| |
|

This overlay will guide you through the buttons:

Shloka 1
सुब्रह्मण्य उवाच ।।
क्षौरस्नानविधिं वक्ष्ये वामदेव महामुने ॥ यस्य सद्यो विधानेन शुद्धिस्स्याद्यतिनः परा ॥ १ ॥
kṣaurasnānavidhiṃ vakṣye vāmadeva mahāmune .. yasya sadyo vidhānena śuddhissyādyatinaḥ parā .. 1 ..
Shloka 2
योगपट्टप्रकारस्य विधिम्प्राप्य मुनीश्वर॥स शिष्यस्स्याद्व्रती पूर्णः क्षौरकर्म्मोद्यतो भवेत्॥२॥
yogapaṭṭaprakārasya vidhimprāpya munīśvara..sa śiṣyassyādvratī pūrṇaḥ kṣaurakarmmodyato bhavet..2..
Shloka 3
गुरुं नत्वा विशेषेण लब्धानुज्ञस्ततो गुरोः॥शिरस्संक्षाल्य चाचम्य सवासाः क्षौरमाचरेत्॥३॥
guruṃ natvā viśeṣeṇa labdhānujñastato guroḥ..śirassaṃkṣālya cācamya savāsāḥ kṣauramācaret..3..
Shloka 4
क्षालयेद्वसनं पश्चान्मृदम्भोभिः क्षुरादिकम्॥तद्धस्तौ च मृदालिप्य क्षालयेति मृदं ददेत् ॥ ४ ॥
kṣālayedvasanaṃ paścānmṛdambhobhiḥ kṣurādikam..taddhastau ca mṛdālipya kṣālayeti mṛdaṃ dadet .. 4 ..
Shloka 5
स्थापितम्प्रोक्षितन्तोयैश्शिवं शिवमितीरयन् ॥ स्वनेत्रे पिहिते चैवानामांगुष्ठाभिमंत्रिते ॥ ५ ॥
sthāpitamprokṣitantoyaiśśivaṃ śivamitīrayan .. svanetre pihite caivānāmāṃguṣṭhābhimaṃtrite .. 5 ..
Shloka 6
अस्त्रेणोन्मील्य संदृश्य क्षुरा दिक्षौ रसाधनम् ॥ अभिमन्त्र्य द्वादशाथ प्रोक्षयेदस्त्रमंत्रतः ॥ ६ ॥
astreṇonmīlya saṃdṛśya kṣurā dikṣau rasādhanam .. abhimantrya dvādaśātha prokṣayedastramaṃtrataḥ .. 6 ..
Shloka 7
क्षुरं गृहीत्वा तारेण दक्षभागे निकृन्तयेत् ॥ केशांश्च कांश्चि दग्रेषु वप्त्वा सर्वं च वापयेत् ॥ ७ ॥
kṣuraṃ gṛhītvā tāreṇa dakṣabhāge nikṛntayet .. keśāṃśca kāṃści dagreṣu vaptvā sarvaṃ ca vāpayet .. 7 ..
Shloka 8
पृथिव्यां पर्णमादाय विक्षिपेन्न भुवः स्थले ॥ श्मश्रूणि हस्तपादस्थनखानि च निकृंतयेत् ॥ ८ ॥
pṛthivyāṃ parṇamādāya vikṣipenna bhuvaḥ sthale .. śmaśrūṇi hastapādasthanakhāni ca nikṛṃtayet .. 8 ..
Shloka 9
बिल्वाश्वत्थतुलस्यादिस्थाने संगृह्य मृतिकाम् ॥ द्विषट्वारं निमज्याप्सु तीरं गत्वोपविश्य च ॥ ९ ॥
bilvāśvatthatulasyādisthāne saṃgṛhya mṛtikām .. dviṣaṭvāraṃ nimajyāpsu tīraṃ gatvopaviśya ca .. 9 ..
Shloka 10
शुद्धे देशे तु संस्थाप्य मृदं त्रेधा विभज्य च ॥ एवम्पुनस्त्रिधा कृत्वा प्रोक्ष्यास्त्रेणाभिमन्त्रयेत् ॥ 6.20.१० ॥
śuddhe deśe tu saṃsthāpya mṛdaṃ tredhā vibhajya ca .. evampunastridhā kṛtvā prokṣyāstreṇābhimantrayet .. 6.20.10 ..
Shloka 11
तत्रैकां मृदमादाय दापयित्वान्यपाणिना ॥ करौ द्वादशधा लिप्य प्रत्येकं केन क्षालयेत् ॥ ११ ॥
tatraikāṃ mṛdamādāya dāpayitvānyapāṇinā .. karau dvādaśadhā lipya pratyekaṃ kena kṣālayet .. 11 ..
Shloka 12
पुनरेकाम्पादयोश्च मुखे चान्यां करे क्रमात् ॥ संलिप्याक्षाल्य चाम्भोभिः पुनश्च जलमाविशेत् ॥ १२॥
punarekāmpādayośca mukhe cānyāṃ kare kramāt .. saṃlipyākṣālya cāmbhobhiḥ punaśca jalamāviśet .. 12..
Shloka 13
अन्यां मृदम्भागयित्वा शिरसि द्वादश क्रमात् ॥ आलिप्य मृदमास्यान्तनिमज्य च पुनः पुनः ॥ १३ ॥
anyāṃ mṛdambhāgayitvā śirasi dvādaśa kramāt .. ālipya mṛdamāsyāntanimajya ca punaḥ punaḥ .. 13 ..
Shloka 14
तीरं गत्वा तु गंडूषान्षोडशाचमनं द्विधा ॥ प्राणानायम्य च पुनः प्रणवं द्व्यष्टसंख्यया ॥ १४ ॥ ।
tīraṃ gatvā tu gaṃḍūṣānṣoḍaśācamanaṃ dvidhā .. prāṇānāyamya ca punaḥ praṇavaṃ dvyaṣṭasaṃkhyayā .. 14 .. .
Shloka 15
मृदमन्यां पुनस्त्रेधा विभज्य च तदेकया ॥ कटिशौचं पादशौचं विधायाचम्य च द्विधा ॥ १५॥
mṛdamanyāṃ punastredhā vibhajya ca tadekayā .. kaṭiśaucaṃ pādaśaucaṃ vidhāyācamya ca dvidhā .. 15..
Shloka 16
प्रणवेनाथ षोडश प्राणानायम्य वाग्यतः ॥ पुनरन्यां स्वोरुदेशे त्रिधा विन्यस्य चोमिति ॥ १६ ॥
praṇavenātha ṣoḍaśa prāṇānāyamya vāgyataḥ .. punaranyāṃ svorudeśe tridhā vinyasya comiti .. 16 ..
Shloka 17
प्रोक्ष्याभिमंत्रयेत्सप्त स्वपाण्योस्तलमेकधा ॥ त्रिधालिप्याथ सम्पश्येत्सूर्य्यमूर्तिं च पावनीम् ॥ १७ ॥
prokṣyābhimaṃtrayetsapta svapāṇyostalamekadhā .. tridhālipyātha sampaśyetsūryyamūrtiṃ ca pāvanīm .. 17 ..
Shloka 18
स्वकक्षयोः समालिप्य व्यत्यस्ताभ्यामथान्यया ॥ पाणिभ्याञ्च मृदा शिष्यस्सुमतिर्दृढमानसः ॥ १८ ॥
svakakṣayoḥ samālipya vyatyastābhyāmathānyayā .. pāṇibhyāñca mṛdā śiṣyassumatirdṛḍhamānasaḥ .. 18 ..
Shloka 19
गृहीत्वान्यां मृदं शुद्धां तथासौ गुरुभक्तिमान् ॥ शिर आरभ्य पादान्तं विलिप्यादित्यदृष्टया ॥ १९ ॥
gṛhītvānyāṃ mṛdaṃ śuddhāṃ tathāsau gurubhaktimān .. śira ārabhya pādāntaṃ vilipyādityadṛṣṭayā .. 19 ..
Shloka 20
समुत्थाय ततोऽसौ वै दण्डमादाय भूतले ॥ स्वगुरुं मन्त्रदम्भक्त्या संस्मरेज्ज्ञाननिष्ठया ॥ 6.20.२० ॥
samutthāya tato'sau vai daṇḍamādāya bhūtale .. svaguruṃ mantradambhaktyā saṃsmarejjñānaniṣṭhayā .. 6.20.20 ..
Shloka 21
ततस्साम्बं महेशानं शंकरं चन्द्रशेखरम्॥संस्मरेद्भक्तितश्शिष्य सर्वेश्वर्यपतिं शिवम् ॥ २१ ॥
tatassāmbaṃ maheśānaṃ śaṃkaraṃ candraśekharam..saṃsmaredbhaktitaśśiṣya sarveśvaryapatiṃ śivam .. 21 ..
Shloka 22
त्रिवारम्प्रणमेत्प्रीत्या साष्टांगं च गुरु शिवम् ॥ पञ्चाङ्गेनैकवारञ्च समुत्थाय च वन्दयेत् ॥ २२ ॥
trivārampraṇametprītyā sāṣṭāṃgaṃ ca guru śivam .. pañcāṅgenaikavārañca samutthāya ca vandayet .. 22 ..
Shloka 23
तीर्थं प्रविश्य तन्मध्ये निमज्योन्मज्य ताम्मृदम् ॥ स्कन्धे संस्थाप्य पूर्वोक्तप्रकारेण विलेपयेत् ॥ २३ ॥
tīrthaṃ praviśya tanmadhye nimajyonmajya tāmmṛdam .. skandhe saṃsthāpya pūrvoktaprakāreṇa vilepayet .. 23 ..
Shloka 24
तत्रावशिष्टं संगृह्य जलमध्ये प्रविश्य च ॥ विलोड्य सम्यक् तां तत्र सर्वांगेषु विलिप्य च ॥ २४ ।
tatrāvaśiṣṭaṃ saṃgṛhya jalamadhye praviśya ca .. viloḍya samyak tāṃ tatra sarvāṃgeṣu vilipya ca .. 24 .
Shloka 25
त्रिवारमोमिति प्रोच्य शिवपादाम्बुजं स्मरन् ॥ संसाराम्बुधिसंतारं सदा यद्विधितो हि सः ॥ २५ ॥
trivāramomiti procya śivapādāmbujaṃ smaran .. saṃsārāmbudhisaṃtāraṃ sadā yadvidhito hi saḥ .. 25 ..
Shloka 26
अभिषिच्योमिति जलं विरजाभस्मलोलितम् ॥ अंगोपमार्ज्जनं कृत्वा सुस्नायाद्भस्मना ततः ॥ २६ ॥
abhiṣicyomiti jalaṃ virajābhasmalolitam .. aṃgopamārjjanaṃ kṛtvā susnāyādbhasmanā tataḥ .. 26 ..
Shloka 27
त्रिपुंड्रं च विधायाथ यथोक्तविधिना शुभम् ॥ यथोक्तांगेषु सर्वेषु सावधान तया मुने ॥ २७ ॥
tripuṃḍraṃ ca vidhāyātha yathoktavidhinā śubham .. yathoktāṃgeṣu sarveṣu sāvadhāna tayā mune .. 27 ..
Shloka 28
ततश्शुद्धमना भूत्वा कुर्य्यान्मध्यंदिनक्रियाः ॥ महेश्वरं नमस्कृत्य गुरूंस्तीर्थादिकानि च ॥ २८ ॥
tataśśuddhamanā bhūtvā kuryyānmadhyaṃdinakriyāḥ .. maheśvaraṃ namaskṛtya gurūṃstīrthādikāni ca .. 28 ..
Shloka 29
सम्पूजयेन्महेशानं भक्त्या परमया मुने ॥ साम्बिकं ज्ञानदातारं पातारं त्रिभवस्य वै ॥ २९ ॥
sampūjayenmaheśānaṃ bhaktyā paramayā mune .. sāmbikaṃ jñānadātāraṃ pātāraṃ tribhavasya vai .. 29 ..
Shloka 30
ततोसौ दृढचेतस्को यतिः स्ववृषसंस्थितः॥भिक्षार्थम्प्रव्रजेच्छुद्धो विप्रवर्गेषु साधुषु॥6.20.३०॥
tatosau dṛḍhacetasko yatiḥ svavṛṣasaṃsthitaḥ..bhikṣārthampravrajecchuddho vipravargeṣu sādhuṣu..6.20.30..
Shloka 31
ततस्तत्र च शुद्धात्मा पञ्चधा परिकल्पितम्॥भैक्ष्यं यथोचितं कुर्य्याद्दूषितान्नं विवर्ज्जयेत् ॥ ३१ ॥
tatastatra ca śuddhātmā pañcadhā parikalpitam..bhaikṣyaṃ yathocitaṃ kuryyāddūṣitānnaṃ vivarjjayet .. 31 ..
Shloka 32
शौचं स्नानं तथा भिक्षां नित्यमेकान्तसेवनम् ॥ भिक्षौश्चत्वारि कर्म्माणि पञ्चमं नैव विद्यते ॥ ३२॥
śaucaṃ snānaṃ tathā bhikṣāṃ nityamekāntasevanam .. bhikṣauścatvāri karmmāṇi pañcamaṃ naiva vidyate .. 32..
Shloka 33
अलाबुं वेणुपात्रं च दारवम्मृण्मयन्तथा ॥ भिक्षोश्चत्त्वारि पात्राणि पञ्चमन्नैव विद्यते ॥ ३३॥
alābuṃ veṇupātraṃ ca dāravammṛṇmayantathā .. bhikṣoścattvāri pātrāṇi pañcamannaiva vidyate .. 33..
Shloka 34
ताम्बूलं तैजसम्पात्रं रेतस्सेकं सितांबरम् ॥ दिवास्वापो हि नक्तान्नं यतीनां षड्विवर्जिताः ॥ ३४॥
tāmbūlaṃ taijasampātraṃ retassekaṃ sitāṃbaram .. divāsvāpo hi naktānnaṃ yatīnāṃ ṣaḍvivarjitāḥ .. 34..
Shloka 35
साक्षरा विपरीताश्च राक्षसास्त इति स्मृताः॥तस्माद्वै विपरीतं च कर्म्म नैवाचरेद्यतिः॥३५॥
sākṣarā viparītāśca rākṣasāsta iti smṛtāḥ..tasmādvai viparītaṃ ca karmma naivācaredyatiḥ..35..
Shloka 36
यतिः प्रयत्नतः कुर्य्यात्क्षौरस्नानं च शुद्धये ॥ संस्मरन्मनसा शुद्धं परं ब्रह्म सदाशिवम् ॥ ३६॥
yatiḥ prayatnataḥ kuryyātkṣaurasnānaṃ ca śuddhaye .. saṃsmaranmanasā śuddhaṃ paraṃ brahma sadāśivam .. 36..
Shloka 37
इत्यैव मुनिशार्द्दूल तव स्नेहान्मयाखिलः ॥ क्षौरस्नानविधिः प्रोक्तः किम्भूयः श्रोतुमिच्छसि ॥ ३७ ॥
ityaiva muniśārddūla tava snehānmayākhilaḥ .. kṣaurasnānavidhiḥ proktaḥ kimbhūyaḥ śrotumicchasi .. 37 ..
Shloka 38
इति श्रीशिवमहापुराणे षष्ठ्यां कैलाससंहितायां क्षौरस्नानविधिवर्णनं नाम विंशोऽध्यायः ॥ २०॥
iti śrīśivamahāpurāṇe ṣaṣṭhyāṃ kailāsasaṃhitāyāṃ kṣaurasnānavidhivarṇanaṃ nāma viṃśo'dhyāyaḥ .. 20..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In