Gyaandweep | Kavacham , Navagraha Kavacham

शिरो मे पातु मार्ताण्डो कपालं रोहिणीपतिः । मुखमङ्गारकः पातु कण्ठश्च शशिनन्दनः ॥ 1 ॥

siro me patu martanḍo kapalam rohinipatih । mukhamangarakah patu kanthascha sasinandanah ॥ 1 ॥

बुद्धिं जीवः सदा पातु हृदयं भृगुनन्दनः । जठरं च शनिः पातु जिह्वां मे दितिनन्दनः ॥ 2 ॥

buddhim jivah sada patu hrdayam bhrgunandanah । jatharam cha sanih patu jihvam me ditinandanah ॥ 2 ॥

पादौ केतुः सदा पातु वाराः सर्वाङ्गमेव च । तिथयोऽष्टौ दिशः पान्तु नक्षत्राणि वपुः सदा ॥ 3 ॥

padau ketuh sada patu varah sarvangameva cha । tithayo'stau disah pantu naksatrani vapuh sada ॥ 3 ॥

अंसौ राशिः सदा पातु योगाश्च स्थैर्यमेव च । गुह्यं लिङ्गं सदा पान्तु सर्वे ग्रहाः शुभप्रदाः ॥ 4 ॥

amsau rasih sada patu yogascha sthairyameva cha । guhyam lingam sada pantu sarve grahah subhapradah ॥ 4 ॥

अणिमादीनि सर्वाणि लभते यः पठेद् धृवम् । एतां रक्षां पठेद् यस्तु भक्त्या स प्रयतः सुधीः ॥ 5 ॥

animadini sarvani labhate yah pathed dhrvam । etam raksam pathed yastu bhaktya sa prayatah sudhih ॥ 5 ॥

स चिरायुः सुखी पुत्री रणे च विजयी भवेत् । अपुत्रो लभते पुत्रं धनार्थी धनमाप्नुयात् ॥ 6 ॥

sa chirayuh sukhi putri rane cha vijayi bhavet । aputro labhate putram dhanarthi dhanamapnuyat ॥ 6 ॥

दारार्थी लभते भार्यां सुरूपां सुमनोहराम् । रोगी रोगात्प्रमुच्येत बद्धो मुच्येत बन्धनात् ॥ 7 ॥

dararthi labhate bharyam surupam sumanoharam । rogi rogatpramuchyeta baddho muchyeta bandhanat ॥ 7 ॥

जले स्थले चान्तरिक्षे कारागारे विशेषतः । यः करे धारयेन्नित्यं भयं तस्य न विद्यते ॥ 8 ॥

jale sthale chantarikse karagare visesatah । yah kare dharayennityam bhayam tasya na vidyate ॥ 8 ॥

ब्रह्महत्या सुरापानं स्तेयं गुर्वङ्गनागमः । सर्वपापैः प्रमुच्येत कवचस्य च धारणात् ॥ 9 ॥

brahmahatya surapanam steyam gurvanganagamah । sarvapapaih pramuchyeta kavachasya cha dharanat ॥ 9 ॥

नारी वामभुजे धृत्वा सुखैश्वर्यसमन्विता । काकवन्ध्या जन्मवन्ध्या मृतवत्सा च या भवेत् । बह्वपत्या जीववत्सा कवचस्य प्रसादतः ॥ 10 ॥

nari vamabhuje dhrtva sukhaisvaryasamanvita । kakavandhya janmavandhya mrtavatsa cha ya bhavet । bahvapatya jivavatsa kavachasya prasadatah ॥ 10 ॥

इति ग्रहयामले उत्तरखण्डे नवग्रह कवचं समाप्तम् ।

iti grahayamale uttarakhanḍe navagraha kavacham samaptam ।

Languages