| |
|

This overlay will guide you through the buttons:

Shloka 1
ॐ स॒ह ना॑ववतु । स॒ह नौ॑ भुनक्तु । स॒ह वी॒र्यं॑ करवावहै । ते॒ज॒स्विना॒वधी॑तमस्तु॒ मा वि॑द्विषा॒वहै᳚ ॥ ॐ शान्तिः॒ शान्तिः॒ शान्तिः॑ ॥
oṃ sa̱ha nā̍vavatu . sa̱ha nau̍ bhunaktu . sa̱ha vī̱rya̍ṃ karavāvahai . te̱ja̱svinā̱vadhī̍tamastu̱ mā vi̍dviṣā̱vahai̎ .. oṃ śānti̱ḥ śānti̱ḥ śānti̍ḥ ..
Shloka 2
ओम् ॥ स॒ह॒स्र॒शीर्॑​षं दे॒वं॒ वि॒श्वाक्षं॑-विँ॒श्वश॑म्भुवम् । विश्वं॑ ना॒राय॑णं दे॒व॒म॒क्षरं॑ पर॒मं पदम् ।
om .. sa̱ha̱sra̱śīr̍​ṣaṃ de̱va̱ṃ vi̱śvākṣa̍ṃ-vi̱m̐śvaśa̍mbhuvam . viśva̍ṃ nā̱rāya̍ṇaṃ de̱va̱ma̱kṣara̍ṃ para̱maṃ padam .
Shloka 3
वि॒श्वतः॒ पर॑मान्नि॒त्यं॒-विँ॒श्वं ना॑राय॒णग्ं ह॑रिम् । विश्व॑मे॒वेदं पुरु॑ष॒-स्तद्विश्व-मुप॑जीवति ।
vi̱śvata̱ḥ para̍mānni̱tya̱ṃ-vi̱m̐śvaṃ nā̍rāya̱ṇagṃ ha̍rim . viśva̍me̱vedaṃ puru̍ṣa̱-stadviśva-mupa̍jīvati .
Shloka 4
पतिं॒-विँश्व॑स्या॒त्मेश्व॑र॒ग्ं॒ शाश्व॑तग्ं शि॒व-म॑च्युतम् । ना॒राय॒णं म॑हाज्ञे॒यं॒-विँ॒श्वात्मा॑नं प॒राय॑णम् ।
pati̱ṃ-vim̐śva̍syā̱tmeśva̍ra̱g̱ṃ śāśva̍tagṃ śi̱va-ma̍cyutam . nā̱rāya̱ṇaṃ ma̍hājñe̱ya̱ṃ-vi̱m̐śvātmā̍naṃ pa̱rāya̍ṇam .
Shloka 5
ना॒राय॒णप॑रो ज्यो॒ति॒रा॒त्मा ना॑राय॒णः प॑रः । ना॒राय॒णपरं॑ ब्र॒ह्म॒ तत्त्वं ना॑राय॒णः प॑रः ।
nā̱rāya̱ṇapa̍ro jyo̱ti̱rā̱tmā nā̍rāya̱ṇaḥ pa̍raḥ . nā̱rāya̱ṇapara̍ṃ bra̱hma̱ tattvaṃ nā̍rāya̱ṇaḥ pa̍raḥ .
Shloka 6
ना॒राय॒णप॑रो ध्या॒ता॒ ध्या॒नं ना॑राय॒णः प॑रः । यच्च॑ कि॒ञ्चिज्जगत्स॒र्वं॒ दृ॒श्यते᳚ श्रूय॒तेऽपि॑ वा ॥
nā̱rāya̱ṇapa̍ro dhyā̱tā̱ dhyā̱naṃ nā̍rāya̱ṇaḥ pa̍raḥ . yacca̍ ki̱ñcijjagatsa̱rva̱ṃ dṛ̱śyate̎ śrūya̱te'pi̍ vā ..
Shloka 7
अन्त॑र्ब॒हिश्च॑ तत्स॒र्वं॒-व्याँ॒प्य ना॑राय॒णः स्थि॑तः । अनन्त॒मव्ययं॑ क॒विग्ं स॑मु॒द्रेंऽतं॑-विँ॒श्वश॑म्भुवम् ।
anta̍rba̱hiśca̍ tatsa̱rva̱ṃ-vyā̱m̐pya nā̍rāya̱ṇaḥ sthi̍taḥ . ananta̱mavyaya̍ṃ ka̱vigṃ sa̍mu̱dreṃ'ta̍ṃ-vi̱m̐śvaśa̍mbhuvam .
Shloka 8
प॒द्म॒को॒श-प्र॑तीका॒श॒ग्ं॒ हृ॒दयं॑ चाप्य॒धोमु॑खम् । अधो॑ नि॒ष्ट्या वि॑तस्या॒न्ते॒ ना॒भ्यामु॑परि॒ तिष्ठ॑ति ।
pa̱dma̱ko̱śa-pra̍tīkā̱śa̱g̱ṃ hṛ̱daya̍ṃ cāpya̱dhomu̍kham . adho̍ ni̱ṣṭyā vi̍tasyā̱nte̱ nā̱bhyāmu̍pari̱ tiṣṭha̍ti .
Shloka 9
ज्वा॒ल॒मा॒लाकु॑लं भा॒ती॒ वि॒श्वस्या॑यत॒नं म॑हत् । सन्त॑तग्ं शि॒लाभि॑स्तु॒ लम्ब॑त्याकोश॒सन्नि॑भम् ।
jvā̱la̱mā̱lāku̍laṃ bhā̱tī̱ vi̱śvasyā̍yata̱naṃ ma̍hat . santa̍tagṃ śi̱lābhi̍stu̱ lamba̍tyākośa̱sanni̍bham .
Shloka 10
तस्यान्ते॑ सुषि॒रग्ं सू॒क्ष्मं तस्मिन्᳚ स॒र्वं प्रति॑ष्ठितम् । तस्य॒ मध्ये॑ म॒हान॑ग्नि-र्वि॒श्वार्चि॑-र्वि॒श्वतो॑मुखः ।
tasyānte̍ suṣi̱ragṃ sū̱kṣmaṃ tasmin̎ sa̱rvaṃ prati̍ṣṭhitam . tasya̱ madhye̍ ma̱hāna̍gni-rvi̱śvārci̍-rvi̱śvato̍mukhaḥ .
Shloka 11
सोऽग्र॑भु॒ग्विभ॑जन्ति॒ष्ठ॒-न्नाहा॑रमज॒रः क॒विः । ति॒र्य॒गू॒र्ध्वम॑धश्शा॒यी॒ र॒श्मय॑स्तस्य॒ सन्त॑ता ।
so'gra̍bhu̱gvibha̍janti̱ṣṭha̱-nnāhā̍ramaja̱raḥ ka̱viḥ . ti̱rya̱gū̱rdhvama̍dhaśśā̱yī̱ ra̱śmaya̍stasya̱ santa̍tā .
Shloka 12
स॒न्ता॒पय॑ति स्वं दे॒हमापा॑दतल॒मस्त॑कः । तस्य॒ मध्ये॒ वह्नि॑शिखा अ॒णीयो᳚र्ध्वा व्य॒वस्थि॑तः ।
sa̱ntā̱paya̍ti svaṃ de̱hamāpā̍datala̱masta̍kaḥ . tasya̱ madhye̱ vahni̍śikhā a̱ṇīyo̎rdhvā vya̱vasthi̍taḥ .
Shloka 13
नी॒लतो॑-यद॑मध्य॒स्था॒-द्वि॒ध्युल्ले॑खेव॒ भास्व॑रा । नी॒वार॒शूक॑वत्त॒न्वी॒ पी॒ता भा᳚स्वत्य॒णूप॑मा ।
nī̱lato̍-yada̍madhya̱sthā̱-dvi̱dhyulle̍kheva̱ bhāsva̍rā . nī̱vāra̱śūka̍vatta̱nvī̱ pī̱tā bhā̎svatya̱ṇūpa̍mā .
Shloka 14
तस्याः᳚ शिखा॒या म॑ध्ये प॒रमा᳚त्मा व्य॒वस्थि॑तः । स ब्रह्म॒ स शिवः॒ स हरिः॒ सेन्द्रः॒ सोऽक्ष॑रः पर॒मः स्व॒राट् ॥
tasyā̎ḥ śikhā̱yā ma̍dhye pa̱ramā̎tmā vya̱vasthi̍taḥ . sa brahma̱ sa śiva̱ḥ sa hari̱ḥ sendra̱ḥ so'kṣa̍raḥ para̱maḥ sva̱rāṭ ..
Shloka 15
ऋतग्ं स॒त्यं प॑रं ब्र॒ह्म॒ पु॒रुषं॑ कृष्ण॒पिङ्ग॑लम् । ऊ॒र्ध्वरे॑तं-विँ॑रूपा॒क्षं॒-विँ॒श्वरू॑पाय॒ वै नमो॒ नमः॑ ॥
ṛtagṃ sa̱tyaṃ pa̍raṃ bra̱hma̱ pu̱ruṣa̍ṃ kṛṣṇa̱piṅga̍lam . ū̱rdhvare̍taṃ-vi̍m̐rūpā̱kṣa̱ṃ-vi̱m̐śvarū̍pāya̱ vai namo̱ nama̍ḥ ..
Shloka 16
ॐ ना॒रा॒य॒णाय॑ वि॒द्महे॑ वासुदे॒वाय॑ धीमहि । तन्नो॑ विष्णुः प्रचो॒दया᳚त् ॥
oṃ nā̱rā̱ya̱ṇāya̍ vi̱dmahe̍ vāsude̱vāya̍ dhīmahi . tanno̍ viṣṇuḥ praco̱dayā̎t ..
Shloka 17
ॐ शान्तिः॒ शान्तिः॒ शान्तिः॑ ॥
oṃ śānti̱ḥ śānti̱ḥ śānti̍ḥ ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In