This overlay will guide you through the buttons:

| |
|
Shloka 1
एवमुक्त्वा तु सौमित्रिं जातहर्षो विभीषणः । धनुष्पाणिं तमादाय त्वरमाणो जगाम सः ॥ १॥
evamuktvā tu saumitriṃ jātaharṣo vibhīṣaṇaḥ . dhanuṣpāṇiṃ tamādāya tvaramāṇo jagāma saḥ .. 1..
Shloka 2
अविदूरं ततो गत्वा प्रविश्य च महद्वनम् । अदर्शयत तत्कर्म लक्ष्मणाय विभीषणः ॥ २॥
avidūraṃ tato gatvā praviśya ca mahadvanam . adarśayata tatkarma lakṣmaṇāya vibhīṣaṇaḥ .. 2..
Shloka 3
नीलजीमूतसङ्काशं न्यग्रोधं भीमदर्शनम् । तेजस्वी रावणभ्राता लक्ष्मणाय न्यवेदयत् ॥ ३॥
nīlajīmūtasaṅkāśaṃ nyagrodhaṃ bhīmadarśanam . tejasvī rāvaṇabhrātā lakṣmaṇāya nyavedayat .. 3..
Shloka 4
इहोपहारं भूतानां बलवान् रावणातजः । उपहृत्य ततः पश्चात् सङ्ग्राममभिवर्तते ॥ ४॥
ihopahāraṃ bhūtānāṃ balavān rāvaṇātajaḥ . upahṛtya tataḥ paścāt saṅgrāmamabhivartate .. 4..
Shloka 5
अदृश्यः सर्वभूतानां ततो भवति राक्षसः । निहन्ति समरे शत्रून् वध्नाति च शरोत्तमैः ॥ ५॥
adṛśyaḥ sarvabhūtānāṃ tato bhavati rākṣasaḥ . nihanti samare śatrūn vadhnāti ca śarottamaiḥ .. 5..
Shloka 6
तमप्रविष्टं न्यग्रोधं बलिनं रावणात्मजम् । विध्वंसय शरैर्दीप्तैः सरथं साश्वसारथिम् ॥ ६॥
tamapraviṣṭaṃ nyagrodhaṃ balinaṃ rāvaṇātmajam . vidhvaṃsaya śarairdīptaiḥ sarathaṃ sāśvasārathim .. 6..
Shloka 7
तथेत्युक्त्वा महातेजाः सौमित्रिर्मित्रनन्दनः । बभूवावस्थितस्तत्र चित्रं विस्फारयन्धनुः ॥ ७॥
tathetyuktvā mahātejāḥ saumitrirmitranandanaḥ . babhūvāvasthitastatra citraṃ visphārayandhanuḥ .. 7..
Shloka 8
स रथेनाग्निवर्णेन बलवान्रावणात्मजः । इन्द्रजित्कवची खड्गी सध्वजः प्रत्यदृश्यत ॥ ८॥
sa rathenāgnivarṇena balavānrāvaṇātmajaḥ . indrajitkavacī khaḍgī sadhvajaḥ pratyadṛśyata .. 8..
Shloka 9
तमुवाच महातेजाः पौलस्त्यमपराजितम् । समाह्वये त्वां समरे सम्यग्युद्धं प्रयच्छ मे ॥ ९॥
tamuvāca mahātejāḥ paulastyamaparājitam . samāhvaye tvāṃ samare samyagyuddhaṃ prayaccha me .. 9..
Shloka 10
एवमुक्तो महातेजा मनस्वी रावणात्मजः । अब्रवीत्परुषं वाक्यं तत्र दृष्ट्वा विभीषणम् ॥ १०॥
evamukto mahātejā manasvī rāvaṇātmajaḥ . abravītparuṣaṃ vākyaṃ tatra dṛṣṭvā vibhīṣaṇam .. 10..
Shloka 11
इह त्वं जातसंवृद्धः साक्षाद्भ्राता पितुर्मम । कथं द्रुह्यसि पुत्रस्य पितृव्यो मम राक्षस ॥ ११॥
iha tvaṃ jātasaṃvṛddhaḥ sākṣādbhrātā piturmama . kathaṃ druhyasi putrasya pitṛvyo mama rākṣasa .. 11..
Shloka 12
न ज्ञातित्वं न सौहार्दं न जातिस्तव दुर्मते । प्रमाणं न च सोदर्यं न धर्मो धर्मदूषण ॥ १२॥
na jñātitvaṃ na sauhārdaṃ na jātistava durmate . pramāṇaṃ na ca sodaryaṃ na dharmo dharmadūṣaṇa .. 12..
Shloka 13
शोच्यस्त्वमसि दुर्बुद्धे निन्दनीयश्च साधुभिः । यस्त्वं स्वजनमुत्सृज्य परभृत्यत्वमागतः ॥ १३॥
śocyastvamasi durbuddhe nindanīyaśca sādhubhiḥ . yastvaṃ svajanamutsṛjya parabhṛtyatvamāgataḥ .. 13..
Shloka 14
नैतच्छिथिलया बुद्ध्या त्वं वेत्सि महदन्तरम् । क्व च स्वजनसंवासः क्व च नीच पराश्रयः ॥ १४॥
naitacchithilayā buddhyā tvaṃ vetsi mahadantaram . kva ca svajanasaṃvāsaḥ kva ca nīca parāśrayaḥ .. 14..
Shloka 15
गुणवान्वा परजनः स्वजनो निर्गुणोऽपि वा । निर्गुणः स्वजनः श्रेयान्यः परः पर एव सः ॥ १५॥
guṇavānvā parajanaḥ svajano nirguṇo'pi vā . nirguṇaḥ svajanaḥ śreyānyaḥ paraḥ para eva saḥ .. 15..
Shloka 16
यः स्वपक्षं परित्यज्य परपक्षं निषेवते । स स्वपक्षे क्षयं याते पश्चात्तैरेव हन्यते ॥ 16
yaḥ svapakṣaṃ parityajya parapakṣaṃ niṣevate . sa svapakṣe kṣayaṃ yāte paścāttaireva hanyate .. 16
Shloka 17
निरनुक्रोशता चेयं यादृशी ते निशाचर । स्वजनेन त्वया शक्यं परुषं रावणानुज ॥ 17
niranukrośatā ceyaṃ yādṛśī te niśācara . svajanena tvayā śakyaṃ paruṣaṃ rāvaṇānuja .. 17
Shloka 18
इत्युक्तो भ्रातृपुत्रेण प्रत्युवाच विभीषणः । अजानन्निव मच्छीलं किं राक्षस विकत्थसे ॥ 18
ityukto bhrātṛputreṇa pratyuvāca vibhīṣaṇaḥ . ajānanniva macchīlaṃ kiṃ rākṣasa vikatthase .. 18
Shloka 19
राक्षसेन्द्रसुतासाधो पारुष्यं त्यज गौरवात् । गुणोऽयं प्रथमो नॄणां तन्मे शीलमराक्षसं । कुले यद्यप्यहं जातो रक्षसां क्रूरकर्मणाम् ॥ 19
rākṣasendrasutāsādho pāruṣyaṃ tyaja gauravāt . guṇo'yaṃ prathamo nṝṇāṃ tanme śīlamarākṣasaṃ . kule yadyapyahaṃ jāto rakṣasāṃ krūrakarmaṇām .. 19
Shloka 20
न रमे दारुणेनाहं न चाधर्मेण वै रमे । भ्रात्रा विषमशीलेऽपि कथं भ्राता निरस्यते ॥ 20
na rame dāruṇenāhaṃ na cādharmeṇa vai rame . bhrātrā viṣamaśīle'pi kathaṃ bhrātā nirasyate .. 20
Shloka 21
धर्मात् प्रच्युतशीलं हि पुरुषं पापनिश्चयम् । त्यक्त्वा सुखमवाप्नोति हस्तादाशीविषं यथा ॥ 21
dharmāt pracyutaśīlaṃ hi puruṣaṃ pāpaniścayam . tyaktvā sukhamavāpnoti hastādāśīviṣaṃ yathā .. 21
Shloka 22
परस्वहरणे युक्त्तं परदाराभिमर्शकम् । त्याज्यमाहुर्दुरात्मानं वेशम् प्रज्वलितं यथा ॥ 22
parasvaharaṇe yukttaṃ paradārābhimarśakam . tyājyamāhurdurātmānaṃ veśam prajvalitaṃ yathā .. 22
Shloka 23
परस्वानां च हरणं परदाराभिमर्शनम् । सुहृदामतिशङ्कां च त्रयो दोषाः क्षयावहाः ॥ 23
parasvānāṃ ca haraṇaṃ paradārābhimarśanam . suhṛdāmatiśaṅkāṃ ca trayo doṣāḥ kṣayāvahāḥ .. 23
Shloka 24
महर्षीणां वधो घोरः सर्वदेवैश्च विग्रहः । अभिमानश्च कोपश्च वैरत्वं प्रतिकूलता ॥ 24
maharṣīṇāṃ vadho ghoraḥ sarvadevaiśca vigrahaḥ . abhimānaśca kopaśca vairatvaṃ pratikūlatā .. 24
Shloka 25
एते दोषा मम भ्रातुर्जीवितैश्वर्यनाशनाः । गुणान्प्रच्छादयामासुः पर्वतानिव तोयदाः ॥ 25
ete doṣā mama bhrāturjīvitaiśvaryanāśanāḥ . guṇānpracchādayāmāsuḥ parvatāniva toyadāḥ .. 25
Shloka 26
दोषैरेतैः परित्यक्तो मया भ्राता पिता तव । नेयमस्ति पुरी लङ्का न च त्वं न च ते पिता ॥ 26
doṣairetaiḥ parityakto mayā bhrātā pitā tava . neyamasti purī laṅkā na ca tvaṃ na ca te pitā .. 26
Shloka 27
अतिमानाश्च बालश्च दुर्विनीतश्च राक्षस । बद्धस्त्वं कालपाशेन ब्रूहि मां यद्यदिच्छसि ॥ 27
atimānāśca bālaśca durvinītaśca rākṣasa . baddhastvaṃ kālapāśena brūhi māṃ yadyadicchasi .. 27
Shloka 28
अद्येह व्यसनं प्राप्तं यन्मां परुषमुक्त्तवान् । प्रवेष्टुं न त्वया शक्यो न्यग्रोधो राक्षसाधम ॥ 28
adyeha vyasanaṃ prāptaṃ yanmāṃ paruṣamukttavān . praveṣṭuṃ na tvayā śakyo nyagrodho rākṣasādhama .. 28
Shloka 29
धर्षयित्वा तु काकुत्स्थं न शक्यं जीवितुं त्वया । युध्यस्व नरदेवेन लक्ष्मणेन रणे सह । हतस्त्वं देवताकार्यं करिष्यसि यमक्षयम् ॥ 29
dharṣayitvā tu kākutsthaṃ na śakyaṃ jīvituṃ tvayā . yudhyasva naradevena lakṣmaṇena raṇe saha . hatastvaṃ devatākāryaṃ kariṣyasi yamakṣayam .. 29
Shloka 30
निदर्शयस्वात्मबलं समुद्यतं कुरुष्व सर्वायुधसायकव्ययम् । न लक्ष्मणस्यैत्य हि बाणगोचरं त्वमद्य जीवन्सबलो गमिष्यसि ॥ 30
nidarśayasvātmabalaṃ samudyataṃ kuruṣva sarvāyudhasāyakavyayam . na lakṣmaṇasyaitya hi bāṇagocaraṃ tvamadya jīvansabalo gamiṣyasi .. 30

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In