| |
|

This overlay will guide you through the buttons:

Shloka 1
।। सुब्रह्मण्य उवाच ।।
अथ मध्याह्नसमये स्नात्वा नियतमानसः ॥ गन्धपुष्पाक्षतादीनि पूजाद्रव्याण्युपाहरेत॥१॥
atha madhyāhnasamaye snātvā niyatamānasaḥ .. gandhapuṣpākṣatādīni pūjādravyāṇyupāhareta..1..
Shloka 2
नैर्ऋत्ये पूजयेद्देवं विघ्रेशं देवपूजितम्॥गणानां त्वेति मन्त्रेणावाहयेत्सुविधानतः ॥ २॥
nairṛtye pūjayeddevaṃ vighreśaṃ devapūjitam..gaṇānāṃ tveti mantreṇāvāhayetsuvidhānataḥ .. 2..
Shloka 3
रक्तवर्णं महाकायं सर्व्वाभरणभूषितम्॥पाशांकुशाक्षाभीष्टञ्च दधानं करपंकजैः ॥ ३ ॥
raktavarṇaṃ mahākāyaṃ sarvvābharaṇabhūṣitam..pāśāṃkuśākṣābhīṣṭañca dadhānaṃ karapaṃkajaiḥ .. 3 ..
Shloka 4
एवमावाह्य सन्ध्याय शंभुपुत्रं गजाननम्॥अभ्यर्च्य पायसापूपनालिकेरगुडादिभिः ॥ ४॥
evamāvāhya sandhyāya śaṃbhuputraṃ gajānanam..abhyarcya pāyasāpūpanālikeraguḍādibhiḥ .. 4..
Shloka 5
नैवेद्यमुत्तमं दद्यात्ताम्बूलादिमथापरम्॥परितोष्य नमस्कृत्य निर्विघ्नम्प्रार्थयेत्ततः ॥ ५ ॥
naivedyamuttamaṃ dadyāttāmbūlādimathāparam..paritoṣya namaskṛtya nirvighnamprārthayettataḥ .. 5 ..
Shloka 6
औपासनाग्नौ कर्त्तव्यं स्वगृह्योक्तविधानतः ॥ आज्यभागान्तमाग्नेयं मखतन्त्रमतः परम् ॥ ६ ॥
aupāsanāgnau karttavyaṃ svagṛhyoktavidhānataḥ .. ājyabhāgāntamāgneyaṃ makhatantramataḥ param .. 6 ..
Shloka 7
भूः स्वाहेति त्र्यृचा पूर्णाहुतिं हुत्वा समाप्य च॥गायत्रीं प्रजपेद्यावदपराह्णमतंद्रितः ॥ ७॥
bhūḥ svāheti tryṛcā pūrṇāhutiṃ hutvā samāpya ca..gāyatrīṃ prajapedyāvadaparāhṇamataṃdritaḥ .. 7..
Shloka 8
अथ सायन्तनीं सन्ध्यामुपास्य स्नानपूर्वकम् ॥ ।सायमौपासनं हुत्वा मौनी विज्ञापयेद्गुरुम् ॥ ६ ॥
atha sāyantanīṃ sandhyāmupāsya snānapūrvakam .. .sāyamaupāsanaṃ hutvā maunī vijñāpayedgurum .. 6 ..
Shloka 9
श्रपयित्वा चरुन्तस्मिन्समिदन्नाज्यभेदतः ॥ जुहुयाद्रौद्रसूक्तेन सद्योजातादि पञ्चभिः ॥ ९ ॥
śrapayitvā caruntasminsamidannājyabhedataḥ .. juhuyādraudrasūktena sadyojātādi pañcabhiḥ .. 9 ..
Shloka 10
ब्रह्मभिश्च महादेवं सांबं वह्नौ विभावयेत् ॥ गौरीर्मिमाय मन्त्रेण हुत्वा गौरीमनुस्मरन् ॥ 6.13.१०॥
brahmabhiśca mahādevaṃ sāṃbaṃ vahnau vibhāvayet .. gaurīrmimāya mantreṇa hutvā gaurīmanusmaran .. 6.13.10..
Shloka 11
ततोऽग्नये स्विष्टकृते स्वाहेति जुहुयात्सकृत्॥हुत्वोपरिष्टात्तन्त्रन्तु ततोऽग्नेरुत्तरे बुधः ॥ ११॥
tato'gnaye sviṣṭakṛte svāheti juhuyātsakṛt..hutvopariṣṭāttantrantu tato'gneruttare budhaḥ .. 11..
Shloka 12
स्थित्वासने जपेन्मौनी चैलाजिनकुशोत्तरे ॥ आब्राह्मं च मुहूर्ते तु गायत्री दृढमानसः ॥ १२ ॥
sthitvāsane japenmaunī cailājinakuśottare .. ābrāhmaṃ ca muhūrte tu gāyatrī dṛḍhamānasaḥ .. 12 ..
Shloka 13
ततः स्नात्वा त्वशक्तश्चेद्भस्मना वा विधानतः ॥ श्रपयित्वा चरुं तस्मिन्नग्नावे वाभिधारितम् ॥ १३ ॥
tataḥ snātvā tvaśaktaścedbhasmanā vā vidhānataḥ .. śrapayitvā caruṃ tasminnagnāve vābhidhāritam .. 13 ..
Shloka 14
उदगुद्वास्य बर्हिष्यासाद्याज्येन चरुं ततः ॥ अभिघार्य्य व्याहृतीश्च रौद्रसूक्तञ्च पञ्च च ॥ १४ ॥
udagudvāsya barhiṣyāsādyājyena caruṃ tataḥ .. abhighāryya vyāhṛtīśca raudrasūktañca pañca ca .. 14 ..
Shloka 15
जपेद्ब्रह्माणि सन्धार्य्य चित्तं शिवपदांबुजे ॥ प्रजापतिमथेन्द्रञ्च विश्वेदेवास्ततः परम् ॥ १५।
japedbrahmāṇi sandhāryya cittaṃ śivapadāṃbuje .. prajāpatimathendrañca viśvedevāstataḥ param .. 15.
Shloka 16
ब्रह्माणं सचतुर्थ्यन्तं स्वाहांतान्प्रणवा दिकान् ॥ संजप्य वाचयित्वाऽथ पुण्याहं च ततः परम् ॥ १६ ॥
brahmāṇaṃ sacaturthyantaṃ svāhāṃtānpraṇavā dikān .. saṃjapya vācayitvā'tha puṇyāhaṃ ca tataḥ param .. 16 ..
Shloka 17
परस्तात्तंत्रमग्नये स्वाहेत्यग्निमुखावधि ॥ निर्वर्त्य पश्चात्प्राणाय स्वाहेत्यारभ्य पञ्चभिः ॥ १७॥
parastāttaṃtramagnaye svāhetyagnimukhāvadhi .. nirvartya paścātprāṇāya svāhetyārabhya pañcabhiḥ .. 17..
Shloka 18
साज्येन चरुणा पश्चादग्निं स्विष्टकृतं हुनेत् ॥ पुनश्च प्रजपेत्सूक्तं रौद्रं ब्रह्माणि पञ्च च ॥ १८॥
sājyena caruṇā paścādagniṃ sviṣṭakṛtaṃ hunet .. punaśca prajapetsūktaṃ raudraṃ brahmāṇi pañca ca .. 18..
Shloka 19
महेशादिचतुर्व्यूहमन्त्रांश्च प्रजपेत्पुनः ॥ हुत्वोपरिष्टात्तन्त्रन्तु स्वशाखोक्तेन वर्त्मना ॥ १९॥
maheśādicaturvyūhamantrāṃśca prajapetpunaḥ .. hutvopariṣṭāttantrantu svaśākhoktena vartmanā .. 19..
Shloka 20
तत्तद्देवान्समुद्दिश्य सांगं कुर्य्याद्विचक्षणः॥एवमग्निमुखाद्यं यत्कर्मतन्त्रम्प्रवर्त्तितम् ॥ 6.13.२०॥
tattaddevānsamuddiśya sāṃgaṃ kuryyādvicakṣaṇaḥ..evamagnimukhādyaṃ yatkarmatantrampravarttitam .. 6.13.20..
Shloka 21
अतः परं प्रजुहुयाद्विरजाहोममात्मनः ॥ षड्विंशतत्त्वरूपेस्मिन्देहे लीनस्य शुद्धये ॥ २१॥
ataḥ paraṃ prajuhuyādvirajāhomamātmanaḥ .. ṣaḍviṃśatattvarūpesmindehe līnasya śuddhaye .. 21..
Shloka 22
तत्त्वान्येतानि मद्देहे शुध्यन्तामित्यनुस्मरन् ॥ तत्रात्मतत्त्वशुद्ध्यर्थं मन्त्रैरारुणकेतुकैः ॥ २२॥
tattvānyetāni maddehe śudhyantāmityanusmaran .. tatrātmatattvaśuddhyarthaṃ mantrairāruṇaketukaiḥ .. 22..
Shloka 23
पठ्यमानैः पृथिव्यादिपुरुषांतं क्रमान्मुने ॥ साज्येन चरुणा मौनी शिवपादाम्बुजं स्मरन् ॥ २३॥
paṭhyamānaiḥ pṛthivyādipuruṣāṃtaṃ kramānmune .. sājyena caruṇā maunī śivapādāmbujaṃ smaran .. 23..
Shloka 24
पृथिव्यादि च शब्दादि वागाद्यं पञ्चकं पुनः ॥ श्रोत्राद्यञ्च शिरः पार्श्वपृष्ठोदरचतुष्टयम् ॥ २४॥
pṛthivyādi ca śabdādi vāgādyaṃ pañcakaṃ punaḥ .. śrotrādyañca śiraḥ pārśvapṛṣṭhodaracatuṣṭayam .. 24..
Shloka 25
जंघां च योजयेत्पश्चात्त्वगाद्यं धातुसप्तकम् ॥ प्राणाद्यं पञ्चकं पश्चादन्नाद्यं कोशपञ्चकम्॥२५॥।
jaṃghāṃ ca yojayetpaścāttvagādyaṃ dhātusaptakam .. prāṇādyaṃ pañcakaṃ paścādannādyaṃ kośapañcakam..25...
Shloka 26
मनाश्चित्तं च बुद्धिश्चाहंकृतिः ख्यातिरेव च ॥ संकल्पन्तु गुणाः पश्चात्प्रकृतिः पुरुषस्ततः ॥ २६॥
manāścittaṃ ca buddhiścāhaṃkṛtiḥ khyātireva ca .. saṃkalpantu guṇāḥ paścātprakṛtiḥ puruṣastataḥ .. 26..
Shloka 27
पुरुषस्य तु भोक्तृत्वं प्रतिपन्नस्य भोजने ॥ अन्तरंगतया तत्त्वपंचकं परिकीर्तितम् ॥ २७ ॥
puruṣasya tu bhoktṛtvaṃ pratipannasya bhojane .. antaraṃgatayā tattvapaṃcakaṃ parikīrtitam .. 27 ..
Shloka 28
नियतिः कालरागश्च विद्या च तदनन्तरम् ॥ कला च पंचकमिदं मयोत्पन्नम्मुनीश्वर ॥ २८॥
niyatiḥ kālarāgaśca vidyā ca tadanantaram .. kalā ca paṃcakamidaṃ mayotpannammunīśvara .. 28..
Shloka 29
मायान्तु प्रकृतिं विद्यादिति माया श्रुतीरिता ॥ तज्जान्येतानि तत्त्वानि श्रुत्युक्तानि न संशयः ॥ २९॥।
māyāntu prakṛtiṃ vidyāditi māyā śrutīritā .. tajjānyetāni tattvāni śrutyuktāni na saṃśayaḥ .. 29...
Shloka 30
कालस्वभावो नियतिरिति च श्रुतितब्रवीत् ॥ एतत्पञ्चकमेवास्य पञ्चकञ्चक्रमुच्यते ॥ 6.13.३० ॥
kālasvabhāvo niyatiriti ca śrutitabravīt .. etatpañcakamevāsya pañcakañcakramucyate .. 6.13.30 ..
Shloka 31
अजानन्पञ्चतत्त्वानि विद्वानपि च। मूढधीः ॥ निपत्याधस्तात्प्रकृतेरुपरिष्टात्पुमानयम् ॥ ३१ ॥
ajānanpañcatattvāni vidvānapi ca. mūḍhadhīḥ .. nipatyādhastātprakṛterupariṣṭātpumānayam .. 31 ..
Shloka 32
काकाक्षिन्यायमाश्रित्य वर्त्तते पार्श्वतोन्वहम् ॥ विद्यातत्त्वमिदं प्रोक्तं शुद्धविद्यामहेश्वरौ ॥ ३२ ॥
kākākṣinyāyamāśritya varttate pārśvatonvaham .. vidyātattvamidaṃ proktaṃ śuddhavidyāmaheśvarau .. 32 ..
Shloka 33
सदाशिवश्च शक्तिश्च शिवश्चेदं तु पञ्चकम् ॥ शिव तत्त्वमिदम्ब्रह्मन्प्रज्ञानब्रह्मवाग्यतः ॥ ३३॥।
sadāśivaśca śaktiśca śivaścedaṃ tu pañcakam .. śiva tattvamidambrahmanprajñānabrahmavāgyataḥ .. 33...
Shloka 34
पृथिव्यादिशिवांतं यत्तत्त्वजातं मुनीश्वर ॥ स्वकारणलयद्वारा शुद्धिरस्य विधीयताम् ॥ ३४ ॥
pṛthivyādiśivāṃtaṃ yattattvajātaṃ munīśvara .. svakāraṇalayadvārā śuddhirasya vidhīyatām .. 34 ..
Shloka 35
एकादशानां मन्त्राणाम्परस्मैपद पूर्वकम् ॥ शिवज्योतिश्चतुर्थ्यन्तमिदम्पदमथोच्चरेत् ॥ ३५ ॥
ekādaśānāṃ mantrāṇāmparasmaipada pūrvakam .. śivajyotiścaturthyantamidampadamathoccaret .. 35 ..
Shloka 36
न ममेति वदेत्पश्चादुद्देशत्याग ईरितः ॥ अतः परं विविद्यैति कपोतकायेति मन्त्रयोः ॥ ३६ ॥
na mameti vadetpaścāduddeśatyāga īritaḥ .. ataḥ paraṃ vividyaiti kapotakāyeti mantrayoḥ .. 36 ..
Shloka 37
व्यापकाय पदस्यान्ते परमात्मन इत्यपि ॥ शिवज्योतिश्चतुर्थ्यन्तं विश्वभूतपदम्पुनः ॥ ३७॥
vyāpakāya padasyānte paramātmana ityapi .. śivajyotiścaturthyantaṃ viśvabhūtapadampunaḥ .. 37..
Shloka 38
घसनोत्सुकशब्दञ्च चतुर्थ्यंतमथो वदेत् ॥ परस्मैपदमुच्चार्य्य देवाय पदमुच्चरेत्॥३८॥
ghasanotsukaśabdañca caturthyaṃtamatho vadet .. parasmaipadamuccāryya devāya padamuccaret..38..
Shloka 39
उत्तिष्ठस्वेति मन्त्रस्य विश्वरूपाय शब्दतः ॥ पुरुषाय पदम्ब्रूयादोस्वाहेत्यस्य संवदेत् ॥ ३९॥
uttiṣṭhasveti mantrasya viśvarūpāya śabdataḥ .. puruṣāya padambrūyādosvāhetyasya saṃvadet .. 39..
Shloka 40
लोकत्रयपदस्यान्ते व्यापिने परमात्मने॥शिवायेदं न मम च पदम्ब्रूयादतः परम् ॥ 6.13.४०॥।
lokatrayapadasyānte vyāpine paramātmane..śivāyedaṃ na mama ca padambrūyādataḥ param .. 6.13.40...
Shloka 41
स्व शाखोक्तप्रकारेण पुरस्तात्तन्त्रकर्म्म च ॥ निर्वर्त्य सर्पिषा मिश्रं चरुम्प्राश्य पुरोधसे ॥ ४१ ॥
sva śākhoktaprakāreṇa purastāttantrakarmma ca .. nirvartya sarpiṣā miśraṃ carumprāśya purodhase .. 41 ..
Shloka 42
प्रदद्याद्दक्षिणान्तस्मै हेमादिपरिबृंहिताम् ॥ ब्रह्माणमुद्वास्य ततः प्रातरौपासनं हुनेत् ॥ ४२ ॥
pradadyāddakṣiṇāntasmai hemādiparibṛṃhitām .. brahmāṇamudvāsya tataḥ prātaraupāsanaṃ hunet .. 42 ..
Shloka 43
सं मां सिञ्चन्तु मरुत इति मन्त्रञ्जपेन्नरः ॥ याते अग्न इत्यनेन मन्त्रेणाग्नौ प्रताप्य च ॥ ४३ ॥
saṃ māṃ siñcantu maruta iti mantrañjapennaraḥ .. yāte agna ityanena mantreṇāgnau pratāpya ca .. 43 ..
Shloka 44
हस्तमग्नौ समारोप्य स्वात्मन्यद्वैतधामनि ॥ प्राभातिकीं ततः सन्ध्यामुपास्यादित्यमप्यथ ॥ ४४ ॥
hastamagnau samāropya svātmanyadvaitadhāmani .. prābhātikīṃ tataḥ sandhyāmupāsyādityamapyatha .. 44 ..
Shloka 45
उपस्थाय प्रविश्याप्सु नाभिदघ्नं प्रवेशयन् ॥ तन्मन्त्रान्प्रजपेत्प्रीत्या निश्चलात्मा समुत्सुकः ॥ ४५॥
upasthāya praviśyāpsu nābhidaghnaṃ praveśayan .. tanmantrānprajapetprītyā niścalātmā samutsukaḥ .. 45..
Shloka 46
आहिताग्निस्तु यः कुर्य्यात्प्राजापत्येष्टिमाहिते ॥ श्रौते वैश्वानरे सम्यक्सर्ववेदसदक्षिणाम् ॥ ४६॥
āhitāgnistu yaḥ kuryyātprājāpatyeṣṭimāhite .. śraute vaiśvānare samyaksarvavedasadakṣiṇām .. 46..
Shloka 47
अथाग्निमात्मन्यारोप्य ब्राह्मणः प्रव्रजेद्गृहात्॥सावित्रीप्रथमं पादं सावित्रीमित्युदीर्य च॥४७॥
athāgnimātmanyāropya brāhmaṇaḥ pravrajedgṛhāt..sāvitrīprathamaṃ pādaṃ sāvitrīmityudīrya ca..47..
Shloka 48
प्रवेशयामि शब्दान्ते भूरोमिति च संवदेत् ॥ द्वितीयम्पादमुच्चार्य्य सावित्रीमिति पूर्व्ववत् ॥ ४८ ॥
praveśayāmi śabdānte bhūromiti ca saṃvadet .. dvitīyampādamuccāryya sāvitrīmiti pūrvvavat .. 48 ..
Shloka 49
प्रवेशयामि शब्दान्ते भुवरोमिति संवदेत्॥तृतीयम्पादमुच्चार्य्य सावित्रीमित्यतः परम् ॥ ४९॥
praveśayāmi śabdānte bhuvaromiti saṃvadet..tṛtīyampādamuccāryya sāvitrīmityataḥ param .. 49..
Shloka 50
प्रवेशयामि शब्दान्ते सुवरोमित्युदीरयेत्॥त्रिपादमुच्चरेत्पूर्वं सावित्रीमित्यतः परम् ॥ 6.13.५०॥
praveśayāmi śabdānte suvaromityudīrayet..tripādamuccaretpūrvaṃ sāvitrīmityataḥ param .. 6.13.50..
Shloka 51
प्रवेशयामि शब्दान्ते भूर्भुवस्सुवरोमिति ॥ उदीरयेत्परम्प्रीत्या निश्चलात्मा मुनीश्वर ॥ ५१॥
praveśayāmi śabdānte bhūrbhuvassuvaromiti .. udīrayetparamprītyā niścalātmā munīśvara .. 51..
Shloka 52
इयम्भगवती साक्षाच्छंकरार्द्धशरीरिणी ॥ पंचवक्त्रा दशभुजा विपञ्चनयनोज्ज्वला ॥ ५२॥
iyambhagavatī sākṣācchaṃkarārddhaśarīriṇī .. paṃcavaktrā daśabhujā vipañcanayanojjvalā .. 52..
Shloka 53
नवरत्नकिरीटोद्यच्चन्द्र लेखावतंसिनी ॥ शुद्धस्फटिकसंकाशा दयायुधधरा शुभा ॥ ५३॥
navaratnakirīṭodyaccandra lekhāvataṃsinī .. śuddhasphaṭikasaṃkāśā dayāyudhadharā śubhā .. 53..
Shloka 54
हारकेयूरकटककिंकिणीनूपुरादिभिः ॥ भूषितावयवा दिव्यवसना रत्नभूषणा ॥ ५४ ॥
hārakeyūrakaṭakakiṃkiṇīnūpurādibhiḥ .. bhūṣitāvayavā divyavasanā ratnabhūṣaṇā .. 54 ..
Shloka 55
विष्णुना विधिना देवऋषिगंधर्व्वनायकैः ॥ मानवैश्च सदा सेव्या सर्व्वात्मव्यापिनी शिवा ॥ ५५ ॥
viṣṇunā vidhinā devaṛṣigaṃdharvvanāyakaiḥ .. mānavaiśca sadā sevyā sarvvātmavyāpinī śivā .. 55 ..
Shloka 56
सदाशिवस्य देवस्य धर्मपत्नी मनोहरा ॥ जगदम्बा त्रिजननी त्रिगुणा निर्गुणाप्यजा ॥ ५६ ॥
sadāśivasya devasya dharmapatnī manoharā .. jagadambā trijananī triguṇā nirguṇāpyajā .. 56 ..
Shloka 57
इत्येवं संविचार्य्याथ गायत्रीं प्रजपेत्सुधीः ॥ आदिदेवीं च त्रिपदां ब्राह्मणत्वादिदामजाम् ॥ ५७॥
ityevaṃ saṃvicāryyātha gāyatrīṃ prajapetsudhīḥ .. ādidevīṃ ca tripadāṃ brāhmaṇatvādidāmajām .. 57..
Shloka 58
यो ह्यन्यथा जपेत्पापो गायत्री शिवरूपिणीम्॥स पच्यते महाघोरे नरके कल्पसंख्यया ॥ ५८ ॥
yo hyanyathā japetpāpo gāyatrī śivarūpiṇīm..sa pacyate mahāghore narake kalpasaṃkhyayā .. 58 ..
Shloka 59
सा व्याहृतिभ्यः संजाता तास्वेव विलयं गता॥ताश्च प्रणवसम्भूताः प्रणवे विलयं गता ॥ ५९॥
sā vyāhṛtibhyaḥ saṃjātā tāsveva vilayaṃ gatā..tāśca praṇavasambhūtāḥ praṇave vilayaṃ gatā .. 59..
Shloka 60
प्रणवस्सर्ववेदादिः प्रणवः शिववाचकः ॥ मन्त्राधिराजराजश्च महाबीजं मनुः परः ॥ 6.13.६० ॥
praṇavassarvavedādiḥ praṇavaḥ śivavācakaḥ .. mantrādhirājarājaśca mahābījaṃ manuḥ paraḥ .. 6.13.60 ..
Shloka 61
शिवो वा प्रणवो ह्येष प्रणवो वा शिवः स्मृतः ॥ वाच्यवाचकयोर्भेदो नात्यन्तं विद्यते यतः ॥ ६१ ॥
śivo vā praṇavo hyeṣa praṇavo vā śivaḥ smṛtaḥ .. vācyavācakayorbhedo nātyantaṃ vidyate yataḥ .. 61 ..
Shloka 62
एनमेव महामन्त्रञ्जीवानाञ्च तनुत्यजाम् ॥ काश्यां संश्राव्य मरणे दत्ते मुक्तिं परां शिवः ॥ ६२ ॥
enameva mahāmantrañjīvānāñca tanutyajām .. kāśyāṃ saṃśrāvya maraṇe datte muktiṃ parāṃ śivaḥ .. 62 ..
Shloka 63
तस्मादेकाक्षरन्देवं शिवं परमकारणम् ॥ उपासते यतिश्रेष्ठा हृदयाम्भोजमध्यगम् ॥ ६३ ॥
tasmādekākṣarandevaṃ śivaṃ paramakāraṇam .. upāsate yatiśreṣṭhā hṛdayāmbhojamadhyagam .. 63 ..
Shloka 64
मुमुक्षवोऽपरे धीरा विरक्ता लौकिका नराः॥विषयान्मनसा ज्ञात्वोपासते परमं शिवम् ॥ ६४॥
mumukṣavo'pare dhīrā viraktā laukikā narāḥ..viṣayānmanasā jñātvopāsate paramaṃ śivam .. 64..
Shloka 65
एवं विलाप्य गायत्रीं प्रणवे शिववाचके ॥ अहं वृक्षस्य रेरिवेत्यनुवाकं जपेत्पुनः ॥ ६५ ॥
evaṃ vilāpya gāyatrīṃ praṇave śivavācake .. ahaṃ vṛkṣasya rerivetyanuvākaṃ japetpunaḥ .. 65 ..
Shloka 66
यश्छन्दसामृषभ इत्यनुवाकमुपक्रमात् ॥ गोपायांतं जपन्पश्चादुत्थितोहमितीरयेत् ॥ ६६॥
yaśchandasāmṛṣabha ityanuvākamupakramāt .. gopāyāṃtaṃ japanpaścādutthitohamitīrayet .. 66..
Shloka 67
वदेज्जयेत्त्रिधा मन्दमध्योच्छ्रायक्रमान्मुने॥प्रणवम्पूर्व्वमुद्धत्य सृष्टिस्थितिलयक्रमात्॥६७॥
vadejjayettridhā mandamadhyocchrāyakramānmune..praṇavampūrvvamuddhatya sṛṣṭisthitilayakramāt..67..
Shloka 68
तेषामथ क्रमाद्भूयाद्भूस्संन्यस्तम्भुवस्तथा ॥ संन्यस्तं सुवरित्युक्त्वा संन्यस्तं पदमुच्चरम् ॥ ६८॥
teṣāmatha kramādbhūyādbhūssaṃnyastambhuvastathā .. saṃnyastaṃ suvarityuktvā saṃnyastaṃ padamuccaram .. 68..
Shloka 69
सर्वमंत्राद्यः प्रदेशे मयेति च पदं वदेत् ॥ प्रणवं पूर्वमुद्धृत्य समष्टिं व्याहृतीर्वदेत् ॥ ६९॥
sarvamaṃtrādyaḥ pradeśe mayeti ca padaṃ vadet .. praṇavaṃ pūrvamuddhṛtya samaṣṭiṃ vyāhṛtīrvadet .. 69..
Shloka 70
समस्तमित्यतो ब्रूयान्मयेति च समब्रवीत् ॥ सदाशिवं हृदि ध्यात्वा मंदादीति ततो मुने॥6.13.७०॥
samastamityato brūyānmayeti ca samabravīt .. sadāśivaṃ hṛdi dhyātvā maṃdādīti tato mune..6.13.70..
Shloka 71
प्रैषमंत्रांस्तु जप्त्वैवं सावधानेन चेतसा ॥ अभयं सर्वभूतेभ्यो मत्तः स्वाहेति संजपन् ॥ ७१ ॥
praiṣamaṃtrāṃstu japtvaivaṃ sāvadhānena cetasā .. abhayaṃ sarvabhūtebhyo mattaḥ svāheti saṃjapan .. 71 ..
Shloka 72
प्राच्यां दिश्यप उद्धृत्य प्रक्षिपेदजलिं ततः ॥ शिखां यज्ञोपवीतं च यत्रोत्पाट्य च पाणिना ॥ ७२॥
prācyāṃ diśyapa uddhṛtya prakṣipedajaliṃ tataḥ .. śikhāṃ yajñopavītaṃ ca yatrotpāṭya ca pāṇinā .. 72..
Shloka 73
गृहीत्वा प्रणवं भूश्च समुद्रं गच्छ सम्वदेत् ॥ वह्निजायां समुच्चार्य्य सोदकाञ्जलिना ततः ॥ ७३ ॥
gṛhītvā praṇavaṃ bhūśca samudraṃ gaccha samvadet .. vahnijāyāṃ samuccāryya sodakāñjalinā tataḥ .. 73 ..
Shloka 74
अप्सु हूयादथ प्रेषैरभिमंत्र्य त्रिधा त्वपः ।प्राश्य तीरे समागत्य भूमौ वस्त्रादिकं त्यजेत् ॥ ७४ ॥
apsu hūyādatha preṣairabhimaṃtrya tridhā tvapaḥ .prāśya tīre samāgatya bhūmau vastrādikaṃ tyajet .. 74 ..
Shloka 75
उदङ्मुखः प्राङ्मुखो वा गच्छेस्सप्तपदाधिकम् ॥ किञ्चिद्दूरमथाचार्यस्तिष्ठ तिष्ठेति संवदेत् ॥ ७५॥
udaṅmukhaḥ prāṅmukho vā gacchessaptapadādhikam .. kiñciddūramathācāryastiṣṭha tiṣṭheti saṃvadet .. 75..
Shloka 76
लोकस्य व्यवहारार्थं कौपीनं दण्डमेव च ॥ भगवन्स्वीकुरुष्वेति दद्यात्स्वेनैव पाणिना ॥ ७६ ॥
lokasya vyavahārārthaṃ kaupīnaṃ daṇḍameva ca .. bhagavansvīkuruṣveti dadyātsvenaiva pāṇinā .. 76 ..
Shloka 77
दत्त्वा सुदोरं कौपीनं काषायवसनं ततः ॥ आच्छाद्याचम्य च द्वेधा त शिष्यमिति संवदेत्॥ ७७ ॥
dattvā sudoraṃ kaupīnaṃ kāṣāyavasanaṃ tataḥ .. ācchādyācamya ca dvedhā ta śiṣyamiti saṃvadet.. 77 ..
Shloka 78
इन्द्रस्य वज्रोऽसि तत इति मन्त्रमुदाहरेत् ॥ सम्प्रार्थ्य दण्डं गृह्णीयात्सखाय इति संजपन् ॥ ७८ ॥
indrasya vajro'si tata iti mantramudāharet .. samprārthya daṇḍaṃ gṛhṇīyātsakhāya iti saṃjapan .. 78 ..
Shloka 79
अथ गत्वा गुरोः पार्श्वं शिवपादांबुजं स्मरन् ॥ प्रणमेद्दण्डवद्भूमौ त्रिवारं संयतात्मवान् ॥ ७९ ॥
atha gatvā guroḥ pārśvaṃ śivapādāṃbujaṃ smaran .. praṇameddaṇḍavadbhūmau trivāraṃ saṃyatātmavān .. 79 ..
Shloka 80
पुनरुत्थाय च शनैः प्रेम्णा पश्यन्गुरुं निजम् ॥ कृताञ्जलिपुटस्तिष्ठेद्गुरुपाद समीपतः ॥ 6.13.८० ॥
punarutthāya ca śanaiḥ premṇā paśyanguruṃ nijam .. kṛtāñjalipuṭastiṣṭhedgurupāda samīpataḥ .. 6.13.80 ..
Shloka 81
कर्म्मारम्भात्पूर्वमेव गृहीत्वा गोमयं शुभम् ॥ स्थूलामलकमात्रेण कृत्वा पिण्डान्विशोषयेत॥८१॥
karmmārambhātpūrvameva gṛhītvā gomayaṃ śubham .. sthūlāmalakamātreṇa kṛtvā piṇḍānviśoṣayeta..81..
Shloka 82
सौरैस्तु किरणैरेव होमारम्भाग्निमध्यगान्॥निक्षिप्य होमसम्पूर्त्तौ भस्म संगृह्य गोपयेत् ॥ ८२॥
sauraistu kiraṇaireva homārambhāgnimadhyagān..nikṣipya homasampūrttau bhasma saṃgṛhya gopayet .. 82..
Shloka 83
ततो गुरुस्समादाय विरजानलजं सितम् ॥ भस्म तेनैव तं शिष्यमग्निरित्यादिभिः क्रमात् ॥ ८३॥
tato gurussamādāya virajānalajaṃ sitam .. bhasma tenaiva taṃ śiṣyamagnirityādibhiḥ kramāt .. 83..
Shloka 84
मंत्रैरंगानि संस्पृश्य मूर्द्धादिचरणान्ततः ॥ ईशानाद्यैः पञ्चमंत्रै शिर आरभ्य सर्वतः ॥ ८४ ॥
maṃtrairaṃgāni saṃspṛśya mūrddhādicaraṇāntataḥ .. īśānādyaiḥ pañcamaṃtrai śira ārabhya sarvataḥ .. 84 ..
Shloka 85
समुद्धृत्य विधानेन त्रिपुण्ड्रं धारयेत्ततः॥त्रियायुषैस्त्र्यम्बकैश्च मूर्ध्न आरभ्य च क्रमात्॥८५॥
samuddhṛtya vidhānena tripuṇḍraṃ dhārayettataḥ..triyāyuṣaistryambakaiśca mūrdhna ārabhya ca kramāt..85..
Shloka 86
ततस्सद्भक्तियुक्तेन चेतसा शिष्यसत्तमः॥हृत्पंकजे समासीनं ध्यायेच्छिवमुमासखम्॥८६॥
tatassadbhaktiyuktena cetasā śiṣyasattamaḥ..hṛtpaṃkaje samāsīnaṃ dhyāyecchivamumāsakham..86..
Shloka 87
हस्तं निधाय शिरसि शिष्यस्य स गुरुर्वदेत् ॥ त्रिवारं प्रणवं दक्षकर्णे ऋष्यादिसंयुतम् ॥ ८७॥
hastaṃ nidhāya śirasi śiṣyasya sa gururvadet .. trivāraṃ praṇavaṃ dakṣakarṇe ṛṣyādisaṃyutam .. 87..
Shloka 88
ततः कृत्वा च करुणां प्रणवस्यार्थ मादिशेत् ॥ षड्विधार्त्थपरि ज्ञानसहितं गुरुसत्तमः॥८८॥
tataḥ kṛtvā ca karuṇāṃ praṇavasyārtha mādiśet .. ṣaḍvidhārtthapari jñānasahitaṃ gurusattamaḥ..88..
Shloka 89
द्विषट्प्रकारं स गुरुं प्रणमेद्भुवि दण्डवत्॥तदधीनो भवेन्नित्यं नान्यत्कर्म्म समाचरेत् ॥ ८९॥
dviṣaṭprakāraṃ sa guruṃ praṇamedbhuvi daṇḍavat..tadadhīno bhavennityaṃ nānyatkarmma samācaret .. 89..
Shloka 90
तदाज्ञया ततः शिष्यो वेदान्तार्थानुसारतः ॥ शिवज्ञानपरो भूयात्सगुणागुणभेदतः ॥ 6.13.९०॥
tadājñayā tataḥ śiṣyo vedāntārthānusārataḥ .. śivajñānaparo bhūyātsaguṇāguṇabhedataḥ .. 6.13.90..
Shloka 91
ततस्तेनैव शिष्येण श्रवणाद्यंगपूर्व्वकम् ॥ प्रभातिकाद्यनुष्ठानं जपान्ते कारयेद्गुरुः ॥ ९१ ॥
tatastenaiva śiṣyeṇa śravaṇādyaṃgapūrvvakam .. prabhātikādyanuṣṭhānaṃ japānte kārayedguruḥ .. 91 ..
Shloka 92
पूजां च मण्डले तस्मिन्कैलासप्रस्तराह्वये ॥ शिवोदितेन मार्गेण शिष्यस्तत्रैव पूजयेत् ॥ ९२॥
pūjāṃ ca maṇḍale tasminkailāsaprastarāhvaye .. śivoditena mārgeṇa śiṣyastatraiva pūjayet .. 92..
Shloka 93
देवन्नित्यमशक्तश्चेत्पूजितुं गुरुणा शुभम् ॥ स्फाटिकं पीठिकोपेतं गृह्णीयाल्लिंगमैश्वरम् ॥ ९३॥
devannityamaśaktaścetpūjituṃ guruṇā śubham .. sphāṭikaṃ pīṭhikopetaṃ gṛhṇīyālliṃgamaiśvaram .. 93..
Shloka 94
वरं प्राणपरित्यागश्छेदनं शिरसोऽपि मे ॥ न त्वनभ्यर्च्य भुञ्जीयां भगवन्तं त्रिलोचनम् ॥ ९४ ॥
varaṃ prāṇaparityāgaśchedanaṃ śiraso'pi me .. na tvanabhyarcya bhuñjīyāṃ bhagavantaṃ trilocanam .. 94 ..
Shloka 95
एवन्त्रिवारमुच्चार्य्य शपथं गुरुसन्निधौ ।कुर्य्याद्दृढमनाश्शिष्यः शिवभक्तिसमुद्वहन्॥९५॥
evantrivāramuccāryya śapathaṃ gurusannidhau .kuryyāddṛḍhamanāśśiṣyaḥ śivabhaktisamudvahan..95..
Shloka 96
तत एव महादेवं नित्यमुद्युक्तमानसः॥पूजयेत्परया भक्त्या पञ्चावरणमार्गतः ॥ ९६॥
tata eva mahādevaṃ nityamudyuktamānasaḥ..pūjayetparayā bhaktyā pañcāvaraṇamārgataḥ .. 96..
Shloka 97
इति श्रीशिवमहापुराणे षष्ठ्यां कैलाससंहितायां त्रयोदशोऽध्यायः ॥ १३ ॥
iti śrīśivamahāpurāṇe ṣaṣṭhyāṃ kailāsasaṃhitāyāṃ trayodaśo'dhyāyaḥ .. 13 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In