| |
|

This overlay will guide you through the buttons:

Shloka 1
इति मतिरुपकल्पिता वितृष्णा भगवति सात्वत पुङ्गवे विभूम्नि । स्वसुखमुपगते क्वचिद्विहर्तुं प्रकृतिमुपेयुषि यद्भवप्रवाहः ॥१॥
iti matirupakalpitā vitṛṣṇā bhagavati sātvata puṅgave vibhūmni . svasukhamupagate kvacidvihartuṃ prakṛtimupeyuṣi yadbhavapravāhaḥ ..1..
Shloka 2
त्रिभुवनकमनं तमालवर्णं रविकरगौरवराम्बरं दधाने । वपुरलककुलावृताननाब्जं विजयसखे रतिरस्तु मेऽनवद्या ॥२ ॥
tribhuvanakamanaṃ tamālavarṇaṃ ravikaragauravarāmbaraṃ dadhāne . vapuralakakulāvṛtānanābjaṃ vijayasakhe ratirastu me'navadyā ..2 ..
Shloka 3
युधि तुरगरजोविधूम्रविष्वक्कचलुलितश्रमवार्यलंकृतास्ये । मम निशितशरैर्विभिद्यमानत्वचि विलसत्कवचेऽस्तु कृष्ण आत्मा ॥३॥
yudhi turagarajovidhūmraviṣvakkacalulitaśramavāryalaṃkṛtāsye . mama niśitaśarairvibhidyamānatvaci vilasatkavace'stu kṛṣṇa ātmā ..3..
Shloka 4
सपदि सखिवचो निशम्य मध्ये निजपरयोर्बलयो रथं निवेश्य । स्थितवति परसैनिकायुरक्ष्णा हृतवति पार्थ सखे रतिर्ममास्तु ॥४॥
sapadi sakhivaco niśamya madhye nijaparayorbalayo rathaṃ niveśya . sthitavati parasainikāyurakṣṇā hṛtavati pārtha sakhe ratirmamāstu ..4..
Shloka 5
व्यवहित पृथनामुखं निरीक्ष्य स्वजनवधाद्विमुखस्य दोषबुद्ध्या। कुमतिमहरदात्मविद्यया यश्चरणरतिः परमस्य तस्य मेऽस्तु ॥५॥
vyavahita pṛthanāmukhaṃ nirīkṣya svajanavadhādvimukhasya doṣabuddhyā. kumatimaharadātmavidyayā yaścaraṇaratiḥ paramasya tasya me'stu ..5..
Shloka 6
स्वनिगममपहाय मत्प्रतिज्ञा मृतमधिकर्तुमवप्लुतो रथस्थः । धृतरथचरणोऽभ्ययाच्चलत्गुः हरिरिव हन्तुमिभं गतोत्तरीयः ॥६॥
svanigamamapahāya matpratijñā mṛtamadhikartumavapluto rathasthaḥ . dhṛtarathacaraṇo'bhyayāccalatguḥ haririva hantumibhaṃ gatottarīyaḥ ..6..
Shloka 7
शितविशिखहतोविशीर्णदंशः क्षतजपरिप्लुत आततायिनो मे । प्रसभमभिससार मद्वधार्थं स भवतु मे भगवान् गतिर्मुकुन्दः ॥७॥
śitaviśikhahatoviśīrṇadaṃśaḥ kṣatajaparipluta ātatāyino me . prasabhamabhisasāra madvadhārthaṃ sa bhavatu me bhagavān gatirmukundaḥ ..7..
Shloka 8
विजयरथकुटुम्ब आत्ततोत्रे धृतहयरश्मिनि तच्छ्रियेक्षणीये। भगवति रतिरस्तु मे मुमूर्षोः यमिह निरीक्ष्य हताः गताः सरूपम् ॥८॥
vijayarathakuṭumba āttatotre dhṛtahayaraśmini tacchriyekṣaṇīye. bhagavati ratirastu me mumūrṣoḥ yamiha nirīkṣya hatāḥ gatāḥ sarūpam ..8..
Shloka 9
ललित गति विलास वल्गुहास प्रणय निरीक्षण कल्पितोरुमानाः । कृतमनुकृतवत्य उन्मदान्धाः प्रकृतिमगन् किल यस्य गोपवध्वः ॥९॥
lalita gati vilāsa valguhāsa praṇaya nirīkṣaṇa kalpitorumānāḥ . kṛtamanukṛtavatya unmadāndhāḥ prakṛtimagan kila yasya gopavadhvaḥ ..9..
Shloka 10
मुनिगणनृपवर्यसंकुलेऽन्तः सदसि युधिष्ठिरराजसूय एषाम् । अर्हणमुपपेद ईक्षणीयो मम दृशि गोचर एष आविरात्मा ॥१०॥
munigaṇanṛpavaryasaṃkule'ntaḥ sadasi yudhiṣṭhirarājasūya eṣām . arhaṇamupapeda īkṣaṇīyo mama dṛśi gocara eṣa āvirātmā ..10..
Shloka 11
तमिममहमजं शरीरभाजां हृदिहृदि धिष्टितमात्मकल्पितानाम् । प्रतिदृशमिव नैकधाऽर्कमेकं समधिगतोऽस्मि विधूतभेदमोहः ॥११॥
tamimamahamajaṃ śarīrabhājāṃ hṛdihṛdi dhiṣṭitamātmakalpitānām . pratidṛśamiva naikadhā'rkamekaṃ samadhigato'smi vidhūtabhedamohaḥ ..11..
Shloka 12
॥इति श्रीमद्भागवत महापुराण भीष्म स्तुति सम्पूर्णम्॥
..iti śrīmadbhāgavata mahāpurāṇa bhīṣma stuti sampūrṇam..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In