| |
|

This overlay will guide you through the buttons:

Shloka 1
विद्या विनय-हेतुरिन्द्रिय-जयः काम-क्रोध-लोभ-मान-मद-हर्ष-त्यागात्कार्यः ॥ ०१.६.०१ ॥
vidyā vinaya-heturindriya-jayaḥ kāma-krodha-lobha-māna-mada-harṣa-tyāgātkāryaḥ .. 01.6.01 ..
Shloka 2
कर्ण-त्वग्-अक्षि-जिह्वा-घ्राण-इन्द्रियाणां शब्द-स्पर्श-रूप-रस-गन्धेष्वविप्रतिपत्तिरिन्द्रिय-जयः। शास्त्र-अनुष्ठानं वा ॥ ०१.६.०२ ॥
karṇa-tvag-akṣi-jihvā-ghrāṇa-indriyāṇāṃ śabda-sparśa-rūpa-rasa-gandheṣvavipratipattirindriya-jayaḥ. śāstra-anuṣṭhānaṃ vā .. 01.6.02 ..
Shloka 3
कृत्स्नं हि शास्त्रं इदं इन्द्रिय-जयः ॥ ०१.६.०३ ॥
kṛtsnaṃ hi śāstraṃ idaṃ indriya-jayaḥ .. 01.6.03 ..
Shloka 4
तद्विरुद्ध-वृत्तिरवश्य-इन्द्रियश्चातुरन्तो अपि राजा सद्यो विनश्यति ॥ ०१.६.०४ ॥
tadviruddha-vṛttiravaśya-indriyaścāturanto api rājā sadyo vinaśyati .. 01.6.04 ..
Shloka 5
यथा दाण्डक्यो नाम भोजः कामाद्ब्राह्मण-कन्यां अभिमन्यमानः सबन्धु-राष्ट्रो विननाश। करालश्च वैदेहः ॥ ०१.६.०५ ॥
yathā dāṇḍakyo nāma bhojaḥ kāmādbrāhmaṇa-kanyāṃ abhimanyamānaḥ sabandhu-rāṣṭro vinanāśa. karālaśca vaidehaḥ .. 01.6.05 ..
Shloka 6
कोपाज्जनमेजयो ब्राह्मणेषु विक्रान्तः। ताल-जङ्घश्च भृगुषु ॥ ०१.६.०६ ॥
kopājjanamejayo brāhmaṇeṣu vikrāntaḥ. tāla-jaṅghaśca bhṛguṣu .. 01.6.06 ..
Shloka 7
लोभादैलश्चातुर्वर्ण्यं अत्याहारयमाणः। सौवीरश्चाजबिन्दुः ॥ ०१.६.०७ ॥
lobhādailaścāturvarṇyaṃ atyāhārayamāṇaḥ. sauvīraścājabinduḥ .. 01.6.07 ..
Shloka 8
मानाद्रावणः पर-दारानप्रयच्छन्। दुर्योधनो राज्यादंशं च ॥ ०१.६.०८ ॥
mānādrāvaṇaḥ para-dārānaprayacchan. duryodhano rājyādaṃśaṃ ca .. 01.6.08 ..
Shloka 9
मदाद्दम्भोद्भवो भूत-अवमानी। हैहयश्चार्जुनः ॥ ०१.६.०९ ॥
madāddambhodbhavo bhūta-avamānī. haihayaścārjunaḥ .. 01.6.09 ..
Shloka 10
हर्षाद्वातापिरगस्त्यं अत्यासादयन्। वृष्णि-संघश्च द्वैपायनं इति ॥ ०१.६.१० ॥
harṣādvātāpiragastyaṃ atyāsādayan. vṛṣṇi-saṃghaśca dvaipāyanaṃ iti .. 01.6.10 ..
Shloka 11
एते चान्ये च बहवः शत्रु-षड्-वर्गं आश्रिताः ॥ ०१.६.११अ ब ॥
ete cānye ca bahavaḥ śatru-ṣaḍ-vargaṃ āśritāḥ .. 01.6.11a ba ..
Shloka 12
सबन्धु-राष्ट्रा राजानो विनेशुरजित-इन्द्रियाः ॥ ०१.६.११च्द् ॥
sabandhu-rāṣṭrā rājāno vineśurajita-indriyāḥ .. 01.6.11cd ..
Shloka 13
शत्रु-षड्-वर्गं उत्सृज्य जामदग्न्यो जित-इन्द्रियः ॥ ०१.६.१२अ ब ॥
śatru-ṣaḍ-vargaṃ utsṛjya jāmadagnyo jita-indriyaḥ .. 01.6.12a ba ..
Shloka 14
अम्बरीषश्च नाभागो बुभुजाते चिरं महीं ॥ ०१.६.१२च्द् ॥
ambarīṣaśca nābhāgo bubhujāte ciraṃ mahīṃ .. 01.6.12cd ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In