṃtāpam āgatam.sīdate hi balam sarvam dṛṣṭvā tvām śoka-karśitam.. 17..
Shloka 18
इह त्वं स्वस्थहृदयस्तिष्ठ सत्त्वसमुच्छ्रितः।लक्ष्मणं प्रेषयास्माभिः सह सैन्यानुकर्षिभिः॥ १८॥

PADACHEDA

इह त्वम् स्वस्थ-हृदयः तिष्ठ सत्त्व-समुच्छ्रितः।लक्ष्मणम् प्रेषय अस्माभिः सह सैन्य-अनुकर्षिभिः॥ १८॥

TRANSLITERATION

iha tvam svastha-hṛdayaḥ tiṣṭha sattva-samucchritaḥ.lakṣmaṇam preṣaya asmābhiḥ saha sainya-anukarṣibhiḥ.. 18..
Shloka 19
एष तं नरशार्दूलो रावणिं निशितैः शरैः।त्याजयिष्यति तत्कर्म ततो वध्यो भविष्यति॥ १९॥

PADACHEDA

एष तम् नर-शार्दूलः रावणिम् निशितैः शरैः।त्याजयिष्यति तत् कर्म ततस् वध्यः भविष्यति॥ १९॥

TRANSLITERATION

eṣa tam nara-śārdūlaḥ rāvaṇim niśitaiḥ śaraiḥ.tyājayiṣyati tat karma tatas vadhyaḥ bhaviṣyati.. 19..
Shloka 20
तस्यैते निशितास्तीक्ष्णाः पत्रिपत्राङ्गवाजिनः।पतत्त्रिण इवासौम्याः शराः पास्यन्ति शोणितम्॥ २०॥

PADACHEDA

तस्य एते निशिताः तीक्ष्णाः पत्रि-पत्र-अङ्ग-वाजिनः।पतत्त्रिणः इव असौम्याः शराः पास्यन्ति शोणितम्॥ २०॥

TRANSLITERATION

tasya ete niśitāḥ tīkṣṇāḥ patri-patra-aṅga-vājinaḥ.patattriṇaḥ iva asaumyāḥ śarāḥ pāsyanti śoṇitam.. 20..
Shloka 21
तत् संदिश महाबाहो लक्ष्मणं शुभलक्षणम्।राक्षसस्य विनाशाय वज्रं वज्रधरो यथा॥ २१॥

PADACHEDA

तत् संदिश महा-बाहो लक्ष्मणम् शुभ-लक्षणम्।राक्षसस्य विनाशाय वज्रम् वज्रधरः यथा॥ २१॥

TRANSLITERATION

tat saṃdiśa mahā-bāho lakṣmaṇam śubha-lakṣaṇam.rākṣasasya vināśāya vajram vajradharaḥ yathā.. 21..
Shloka 22
मनुजवर न कालविप्रकर्षो दिविजरिपोर्मथने यथा महेन्द्रः॥ २२॥

PADACHEDA

मनुज-वर न काल-विप्रकर्षः दिविज-रिपोः मथने यथा महा-इन्द्रः॥ २२॥

TRANSLITERATION

manuja-vara na kāla-viprakarṣaḥ divija-ripoḥ mathane yathā mahā-indraḥ.. 22..
Shloka 23
समाप्तकर्मा हि स राक्षसर्षभो भवेत् सुराणामपि संशयो महान्॥ २३॥

PADACHEDA

समाप्त-कर्मा हि स राक्षस-ऋषभः भवेत् सुराणाम् अपि संशयः महान्॥ २३॥

TRANSLITERATION

samāpta-karmā hi sa rākṣasa-ṛṣabhaḥ bhavet surāṇām api saṃśayaḥ mahān.. 23..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In