ततो निकुम्भो रभसः सूर्यशत्रुर्महाबलः । सुप्तघ्नो यज्ञकोपश्च महापार्श्वो महोअर् ।। १।।
tato nikumbho rabhasah suryasatrurmahabalah । suptaghno yajnakopasca mahaparsvo mahoara। h ।। 1।।
अग्निकेतुश्च दुर्धर्षो रश्मिकेतुश्च राक्षसः । इन्द्रजिच्च महातेजा बलवान्रावणात्मजः ।। २।।
agniketusca durdharso rasmiketusca raksasah । indrajicca mahateja balavanravanatmajah ।। 2।।
प्रहस्तोऽथ विरूपाक्षो वज्रदंष्ट्रो महाबलः । धूम्राक्षश्चातिकायश्च दुर्मुखश्चैव राक्षसः ।। ३।।
prahasto- atha virupakso vajradamstro mahabalah । dhumraksascatikayasca durmukhascaiva raksasah ।। 3।।
परिघान्पट्टसान्प्रासाञ्शक्तिशूलपरश्वधान् । चापानि च सबाणानि खड्गांश्च विपुलाञ्शितान् ।। ४।।
parighanpattasanprasansaktisulaparasvadhan । capani ca sabanani khadgamsca vipulansitan ।। 4।।
प्रगृह्य परमक्रुद्धाः समुत्पत्य च राक्षसाः । अब्रुवन्रावणं सर्वे प्रदीप्ता इव तेजसा ।। ५।।
pragrhya paramakruddhah samutpatya ca raksasah । abruvanravanam sarve pradipta iva tejasa ।। 5।।
अद्य रामं वधिष्यामः सुग्रीवं च सलक्ष्मणम् । कृपणं च हनूमन्तं लङ्का येन प्रधर्षिता ।। ६।।
adya ramam vadhisyamah sugrivam ca salaksmanam । krpanam ca hanumantam lanka yena pradharsita ।। 6।।
तान्गृहीतायुधान्सर्वान्वारयित्वा विभीषणः । अब्रवीत्प्राञ्जलिर्वाक्यं पुनः प्रत्युपवेश्य तान् ।। ७।।
tangrhitayudhansarvanvarayitva vibhisanah । abravitpranjalirvakyam punah pratyupavesya tan ।। 7।।
अप्युपायैस्त्रिभिस्तात योऽर्थः प्राप्तुं न शक्यते । तस्य विक्रमकालांस्तान्युक्तानाहुर्मनीषिणः ।। ८।।
apyupayaistribhistata yo- arthah praptum na sakyate । tasya vikramakalamstanyuktanahurmanisinah ।। 8।।
प्रमत्तेष्वभियुक्तेषु दैवेन प्रहतेषु च । विक्रमास्तात सिध्यन्ति परीक्ष्य विधिना कृताः ।। ९।।
pramattesvabhiyuktesu daivena prahatesu ca । vikramastata sidhyanti pariksya vidhina krtah ।। 9।।
अप्रमत्तं कथं तं तु विजिगीषुं बले स्थितम् । जितरोषं दुराधर्षं प्रधर्षयितुमिच्छथ ।। १०।।
apramattam katham tam tu vijigisum bale sthitam । jitarosam duradharsam pradharsayitumicchatha ।। 10।।
समुद्रं लङ्घयित्वा तु घोरं नदनदीपतिम् । कृतं हनुमता कर्म दुष्करं तर्कयेत कः ।। ११।।
samudram langhayitva tu ghoram nadanadipatim । krtam hanumata karma duskaram tarkayeta kah ।। 11।।
बलान्यपरिमेयानि वीर्याणि च निशाचराः । परेषां सहसावज्ञा न कर्तव्या कथं चन ।। १२।।
balanyaparimeyani viryani ca nisacarah । paresam sahasavajna na kartavya katham cana ।। 12।।
किं च राक्षसराजस्य रामेणापकृतं पुरा । आजहार जनस्थानाद्यस्य भार्यां यशस्विनः ।। १३।।
kim ca raksasarajasya ramenapakrtam pura । ajahara janasthanadyasya bharyam yasasvinah ।। 13।।
खरो यद्यतिवृत्तस्तु रामेण निहतो रणे । अवश्यं प्राणिनां प्राणा रक्षितव्या यथा बलम् ।। १४।।
kharo yadyativrttastu ramena nihato rane । avasyam praninam prana raksitavya yatha balam ।। 14।।
एतन्निमित्तं वैदेही भयं नः सुमहद्भवेत् । आहृता सा परित्याज्या कलहार्थे कृते न किम् ।। १५।।
etannimittam vaidehi bhayam nah sumahadbhavet । ahrta sa parityajya kalaharthe krte na kim ।। 15।।
न तु क्षमं वीर्यवता तेन धर्मानुवर्तिना । वैरं निरर्थकं कर्तुं दीयतामस्य मैथिली ।। १६।।
na nah ksamam viryavata tena dharmanuvartina । vairam nirarthakam kartum diyatamasya maithili ।। 16।।
यावन्न सगजां साश्वां बहुरत्नसमाकुलाम् । पुरीं दारयते बाणैर्दीयतामस्य मैथिली ।। १७।।
yavanna sagajam sasvam bahuratnasamakulam । purim darayate banairdiyatamasya maithili ।। 17।।
यावत्सुघोरा महती दुर्धर्षा हरिवाहिनी । नावस्कन्दति नो लङ्कां तावत्सीता प्रदीयताम् ।। १८।।
yavatsughora mahati durdharsa harivahini । navaskandati no lankam tavatsita pradiyatam ।। 18।।
विनश्येद्धि पुरी लङ्का शूराः सर्वे च राक्षसाः । रामस्य दयिता पत्नी न स्वयं यदि दीयते ।। १९।।
vinasyeddhi puri lanka surah sarve ca raksasah । ramasya dayita patni na svayam yadi diyate ।। 19।।
प्रसादये त्वां बन्धुत्वात्कुरुष्व वचनं मम । हितं पथ्यं त्वहं ब्रूमि दीयतामस्य मैथिली ।। २०।।
prasadaye tvam bandhutvatkurusva vacanam mama । hitam pathyam tvaham brumi diyatamasya maithili ।। 20।।
पुरा शरत्सूर्यमरीचिसंनिभान् नवाग्रपुङ्खान्सुदृढान्नृपात्मजः । सृजत्यमोघान्विशिखान्वधाय ते प्रदीयतां दाशरथाय मैथिली ।। २१।।
pura saratsuryamaricisamnibhan navagrapunkhansudrdhannrpatmajah । srjatyamoghanvisikhanvadhaya te pradiyatam dasarathaya maithili ।। 21।।
त्यजस्व कोपं सुखधर्मनाशनं भजस्व धर्मं रतिकीर्तिवर्धनम् । प्रसीद जीवेम सपुत्रबान्धवाः प्रदीयतां दाशरथाय मैथिली ।। २२।।
tyajasva kopam sukhadharmanasanam bhajasva dharmam ratikirtivardhanam । prasida jivema saputrabandhavah pradiyatam dasarathaya maithili ।। 22।।
AnonymousUser
150
5 Days
Learn
Teach
Discuss
Panchanga
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
