Rig Veda

Mandala 87

Sukta 87


This overlay will guide you through the buttons:

अ संस्कृत्म
A English

प्रत्व॑क्षसः॒ प्रत॑वसो विर॒प्शिनोऽना॑नता॒ अवि॑थुरा ऋजी॒षिणः॑ । जुष्ट॑तमासो॒ नृत॑मासो अ॒ञ्जिभि॒र्व्या॑नज्रे॒ के चि॑दु॒स्रा इ॑व॒ स्तृभिः॑ ॥ १.८७.०१ ॥
pratva̍kṣasa̱ḥ prata̍vaso vira̱pśino'nā̍natā̱ avi̍thurā ṛjī̱ṣiṇa̍ḥ | juṣṭa̍tamāso̱ nṛta̍māso a̱ñjibhi̱rvyā̍najre̱ ke ci̍du̱srā i̍va̱ stṛbhi̍ḥ || 1.087.01 ||

Mandala : 1

Sukta : 87

Suktam :   1


उ॒प॒ह्व॒रेषु॒ यदचि॑ध्वं य॒यिं वय॑ इव मरुतः॒ केन॑ चित्प॒था । श्चोत॑न्ति॒ कोशा॒ उप॑ वो॒ रथे॒ष्वा घृ॒तमु॑क्षता॒ मधु॑वर्ण॒मर्च॑ते ॥ १.८७.०२ ॥
u̱pa̱hva̱reṣu̱ yadaci̍dhvaṁ ya̱yiṁ vaya̍ iva maruta̱ḥ kena̍ citpa̱thā | ścota̍nti̱ kośā̱ upa̍ vo̱ rathe̱ṣvā ghṛ̱tamu̍kṣatā̱ madhu̍varṇa̱marca̍te || 1.087.02 ||

Mandala : 1

Sukta : 87

Suktam :   2


प्रैषा॒मज्मे॑षु विथु॒रेव॑ रेजते॒ भूमि॒र्यामे॑षु॒ यद्ध॑ यु॒ञ्जते॑ शु॒भे । ते क्री॒ळयो॒ धुन॑यो॒ भ्राज॑दृष्टयः स्व॒यं म॑हि॒त्वं प॑नयन्त॒ धूत॑यः ॥ १.८७.०३ ॥
praiṣā̱majme̍ṣu vithu̱reva̍ rejate̱ bhūmi̱ryāme̍ṣu̱ yaddha̍ yu̱ñjate̍ śu̱bhe | te krī̱ḻayo̱ dhuna̍yo̱ bhrāja̍dṛṣṭayaḥ sva̱yaṁ ma̍hi̱tvaṁ pa̍nayanta̱ dhūta̍yaḥ || 1.087.03 ||

Mandala : 1

Sukta : 87

Suktam :   3


स हि स्व॒सृत्पृष॑दश्वो॒ युवा॑ ग॒णो॒॑ऽया ई॑शा॒नस्तवि॑षीभि॒रावृ॑तः । असि॑ स॒त्य ऋ॑ण॒यावाने॑द्यो॒ऽस्या धि॒यः प्रा॑वि॒ताथा॒ वृषा॑ ग॒णः ॥ १.८७.०४ ॥
sa hi sva̱sṛtpṛṣa̍daśvo̱ yuvā̍ ga̱ṇo̱3̱̍'yā ī̍śā̱nastavi̍ṣībhi̱rāvṛ̍taḥ | asi̍ sa̱tya ṛ̍ṇa̱yāvāne̍dyo̱'syā dhi̱yaḥ prā̍vi̱tāthā̱ vṛṣā̍ ga̱ṇaḥ || 1.087.04 ||

Mandala : 1

Sukta : 87

Suktam :   4


पि॒तुः प्र॒त्नस्य॒ जन्म॑ना वदामसि॒ सोम॑स्य जि॒ह्वा प्र जि॑गाति॒ चक्ष॑सा । यदी॒मिन्द्रं॒ शम्यृक्वा॑ण॒ आश॒तादिन्नामा॑नि य॒ज्ञिया॑नि दधिरे ॥ १.८७.०५ ॥
pi̱tuḥ pra̱tnasya̱ janma̍nā vadāmasi̱ soma̍sya ji̱hvā pra ji̍gāti̱ cakṣa̍sā | yadī̱mindra̱ṁ śamyṛkvā̍ṇa̱ āśa̱tādinnāmā̍ni ya̱jñiyā̍ni dadhire || 1.087.05 ||

Mandala : 1

Sukta : 87

Suktam :   5


श्रि॒यसे॒ कं भा॒नुभिः॒ सं मि॑मिक्षिरे॒ ते र॒श्मिभि॒स्त ऋक्व॑भिः सुखा॒दयः॑ । ते वाशी॑मन्त इ॒ष्मिणो॒ अभी॑रवो वि॒द्रे प्रि॒यस्य॒ मारु॑तस्य॒ धाम्नः॑ ॥ १.८७.०६ ॥
śri̱yase̱ kaṁ bhā̱nubhi̱ḥ saṁ mi̍mikṣire̱ te ra̱śmibhi̱sta ṛkva̍bhiḥ sukhā̱daya̍ḥ | te vāśī̍manta i̱ṣmiṇo̱ abhī̍ravo vi̱dre pri̱yasya̱ māru̍tasya̱ dhāmna̍ḥ || 1.087.06 ||

Mandala : 1

Sukta : 87

Suktam :   6

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In