Nakshatra Suktam

ॐ श्री परमात्मने नमः

This overlay will guide you through the buttons:

अ संस्कृत्म
A English

Kritika Nakshatra/[कृत्तिका] Presiding Deity:Agnihi-deva/[अग्निः देवता]

ॐ अ॒ग्निर्नः॑ पातु॒ कृत्ति॑काः । नक्ष॑त्रं दे॒वमि॑न्द्रि॒यम् । इ॒दमा॑सां-विँचक्ष॒णम् । ह॒विरा॒सं जु॑होतन । यस्य॒ भान्ति॑ र॒श्मयो॒ यस्य॑ के॒तवः॑ । यस्ये॒मा विश्वा॒ भुव॑नानि॒ सर्वा । स कृत्ति॑काभि-र॒भिसं॒​वँसा॑नः । अ॒ग्निर्नो॑ दे॒वस्सु॑वि॒ते द॑धातु ॥ १ ॥
ōṃ a̠gnirna̍ḥ pātu̠ kṛtti̍kāḥ । nakṣa̍tra-ndē̠vami̍ndri̠yam । i̠damā̍sāṃ vichakṣa̠ṇam । ha̠virā̠sa-ñju̍hōtana । yasya̠ bhānti̍ ra̠śmayō̠ yasya̍ kē̠tava̍ḥ । yasyē̠mā viśvā̠ bhuva̍nāni̠ sarvā̎ । sa kṛtti̍kābhi-ra̠bhisa̠ṃvasā̍naḥ । a̠gnirnō̍ dē̠vassu̍vi̠tē da̍dhātu ॥ 1
Will be updated later.

Rohini Nakshatra/[रोहिणी नक्षत्रं] Presiding Deity:Prajapatihi-deva/[प्रजापतिः देवता]

प्र॒जाप॑ते रोहि॒णीवे॑तु॒ पत्नी । वि॒श्वरू॑पा बृह॒ती चि॒त्रभा॑नुः । सा नो॑ य॒ज्ञस्य॑ सुवि॒ते द॑धातु । यथा॒ जीवे॑म श॒रद॒स्सवी॑राः । रो॒हि॒णी दे॒व्युद॑गात्पु॒रस्तात् । विश्वा॑ रू॒पाणि॑ प्रति॒मोद॑माना । प्र॒जाप॑तिग्ं ह॒विषा॑ व॒र्धय॑न्ती । प्रि॒या दे॒वाना॒-मुप॑यातु य॒ज्ञम् ॥ २ ॥
pra̠jāpa̍tē rōhi̠ṇīvē̍tu̠ patnī̎ । vi̠śvarū̍pā bṛha̠tī chi̠trabhā̍nuḥ । sā nō̍ ya̠jñasya̍ suvi̠tē da̍dhātu । yathā̠ jīvē̍ma śa̠rada̠ssavī̍rāḥ । rō̠hi̠ṇī dē̠vyuda̍gātpu̠rastā̎t । viśvā̍ rū̠pāṇi̍ prati̠mōda̍mānā । pra̠jāpa̍tigṃ ha̠viṣā̍ va̠rdhaya̍ntī । pri̠yā dē̠vānā̠-mupa̍yātu ya̠jñam ॥ 2
Will be updated later.

Mrigashirsha Nakshatra/[मृगशीर्​षः नक्षत्रं] Presiding Deity: Soma-deva/[सोमः देवता]

सोमो॒ राजा॑ मृगशी॒र्॒षेण॒ आगन्न्॑ । शि॒वं नक्ष॑त्रं प्रि॒यम॑स्य॒ धाम॑ । आ॒प्याय॑मानो बहु॒धा जने॑षु । रेतः॑ प्र॒जां-यँज॑माने दधातु । यत्ते॒ नक्ष॑त्रं मृगशी॒र्॒षमस्ति॑ । प्रि॒यग्ं रा॑जन् प्रि॒यत॑मं प्रि॒याणाम् । तस्मै॑ ते सोम ह॒विषा॑ विधेम । शन्न॑ एधि द्वि॒पदे॒ शञ्चतु॑ष्पदे ॥ ३ ॥
sōmō̠ rājā̍ mṛgaśī̠r̠ṣēṇa̠ āgann̍ । śi̠va-nnakṣa̍tra-mpri̠yama̍sya̠ dhāma̍ । ā̠pyāya̍mānō bahu̠dhā janē̍ṣu । rēta̍ḥ pra̠jāṃ yaja̍mānē dadhātu । yattē̠ nakṣa̍tra-mmṛgaśī̠r̠ṣamasti̍ । pri̠yagṃ rā̍ja-npri̠yata̍ma-mpri̠yāṇā̎m । tasmai̍ tē sōma ha̠viṣā̍ vidhēma । śanna̍ ēdhi dvi̠padē̠ śañchatu̍ṣpadē ॥ 3
Will be updated later.

Aardra Nakshatra/[आर्द्रा नक्षत्रं] Presiding Deity: Rudra-deva/[रुद्रः देवता]

आ॒र्द्रया॑ रु॒द्रः प्रथ॑मा न एति । श्रेष्ठो॑ दे॒वानां॒ पति॑रघ्नि॒यानाम् । नक्ष॑त्रमस्य ह॒विषा॑ विधेम । मा नः॑ प्र॒जाग्ं री॑रिष॒न्मोत वी॒रान् । हे॒ती रु॒द्रस्य॒ परि॑णो वृणक्तु । आ॒र्द्रा नक्ष॑त्रं जुषताग्ं ह॒विर्नः॑ । प्र॒मु॒ञ्चमा॑नौ दुरि॒तानि॒ विश्वा । अपा॒घशग्ं॑ सन्नु-दता॒मरा॑तिम् ॥ ४ ॥
ā̠rdrayā̍ ru̠draḥ pratha̍mā na ēti । śrēṣṭhō̍ dē̠vānā̠-mpati̍raghni̠yānā̎m । nakṣa̍tramasya ha̠viṣā̍ vidhēma । mā na̍ḥ pra̠jāgṃ rī̍riṣa̠nmōta vī̠rān । hē̠tī ru̠drasya̠ pari̍ṇō vṛṇaktu । ā̠rdrā nakṣa̍tra-ñjuṣatāgṃ ha̠virna̍ḥ । pra̠mu̠ñchamā̍nau duri̠tāni̠ viśvā̎ । apā̠ghaśagṃ̍ sannu-datā̠marā̍tim ॥ 4
Will be updated later.

Punarvasu Nakshatra/[पुनर्वसु नक्षत्रं] Presiding Deity: Aditihi devi/[अदितिः देवी]

पुन॑र्नो दे॒व्यदि॑ति-स्पृणोतु । पुन॑र्वसू नः॒ पुन॒रेतां-यँ॒ज्ञम् । पुन॑र्नो दे॒वा अ॒भिय॑न्तु॒ सर्वे । पुनः॑ पुनर्वो ह॒विषा॑ यजामः । ए॒वा न दे॒व्य-दि॑तिरन॒र्वा । विश्व॑स्य भ॒र्त्री जग॑तः प्रति॒ष्ठा । पुन॑र्वसू ह॒विषा॑ व॒र्धय॑न्ती । प्रि॒यं दे॒वाना॒-मप्ये॑तु॒ पाथः॑ ॥ ५ ॥
puna̍rnō dē̠vyadi̍ti-spṛṇōtu । puna̍rvasū na̠ḥ puna̠rētā̎ṃ ya̠jñam । puna̍rnō dē̠vā a̠bhiya̍ntu̠ sarvē̎ । puna̍ḥ punarvō ha̠viṣā̍ yajāmaḥ । ē̠vā na dē̠vya-di̍tirana̠rvā । viśva̍sya bha̠rtrī jaga̍taḥ prati̠ṣṭhā । puna̍rvasū ha̠viṣā̍ va̠rdhaya̍ntī । pri̠ya-ndē̠vānā̠-mapyē̍tu̠ pātha̍ḥ ॥ 5
Will be updated later.

Punarvasu Nakshatra/[पुष्यः नक्षत्रं] Presiding Deity: Brihaspati-deva/[बृहस्पतिः देवता]

बृह॒स्पतिः॑ प्रथ॒मञ्जाय॑मानः । ति॒ष्यं॑ नक्ष॑त्रम॒भि सम्ब॑भूव । श्रेष्ठो॑ दे॒वानां॒ पृत॑नासु जि॒ष्णुः । दि॒शोऽनु॒ सर्वा॒ अभ॑यन्नो अस्तु । ति॒ष्यः॑ पु॒रस्ता॑दु॒त म॑ध्य॒तो नः॑ । बृह॒स्पति॑र्नः॒ परि॑पातु प॒श्चात् । बाधे॑ ता॒न्द्वेषो॒ अभ॑यं कृणुताम् । सु॒वीर्य॑स्य॒ पत॑यस्याम ॥ ६ ॥
bṛha̠spati̍ḥ pratha̠mañjāya̍mānaḥ । ti̠ṣya̍-nnakṣa̍trama̠bhi samba̍bhūva । śrēṣṭhō̍ dē̠vānā̠-mpṛta̍nāsu ji̠ṣṇuḥ । di̠śō-'nu̠ sarvā̠ abha̍yannō astu । ti̠ṣya̍ḥ pu̠rastā̍du̠ta ma̍dhya̠tō na̍ḥ । bṛha̠spati̍rna̠ḥ pari̍pātu pa̠śchāt । bādhē̍ tā̠ndvēṣō̠ abha̍ya-ṅkṛṇutām । su̠vīrya̍sya̠ pata̍yasyāma ॥ 6
Will be updated later.

Ashlesham Nakshatra/[आश्रेषं नक्षत्रं] Presiding Deity: Sarpa-deva/[सर्पाः देवता]

इ॒दग्ं स॒र्पेभ्यो॑ ह॒विर॑स्तु॒ जुष्टम् । आ॒श्रे॒षा येषा॑मनु॒यन्ति॒ चेतः॑ । ये अ॒न्तरि॑क्षं पृथि॒वीं-क्षि॒यन्ति॑ । तेन॑ स्स॒र्पासो॒ हव॒माग॑मिष्ठाः । ये रो॑च॒ने सूर्य॒स्यापि॑ स॒र्पाः । ये दिवं॑ दे॒वी-मनु॑स॒ञ्चर॑न्ति । येषा॑माश्रे॒षा अ॑नु॒यन्ति॒ कामम् । तेभ्य॑-स्स॒र्पेभ्यो॒ मधु॑-मज्जुहोमि ॥ ७ ॥
i̠dagṃ sa̠rpēbhyō̍ ha̠vira̍stu̠ juṣṭa̎m । ā̠śrē̠ṣā yēṣā̍manu̠yanti̠ chēta̍ḥ । yē a̠ntari̍kṣa-mpṛthi̠vīṃ-kṣi̠yanti̍ । tēna̍ ssa̠rpāsō̠ hava̠māga̍miṣṭhāḥ । yē rō̍cha̠nē sūrya̠syāpi̍ sa̠rpāḥ । yē diva̍-ndē̠vī-manu̍sa̠ñchara̍nti । yēṣā̍māśrē̠ṣā a̍nu̠yanti̠ kāma̎m । tēbhya̍-ssa̠rpēbhyō̠ madhu̍-majjuhōmi ॥ 7
Will be updated later.

Ashlesham Nakshatra/[मघा नक्षत्रं] Presiding Deity: Pitra-deva/[पितरः देवता]

उप॑हूताः पि॒तरो॒ ये म॒घासु॑ । मनो॑जवस-स्सु॒कृत॑-स्सुकृ॒त्याः । ते नो॒ नक्ष॑त्रे॒ हव॒माग॑मिष्ठाः । स्व॒धाभि॑र्य॒ज्ञं प्रय॑तं जुषन्ताम् । ये अ॑ग्निद॒ग्धा येऽन॑ग्नि-दग्धाः । ये॑ऽमुल्लो॒कं पि॒तरः॑, क्षि॒यन्ति॑ । याग्ग्​श्च॑ वि॒द्मयाग्ं उ॑ च॒ न प्र॑वि॒द्म । म॒घासु॑ य॒ज्ञग्ं सुकृ॑तं जुषन्ताम् ॥ ८ ॥
upa̍hūtāḥ pi̠tarō̠ yē ma̠ghāsu̍ । manō̍javasa-ssu̠kṛta̍-ssukṛ̠tyāḥ । tē nō̠ nakṣa̍trē̠ hava̠māga̍miṣṭhāḥ । sva̠dhābhi̍rya̠jña-mpraya̍ta-ñjuṣantām । yē a̍gnida̠gdhā yē-'na̍gni-dagdhāḥ । yē̍-'mullō̠ka-mpi̠tara̍ḥ, kṣi̠yanti̍ । yāg​ścha̍ vi̠dmayāgṃ u̍ cha̠ na pra̍vi̠dma । ma̠ghāsu̍ ya̠jñagṃ sukṛ̍ta-ñjuṣantām ॥ 8
Will be updated later.

Purvaphalguni Nakshatra/[पूर्वफल्गुनी नक्षत्रं] Presiding Deity: Aryamaa-deva/[अर्यमा देवता]

गवां॒ पतिः॒ फल्गु॑नी-नामसि॒ त्वम् । तद॑र्यमन्वरुण मित्र॒ चारु॑ । तं त्वा॑ व॒यग्ं स॑नि॒तारग्ं॑ सनी॒नाम् । जी॒वा जीव॑न्त॒मुप॒ सं​विँ॑शेम । येने॒मा विश्वा॒ भुव॑नानि॒ सञ्जि॑ता । यस्य॑ दे॒वा अ॑नुसं॒​यँन्ति॒ चेतः॑ । अ॒र्य॒मा राजा॒ऽजर॒स्तु वि॑ष्मान् । फल्गु॑नीना-मृष॒भो रो॑रवीति ॥ ९ ॥
gavā̠-mpati̠ḥ phalgu̍nī-nāmasi̠ tvam । tada̍ryamanvaruṇa mitra̠ chāru̍ । ta-ntvā̍ va̠yagṃ sa̍ni̠tāragṃ̍ sanī̠nām । jī̠vā jīva̍nta̠mupa̠ saṃvi̍śēma । yēnē̠mā viśvā̠ bhuva̍nāni̠ sañji̍tā । yasya̍ dē̠vā a̍nusa̠ṃyanti̠ chēta̍ḥ । a̠rya̠mā rājā̠-'jara̠stu vi̍ṣmān । phalgu̍nīnā-mṛṣa̠bhō rō̍ravīti ॥ 9
Will be updated later.

Uttara phalguni Nakshatra/[उत्तर फल्गुनी नक्षत्रं] Presiding Deity: Bhaga-deva/[भगः देवता]

श्रेष्ठो॑ दे॒वानां भगवो भगासि । तत्त्वा॑ विदुः॒ फल्गु॑नी॒-स्तस्य॑ वित्तात् । अ॒स्मभ्यं॑-क्ष॒त्रम॒जरग्ं॑ सु॒वीर्यम् । गोम॒दश्व॑-व॒दुप॒सन्नु॑-दे॒ह । भगो॑ह दा॒ता भग॒ इत्प्र॑दा॒ता । भगो॑ दे॒वीः फल्गु॑नी॒-रावि॑वेश । भग॒स्येत्तं प्र॑स॒वं ग॑मेम । यत्र॑ दे॒वै-स्स॑ध॒मादं॑ मदेम ॥ १० ॥
śrēṣṭhō̍ dē̠vānā̎-mbhagavō bhagāsi । tattvā̍ vidu̠ḥ phalgu̍nī̠-stasya̍ vittāt । a̠smabhya̍ṃ-kṣa̠trama̠jaragṃ̍ su̠vīrya̎m । gōma̠daśva̍-va̠dupa̠sannu̍-dē̠ha । bhagō̍ha dā̠tā bhaga̠ itpra̍dā̠tā । bhagō̍ dē̠vīḥ phalgu̍nī̠-rāvi̍vēśa । bhaga̠syētta-mpra̍sa̠va-ṅga̍mēma । yatra̍ dē̠vai-ssa̍dha̠māda̍-mmadēma ॥ 10
Will be updated later.

Hasta Nakshatra/[हस्तः नक्षत्रं] Presiding Deity: Savita-devi/[सविता देवी]

आया॑तु दे॒व-स्स॑वि॒तो प॑यातु । हि॒र॒ण्यये॑न सु॒वृता॒ रथे॑न । वह॒न॒, हस्तग्ं॑ सु॒भगं॑-विँद्म॒नाप॑सम् । प्र॒यच्छ॑न्तं॒ पपु॑रिं॒ पुण्य॒मच्छ॑ । हस्तः॒ प्रय॑च्छ त्व॒मृतं॒-वँसी॑यः । दक्षि॑णेन॒ प्रति॑गृभ्णीम एनत् । दा॒तार॑-म॒द्य स॑वि॒ता वि॑देय । यो नो॒ हस्ता॑य प्रसु॒वाति॑ य॒ज्ञम् ॥ ११ ॥
āyā̍tu dē̠va-ssa̍vi̠tō pa̍yātu । hi̠ra̠ṇyayē̍na su̠vṛtā̠ rathē̍na । vaha̠na̠, hastagṃ̍ su̠bhaga̍ṃ vidma̠nāpa̍sam । pra̠yachCha̍nta̠-mpapu̍ri̠-mpuṇya̠machCha̍ । hasta̠ḥ praya̍chCha tva̠mṛta̠ṃ vasī̍yaḥ । dakṣi̍ṇēna̠ prati̍gṛbhṇīma ēnat । dā̠tāra̍-ma̠dya sa̍vi̠tā vi̍dēya । yō nō̠ hastā̍ya prasu̠vāti̍ ya̠jñam ॥ 11
Will be updated later.

Chitra Nakshatra/[चित्रा नक्षत्रं] Presiding Deity: Tvashtaa-deva/[त्वष्टा देवता]

त्वष्टा॒ नक्ष॑त्र-म॒भ्ये॑ति चि॒त्राम् । सु॒भग्ं स॑सं​युँव॒तिग्ं रोच॑मानाम् । नि॒वे॒शय॑-न्न॒मृता॒-न्मर्त्याग्ग्॑श्च । रू॒पाणि॑ पि॒ग्ं॒शन् भुव॑नानि॒ विश्वा । तन्न॒स्त्वष्टा॒ तदु॑ चि॒त्रा विच॑ष्टाम् । तन्नक्ष॑त्रं भूरि॒दा अ॑स्तु॒ मह्यम् । तन्नः॑ प्र॒जां-वीँ॒रव॑तीग्ं सनोतु । गोभि॑र्नो॒ अश्वै॒-स्सम॑नक्तु य॒ज्ञम् ॥ १२ ॥
tvaṣṭā̠ nakṣa̍tra-ma̠bhyē̍ti chi̠trām । su̠bhagṃ sa̍saṃyuva̠tigṃ rōcha̍mānām । ni̠vē̠śaya̍-nna̠mṛtā̠-nmartyāg̍ścha । rū̠pāṇi̍ pi̠gṃ̠śa-nbhuva̍nāni̠ viśvā̎ । tanna̠stvaṣṭā̠ tadu̍ chi̠trā vicha̍ṣṭām । tannakṣa̍tra-mbhūri̠dā a̍stu̠ mahya̎m । tanna̍ḥ pra̠jāṃ vī̠rava̍tīgṃ sanōtu । gōbhi̍rnō̠ aśvai̠-ssama̍naktu ya̠jñam ॥ 12
Will be updated later.

Swati Nakshatra/[स्वाती नक्षत्रं] Presiding Deity: Vaayu-deva/[वायुः देवता]

वा॒यु-र्नक्ष॑त्र-म॒भ्ये॑ति॒ निष्टपाम् । ति॒ग्मशृ॑ङ्गो वृष॒भो रोरु॑वाणः । स॒मी॒रय॒न् भुव॑ना मात॒रिश्वा । अप॒ द्वेषाग्ं॑सि नुदता॒मरा॑तीः । तन्नो॑ वा॒यस्तदु॒ निष्ट्या॑ शृणोतु । तन्नक्ष॑त्रं भूरि॒दा अ॑स्तु॒ महयम् । तन्नो॑ दे॒वासो॒ अनु॑ जानन्तु॒ कामम् । यथा॒ तरे॑म दुरि॒तानि॒ विश्वा ॥ १३ ॥
vā̠yu-rnakṣa̍tra-ma̠bhyē̍ti̠ niṣṭyā̎m । ti̠gmaśṛ̍ṅgō vṛṣa̠bhō rōru̍vāṇaḥ । sa̠mī̠raya̠-nbhuva̍nā māta̠riśvā̎ । apa̠ dvēṣāgṃ̍si nudatā̠marā̍tīḥ । tannō̍ vā̠yastadu̠ niṣṭyā̍ śṛṇōtu । tannakṣa̍tra-mbhūri̠dā a̍stu̠ mahya̎m । tannō̍ dē̠vāsō̠ anu̍ jānantu̠ kāma̎m । yathā̠ tarē̍ma duri̠tāni̠ viśvā̎ ॥ 13
Will be updated later.

Vishaakhaa Nakshatra/[विशाखा नक्षत्रं] Presiding Deity: Indragni-deva/[इन्द्राग्नी देवता]

दू॒रम॒स्मच्छत्र॑वो यन्तु भी॒ताः । तदि॑न्द्रा॒ग्नी कृ॑णुतां॒ तद्विशा॑खे । तन्नो॑ दे॒वा अनु॑मदन्तु य॒ज्ञम् । प॒श्चात् पु॒रस्ता॒-दभ॑यन्नो अस्तु । नक्ष॑त्राणा॒-मधि॑पत्नी॒ विशा॑खे । श्रेष्ठा॑-विन्द्रा॒ग्नी भुव॑नस्य गो॒पौ । विषू॑च॒-श्शत्रू॑नप॒बाध॑मानौ । अप॒क्षुध॑-न्नुदता॒मरा॑तिम् ॥ १४ ॥
dū̠rama̠smachChatra̍vō yantu bhī̠tāḥ । tadi̍ndrā̠gnī kṛ̍ṇutā̠-ntadviśā̍khē । tannō̍ dē̠vā anu̍madantu ya̠jñam । pa̠śchā-tpu̠rastā̠-dabha̍yannō astu । nakṣa̍trāṇā̠-madhi̍patnī̠ viśā̍khē । śrēṣṭhā̍-vindrā̠gnī bhuva̍nasya gō̠pau । viṣū̍cha̠-śśatrū̍napa̠bādha̍mānau । apa̠kṣudha̍-nnudatā̠marā̍tim ॥ 14
Will be updated later.

Poornmaasi/ पौर्णमासि

पू॒र्णा प॒श्चादु॒त पू॒र्णा पु॒रस्तात् । उन्म॑ध्य॒तः पौर्णमा॒सी जि॑गाय । तस्यां दे॒वा अधि॑ सं॒-वँस॑न्तः । उ॒त्त॒मे नाक॑ इ॒ह मा॑दयन्ताम् । पृ॒थ्वी सु॒वर्चा॑ युव॒ति-स्स॒जोषाः । पौ॒र्ण॒मा॒स्युद॑गा॒-च्छोभ॑माना । आ॒प्या॒यय॑न्ती दुरि॒तानि॒ विश्वा । उ॒रुं दुहां॒-यँज॑मानाय य॒ज्ञम् ॥ १५ ॥
pū̠rṇā pa̠śchādu̠ta pū̠rṇā pu̠rastā̎t । unma̍dhya̠taḥ pau̎rṇamā̠sī ji̍gāya । tasyā̎-ndē̠vā adhi̍ sa̠ṃ vasa̍ntaḥ । u̠tta̠mē nāka̍ i̠ha mā̍dayantām । pṛ̠thvī su̠varchā̍ yuva̠ti-ssa̠jōṣā̎ḥ । pau̠rṇa̠mā̠syuda̍gā̠-chChōbha̍mānā । ā̠pyā̠yaya̍ntī duri̠tāni̠ viśvā̎ । u̠ru-nduhā̠ṃ yaja̍mānāya ya̠jñam ॥ 15
Will be updated later.

Anuradha Nakshatra/[अनूराधा नक्षत्रं] Presiding Deity: Mitra-deva/[मित्रः देवता]

ऋ॒द्ध्यास्म॑ ह॒व्यै-र्नम॑सोप॒-सद्य॑ । मि॒त्रं दे॒वं मि॑त्र॒धेय॑न्नो अस्तु । अ॒नू॒रा॒धान्, ह॒विषा॑ व॒र्धय॑न्तः । श॒तं जी॑वेम श॒रद॒-स्सवी॑राः । चि॒त्रं-नक्ष॑त्र॒-मुद॑गा-त्पु॒रस्तात् । अ॒नू॒रा॒धा स॒ इति॒ यद्वद॑न्ति । तन्मि॒त्र ए॑ति प॒थिभि॑-र्देव॒यानौः । हि॒र॒ण्ययै॒-र्वित॑तै-र॒न्तरि॑क्षे ॥ १६ ॥
ṛ̠ddhyāsma̍ ha̠vyai-rnama̍sōpa̠-sadya̍ । mi̠tra-ndē̠va-mmi̍tra̠dhēya̍nnō astu । a̠nū̠rā̠dhān, ha̠viṣā̍ va̠rdhaya̍ntaḥ । śa̠ta-ñjī̍vēma śa̠rada̠-ssavī̍rāḥ । chi̠traṃ-nakṣa̍tra̠-muda̍gā-tpu̠rastā̎t । a̠nū̠rā̠dhā sa̠ iti̠ yadvada̍nti । tanmi̠tra ē̍ti pa̠thibhi̍-rdēva̠yānai̎ḥ । hi̠ra̠ṇyayai̠-rvita̍tai-ra̠ntari̍kṣē ॥ 16
Will be updated later.

Jayestha Nakshatra/[ज्येष्ठा नक्षत्रं] Presiding Deity: Indra-deva/[इन्द्रः देवता]

इन्दो ज्ये॒ष्ठा मनु॒ नक्ष॑त्रमेति । यस्मि॑न् वृ॒त्रं-वृँ॑त्र॒ तूर्ये॑ त॒तार॑ । तस्मि॑न्व॒य-म॒मृतं॒ दुहा॑नाः । क्षुध॑न्तरेम॒ दुरि॑तिं॒ दुरि॑ष्टिम् । पु॒र॒न्द॒राय॑ वृष॒भाय॑ धृ॒ष्णवे। अषा॑ढाय॒ सह॑मानाय मी॒ढुषे । इन्द्रा॑य ज्ये॒ष्ठा मधु॑म॒द्दुहा॑ना । उ॒रुं कृ॑णोतु॒ यज॑मानाय लो॒कम् ॥ १७ ॥
indrō̎ jyē̠ṣṭhā manu̠ nakṣa̍tramēti । yasmi̍n vṛ̠traṃ vṛ̍tra̠ tūryē̍ ta̠tāra̍ । tasmi̍nva̠ya-ma̠mṛta̠-nduhā̍nāḥ । kṣudha̍ntarēma̠ duri̍ti̠-nduri̍ṣṭim । pu̠ra̠nda̠rāya̍ vṛṣa̠bhāya̍ dhṛ̠ṣṇavē̎ । aṣā̍ḍhāya̠ saha̍mānāya mī̠ḍhuṣē̎ । indrā̍ya jyē̠ṣṭhā madhu̍ma̠dduhā̍nā । u̠ru-ṅkṛ̍ṇōtu̠ yaja̍mānāya lō̠kam ॥ 17
Will be updated later.

Moolam Nakshatra/[मूलं नक्षत्रं] Presiding Deity: Prajapati-deva/[प्रजापतिः देवता]

मूलं॑ प्र॒जां-वीँ॒रव॑तीं-विँदेय । पराच्येतु॒ निर्​ऋ॑तिः परा॒चा । गोभि॒-र्नक्ष॑त्रं प॒शुभि॒-स्सम॑क्तम् । अह॑-र्भूया॒-द्यज॑मानाय॒ मह्यम् । अह॑र्नो अ॒द्य सु॑वि॒ते द॑धातु । मूलं॒ नक्ष॑त्र॒मिति॒ यद्वद॑न्ति । परा॑चीं-वाँ॒चा निर्​ऋ॑तिं नुदामि । शि॒वं प्र॒जायै॑ शि॒वम॑स्तु॒ मह्यम् ॥ १८ ॥
mūla̍-mpra̠jāṃ vī̠rava̍tīṃ vidēya । parā̎chyētu̠ nir-ṛ̍tiḥ parā̠chā । gōbhi̠-rnakṣa̍tra-mpa̠śubhi̠-ssama̍ktam । aha̍-rbhūyā̠-dyaja̍mānāya̠ mahya̎m । aha̍rnō a̠dya su̍vi̠tē da̍dhātu । mūla̠-nnakṣa̍tra̠miti̠ yadvada̍nti । parā̍chīṃ vā̠chā nir-ṛ̍ti-nnudāmi । śi̠va-mpra̠jāyai̍ śi̠vama̍stu̠ mahya̎m ॥ 18
Will be updated later.

Purvashaadhaa Nakshatra/[पूर्वाषाढा नक्षत्रं] Presiding Deity: Aapa-deva/[आपः देवता]

या दि॒व्या आपः॒ पय॑सा सम्बभू॒वुः । या अ॒न्तरि॑क्ष उ॒त पार्थि॑वी॒र्याः । यासा॑मषा॒ढा अ॑नु॒यन्ति॒ कामम् । ता न॒ आपः॒ शग्ग्​ स्यो॒ना भ॑वन्तु । याश्च॒ कूप्या॒ याश्च॑ ना॒द्या-स्समु॒द्रिया । याश्च॑ वैश॒न्तीरु॒त प्रा॑स॒चीर्याः । यासा॑मषा॒ढा मधु॑ भ॒क्षय॑न्ति । ता न॒ आपः॒ शग्ग्​ स्यो॒ना भ॑वन्तु ॥ १९ ॥
yā di̠vyā āpa̠ḥ paya̍sā sambabhū̠vuḥ । yā a̠ntari̍kṣa u̠ta pārthi̍vī̠ryāḥ । yāsā̍maṣā̠ḍhā a̍nu̠yanti̠ kāma̎m । tā na̠ āpa̠-śśagg​ syō̠nā bha̍vantu । yāścha̠ kūpyā̠ yāścha̍ nā̠dyā̎-ssamu̠driyā̎ḥ । yāścha̍ vaiśa̠ntīru̠ta prā̍sa̠chīryāḥ । yāsā̍maṣā̠ḍhā madhu̍ bha̠kṣaya̍nti । tā na̠ āpa̠-śśagg​ syō̠nā bha̍vantu ॥ 19
Will be updated later.

Uttara-Shaadhaa Nakshatra/[ उत्तराषाढा नक्षत्रं] Presiding Deity: Vishwadeva-deva/[विश्वेदेवः देवता]

तन्नो॒ विश्वे॒ उप॑ शृण्वन्तु दे॒वाः । तद॑षा॒ढा अ॒भिसं​यँ॑न्तु य॒ज्ञम् । तन्नक्ष॑त्रं प्रथतां प॒शुभ्यः॑ । कृ॒षि-र्वृ॒ष्टि-र्यज॑मानाय कल्पताम् । शु॒भ्राः क॒न्या॑ युव॒तय॑-स्सु॒पेश॑सः । क॒र्म॒कृत॑-स्सु॒कृतो॑ वी॒र्या॑वतीः । विश्वान् दे॒वान्, ह॒विषा॑ व॒र्धय॑न्तीः । अ॒षा॒ढाः काम॒ मुप॑यान्तु य॒ज्ञम् ॥ २० ॥
tannō̠ viśvē̠ upa̍ śṛṇvantu dē̠vāḥ । tada̍ṣā̠ḍhā a̠bhisaṃya̍ntu ya̠jñam । tannakṣa̍tra-mprathatā-mpa̠śubhya̍ḥ । kṛ̠ṣi-rvṛ̠ṣṭi-ryaja̍mānāya kalpatām । śu̠bhrāḥ ka̠nyā̍ yuva̠taya̍-ssu̠pēśa̍saḥ । ka̠rma̠kṛta̍-ssu̠kṛtō̍ vī̠ryā̍vatīḥ । viśvā̎-ndē̠vān, ha̠viṣā̍ va̠rdhaya̍ntīḥ । a̠ṣā̠ḍhāḥ kāma̠ mupa̍yāntu ya̠jñam ॥ 20
Will be updated later.

Abhijit Nakshatra/[ अभिजित् नक्षत्रं] Presiding Deity: Brahma deva/[ ब्रह्मा देवता]

यस्मि॒न् ब्रह्मा॒भ्यज॑य॒थ् सर्व॑मे॒तत् । अ॒मुञ्च॑ लो॒क मि॒दमू॑च॒ सर्वम् । तन्नो॒ नक्ष॑त्र-मभि॒जि-द्वि॒जित्य॑ । श्रियं॑ दधा॒त्व-हृ॑णीयमानम् । उ॒भौ लो॒कौ ब्रह्म॑णा॒ सञ्जि॑ते॒मौ । तन्नो॒ नक्ष॑त्र-मभि॒जि-द्विच॑ष्टाम् । तस्मि॑न् व॒यं पृत॑ना॒ स्सञ्ज॑येम । तन्नो॑ दे॒वासो॒ अनु॑जानन्तु॒ कामम् ॥ २१ ॥
yasmi̠-nbrahmā̠bhyaja̍ya̠-thsarva̍mē̠tat । a̠muñcha̍ lō̠ka mi̠damū̍cha̠ sarva̎m । tannō̠ nakṣa̍tra-mabhi̠ji-dvi̠jitya̍ । śriya̍-ndadhā̠tva-hṛ̍ṇīyamānam । u̠bhau lō̠kau brahma̍ṇā̠ sañji̍tē̠mau । tannō̠ nakṣa̍tra-mabhi̠ji-dvicha̍ṣṭām । tasmi̍n va̠ya-mpṛta̍nā̠ ssañja̍yēma । tannō̍ dē̠vāsō̠ anu̍jānantu̠ kāma̎m ॥ 21
Will be updated later.

Shravan Nakshatra/[श्रवणं नक्षत्रं] Presiding Deity: Vishnu deva/[विष्णुः देवता]

शृ॒ण्वन्ति॑ श्रो॒णा-म॒मृत॑स्य गो॒पाम् । पुण्या॑मस्या॒ उप॑शृणोमि॒ वाचम् । म॒हीं दे॒वीं-विँष्णु॑पत्नी मजू॒र्याम् । प्र॒तीची॑ मेनाग्ं ह॒विषा॑ यजामः । त्रे॒धा विष्णु॑-रुरुगा॒यो विच॑क्रमे । म॒हीं दिवं॑ पृथि॒वी-म॒न्तरि॑क्षम् । तच्छ्रो॒णैति॒ श्रव॑-इ॒च्छमा॑ना । पुण्य॒ग्ग्॒ श्लोकं॒-यँज॑मानाय कृण्व॒ती ॥ २२ ॥
śṛ̠ṇvanti̍ śrō̠ṇā-ma̠mṛta̍sya gō̠pām । puṇyā̍masyā̠ upa̍śṛṇōmi̠ vācha̎m । ma̠hī-ndē̠vīṃ viṣṇu̍patnī majū̠ryām । pra̠tīchī̍ mēnāgṃ ha̠viṣā̍ yajāmaḥ । trē̠dhā viṣṇu̍-rurugā̠yō vicha̍kramē । ma̠hī-ndiva̍-mpṛthi̠vī-ma̠ntari̍kṣam । tachChrō̠ṇaiti̠ śrava̍-i̠chChamā̍nā । puṇya̠gg̠ ślōka̠ṃ yaja̍mānāya kṛṇva̠tī ॥ 22
Will be updated later.

Sravistaa Nakshatra/[श्रविष्टा नक्षत्रं] Presiding Deity: Vasava-deva/[वसवः देवता]

अ॒ष्टौ दे॒वा वस॑वस्सो॒म्यासः॑ । चत॑स्रो दे॒वी र॒जराः॒ श्रवि॑ष्ठाः । ते य॒ज्ञं पान्तु॒ रज॑सः प॒रस्तात् । सं॒​वँ॒थ्स॒रीण॑-म॒मृतग्ग्॑ स्व॒स्ति । य॒ज्ञं नः॑ पान्तु॒ वस॑वः पु॒रस्तात् । द॒क्षि॒ण॒तो॑-ऽभिय॑न्तु॒ श्रवि॑ष्ठाः । पुण्य॒न्नक्ष॑त्रम॒भि सं​विँ॑शाम । मा नो॒ अरा॑ति-र॒घश॒ग्ं॒ सागन्न्॑ ॥ २३ ॥
a̠ṣṭau dē̠vā vasa̍vassō̠myāsa̍ḥ । chata̍srō dē̠vī ra̠jarā̠-śśravi̍ṣṭhāḥ । tē ya̠jña-mpā̎mtu̠ raja̍saḥ pa̠rastā̎t । sa̠ṃva̠thsa̠rīṇa̍-ma̠mṛtagg̍ sva̠sti । ya̠jña-nna̍ḥ pāntu̠ vasa̍vaḥ pu̠rastā̎t । da̠kṣi̠ṇa̠tō̍-'bhiya̍ntu̠ śravi̍ṣṭhāḥ । puṇya̠nnakṣa̍trama̠bhi saṃvi̍śāma । mā nō̠ arā̍ti-ra̠ghaśa̠gṃ̠ sāgann̍ ॥ 23
Will be updated later.

Shatabhishak Nakshatra/[शतभिषक् नक्षत्रं] Presiding Deity: Varuna-deva/[वरुणः देवता]

क्ष॒त्रस्य॒ राजा॒ वरु॑णोऽधिरा॒जः । नक्ष॑त्राणाग्ं श॒तभि॑ष॒ग् वसि॑ष्ठः । तौ दे॒वेभ्यः॑ कृणुतो दी॒र्घमायः॑ । श॒तग्ं स॒हस्रा॑ भेष॒जानि॑ धत्तः । य॒ज्ञन्नो॒ राजा॒ वरु॑ण॒ उप॑यातु । तन्नो॒ विश्वे॑ अ॒भिसं​यँ॑न्तु दे॒वाः । तन्नो॒ नक्ष॑त्रग्ं श॒तभि॑षग् जुषा॒णम् । दी॒र्घमायुः॒ प्रति॑र-द्भेष॒जानि॑ ॥ २४ ॥
kṣa̠trasya̠ rājā̠ varu̍ṇō-'dhirā̠jaḥ । nakṣa̍trāṇāgṃ śa̠tabhi̍ṣa̠g vasi̍ṣṭhaḥ । tau dē̠vēbhya̍ḥ kṛṇutō dī̠rghamāya̍ḥ । śa̠tagṃ sa̠hasrā̍ bhēṣa̠jāni̍ dhattaḥ । ya̠jñannō̠ rājā̠ varu̍ṇa̠ upa̍yātu । tannō̠ viśvē̍ a̠bhisaṃya̍ntu dē̠vāḥ । tannō̠ nakṣa̍tragṃ śa̠tabhi̍ṣag juṣā̠ṇam । dī̠rghamāyu̠ḥ prati̍ra-dbhēṣa̠jāni̍ ॥ 24
Will be updated later.

Purva-prosthapadaa Nakshatra/[पूर्वप्रोष्ठपदा नक्षत्रं] Presiding Deity: Ajayekapaada-deva/[ अजयेकपादः देवता]

अ॒ज एक॑पा॒- दुद॑गात् पु॒रस्तात् । विश्वा॑ भू॒तानि॑ प्रति॒ मोद॑मानः । तस्य॑ दे॒वाः प्र॑स॒वं-यँ॑न्ति॒ सर्वे । प्रो॒ष्ठ॒प॒दासो॑ अ॒मृत॑स्य गो॒पाः । वि॒भ्राज॑मान-स्समिधा॒न उ॒ग्रः । आऽन्तरि॑क्ष-मरुह॒द-द्ग॒न्द्याम् । तग्ं सूर्यं॑ दे॒व-म॒जमेक॑पादम् । प्रो॒ष्ठ॒प॒दासो॒ अनु॑यन्ति॒ सर्वे ॥ २५ ॥
a̠ja ēka̍pā̠- duda̍gā-tpu̠rastā̎t । viśvā̍ bhū̠tāni̍ prati̠ mōda̍mānaḥ । tasya̍ dē̠vāḥ pra̍sa̠vaṃ ya̍nti̠ sarvē̎ । prō̠ṣṭha̠pa̠dāsō̍ a̠mṛta̍sya gō̠pāḥ । vi̠bhrāja̍māna-ssamidhā̠na u̠graḥ । ā-'ntari̍kṣa-maruha̠da-dga̠ndyām । tagṃ sūrya̍-ndē̠va-ma̠jamēka̍pādam । prō̠ṣṭha̠pa̠dāsō̠ anu̍yanti̠ sarvē̎ ॥ 25
Will be updated later.

Uttara-prosthapadaa Nakshatra/[उत्तरप्रोष्ठपदा नक्षत्रं] Presiding Deity: Ajayekapaada-deva/[अहिर्बुद्ध्नियः देवता]

अहि॑-र्बु॒द्ध्नियः॒ प्रथ॑मान एति । श्रेष्ठो॑ दे॒वाना॑मु॒त मानु॑षाणाम् । तं ब्रा᳚ह्म॒णा-स्सो॑म॒पा-स्सो॒म्यासः॑ । प्रो॒ष्ठ॒प॒दासो॑ अ॒भिर॑क्षन्ति॒ सर्वे । च॒त्वार॒ एक॑म॒भि कर्म॑ दे॒वाः । प्रो॒ष्ठ॒प॒दास॒ इति॒ यान्, वद॑न्ति । ते बु॒द्धनियं॑ परि॒षद्यग्ग्॑ स्तु॒वन्तः॑ । अहिग्ं॑ रक्षन्ति॒ नम॑सोप॒ सद्य॑ ॥ २६ ॥
ahi̍-rbu̠ddhniya̠ḥ pratha̍māna ēti । śrēṣṭhō̍ dē̠vānā̍mu̠ta mānu̍ṣāṇām । ta-mbrā̎hma̠ṇā-ssō̍ma̠pā-ssō̠myāsa̍ḥ । prō̠ṣṭha̠pa̠dāsō̍ a̠bhira̍kṣanti̠ sarvē̎ । cha̠tvāra̠ ēka̍ma̠bhi karma̍ dē̠vāḥ । prō̠ṣṭha̠pa̠dāsa̠ iti̠ yān, vada̍nti । tē bu̠ddhaniya̍-mpari̠ṣadyagg̍ stu̠vanta̍ḥ । ahigṃ̍ rakṣanti̠ nama̍sōpa̠ sadya̍ ॥ 26
Will be updated later.

Revati Nakshatra/[रेवती नक्षत्रं] Presiding Deity: Pushaa-deva/[पूषा देवता]

पू॒षा रे॒वत्यन्वे॑ति॒ पन्थाम् । पु॒ष्टि॒पती॑ पशु॒पा वाज॑बस्त्यौ । इ॒मानि॑ ह॒व्या प्रय॑ता जुषा॒णा । सु॒गैर्नो॒ यानै॒रुप॑यातां-यँ॒ज्ञम् । क्षु॒द्रान् प॒शून् र॑क्षतु रे॒वती॑ नः । गावो॑ नो॒ अश्वा॒ग्ं॒ अन्वे॑तु पू॒षा । अन्न॒ग्ं॒ रक्ष॑न्तौ बहु॒धा विरू॑पम् । वाजग्ं॑ सनुतां॒-यँज॑मानाय य॒ज्ञम् ॥ २७ ॥
pū̠ṣā rē̠vatyanvē̍ti̠ panthā̎m । pu̠ṣṭi̠patī̍ paśu̠pā vāja̍bastyau । i̠māni̍ ha̠vyā praya̍tā juṣā̠ṇā । su̠gairnō̠ yānai̠rupa̍yātāṃ ya̠jñam । kṣu̠drā-npa̠śū-nra̍kṣatu rē̠vatī̍ naḥ । gāvō̍ nō̠ aśvā̠gṃ̠ anvē̍tu pū̠ṣā । anna̠gṃ̠ rakṣa̍ntau bahu̠dhā virū̍pam । vājagṃ̍ sanutā̠ṃ yaja̍mānāya ya̠jñam ॥ 27
Will be updated later.

Ashwini Nakshatra/[अश्विनी नक्षत्रं] Presiding Deity: Ashwini-deva/[अश्विनी देवता]

तद॒श्विना॑-वश्व॒युजो-प॑याताम् । शुभ॒ङ्गमि॑ष्ठौ सु॒यमे॑भि॒रश्वैः । स्वन्नक्ष॑त्रग्ं ह॒विषा॒ यज॑न्तौ । मद्ध्वा॒-सम्पृ॑क्तौ॒ यजु॑षा॒ सम॑क्तौ । यौ दे॒वाना भि॒षजौ॑ हव्यवा॒हौ । विश्व॑स्य दू॒ता-व॒मृत॑स्य गो॒पौ । तौ नक्ष॑त्रं-जुजुषा॒णो-प॑याताम् । नमो॒ऽश्विभ्या कृणुमो-ऽश्व॒ग्युभ्याम् ॥ २८ ॥
tada̠śvinā̍-vaśva̠yujō-pa̍yātām । śubha̠ṅgami̍ṣṭhau su̠yamē̍bhi̠raśvai̎ḥ । svannakṣa̍tragṃ ha̠viṣā̠ yaja̍ntau । maddhvā̠-sampṛ̍ktau̠ yaju̍ṣā̠ sama̍ktau । yau dē̠vānā̎-mbhi̠ṣajau̍ havyavā̠hau । viśva̍sya dū̠tā-va̠mṛta̍sya gō̠pau । tau nakṣa̍traṃ-jujuṣā̠ṇō-pa̍yātām । namō̠-'śvibhyā̎-ṅkṛṇumō-'śva̠gyubhyā̎m ॥ 28
Will be updated later.

Apabharani Nakshatra/[अपभरणी नक्षत्रं] Presiding Deity: Yama-deva/[यमः देवता]

अप॑ पा॒प्मानं॒ भर॑णी-र्भरन्तु । तद्य॒मो राजा॒ भग॑वा॒न्॒, विच॑ष्टाम् । लो॒कस्य॒ राजा॑ मह॒तो म॒हान्, हि । सु॒गन्नः॒ पन्था॒मभ॑यं कृणोतु । यस्मि॒-न्नक्ष॑त्रे य॒म एति॒ राजा । यस्मि॑न्नेन-म॒भ्यषि॑ञ्चन्त दे॒वाः । तद॑स्य चि॒त्रग्ं ह॒विषा॑ यजाम । अप॑ पा॒प्मानं॒ भर॑णी-र्भरन्तु ॥ २९ ॥
apa̍ pā̠pmāna̠-mbhara̍ṇī-rbharantu । tadya̠mō rājā̠ bhaga̍vā̠n̠, vicha̍ṣṭām । lō̠kasya̠ rājā̍ maha̠tō ma̠hān, hi । su̠ganna̠ḥ panthā̠mabha̍ya-ṅkṛṇōtu । yasmi̠-nnakṣa̍trē ya̠ma ēti̠ rājā̎ । yasmi̍nnēna-ma̠bhyaṣi̍ñchanta dē̠vāḥ । tada̍sya chi̠tragṃ ha̠viṣā̍ yajāma । apa̍ pā̠pmāna̠-mbhara̍ṇī-rbharantu ॥ 29
Will be updated later.

Amaavaasi / अमावासि

नि॒वेश॑नी स॒ङ्गम॑नी॒ वसू॑नां॒-विँश्वा॑ रू॒पाणि॒ वसून्या-वे॒शय॑न्ती । स॒ह॒स्र॒-पो॒षग्ं सु॒भगा॒ ररा॑णा॒ सा न॒ आग॒न् वर्च॑सा सं​विँदा॒ना । यत्ते॑ दे॒वा अद॑धु-र्भाग॒धेय॒-ममा॑वास्ये सं॒​वँस॑न्तो महि॒त्वा । सा नो॑ य॒ज्ञं पि॑पृहि विश्ववारे र॒यिन्नो॑ धेहि सुभगे सु॒वीरम् ॥ ३० ॥
ni̠vēśa̍nī sa̠ṅgama̍nī̠ vasū̍nā̠ṃ viśvā̍ rū̠pāṇi̠ vasū̎nyā-vē̠śaya̍ntī । sa̠ha̠sra̠-pō̠ṣagṃ su̠bhagā̠ rarā̍ṇā̠ sā na̠ āga̠n varcha̍sā saṃvidā̠nā । yattē̍ dē̠vā ada̍dhu-rbhāga̠dhēya̠-mamā̍vāsyē sa̠ṃvasa̍ntō mahi̠tvā । sā nō̍ ya̠jña-mpi̍pṛhi viśvavārē ra̠yinnō̍ dhēhi subhagē su̠vīra̎m ॥ 30
Will be updated later.

Nakshatra Suktam Ends

ॐ शान्तिः॒ शान्तिः॒ शान्तिः॑ ॥
ōṃ śānti̠-śśānti̠-śśānti̍ḥ ॥
Let there be Peace, Peace, Peace.

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In