Rig Veda

Mandala 179

Sukta 179


This overlay will guide you through the buttons:

अ संस्कृत्म
A English

पू॒र्वीर॒हं श॒रदः॑ शश्रमा॒णा दो॒षा वस्तो॑रु॒षसो॑ ज॒रय॑न्तीः । मि॒नाति॒ श्रियं॑ जरि॒मा त॒नूना॒मप्यू॒ नु पत्नी॒र्वृष॑णो जगम्युः ॥ १.१७९.०१ ॥
pū̱rvīra̱haṁ śa̱rada̍ḥ śaśramā̱ṇā do̱ṣā vasto̍ru̱ṣaso̍ ja̱raya̍ntīḥ | mi̱nāti̱ śriya̍ṁ jari̱mā ta̱nūnā̱mapyū̱ nu patnī̱rvṛṣa̍ṇo jagamyuḥ || 1.179.01 ||

Mandala : 1

Sukta : 179

Suktam :   1


ये चि॒द्धि पूर्व॑ ऋत॒साप॒ आस॑न्सा॒कं दे॒वेभि॒रव॑दन्नृ॒तानि॑ । ते चि॒दवा॑सुर्न॒ह्यन्त॑मा॒पुः समू॒ नु पत्नी॒र्वृष॑भिर्जगम्युः ॥ १.१७९.०२ ॥
ye ci̱ddhi pūrva̍ ṛta̱sāpa̱ āsa̍nsā̱kaṁ de̱vebhi̱rava̍dannṛ̱tāni̍ | te ci̱davā̍surna̱hyanta̍mā̱puḥ samū̱ nu patnī̱rvṛṣa̍bhirjagamyuḥ || 1.179.02 ||

Mandala : 1

Sukta : 179

Suktam :   2


न मृषा॑ श्रा॒न्तं यदव॑न्ति दे॒वा विश्वा॒ इत्स्पृधो॑ अ॒भ्य॑श्नवाव । जया॒वेदत्र॑ श॒तनी॑थमा॒जिं यत्स॒म्यञ्चा॑ मिथु॒नाव॒भ्यजा॑व ॥ १.१७९.०३ ॥
na mṛṣā̍ śrā̱ntaṁ yadava̍nti de̱vā viśvā̱ itspṛdho̍ a̱bhya̍śnavāva | jayā̱vedatra̍ śa̱tanī̍thamā̱jiṁ yatsa̱myañcā̍ mithu̱nāva̱bhyajā̍va || 1.179.03 ||

Mandala : 1

Sukta : 179

Suktam :   3


न॒दस्य॑ मा रुध॒तः काम॒ आग॑न्नि॒त आजा॑तो अ॒मुतः॒ कुत॑श्चित् । लोपा॑मुद्रा॒ वृष॑णं॒ नी रि॑णाति॒ धीर॒मधी॑रा धयति श्व॒सन्त॑म् ॥ १.१७९.०४ ॥
na̱dasya̍ mā rudha̱taḥ kāma̱ āga̍nni̱ta ājā̍to a̱muta̱ḥ kuta̍ścit | lopā̍mudrā̱ vṛṣa̍ṇa̱ṁ nī ri̍ṇāti̱ dhīra̱madhī̍rā dhayati śva̱santa̍m || 1.179.04 ||

Mandala : 1

Sukta : 179

Suktam :   4


इ॒मं नु सोम॒मन्ति॑तो हृ॒त्सु पी॒तमुप॑ ब्रुवे । यत्सी॒माग॑श्चकृ॒मा तत्सु मृ॑ळतु पुलु॒कामो॒ हि मर्त्यः॑ ॥ १.१७९.०५ ॥
i̱maṁ nu soma̱manti̍to hṛ̱tsu pī̱tamupa̍ bruve | yatsī̱māga̍ścakṛ̱mā tatsu mṛ̍ḻatu pulu̱kāmo̱ hi martya̍ḥ || 1.179.05 ||

Mandala : 1

Sukta : 179

Suktam :   5


अ॒गस्त्यः॒ खन॑मानः ख॒नित्रैः॑ प्र॒जामप॑त्यं॒ बल॑मि॒च्छमा॑नः । उ॒भौ वर्णा॒वृषि॑रु॒ग्रः पु॑पोष स॒त्या दे॒वेष्वा॒शिषो॑ जगाम ॥ १.१७९.०६ ॥
a̱gastya̱ḥ khana̍mānaḥ kha̱nitrai̍ḥ pra̱jāmapa̍tya̱ṁ bala̍mi̱cchamā̍naḥ | u̱bhau varṇā̱vṛṣi̍ru̱graḥ pu̍poṣa sa̱tyā de̱veṣvā̱śiṣo̍ jagāma || 1.179.06 ||

Mandala : 1

Sukta : 179

Suktam :   6

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In