| |
|

This overlay will guide you through the buttons:

Shloka 1
।। सुब्रह्मण्य उवाच ।।
एकादशेह्नि सम्प्राप्ते यो विधिस्समुदाहृतः ॥ तं वक्ष्ये मुनिशार्दूल यतीनां स्नेहतस्तव ॥ १ ॥
ekādaśehni samprāpte yo vidhissamudāhṛtaḥ .. taṃ vakṣye muniśārdūla yatīnāṃ snehatastava .. 1 ..
Shloka 2
सम्मार्ज्य वेदीमालिप्य कृत्वा पुण्याहवाचनम् ॥ प्रोक्ष्य पश्चिममारभ्य पूर्वान्तम्पञ्च च क्रमात्॥२॥
sammārjya vedīmālipya kṛtvā puṇyāhavācanam .. prokṣya paścimamārabhya pūrvāntampañca ca kramāt..2..
Shloka 3
मण्डलान्युत्तराशास्यः कुर्यात्स्वयमवस्थितः॥प्रादेशमात्रं संकल्प्य चतुरस्रं च मध्यतः ॥ ३॥
maṇḍalānyuttarāśāsyaḥ kuryātsvayamavasthitaḥ..prādeśamātraṃ saṃkalpya caturasraṃ ca madhyataḥ .. 3..
Shloka 4
बिन्दुत्रिकोणषट्कोणवृत्ताकाराणि च क्रमात् ॥ शंखं च पुरतस्थाप्य पूजोक्तक्रममार्गतः ॥ ४॥
bindutrikoṇaṣaṭkoṇavṛttākārāṇi ca kramāt .. śaṃkhaṃ ca puratasthāpya pūjoktakramamārgataḥ .. 4..
Shloka 5
प्राणानायम्य संकल्प्य पूजयित्वा सुरेश्वरी ॥ देवताः पञ्च पूर्वोक्ता अतिवाहिकरूपिणीः ॥ ५ ॥
prāṇānāyamya saṃkalpya pūjayitvā sureśvarī .. devatāḥ pañca pūrvoktā ativāhikarūpiṇīḥ .. 5 ..
Shloka 6
संत्यज्योत्तरतो दर्भान् यश्च संस्पृशते ततः ॥ पश्चिमादि समारभ्य षडुत्थासनमार्गतः ॥ ६॥
saṃtyajyottarato darbhān yaśca saṃspṛśate tataḥ .. paścimādi samārabhya ṣaḍutthāsanamārgataḥ .. 6..
Shloka 7
मण्डलानि च तेष्वन्तः पुष्पाण्याधाय पीठवत् ॥ ॐ ह्री मित्युक्त्वाग्निरूपान्तामतिवाहिकदेवताम् ॥ ७ ॥
maṇḍalāni ca teṣvantaḥ puṣpāṇyādhāya pīṭhavat .. oṃ hrī mityuktvāgnirūpāntāmativāhikadevatām .. 7 ..
Shloka 8
आवाहयामि नम इत्यन्तं सर्वत्र भावयेत् ॥ दर्शयेत्स्थापनाद्यास्तु मुद्राः प्रत्येकमादरात् ॥ ८ ॥
āvāhayāmi nama ityantaṃ sarvatra bhāvayet .. darśayetsthāpanādyāstu mudrāḥ pratyekamādarāt .. 8 ..
Shloka 9
ह्रांह्रीमित्यादिना कुर्य्यादासामंगानि च क्रमात् ॥ पाशांकुशाभयाभीष्टपाणिचन्द्रोपलप्रभाः ॥ ९ ॥
hrāṃhrīmityādinā kuryyādāsāmaṃgāni ca kramāt .. pāśāṃkuśābhayābhīṣṭapāṇicandropalaprabhāḥ .. 9 ..
Shloka 10
रक्तांगुलीयकच्छायरञ्जिताखिलदिङ्मुखा ॥ रक्ताम्बरधराः कारपदपंकजशोभिताः ॥ 6.22.१०॥
raktāṃgulīyakacchāyarañjitākhiladiṅmukhā .. raktāmbaradharāḥ kārapadapaṃkajaśobhitāḥ .. 6.22.10..
Shloka 11
त्रिनेत्रोल्लासिवदनपूर्णचन्द्रमनोहराः ॥ माणिक्य मुकुटोद्भासिचन्द्रलेखावतंसिताः॥११॥
trinetrollāsivadanapūrṇacandramanoharāḥ .. māṇikya mukuṭodbhāsicandralekhāvataṃsitāḥ..11..
Shloka 12
कुण्डलामृष्टगण्डाश्च पीनोन्नतपयोधराः ॥ हारकेयूरकटककांचीदाममनोहराः ॥ १२॥
kuṇḍalāmṛṣṭagaṇḍāśca pīnonnatapayodharāḥ .. hārakeyūrakaṭakakāṃcīdāmamanoharāḥ .. 12..
Shloka 13
तनुमध्याः पृथुश्रोण्यो रक्तदिव्याम्बरावृताः ॥ माणिक्यमयमंजीरसिंजत्पदसरोरुहाः॥पादांगुलीयकश्रोणीर्मंजुलातिमनोहराः॥१३॥
tanumadhyāḥ pṛthuśroṇyo raktadivyāmbarāvṛtāḥ .. māṇikyamayamaṃjīrasiṃjatpadasaroruhāḥ..pādāṃgulīyakaśroṇīrmaṃjulātimanoharāḥ..13..
Shloka 14
अनुग्रहेण मूर्तेन शिववत्किं नु साध्यते॥तस्माच्छक्त्यात्ममूर्तेन सर्वं साध्यं महेशवत् ॥ १४॥
anugraheṇa mūrtena śivavatkiṃ nu sādhyate..tasmācchaktyātmamūrtena sarvaṃ sādhyaṃ maheśavat .. 14..
Shloka 15
सर्वानुग्रहकर्त्रैव स्वीकृताः पंचमूर्तय॥सर्वकार्य्यकरा दिव्याः परानुग्रहतत्पराः॥१५॥
sarvānugrahakartraiva svīkṛtāḥ paṃcamūrtaya..sarvakāryyakarā divyāḥ parānugrahatatparāḥ..15..
Shloka 16
एवं ध्यात्वा तु ताः सर्वा अनुग्रहपराश्शिवाः ॥ पादयोः पाद्यमेतासां दद्याच्छंखोदबिन्दुभिः ॥ १६॥
evaṃ dhyātvā tu tāḥ sarvā anugrahaparāśśivāḥ .. pādayoḥ pādyametāsāṃ dadyācchaṃkhodabindubhiḥ .. 16..
Shloka 17
हस्तेष्वाचमनीयं च मौलिष्वर्घ्यं प्रदापयेत्॥शंखोद बिन्दुभिस्तासां स्नानकर्म च भावयेत्॥१७॥
hasteṣvācamanīyaṃ ca mauliṣvarghyaṃ pradāpayet..śaṃkhoda bindubhistāsāṃ snānakarma ca bhāvayet..17..
Shloka 18
रक्ताम्बराणि दिव्यानि सोत्तरीयाणि दापयेत् ॥ मुकुटादीन्यनर्घ्याणि दद्यादाभरणानि च॥१८॥
raktāmbarāṇi divyāni sottarīyāṇi dāpayet .. mukuṭādīnyanarghyāṇi dadyādābharaṇāni ca..18..
Shloka 19
सुवासितं च श्रीखण्डमक्षतांश्चातिशोभनान्॥सुरभीणि मनोज्ञानि कुसुमानि च दापयेत् ॥ १९॥
suvāsitaṃ ca śrīkhaṇḍamakṣatāṃścātiśobhanān..surabhīṇi manojñāni kusumāni ca dāpayet .. 19..
Shloka 20
धूपं च परमामोदं साज्यवर्ति च दीपकम्॥सर्वं समर्पयामीति प्रणवं ह्रीमुपक्रमात् ॥ 6.22.२०॥
dhūpaṃ ca paramāmodaṃ sājyavarti ca dīpakam..sarvaṃ samarpayāmīti praṇavaṃ hrīmupakramāt .. 6.22.20..
Shloka 21
नमोऽन्तंचततोदद्यात्पायस्तमधुनाप्लुतम्॥साज्यशर्करयापूपकदलीगुडपूरितम्॥२१॥
namo'ntaṃcatatodadyātpāyastamadhunāplutam..sājyaśarkarayāpūpakadalīguḍapūritam..21..
Shloka 22
प्रत्येकं कदलीपत्रे भरितं च सुवासितम् ॥ भूर्भुवस्स्वरिति प्रोच्य प्रोक्ष्णादीनि कारयेत ॥ २२॥
pratyekaṃ kadalīpatre bharitaṃ ca suvāsitam .. bhūrbhuvassvariti procya prokṣṇādīni kārayeta .. 22..
Shloka 23
ॐ ह्रीमिति समुच्चार्य्य नैवेद्यं वह्निजायया ॥ पानीयं नम इत्युक्त्वा परम्प्रेम्णा समर्पयेत् ॥ २३॥
oṃ hrīmiti samuccāryya naivedyaṃ vahnijāyayā .. pānīyaṃ nama ityuktvā parampremṇā samarpayet .. 23..
Shloka 24
तत उद्वासयेत्प्रीत्या पूर्वतो मुनिसत्तम ॥ स्थलं विशोध्य गंडूषाचमनार्घ्याणि दापयेत् ॥ २४ ॥
tata udvāsayetprītyā pūrvato munisattama .. sthalaṃ viśodhya gaṃḍūṣācamanārghyāṇi dāpayet .. 24 ..
Shloka 25
तांबूलं धूप दीपौ च प्रदक्षिणनमस्कृती ॥ विधाय प्रार्थयेदेताश्शिरस्यंजलिमादधत्॥२५॥
tāṃbūlaṃ dhūpa dīpau ca pradakṣiṇanamaskṛtī .. vidhāya prārthayedetāśśirasyaṃjalimādadhat..25..
Shloka 26
श्रीमातरस्सुप्रसन्ना यतिं शिवपदैषिणम्॥रक्षणीय म्प्रब्रुवन्तु परमेशपदाब्जयोः॥२६॥
śrīmātarassuprasannā yatiṃ śivapadaiṣiṇam..rakṣaṇīya mprabruvantu parameśapadābjayoḥ..26..
Shloka 27
इति संप्रार्थ्य तास्सर्वा विसृज्य च यथागतम्॥तासाम्प्रसादमुद्धृत्य कन्यकाभ्यः प्रदापयेत ॥ २७॥
iti saṃprārthya tāssarvā visṛjya ca yathāgatam..tāsāmprasādamuddhṛtya kanyakābhyaḥ pradāpayeta .. 27..
Shloka 28
गोभ्यो वा जलमध्ये वा निक्षिपेन्नान्यथा क्वचित् ॥ अत्रैव पार्वणं कुर्य्यान्नैकोद्दिष्टं यतेः क्वचित् ॥ २८॥
gobhyo vā jalamadhye vā nikṣipennānyathā kvacit .. atraiva pārvaṇaṃ kuryyānnaikoddiṣṭaṃ yateḥ kvacit .. 28..
Shloka 29
अत्रायं पार्वणश्राद्धे नियमः प्रोच्यते मया ॥ तं शृणुष्व मुनिश्रेष्ठ येन श्रेयो भवेत्ततः॥२९॥
atrāyaṃ pārvaṇaśrāddhe niyamaḥ procyate mayā .. taṃ śṛṇuṣva muniśreṣṭha yena śreyo bhavettataḥ..29..
Shloka 30
कर्ता स्नात्वा धृतप्राण उपवीती समाहितः॥सपवित्रकरस्त्वस्यां पुण्यतिथ्यामिति ब्रुवन् ॥ 6.22.३०॥
kartā snātvā dhṛtaprāṇa upavītī samāhitaḥ..sapavitrakarastvasyāṃ puṇyatithyāmiti bruvan .. 6.22.30..
Shloka 31
करिष्ये पार्वणं श्राद्धमिति संकल्प्य चोत्तरे ॥ दद्याद्दर्भानुत्तमांश्च ह्यासनार्थं जलं स्पृशेत्॥३१॥
kariṣye pārvaṇaṃ śrāddhamiti saṃkalpya cottare .. dadyāddarbhānuttamāṃśca hyāsanārthaṃ jalaṃ spṛśet..31..
Shloka 32
तत्रोपवेशयेद्भक्त्या साभ्यंगं कृतमज्जनान् ॥ आहूय चतुरो विप्राञ्छिवभक्तान्दृढव्रतान् ॥ ३२ ॥
tatropaveśayedbhaktyā sābhyaṃgaṃ kṛtamajjanān .. āhūya caturo viprāñchivabhaktāndṛḍhavratān .. 32 ..
Shloka 33
विश्वेदेवार्थं भवता प्रसादः क्रियतामिति ॥ आत्मने भवता पश्चादन्तरात्मन इत्यपि ॥ ३३ ॥
viśvedevārthaṃ bhavatā prasādaḥ kriyatāmiti .. ātmane bhavatā paścādantarātmana ityapi .. 33 ..
Shloka 34
परमात्मन इत्येवं प्रोच्य प्रार्थ्यं च तान्यतिः ॥ श्रद्धया चरणन्तेषां कुर्य्याद्याथार्थ्यमादरात् ॥ ३४॥
paramātmana ityevaṃ procya prārthyaṃ ca tānyatiḥ .. śraddhayā caraṇanteṣāṃ kuryyādyāthārthyamādarāt .. 34..
Shloka 35
पादौ प्रक्षाल्य तेषान्तु प्राङ्मुखानुपवेश्य च ॥ गन्धादिभिरलंकृत्य भोजयेच्च शिवा ग्रतः ॥ ३५॥
pādau prakṣālya teṣāntu prāṅmukhānupaveśya ca .. gandhādibhiralaṃkṛtya bhojayecca śivā grataḥ .. 35..
Shloka 36
गोमयेनोपलिप्यात्र दर्भान्प्रागग्रकल्पितान् ॥ आस्तीर्य्य संयतप्राणः पिण्डानां च प्रदानकम् ॥ ३६॥
gomayenopalipyātra darbhānprāgagrakalpitān .. āstīryya saṃyataprāṇaḥ piṇḍānāṃ ca pradānakam .. 36..
Shloka 37
करिष्य इति संकल्प्य मण्डलत्रयमर्च्य च ॥ आत्मानमन्तरात्मानं परमात्मनमप्यतः ॥ ३७॥
kariṣya iti saṃkalpya maṇḍalatrayamarcya ca .. ātmānamantarātmānaṃ paramātmanamapyataḥ .. 37..
Shloka 38
चतुर्थ्यन्तं वदन्पश्चादिमं पिण्डमितीरयन् ॥ ददामीति च सम्प्रोच्य दद्यात्पिण्डान्स्वभक्तितः ॥ ३८॥
caturthyantaṃ vadanpaścādimaṃ piṇḍamitīrayan .. dadāmīti ca samprocya dadyātpiṇḍānsvabhaktitaḥ .. 38..
Shloka 39
कुशोदकं ततो दद्याद्यथाविधिविधानतः ॥ तत उत्थाप्य वै कुर्य्यात्प्रदक्षिणनमस्कृती ॥ ३९ ॥
kuśodakaṃ tato dadyādyathāvidhividhānataḥ .. tata utthāpya vai kuryyātpradakṣiṇanamaskṛtī .. 39 ..
Shloka 40
ततो दत्त्वा ब्राह्मणेभ्यो दक्षिणां च यथाविधि ॥ नारायणबलिं कुर्य्यात्तस्मिन्नेव स्थले दिने ॥ 6.22.४० ॥
tato dattvā brāhmaṇebhyo dakṣiṇāṃ ca yathāvidhi .. nārāyaṇabaliṃ kuryyāttasminneva sthale dine .. 6.22.40 ..
Shloka 41
रक्षार्थमेव सर्वत्र विष्णोः पूजाविधिः स्मृतः ॥ कुर्य्याद्विष्णोर्महापूजां पायसान्नं निवेदयेत्॥४१॥
rakṣārthameva sarvatra viṣṇoḥ pūjāvidhiḥ smṛtaḥ .. kuryyādviṣṇormahāpūjāṃ pāyasānnaṃ nivedayet..41..
Shloka 42
द्वादशाथ समाहूय ब्राह्मणान्वेदपारगान् ॥ केशवादिभिरभ्यर्च्य गन्धपुष्पाक्षतादिभिः ॥ ४२॥
dvādaśātha samāhūya brāhmaṇānvedapāragān .. keśavādibhirabhyarcya gandhapuṣpākṣatādibhiḥ .. 42..
Shloka 43
उपानच्छत्रवस्त्रादि दत्त्वा तेभ्यो यथाविधि ॥ सन्तोषयेन्महाभक्त्या विविधैर्वच नैश्शुभैः ॥ ४३॥
upānacchatravastrādi dattvā tebhyo yathāvidhi .. santoṣayenmahābhaktyā vividhairvaca naiśśubhaiḥ .. 43..
Shloka 44
आस्तीर्य्य दर्भान्पूर्वाग्रान्भूस्स्वाहा च भुवस्सुवः ॥ प्रणवादि प्रोच्य भूमौ पायसान्नं बलिं हरेत् ॥ ४४॥
āstīryya darbhānpūrvāgrānbhūssvāhā ca bhuvassuvaḥ .. praṇavādi procya bhūmau pāyasānnaṃ baliṃ haret .. 44..
Shloka 45
एकादशाह सुविधिर्मया प्रोक्तो मुनीश्वर ॥ द्वादशाहविधिं वक्ष्ये शृणुष्वादरतो द्विज ॥ ४५॥
ekādaśāha suvidhirmayā prokto munīśvara .. dvādaśāhavidhiṃ vakṣye śṛṇuṣvādarato dvija .. 45..
Shloka 46
इति श्रीशिवमहापुराणे षष्ठ्यां कैलाससंहितायां यतीनामेकादशाहकृत्यवर्णनन्नाम द्वाविंशोऽध्यायः ॥ २२ ॥
iti śrīśivamahāpurāṇe ṣaṣṭhyāṃ kailāsasaṃhitāyāṃ yatīnāmekādaśāhakṛtyavarṇanannāma dvāviṃśo'dhyāyaḥ .. 22 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In