| |
|

This overlay will guide you through the buttons:

Shloka 1
वामदेव उवाच ।।
नियत्यधस्तात्प्रकृतेरुपरिस्थः पुमानिति ॥ पूर्वत्र भवता प्रोक्तमिदानीं कथमन्यथा॥१॥
niyatyadhastātprakṛteruparisthaḥ pumāniti .. pūrvatra bhavatā proktamidānīṃ kathamanyathā..1..
Shloka 2
मायया संकुचद्रूपस्तदधस्तादिति प्रभो ॥ इति मे संशयं नाथ छेत्तुमर्हसि तत्त्वतः ॥ २ ॥
māyayā saṃkucadrūpastadadhastāditi prabho .. iti me saṃśayaṃ nātha chettumarhasi tattvataḥ .. 2 ..
Shloka 3
श्रीसुबह्मण्य उवाच ।।
अद्वैतशैववादोऽयं द्वैतन्न सहते क्वचित् ॥ द्वैतं च नश्वरं ब्रह्माद्वैतम्परमनश्वरम् ॥ ३ ॥
advaitaśaivavādo'yaṃ dvaitanna sahate kvacit .. dvaitaṃ ca naśvaraṃ brahmādvaitamparamanaśvaram .. 3 ..
Shloka 4
सर्वज्ञस्सर्वकर्ता च शिवस्सर्वेश्वरोऽगुणः ॥ त्रिदेवजनको ब्रह्मा सच्चिदानन्दविग्रहः ॥ ४ ॥
sarvajñassarvakartā ca śivassarveśvaro'guṇaḥ .. tridevajanako brahmā saccidānandavigrahaḥ .. 4 ..
Shloka 5
स एव शंकरो देवस्स्वेच्छया च स्वमायया ॥ संकुचद्रूप इव सन्पुरुषस्संबभूव ह ॥ ५॥
sa eva śaṃkaro devassvecchayā ca svamāyayā .. saṃkucadrūpa iva sanpuruṣassaṃbabhūva ha .. 5..
Shloka 6
कलादि पञ्चकेनैव भोक्तृत्वेन प्रकल्पितः ॥ प्रकृतिस्थः पुमानेष भुङ्क्ते प्रकृतिजान्गुणान् ॥ ६ ॥
kalādi pañcakenaiva bhoktṛtvena prakalpitaḥ .. prakṛtisthaḥ pumāneṣa bhuṅkte prakṛtijānguṇān .. 6 ..
Shloka 7
इति स्थानद्वयान्तस्थः पुरुषो न विरोधकः ॥ संकुचन्निजरूपाणां ज्ञानादीनां समष्टिमान् ॥ ७ ॥
iti sthānadvayāntasthaḥ puruṣo na virodhakaḥ .. saṃkucannijarūpāṇāṃ jñānādīnāṃ samaṣṭimān .. 7 ..
Shloka 8
सत्त्वादिगुणसाध्यं च बुध्यादित्रितयात्मकम्॥चित्तम्प्रकृतितत्त्वं तदासीत्सत्त्वादिकारणात् ॥ ८ ॥
sattvādiguṇasādhyaṃ ca budhyāditritayātmakam..cittamprakṛtitattvaṃ tadāsītsattvādikāraṇāt .. 8 ..
Shloka 9
सात्त्विकादिविभेदेन गुणाः प्रकृतिसम्भवाः ॥ गुणेभ्यो बुद्धिरुत्पन्ना वस्तुनिश्चयकारिणी ॥ ९ ॥
sāttvikādivibhedena guṇāḥ prakṛtisambhavāḥ .. guṇebhyo buddhirutpannā vastuniścayakāriṇī .. 9 ..
Shloka 10
ततो महानहङ्कारस्ततो बुद्धीन्द्रियाणि च ॥ जातानि मनसो रूपं स्यात्संकल्पविकल्पकम् ॥ 6.17.१० ॥
tato mahānahaṅkārastato buddhīndriyāṇi ca .. jātāni manaso rūpaṃ syātsaṃkalpavikalpakam .. 6.17.10 ..
Shloka 11
बुद्धीन्द्रियाणि श्रोत्रं त्वक् चक्षुर्जिह्वा च नासिका ॥ शब्दः स्पर्शश्च रूपं च रसो गन्धश्च गोचरः ॥ ११ ॥
buddhīndriyāṇi śrotraṃ tvak cakṣurjihvā ca nāsikā .. śabdaḥ sparśaśca rūpaṃ ca raso gandhaśca gocaraḥ .. 11 ..
Shloka 12
बुद्धीन्द्रियाणां कथितः श्रोत्रादिक्रमतस्ततः ॥ वैकारिकादहंकारात्तन्मात्राण्यभवन्क्रमात् ॥ १२॥
buddhīndriyāṇāṃ kathitaḥ śrotrādikramatastataḥ .. vaikārikādahaṃkārāttanmātrāṇyabhavankramāt .. 12..
Shloka 13
तानि प्रोक्तानि सूक्ष्माणि मुनिभि स्तत्त्वदर्शिभिः ॥ कर्मेन्द्रियाणि ज्ञेयानि स्वकार्य्यसहितानि च ॥ १३॥
tāni proktāni sūkṣmāṇi munibhi stattvadarśibhiḥ .. karmendriyāṇi jñeyāni svakāryyasahitāni ca .. 13..
Shloka 14
विप्रर्षे वाक्करौ पादौ पायूपस्थौ च तत्क्रियाः ॥ वचनादानगमनविसर्ग्गानन्दसंज्ञिताः॥१४॥
viprarṣe vākkarau pādau pāyūpasthau ca tatkriyāḥ .. vacanādānagamanavisarggānandasaṃjñitāḥ..14..
Shloka 15
भूतादिकादहंकारात्तन्मात्राण्यभवन्क्रमात्॥तानि सूक्ष्माणि रूपाणी शब्दादीनामिति स्थितिः॥ ॥ १५ ॥
bhūtādikādahaṃkārāttanmātrāṇyabhavankramāt..tāni sūkṣmāṇi rūpāṇī śabdādīnāmiti sthitiḥ.. .. 15 ..
Shloka 16
तेभ्यश्चाकाशवाय्वग्निजलभूमिजनिः क्रमात् ॥ विज्ञेया मुनिशार्दूल पञ्चभूतमितीष्यते ॥ १६॥
tebhyaścākāśavāyvagnijalabhūmijaniḥ kramāt .. vijñeyā muniśārdūla pañcabhūtamitīṣyate .. 16..
Shloka 17
अवकाशप्रदानं च वाहकत्वञ्च पावनम् ॥ संरम्भो धारणन्तेषां व्यापाराः परिकीर्तिताः ॥ १७ ॥
avakāśapradānaṃ ca vāhakatvañca pāvanam .. saṃrambho dhāraṇanteṣāṃ vyāpārāḥ parikīrtitāḥ .. 17 ..
Shloka 18
वामदेव उवाच ।।
भूतसृष्टिः पुरा प्रोक्ता कलादिभ्यः कथम्पुनः ॥ अन्यथा प्रोच्यते स्कन्द संदेहोऽत्र महान्मम ॥ १८ ॥
bhūtasṛṣṭiḥ purā proktā kalādibhyaḥ kathampunaḥ .. anyathā procyate skanda saṃdeho'tra mahānmama .. 18 ..
Shloka 19
आत्मतत्त्वमकारस्स्याद्विद्या स्यादुस्ततः परम् ॥ शिवतत्त्वम्मकारस्स्याद्वामदेवेति चिंत्यताम् ॥ १९॥
ātmatattvamakārassyādvidyā syādustataḥ param .. śivatattvammakārassyādvāmadeveti ciṃtyatām .. 19..
Shloka 20
बिन्दुनादौ तु विज्ञेयौ सर्वतत्त्वार्थकावुभौ॥तत्रत्या देवतायाश्च ता मुने शृणु साम्प्रतम्॥6.17.२०॥
bindunādau tu vijñeyau sarvatattvārthakāvubhau..tatratyā devatāyāśca tā mune śṛṇu sāmpratam..6.17.20..
Shloka 21
ब्रह्मा विष्णुश्च रुद्रश्च महेश्वरसदाशिवौ ॥ ते हि साक्षाच्छिवस्यैव मूर्तयः श्रुतिविश्रुताः ॥ २१॥
brahmā viṣṇuśca rudraśca maheśvarasadāśivau .. te hi sākṣācchivasyaiva mūrtayaḥ śrutiviśrutāḥ .. 21..
Shloka 22
इत्युक्तम्भवता पूर्वमिदानीमुच्यतेऽन्यथा ॥ तन्मात्रेभ्यो भवन्तीति सन्देहोऽत्र महान्मम ॥ २२॥
ityuktambhavatā pūrvamidānīmucyate'nyathā .. tanmātrebhyo bhavantīti sandeho'tra mahānmama .. 22..
Shloka 23
कृत्वा तत्करुणां स्कन्द संशयं छेत्तुमर्हसि ॥ इत्याकर्ण्य मुनेर्वाक्यं कुमारः प्रत्यभाषत ॥ २३॥
kṛtvā tatkaruṇāṃ skanda saṃśayaṃ chettumarhasi .. ityākarṇya munervākyaṃ kumāraḥ pratyabhāṣata .. 23..
Shloka 24
श्रीसुब्रह्मण्य उवाच ।।
तस्माद्वेति समारभ्य भूतसृष्टिक्रमे मुने ॥ ताञ्छृणुष्व महाप्राज्ञ सावधानतया द रात् ॥ २४॥
tasmādveti samārabhya bhūtasṛṣṭikrame mune .. tāñchṛṇuṣva mahāprājña sāvadhānatayā da rāt .. 24..
Shloka 25
जातानि पञ्च भूतानि कलाभ्य इति निश्चितम्॥स्थूलप्रपञ्चरूपाणि तानि भूतपतेर्वपुः ॥ २५॥
jātāni pañca bhūtāni kalābhya iti niścitam..sthūlaprapañcarūpāṇi tāni bhūtapatervapuḥ .. 25..
Shloka 26
शिवतत्त्वादि पृथ्व्यन्तं तत्त्वानामुदयक्रमे॥तन्मात्रेभ्यो भवन्तीति वक्तव्यानि क्रमान्मुने॥२६॥
śivatattvādi pṛthvyantaṃ tattvānāmudayakrame..tanmātrebhyo bhavantīti vaktavyāni kramānmune..26..
Shloka 27
तन्मात्राणां कलानामप्यैक्यं स्याद्भूतकारणम्॥अविरुद्धत्व मेवात्र विद्धि ब्रह्माविदांवर ॥ २७ ॥
tanmātrāṇāṃ kalānāmapyaikyaṃ syādbhūtakāraṇam..aviruddhatva mevātra viddhi brahmāvidāṃvara .. 27 ..
Shloka 28
स्थूलसूक्ष्मात्मके विश्वे चन्द्रसूर्य्यादयो ग्रहाः ॥ सनक्षत्राश्च संजातास्तथान्ये ज्योतिषां गणाः ॥ २८॥
sthūlasūkṣmātmake viśve candrasūryyādayo grahāḥ .. sanakṣatrāśca saṃjātāstathānye jyotiṣāṃ gaṇāḥ .. 28..
Shloka 29
ब्रह्मविष्णुमहेशादिदेवता भूतजातयः ॥ इन्द्रादयोऽपि दिक्पाला देवाश्च पितरोऽसुराः ॥ २९॥
brahmaviṣṇumaheśādidevatā bhūtajātayaḥ .. indrādayo'pi dikpālā devāśca pitaro'surāḥ .. 29..
Shloka 30
राक्षसा मानुषाश्चान्ये जंगमत्वविभागिनः ॥ पशवः पक्षिणः कीटाः पन्नगादि प्रभेदिनः ॥ 6.17.३० ॥
rākṣasā mānuṣāścānye jaṃgamatvavibhāginaḥ .. paśavaḥ pakṣiṇaḥ kīṭāḥ pannagādi prabhedinaḥ .. 6.17.30 ..
Shloka 31
तरुगुल्मलतौषध्यः पर्वताश्चाष्ट विश्रुताः ॥ गंगाद्यास्सरितस्सप्त सागराश्च महर्द्धयः ॥ ३१ ॥
tarugulmalatauṣadhyaḥ parvatāścāṣṭa viśrutāḥ .. gaṃgādyāssaritassapta sāgarāśca maharddhayaḥ .. 31 ..
Shloka 32
यत्किंचिद्वस्तुजातन्तत्सर्वमत्र प्रतिष्ठितम् ॥ विचारणीयं सद्बुध्या न बहिर्मुनिसत्तम ॥ ३२॥
yatkiṃcidvastujātantatsarvamatra pratiṣṭhitam .. vicāraṇīyaṃ sadbudhyā na bahirmunisattama .. 32..
Shloka 33
स्त्रीपुंरूपमिदं विश्वं शिवशक्त्यात्मकं बुधैः ॥ भवादृशैरुपास्यं स्याच्छिवज्ञानविशारदैः ॥ ३३ ॥
strīpuṃrūpamidaṃ viśvaṃ śivaśaktyātmakaṃ budhaiḥ .. bhavādṛśairupāsyaṃ syācchivajñānaviśāradaiḥ .. 33 ..
Shloka 34
सर्वं ब्रह्मेत्युपासीत सर्वं वै रुद्र इत्यपि॥श्रुतिराह मुने तस्मात्प्रपञ्चात्मा सदाशिवः ॥ ३४॥
sarvaṃ brahmetyupāsīta sarvaṃ vai rudra ityapi..śrutirāha mune tasmātprapañcātmā sadāśivaḥ .. 34..
Shloka 35
अष्टत्रिंशत्कलान्याससामर्थ्याद्वैतभावना॥सदाशिवोऽहमेवेति भावि तात्मा गुरुः शिवः॥३५॥
aṣṭatriṃśatkalānyāsasāmarthyādvaitabhāvanā..sadāśivo'hameveti bhāvi tātmā guruḥ śivaḥ..35..
Shloka 36
एवं विचारी सच्छिष्यो गुरुस्स्यात्स शिवस्स्वयम्॥प्रपञ्चदेवतायंत्रमंत्रात्मा न हि संशयः ॥ ३६ ॥
evaṃ vicārī sacchiṣyo gurussyātsa śivassvayam..prapañcadevatāyaṃtramaṃtrātmā na hi saṃśayaḥ .. 36 ..
Shloka 37
आचार्य्य रूपया विप्र संछिन्नाखिलबन्धनः ॥ शिशुः शिवपदासक्तो गुर्वात्मा भवति धुवम् ॥ ३७ ॥
ācāryya rūpayā vipra saṃchinnākhilabandhanaḥ .. śiśuḥ śivapadāsakto gurvātmā bhavati dhuvam .. 37 ..
Shloka 38
यदस्ति वस्तु तत्सर्वं गुण प्राधान्ययोगतः ॥ समस्तं व्यस्तमपि च प्रणवार्थम्प्रचक्षते ॥ ३८ ॥
yadasti vastu tatsarvaṃ guṇa prādhānyayogataḥ .. samastaṃ vyastamapi ca praṇavārthampracakṣate .. 38 ..
Shloka 39
रागादिदोषरहितं वेदसारः शिवो दिशः॥तुभ्यम्मे कथितम्प्रीत्याऽद्वैतज्ञानं शिवप्रियम् ॥ ३९ ॥
rāgādidoṣarahitaṃ vedasāraḥ śivo diśaḥ..tubhyamme kathitamprītyā'dvaitajñānaṃ śivapriyam .. 39 ..
Shloka 40
यो ह्यन्यथैतन्मनुते मद्वचो मदगर्वितः ॥ देवो वा मानवस्सिद्धो गन्धर्वो मनुजोऽपि वा ॥ 6.17.४० ॥
yo hyanyathaitanmanute madvaco madagarvitaḥ .. devo vā mānavassiddho gandharvo manujo'pi vā .. 6.17.40 ..
Shloka 41
दुरात्मनस्तस्य शिरश्छिंद्यां समतयाद्ध्रुवम् ॥ सच्छक्त्या रिपुकालाग्निकल्पया न हि संशयः ॥ ४१ ॥
durātmanastasya śiraśchiṃdyāṃ samatayāddhruvam .. sacchaktyā ripukālāgnikalpayā na hi saṃśayaḥ .. 41 ..
Shloka 42
भवानेव मुने साक्षाच्छिवाद्वैतविदांवरः॥शिवज्ञानोपदेशे हि शिवाचारप्रदर्शकः ॥ ४२॥
bhavāneva mune sākṣācchivādvaitavidāṃvaraḥ..śivajñānopadeśe hi śivācārapradarśakaḥ .. 42..
Shloka 43
यद्देहभस्मसम्पर्कात्संछिन्नाघव्रजोऽशुचिः॥महापिशाचः सम्प्राप्य त्वत्कृपातस्सतां गतिम्॥४३॥
yaddehabhasmasamparkātsaṃchinnāghavrajo'śuciḥ..mahāpiśācaḥ samprāpya tvatkṛpātassatāṃ gatim..43..
Shloka 44
शिवयोगीति संख्यातत्रिलोक विभवो भवान्॥भवत्कटाक्षसम्पर्कात्पशु पशुपतिर्भवेत्॥४४॥
śivayogīti saṃkhyātatriloka vibhavo bhavān..bhavatkaṭākṣasamparkātpaśu paśupatirbhavet..44..
Shloka 45
तव तस्य मयि प्रेक्षा लोकाशिक्षार्थमादरात् ॥ लोकोपकारकरणे विचरन्तीह साधवः ॥ ४५ ॥
tava tasya mayi prekṣā lokāśikṣārthamādarāt .. lokopakārakaraṇe vicarantīha sādhavaḥ .. 45 ..
Shloka 46
इदं रहस्यम्परमं प्रतिष्ठितमतस्त्वयि ॥ त्वमपि श्रद्धया भक्त्या प्रणवेष्वेव सादरम् ॥ ४६ ॥
idaṃ rahasyamparamaṃ pratiṣṭhitamatastvayi .. tvamapi śraddhayā bhaktyā praṇaveṣveva sādaram .. 46 ..
Shloka 47
उपविश्य च तान्सर्वान्संयोज्य परमेश्वरे ॥ शिवाचारं ग्राहयस्व भूतिरुद्राक्षमिश्रितम् ॥ ४७ ॥
upaviśya ca tānsarvānsaṃyojya parameśvare .. śivācāraṃ grāhayasva bhūtirudrākṣamiśritam .. 47 ..
Shloka 48
त्वं शिवो हि शिवाचारी सम्प्राप्ताद्वैतभावतः ॥ विचरँलोकरक्षायै सुखमक्षयमाप्नुहि ॥ ४८ ॥
tvaṃ śivo hi śivācārī samprāptādvaitabhāvataḥ .. vicaram̐lokarakṣāyai sukhamakṣayamāpnuhi .. 48 ..
Shloka 49
।। सूत उवाच ।।
श्रुत्वेदमद्भुतमतं हि षडाननोक्तं वेदान्तनिष्ठितमृषिस्तु विनम्रमूर्त्तिः ॥ भूत्वा प्रणम्य बहुशो भुवि दण्डवत्तत्पादारविन्दविहरन्मधुपत्वमाप ॥ ४९ ॥
śrutvedamadbhutamataṃ hi ṣaḍānanoktaṃ vedāntaniṣṭhitamṛṣistu vinamramūrttiḥ .. bhūtvā praṇamya bahuśo bhuvi daṇḍavattatpādāravindaviharanmadhupatvamāpa .. 49 ..
Shloka 50
इति श्रीशिवमहापुराणे षष्ठ्यां कैलाससंहितायां शिवाद्वैतज्ञानकथनादि सृष्टिकथनं नाम सप्तदशोऽध्यायः ॥ १७॥
iti śrīśivamahāpurāṇe ṣaṣṭhyāṃ kailāsasaṃhitāyāṃ śivādvaitajñānakathanādi sṛṣṭikathanaṃ nāma saptadaśo'dhyāyaḥ .. 17..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In