This overlay will guide you through the buttons:

| |
|
Shloka 1
रुधिरक्लिन्नगात्रस्तु लक्ष्मणः शुभलक्षणः। बभूव हृष्टस्तं हत्वा शत्रुजेतारमाहवे॥ १॥

PADACHEDA

रुधिर-क्लिन्न-गात्रः तु लक्ष्मणः शुभ-लक्षणः। बभूव हृष्टः तम् हत्वा शत्रु-जेतारम् आहवे॥ १॥

TRANSLITERATION

rudhira-klinna-gātraḥ tu lakṣmaṇaḥ śubha-lakṣaṇaḥ. babhūva hṛṣṭaḥ tam hatvā śatru-jetāram āhave.. 1..
Shloka 2
ततः स जाम्बवन्तं च हनूमन्तं च वीर्यवान्। संनिपत्य महातेजास्तांश्च सर्वान् वनौकसः॥ २॥

PADACHEDA

ततस् स जाम्बवन्तम् च हनूमन्तम् च वीर्यवान्। संनिपत्य महा-तेजाः तान् च सर्वान् वनौकसः॥ २॥

TRANSLITERATION

tatas sa jāmbavantam ca hanūmantam ca vīryavān. saṃnipatya mahā-tejāḥ tān ca sarvān vanaukasaḥ.. 2..
Shloka 3
आजगाम ततः शीघ्रं यत्र सुग्रीवराघवौ। विभीषणमवष्टभ्य हनूमन्तं च लक्ष्मणः॥ ३॥

PADACHEDA

आजगाम ततस् शीघ्रम् यत्र सुग्रीव-राघवौ। विभीषणम् अवष्टभ्य हनूमन्तम् च लक्ष्मणः॥ ३॥

TRANSLITERATION

ājagāma tatas śīghram yatra sugrīva-rāghavau. vibhīṣaṇam avaṣṭabhya hanūmantam ca lakṣmaṇaḥ.. 3..
Shloka 4
ततो राममभिक्रम्य सौमित्रिरभिवाद्य च। तस्थौ भ्रातृसमीपस्थः शक्रस्येन्द्रानुजो यथा॥ ४॥

PADACHEDA

ततस् रामम् अभिक्रम्य सौमित्रिः अभिवाद्य च। तस्थौ भ्रातृ-समीप-स्थः शक्रस्य इन्द्रानुजः यथा॥ ४॥

TRANSLITERATION

tatas rāmam abhikramya saumitriḥ abhivādya ca. tasthau bhrātṛ-samīpa-sthaḥ śakrasya indrānujaḥ yathā.. 4..
Shloka 5
निष्टनन्निव चागत्य राघवाय महात्मने। आचचक्षे तदा वीरो घोरमिन्द्रजितो वधम्॥ ५॥

PADACHEDA

निष्टनन् इव च आगत्य राघवाय महात्मने। आचचक्षे तदा वीरः घोरम् इन्द्रजितः वधम्॥ ५॥

TRANSLITERATION

niṣṭanan iva ca āgatya rāghavāya mahātmane. ācacakṣe tadā vīraḥ ghoram indrajitaḥ vadham.. 5..
Shloka 6
रावणेस्तु शिरश्छिन्नं लक्ष्मणेन महात्मना। न्यवेदयत रामाय तदा हृष्टो विभीषणः॥ ६॥

PADACHEDA

रावणेः तु शिरः छिन्नम् लक्ष्मणेन महात्मना। न्यवेदयत रामाय तदा हृष्टः विभीषणः॥ ६॥

TRANSLITERATION

rāvaṇeḥ tu śiraḥ chinnam lakṣmaṇena mahātmanā. nyavedayata rāmāya tadā hṛṣṭaḥ vibhīṣaṇaḥ.. 6..
Shloka 7
श्रुत्वैव तु महावीर्यो लक्ष्मणेनेन्द्रजिद्वधम्। प्रहर्षमतुलं लेभे वाक्यं चेदमुवाच ह॥ ७॥

PADACHEDA

श्रुत्वा एव तु महा-वीर्यः लक्ष्मणेन इन्द्रजित्-वधम्। प्रहर्षम् अतुलम् लेभे वाक्यम् च इदम् उवाच ह॥ ७॥

TRANSLITERATION

śrutvā eva tu mahā-vīryaḥ lakṣmaṇena indrajit-vadham. praharṣam atulam lebhe vākyam ca idam uvāca ha.. 7..
Shloka 8
साधु लक्ष्मण तुष्टोऽस्मि कर्म चासुकरं कृतम्। रावणेर्हि विनाशेन जितमित्युपधारय॥ ८॥

PADACHEDA

साधु लक्ष्मण तुष्टः अस्मि कर्म च असुकरम् कृतम्। रावणेः हि विनाशेन जितम् इति उपधारय॥ ८॥

TRANSLITERATION

sādhu lakṣmaṇa tuṣṭaḥ asmi karma ca asukaram kṛtam. rāvaṇeḥ hi vināśena jitam iti upadhāraya.. 8..
Shloka 9
स तं शिरस्युपाघ्राय लक्ष्मणं कीर्तिवर्धनम्। लज्जमानं बलात् स्नेहादङ्कमारोप्य वीर्यवान्॥ ९॥

PADACHEDA

स तम् शिरसि उपाघ्राय लक्ष्मणम् कीर्ति-वर्धनम्। लज्जमानम् बलात् स्नेहात् अङ्कम् आरोप्य वीर्यवान्॥ ९॥

TRANSLITERATION

sa tam śirasi upāghrāya lakṣmaṇam kīrti-vardhanam. lajjamānam balāt snehāt aṅkam āropya vīryavān.. 9..
Shloka 10
उपवेश्य तमुत्सङ्गे परिष्वज्यावपीडितम्। भ्रातरं लक्ष्मणं स्निग्धं पुनः पुनरुदैक्षत॥ १०॥

PADACHEDA

उपवेश्य तम् उत्सङ्गे परिष्वज्य अवपीडितम्। भ्रातरम् लक्ष्मणम् स्निग्धम् पुनर् पुनर् उदैक्षत॥ १०॥

TRANSLITERATION

upaveśya tam utsaṅge pariṣvajya avapīḍitam. bhrātaram lakṣmaṇam snigdham punar punar udaikṣata.. 10..
Shloka 11
शल्यसम्पीडितं शस्तं निःश्वसन्तं तु लक्ष्मणम्। रामस्तु दुःखसंतप्तं तं तु निःश्वासपीडितम्॥ ११॥

PADACHEDA

शल्य-सम्पीडितम् शस्तम् निःश्वसन्तम् तु लक्ष्मणम्। रामः तु दुःख-संतप्तम् तम् तु निःश्वास-पीडितम्॥ ११॥

TRANSLITERATION

śalya-sampīḍitam śastam niḥśvasantam tu lakṣmaṇam. rāmaḥ tu duḥkha-saṃtaptam tam tu niḥśvāsa-pīḍitam.. 11..
Shloka 12
मूर्ध्नि चैनमुपाघ्राय भूयः संस्पृश्य च त्वरन्। उवाच लक्ष्मणं वाक्यमाश्वास्य पुरुषर्षभः॥ १२॥

PADACHEDA

मूर्ध्नि च एनम् उपाघ्राय भूयस् संस्पृश्य च त्वरन्। उवाच लक्ष्मणम् वाक्यम् आश्वास्य पुरुष-ऋषभः॥ १२॥

TRANSLITERATION

mūrdhni ca enam upāghrāya bhūyas saṃspṛśya ca tvaran. uvāca lakṣmaṇam vākyam āśvāsya puruṣa-ṛṣabhaḥ.. 12..
Shloka 13
कृतं परमकल्याणं कर्म दुष्करकर्मणा। अद्य मन्ये हते पुत्रे रावणं निहतं युधि॥ १३॥

PADACHEDA

कृतम् परम-कल्याणम् कर्म दुष्कर-कर्मणा। अद्य मन्ये हते पुत्रे रावणम् निहतम् युधि॥ १३॥

TRANSLITERATION

kṛtam parama-kalyāṇam karma duṣkara-karmaṇā. adya manye hate putre rāvaṇam nihatam yudhi.. 13..
Shloka 14
अद्याहं विजयी शत्रौ हते तस्मिन् दुरात्मनि। रावणस्य नृशंसस्य दिष्ट्या वीर त्वया रणे॥ १४॥

PADACHEDA

अद्य अहम् विजयी शत्रौ हते तस्मिन् दुरात्मनि। रावणस्य नृशंसस्य दिष्ट्या वीर त्वया रणे॥ १४॥

TRANSLITERATION

adya aham vijayī śatrau hate tasmin durātmani. rāvaṇasya nṛśaṃsasya diṣṭyā vīra tvayā raṇe.. 14..
Shloka 15
छिन्नो हि दक्षिणो बाहुः स हि तस्य व्यपाश्रयः। विभीषणहनूमद्भ्यां कृतं कर्म महद् रणे॥ १५॥

PADACHEDA

छिन्नः हि दक्षिणः बाहुः स हि तस्य व्यपाश्रयः। विभीषण-हनूमद्भ्याम् कृतम् कर्म महत् रणे॥ १५॥

TRANSLITERATION

chinnaḥ hi dakṣiṇaḥ bāhuḥ sa hi tasya vyapāśrayaḥ. vibhīṣaṇa-hanūmadbhyām kṛtam karma mahat raṇe.. 15..
Shloka 16
अहोरात्रैस्त्रिभिर्वीरः कथंचिद् विनिपातितः। निरमित्रः कृतोऽस्म्यद्य निर्यास्यति हि रावणः॥ १६॥

PADACHEDA

अहोरात्रैः त्रिभिः वीरः कथंचिद् विनिपातितः। निरमित्रः कृतः अस्मि अद्य निर्यास्यति हि रावणः॥ १६॥

TRANSLITERATION

ahorātraiḥ tribhiḥ vīraḥ kathaṃcid vinipātitaḥ. niramitraḥ kṛtaḥ asmi adya niryāsyati hi rāvaṇaḥ.. 16..
Shloka 17
बलव्यूहेन महता निर्यास्यति हि रावणः। बलव्यूहेन महता श्रुत्वा पुत्रं निपातितम्॥ १७॥

PADACHEDA

बल-व्यूहेन महता निर्यास्यति हि रावणः। बल-व्यूहेन महता श्रुत्वा पुत्रम् निपातितम्॥ १७॥

TRANSLITERATION

bala-vyūhena mahatā niryāsyati hi rāvaṇaḥ. bala-vyūhena mahatā śrutvā putram nipātitam.. 17..
Shloka 18
तं पुत्रवधसंतप्तं निर्यान्तं राक्षसाधिपम्। बलेनावृत्य महता निहनिष्यामि दुर्जयम्॥ १८॥

PADACHEDA

तम् पुत्र-वध-संतप्तम् निर्यान्तम् राक्षस-अधिपम्। बलेन आवृत्य महता निहनिष्यामि दुर्जयम्॥ १८॥

TRANSLITERATION

tam putra-vadha-saṃtaptam niryāntam rākṣasa-adhipam. balena āvṛtya mahatā nihaniṣyāmi durjayam.. 18..
Shloka 19
त्वया लक्ष्मण नाथेन सीता च पृथिवी च मे। न दुष्प्रापा हते तस्मिन् शक्रजेतरि चाहवे॥ १९॥

PADACHEDA

त्वया लक्ष्मण नाथेन सीता च पृथिवी च मे। न दुष्प्रापा हते तस्मिन् शक्र-जेतरि च आहवे॥ १९॥

TRANSLITERATION

tvayā lakṣmaṇa nāthena sītā ca pṛthivī ca me. na duṣprāpā hate tasmin śakra-jetari ca āhave.. 19..
Shloka 20
स तं भ्रातरमाश्वास्य परिष्वज्य च राघवः। रामः सुषेणं मुदितः समाभाष्येदमब्रवीत्॥ २०॥

PADACHEDA

स तम् भ्रातरम् आश्वास्य परिष्वज्य च राघवः। रामः सुषेणम् मुदितः समाभाष्य इदम् अब्रवीत्॥ २०॥

TRANSLITERATION

sa tam bhrātaram āśvāsya pariṣvajya ca rāghavaḥ. rāmaḥ suṣeṇam muditaḥ samābhāṣya idam abravīt.. 20..
Shloka 21
विशल्योऽयं महाप्राज्ञ सौमित्रिर्मित्रवत्सलः। यथा भवति सुस्वस्थस्तथा त्वं समुपाचर॥ २१॥

PADACHEDA

विशल्यः अयम् महा-प्राज्ञ सौमित्रिः मित्र-वत्सलः। यथा भवति सु स्वस्थः तथा त्वम् समुपाचर॥ २१॥

TRANSLITERATION

viśalyaḥ ayam mahā-prājña saumitriḥ mitra-vatsalaḥ. yathā bhavati su svasthaḥ tathā tvam samupācara.. 21..
Shloka 22
विशल्यः क्रियतां क्षिप्रं सौमित्रिः सविभीषणः। ऋक्षवानरसैन्यानां शूराणां द्रुमयोधिनाम्॥ २२॥

PADACHEDA

विशल्यः क्रियताम् क्षिप्रम् सौमित्रिः स विभीषणः। ऋक्ष-वानर-सैन्यानाम् शूराणाम् द्रुम-योधिनाम्॥ २२॥

TRANSLITERATION

viśalyaḥ kriyatām kṣipram saumitriḥ sa vibhīṣaṇaḥ. ṛkṣa-vānara-sainyānām śūrāṇām druma-yodhinām.. 22..
Shloka 23
ये चाप्यन्येऽत्र युध्यन्ति सशल्या व्रणिनस्तथा। तेऽपि सर्वे प्रयत्नेन क्रियन्ते सुखिनस्त्वया॥ २३॥

PADACHEDA

ये च अपि अन्ये अत्र युध्यन्ति स शल्याः व्रणिनः तथा। ते अपि सर्वे प्रयत्नेन क्रियन्ते सुखिनः त्वया॥ २३॥

TRANSLITERATION

ye ca api anye atra yudhyanti sa śalyāḥ vraṇinaḥ tathā. te api sarve prayatnena kriyante sukhinaḥ tvayā.. 23..
Shloka 24
एवमुक्तः स रामेण महात्मा हरियूथपः। लक्ष्मणाय ददौ नस्तः सुषेणः परमौषधम्॥ २४॥

PADACHEDA

एवम् उक्तः स रामेण महात्मा हरि-यूथपः। लक्ष्मणाय ददौ नस्तस् सुषेणः परम-औषधम्॥ २४॥

TRANSLITERATION

evam uktaḥ sa rāmeṇa mahātmā hari-yūthapaḥ. lakṣmaṇāya dadau nastas suṣeṇaḥ parama-auṣadham.. 24..
Shloka 25
स तस्य गन्धमाघ्राय विशल्यः समपद्यत। तदा निर्वेदनश्चैव संरूढव्रण एव च॥ २५॥

PADACHEDA

स तस्य गन्धम् आघ्राय विशल्यः समपद्यत। तदा निर्वेदनः च एव संरूढ-व्रणः एव च॥ २५॥

TRANSLITERATION

sa tasya gandham āghrāya viśalyaḥ samapadyata. tadā nirvedanaḥ ca eva saṃrūḍha-vraṇaḥ eva ca.. 25..
Shloka 26
विभीषणमुखानां च सुहृदां राघवाज्ञया। सर्ववानरमुख्यानां चिकित्सामकरोत् तदा॥ २६॥

PADACHEDA

विभीषण-मुखानाम् च सुहृदाम् राघव-आज्ञया। सर्व-वानर-मुख्यानाम् चिकित्साम् अकरोत् तदा॥ २६॥

TRANSLITERATION

vibhīṣaṇa-mukhānām ca suhṛdām rāghava-ājñayā. sarva-vānara-mukhyānām cikitsām akarot tadā.. 26..
Shloka 27
ततः प्रकृतिमापन्नो हृतशल्यो गतक्लमः। सौमित्रिर्मुमुदे तत्र क्षणेन विगतज्वरः॥ २७॥

PADACHEDA

ततस् प्रकृतिम् आपन्नः हृत-शल्यः गत-क्लमः। सौमित्रिः मुमुदे तत्र क्षणेन विगत-ज्वरः॥ २७॥

TRANSLITERATION

tatas prakṛtim āpannaḥ hṛta-śalyaḥ gata-klamaḥ. saumitriḥ mumude tatra kṣaṇena vigata-jvaraḥ.. 27..
Shloka 28
तदैव रामः प्लवगाधिपस्तथाविभीषणश्चर्क्षपतिश्च वीर्यवान्। अवेक्ष्य सौमित्रिमरोगमुत्थितंमुदा ससैन्याः सुचिरं जहर्षिरे॥ २८॥

PADACHEDA

तदा एव रामः प्लवग-अधिपः तथा विभीषणः च ऋक्ष-पतिः च वीर्यवान्। अवेक्ष्य सौमित्रिम् अरोगम् उत्थितम् मुदा स सैन्याः सु चिरम् जहर्षिरे॥ २८॥

TRANSLITERATION

tadā eva rāmaḥ plavaga-adhipaḥ tathā vibhīṣaṇaḥ ca ṛkṣa-patiḥ ca vīryavān. avekṣya saumitrim arogam utthitam mudā sa sainyāḥ su ciram jaharṣire.. 28..
Shloka 29
अपूजयत् कर्म स लक्ष्मणस्यसुदुष्करं दाशरथिर्महात्मा। बभूव हृष्टो युधि वानरेन्द्रोनिशम्य तं शक्रजितं निपातितम्॥ २९॥

PADACHEDA

अपूजयत् कर्म स लक्ष्मणस्य सु दुष्करम् दाशरथिः महात्मा। बभूव हृष्टः युधि वानर-इन्द्रः निशम्य तम् शक्रजितम् निपातितम्॥ २९॥

TRANSLITERATION

apūjayat karma sa lakṣmaṇasya su duṣkaram dāśarathiḥ mahātmā. babhūva hṛṣṭaḥ yudhi vānara-indraḥ niśamya tam śakrajitam nipātitam.. 29..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In