| |
|

This overlay will guide you through the buttons:

Shloka 1
ईश्वर उवाच ।।
स्ववामे चतुरस्रं तु मण्डलं परिकल्पयेत्॥ओमित्यभ्यर्च्य तस्मिंस्तु शंखमस्त्रोपशोभितम्॥१॥
svavāme caturasraṃ tu maṇḍalaṃ parikalpayet..omityabhyarcya tasmiṃstu śaṃkhamastropaśobhitam..1..
Shloka 2
स्थाप्य साधारकं तं तु प्रणवेनार्चयेत्ततः ॥ आपूर्य्य शुद्धतोयेन चन्दनादिसुगंधिना ॥ २ ॥
sthāpya sādhārakaṃ taṃ tu praṇavenārcayettataḥ .. āpūryya śuddhatoyena candanādisugaṃdhinā .. 2 ..
Shloka 3
अभ्यर्च्य गन्धपुष्पाद्यैः प्रणवेन च सप्तधा ।अभिमंत्र्य ततस्तस्मिन्धेनुमुद्रां प्रदर्शयेत् ॥ ३ ॥
abhyarcya gandhapuṣpādyaiḥ praṇavena ca saptadhā .abhimaṃtrya tatastasmindhenumudrāṃ pradarśayet .. 3 ..
Shloka 4
शंखमुद्रां च पुरतश्चतुरस्रं प्रकल्पयेत् ॥ तदन्तरेर्द्धचन्द्रं च त्रिकोणं च तदन्तरे ॥ ४ ॥
śaṃkhamudrāṃ ca purataścaturasraṃ prakalpayet .. tadantarerddhacandraṃ ca trikoṇaṃ ca tadantare .. 4 ..
Shloka 5
षट्कोणं वृत्तमेवेदं मण्डलं परिकल्पयेत् ॥ अभ्यर्च्य गंधपुष्पाद्यैः प्रणवेनाथ मध्यतः ॥ ५॥
ṣaṭkoṇaṃ vṛttamevedaṃ maṇḍalaṃ parikalpayet .. abhyarcya gaṃdhapuṣpādyaiḥ praṇavenātha madhyataḥ .. 5..
Shloka 6
साधारमर्घ्यपात्रं च स्थाप्य गंधादिनार्चयेत् ॥ आपूर्य्य शुद्धतोयेन तस्मिन्पात्रे विनिःक्षिपेत् ॥ ६ ॥
sādhāramarghyapātraṃ ca sthāpya gaṃdhādinārcayet .. āpūryya śuddhatoyena tasminpātre viniḥkṣipet .. 6 ..
Shloka 7
कुशाग्राण्यक्षताश्चैव यवव्रीहितिलानपि ॥ आज्यसिद्धार्थ पुष्पाणि भसितं च वरानने ॥ ७ ॥
kuśāgrāṇyakṣatāścaiva yavavrīhitilānapi .. ājyasiddhārtha puṣpāṇi bhasitaṃ ca varānane .. 7 ..
Shloka 8
सद्योजातादिभिर्मंत्रैः षडंगैः प्रणवेन च ॥ अभ्यर्च्य गंधपुष्पाद्यैरभिमंत्र्य च वर्मणा ॥ ८ ॥
sadyojātādibhirmaṃtraiḥ ṣaḍaṃgaiḥ praṇavena ca .. abhyarcya gaṃdhapuṣpādyairabhimaṃtrya ca varmaṇā .. 8 ..
Shloka 9
अवगुंण्ठ्यास्त्रमंत्रेण संरक्षार्थं प्रदर्शयेत् ॥ धेनुमुद्रां च तेनैव प्रोक्षयेदस्त्रमंत्रतः ॥ ९॥
avaguṃṇṭhyāstramaṃtreṇa saṃrakṣārthaṃ pradarśayet .. dhenumudrāṃ ca tenaiva prokṣayedastramaṃtrataḥ .. 9..
Shloka 10
स्वात्मानं गंधपुष्पादिपूजोपकरणान्यपि ॥ पद्मस्येशानदिक्पद्मं प्रणवोच्चारपूर्वकम् ॥ 6.7.१० ॥
svātmānaṃ gaṃdhapuṣpādipūjopakaraṇānyapi .. padmasyeśānadikpadmaṃ praṇavoccārapūrvakam .. 6.7.10 ..
Shloka 11
गुर्वासनाय नम इत्यासनं परिकल्पयेत् ॥ गुरोर्मूर्तिं च तत्रैव कल्प येदुपदेशतः ॥ ११ ॥
gurvāsanāya nama ityāsanaṃ parikalpayet .. gurormūrtiṃ ca tatraiva kalpa yedupadeśataḥ .. 11 ..
Shloka 12
प्रणवं गुं गुरुभ्योन्ते नमः प्रोच्यापि देशिकम् ॥ समावाह्य ततो ध्यायेद्दक्षिणाभिमुखं स्थितम् ॥ १२ ॥
praṇavaṃ guṃ gurubhyonte namaḥ procyāpi deśikam .. samāvāhya tato dhyāyeddakṣiṇābhimukhaṃ sthitam .. 12 ..
Shloka 13
सुप्रसन्नमुखं सौम्यं शुद्धस्फटिकनिर्मलम् ॥ वरदाभयहस्तं च द्विनेत्रं शिवविग्रहम् ॥ १३ ॥
suprasannamukhaṃ saumyaṃ śuddhasphaṭikanirmalam .. varadābhayahastaṃ ca dvinetraṃ śivavigraham .. 13 ..
Shloka 14
एवं ध्यात्वा यजेद्गन्धपुष्पादिभिरनुक्रमात् ॥ पद्मस्य नैर्ऋते पद्मे गणपत्यासनोपरि ॥ १४॥
evaṃ dhyātvā yajedgandhapuṣpādibhiranukramāt .. padmasya nairṛte padme gaṇapatyāsanopari .. 14..
Shloka 15
मूर्तिम्प्रकल्प्य तत्रैव गणानां त्वेति मंत्रतः ॥ समावाह्य ततो देवं ध्यायेदेका ग्रमानसः ॥ १५ ॥
mūrtimprakalpya tatraiva gaṇānāṃ tveti maṃtrataḥ .. samāvāhya tato devaṃ dhyāyedekā gramānasaḥ .. 15 ..
Shloka 16
रक्तवर्णं महाकायं सर्वाभरणभूषितम् ॥ पाशांकुशेष्टदशनान्दधानङ्करपङ्कजैः ॥ १६ ॥
raktavarṇaṃ mahākāyaṃ sarvābharaṇabhūṣitam .. pāśāṃkuśeṣṭadaśanāndadhānaṅkarapaṅkajaiḥ .. 16 ..
Shloka 17
गजाननम्प्रभुं सर्वविघ्नौघघ्नमुपासितुः ॥ एवन्ध्यात्वा यजेद्गन्धपुष्पाद्यैरुपचारकैः ॥ १७ ॥
gajānanamprabhuṃ sarvavighnaughaghnamupāsituḥ .. evandhyātvā yajedgandhapuṣpādyairupacārakaiḥ .. 17 ..
Shloka 18
कदलीनारिकेलाम्रफललड्डुकपूर्वकम् ॥ नैवेद्यं च समर्प्याथ नमस्कुर्याद्गजाननम् ॥ १८॥
kadalīnārikelāmraphalalaḍḍukapūrvakam .. naivedyaṃ ca samarpyātha namaskuryādgajānanam .. 18..
Shloka 19
पद्मस्य वायुदिक्पद्मे संकल्प्य स्कान्दमासनम् ॥ स्कन्दमूर्तिम्प्रकल्प्याथ स्कन्दमावाहयेद्बुधः॥१९॥
padmasya vāyudikpadme saṃkalpya skāndamāsanam .. skandamūrtimprakalpyātha skandamāvāhayedbudhaḥ..19..
Shloka 20
उच्चार्य्य स्कन्दगायत्रीं ध्यायेदथ कुमारकम्॥उद्यदादित्यसंकाशं मयूरवरवाहनम्॥6.7.२०॥
uccāryya skandagāyatrīṃ dhyāyedatha kumārakam..udyadādityasaṃkāśaṃ mayūravaravāhanam..6.7.20..
Shloka 21
चतुर्भुजमुदाराङ्गं मुकुटादिविभूषितम्॥वरदाभयहस्तं च शक्तिकुक्कुटधारिणम्॥२१॥
caturbhujamudārāṅgaṃ mukuṭādivibhūṣitam..varadābhayahastaṃ ca śaktikukkuṭadhāriṇam..21..
Shloka 22
एवन्ध्यात्वाऽथ गंधाद्यैरुपचारैरनुक्रमात्॥संपूज्य पूर्वद्वारस्य दक्षशाखामुपाश्रितम्॥२२॥
evandhyātvā'tha gaṃdhādyairupacārairanukramāt..saṃpūjya pūrvadvārasya dakṣaśākhāmupāśritam..22..
Shloka 23
अन्तःपुराधिपं साक्षान्नन्दिनं सम्यगर्चयेत् ॥ चामीकराचलप्रख्यं सर्वाभरणभूषितम् ॥ २३॥
antaḥpurādhipaṃ sākṣānnandinaṃ samyagarcayet .. cāmīkarācalaprakhyaṃ sarvābharaṇabhūṣitam .. 23..
Shloka 24
बालेन्दुमुकुटं सौम्यं त्रिनेत्रं च चतुर्भुजम् ॥ दीप्तशूलमृगीटंकहेमवेत्रधरं विभुम् ॥ २४॥
bālendumukuṭaṃ saumyaṃ trinetraṃ ca caturbhujam .. dīptaśūlamṛgīṭaṃkahemavetradharaṃ vibhum .. 24..
Shloka 25
चन्द्रबिम्बाभवदनं हरिवक्त्रमथापि वा ॥ उत्तरस्यान्तथा तस्य भार्यां च मरुतां सुताम् ॥ २५॥
candrabimbābhavadanaṃ harivaktramathāpi vā .. uttarasyāntathā tasya bhāryāṃ ca marutāṃ sutām .. 25..
Shloka 26
सुयशां सुव्रतामम्बापादमण्डनतत्पराम् ॥ संपूज्य विधिवद्गन्धपुष्पाद्यैरुपचारकैः ॥ २६॥
suyaśāṃ suvratāmambāpādamaṇḍanatatparām .. saṃpūjya vidhivadgandhapuṣpādyairupacārakaiḥ .. 26..
Shloka 27
ततस्संप्रोक्षयेत्पद्मं सास्त्रशं खोदबिन्दुभिः ॥ कल्पयेदासनं पश्चादाधारादि यथाक्रमात् ॥ २७ ॥
tatassaṃprokṣayetpadmaṃ sāstraśaṃ khodabindubhiḥ .. kalpayedāsanaṃ paścādādhārādi yathākramāt .. 27 ..
Shloka 28
आधारशक्तिं कल्याणीं श्यामां ध्यायेदधो भुवि ॥ तस्याः पुरस्तादुत्कंठमनन्तं कुंडलाकृतिम् ॥ २८ ॥
ādhāraśaktiṃ kalyāṇīṃ śyāmāṃ dhyāyedadho bhuvi .. tasyāḥ purastādutkaṃṭhamanantaṃ kuṃḍalākṛtim .. 28 ..
Shloka 29
धवलं पंचफणिनं लेलिहानमिवाम्बरम् ॥ तस्योपर्यासनं भद्रं कंठीरवचतुष्पदम् ॥ २९ ॥
dhavalaṃ paṃcaphaṇinaṃ lelihānamivāmbaram .. tasyoparyāsanaṃ bhadraṃ kaṃṭhīravacatuṣpadam .. 29 ..
Shloka 30
धर्मो ज्ञानं च वैराग्यमैश्वर्यं च पदानि वै ॥ आग्नेयादिश्वेतपीतरक्तश्यामानि वर्णतः ॥ 6.7.३० ॥
dharmo jñānaṃ ca vairāgyamaiśvaryaṃ ca padāni vai .. āgneyādiśvetapītaraktaśyāmāni varṇataḥ .. 6.7.30 ..
Shloka 31
अधर्मादीनि पूर्वादीन्युत्तरां तान्यनुक्रमात् ॥ राजावर्तमणिप्रख्यान्यस्य गात्राणि भावयेत् ॥ ३१॥
adharmādīni pūrvādīnyuttarāṃ tānyanukramāt .. rājāvartamaṇiprakhyānyasya gātrāṇi bhāvayet .. 31..
Shloka 32
अधोर्द्ध्वच्छदनं पश्चात्कंदं नालं च कण्टकान् ॥ दलादिकं कर्णिकाञ्च विभाव्य क्रमशोऽर्चयेत् ॥ ३२ ॥
adhorddhvacchadanaṃ paścātkaṃdaṃ nālaṃ ca kaṇṭakān .. dalādikaṃ karṇikāñca vibhāvya kramaśo'rcayet .. 32 ..
Shloka 33
दलेषु सिद्धयश्चाष्टौ केसरेषु च शक्तिकाः ॥ रुद्रा वामादयस्त्वष्टौ पूर्वादिपरितः क्रमात् ॥ ३३ ॥
daleṣu siddhayaścāṣṭau kesareṣu ca śaktikāḥ .. rudrā vāmādayastvaṣṭau pūrvādiparitaḥ kramāt .. 33 ..
Shloka 34
कर्णिकायां च वैराग्यं बीजेषु नव शक्तयः ॥ वामाद्या एव पूर्वादि तदन्तश्च मनोन्मनी ॥ ३४ ॥
karṇikāyāṃ ca vairāgyaṃ bījeṣu nava śaktayaḥ .. vāmādyā eva pūrvādi tadantaśca manonmanī .. 34 ..
Shloka 35
कन्दे शिवात्मको धर्मो नाले ज्ञानं शिवाश्रयम् ॥ कर्णिकोपरि वाह्नेयं मंडलं सौरमैन्दवम् ॥ ३५॥
kande śivātmako dharmo nāle jñānaṃ śivāśrayam .. karṇikopari vāhneyaṃ maṃḍalaṃ sauramaindavam .. 35..
Shloka 36
आत्मविद्या शिवाख्यं च तत्त्वत्रयमतः परम् ॥ सर्वासनोपरि सुखं विचित्रकुसुमोज्ज्वलम् ॥ ३६ ॥
ātmavidyā śivākhyaṃ ca tattvatrayamataḥ param .. sarvāsanopari sukhaṃ vicitrakusumojjvalam .. 36 ..
Shloka 37
परव्योमावकाशाख्यं विद्ययातीव भास्वरम् ॥ परिकल्प्यासनं मूर्त्तेः पुष्पविन्यास पूर्वकम् ॥ ३७॥
paravyomāvakāśākhyaṃ vidyayātīva bhāsvaram .. parikalpyāsanaṃ mūrtteḥ puṣpavinyāsa pūrvakam .. 37..
Shloka 38
आधारशक्तिमारभ्य शुद्धविद्यासनावधि ॥ ॐकारादिचतुर्थ्यंतं नाममन्त्रं नमोन्तकम् ॥ ३८ ॥
ādhāraśaktimārabhya śuddhavidyāsanāvadhi .. oṃkārādicaturthyaṃtaṃ nāmamantraṃ namontakam .. 38 ..
Shloka 39
उच्चार्य पूजयेद्विद्वान्सर्वत्रैवं विधिक्रमः ॥ अङ्गवक्त्रकलाभेदात्पंचब्रह्माणि पूर्ववत् ॥ ३९ ॥
uccārya pūjayedvidvānsarvatraivaṃ vidhikramaḥ .. aṅgavaktrakalābhedātpaṃcabrahmāṇi pūrvavat .. 39 ..
Shloka 40
विन्यसेत्क्रमशो मूर्त्तौ तत्तन्मुद्राविचक्षणः ॥ आवाहयेत्ततो देवं पुष्पाञ्जलिपुटस्थितः ॥ 6.7.४० ॥
vinyasetkramaśo mūrttau tattanmudrāvicakṣaṇaḥ .. āvāhayettato devaṃ puṣpāñjalipuṭasthitaḥ .. 6.7.40 ..
Shloka 41
सद्योजातम्प्रपद्यामीत्यारभ्योमन्तमुच्चरन् ॥ आधारोत्थितनादं तु द्वादशग्रन्धिभेदतः ॥ ४१॥
sadyojātamprapadyāmītyārabhyomantamuccaran .. ādhārotthitanādaṃ tu dvādaśagrandhibhedataḥ .. 41..
Shloka 42
ब्रह्मरन्धांतमुच्चार्य ध्यायेदोंकारगोचरम् ॥ शुद्धस्फटिकसंकाशं देवं निष्कलमक्षरम् ॥ ४२॥
brahmarandhāṃtamuccārya dhyāyedoṃkāragocaram .. śuddhasphaṭikasaṃkāśaṃ devaṃ niṣkalamakṣaram .. 42..
Shloka 43
कारणं सर्वलोकानां सर्वलोकमयं परम् ॥ अन्तर्बहिः स्थितं व्याप्य ह्यणोरल्पं महत्तमम् ॥ ४३ ॥
kāraṇaṃ sarvalokānāṃ sarvalokamayaṃ param .. antarbahiḥ sthitaṃ vyāpya hyaṇoralpaṃ mahattamam .. 43 ..
Shloka 44
भक्तानामप्रयत्नेन दृश्यमीश्वरमव्ययम् ॥ ब्रह्मेन्द्रविष्णुरुद्राद्यैरपि देवैरगोचरम् ॥ ४४ ॥
bhaktānāmaprayatnena dṛśyamīśvaramavyayam .. brahmendraviṣṇurudrādyairapi devairagocaram .. 44 ..
Shloka 45
वेदसारञ्च विद्वद्भिरगोचरमिति श्रुतम् ॥ आविर्मध्यान्तरहितं भेषजं भवरोगिणाम् ॥ ४५ ॥
vedasārañca vidvadbhiragocaramiti śrutam .. āvirmadhyāntarahitaṃ bheṣajaṃ bhavarogiṇām .. 45 ..
Shloka 46
समाहितेन मनसा ध्यात्वैवं परमेश्वरम् ॥ आवाहनं स्थापनं च सन्निरोधं निरीक्षणम् ॥ ४६॥
samāhitena manasā dhyātvaivaṃ parameśvaram .. āvāhanaṃ sthāpanaṃ ca sannirodhaṃ nirīkṣaṇam .. 46..
Shloka 47
नमस्कारं च कुर्वीत बध्वा मुद्राः पृथक्पृथक्॥ध्यायेत्सदाशिवं साक्षाद्देवं सकलनिष्कलम्॥४७॥
namaskāraṃ ca kurvīta badhvā mudrāḥ pṛthakpṛthak..dhyāyetsadāśivaṃ sākṣāddevaṃ sakalaniṣkalam..47..
Shloka 48
शुद्धस्फटिकसंकाशं प्रसन्नं शीतलद्युतिम्॥विद्युद्वलयसंकाशं जटामुकुटभूषितम् ॥ ४८॥ ।
śuddhasphaṭikasaṃkāśaṃ prasannaṃ śītaladyutim..vidyudvalayasaṃkāśaṃ jaṭāmukuṭabhūṣitam .. 48.. .
Shloka 49
शार्दूलचर्मवसनं किंचित्स्मितमुखाम्बुजम्॥रक्तपद्मदलप्रख्यपाणिपादतलाधरम्॥४९॥
śārdūlacarmavasanaṃ kiṃcitsmitamukhāmbujam..raktapadmadalaprakhyapāṇipādatalādharam..49..
Shloka 50
सर्वलक्षणसम्पन्नं सर्वाभरणभूषितम्॥दिव्या युधकरैर्युक्तं दिव्यगन्धानुलेपनम्॥6.7.५०॥
sarvalakṣaṇasampannaṃ sarvābharaṇabhūṣitam..divyā yudhakarairyuktaṃ divyagandhānulepanam..6.7.50..
Shloka 51
पञ्चवक्त्रन्दशभुजञ्चन्द्रखण्डशिखामणिम् ॥ अस्य पूर्वमुखं सौम्यं बालार्कसदृशप्रभम्॥५१॥ ॥
pañcavaktrandaśabhujañcandrakhaṇḍaśikhāmaṇim .. asya pūrvamukhaṃ saumyaṃ bālārkasadṛśaprabham..51.. ..
Shloka 52
त्रिलोचनारविन्दाढ्यं बालेन्दुकृतशेखरम्॥दक्षिणं नीलजीमूतसमानरुचिरप्रभम्॥५२॥
trilocanāravindāḍhyaṃ bālendukṛtaśekharam..dakṣiṇaṃ nīlajīmūtasamānaruciraprabham..52..
Shloka 53
भ्रुकुटीकुटिलं घोरं रक्तवृत्तत्रिलोचनम्॥दंष्ट्रा करालं दुष्प्रेक्ष्यं स्फुरिताधरपल्लवम्॥५३॥
bhrukuṭīkuṭilaṃ ghoraṃ raktavṛttatrilocanam..daṃṣṭrā karālaṃ duṣprekṣyaṃ sphuritādharapallavam..53..
Shloka 54
उत्तरं विद्रुमप्रख्यं नीलालकविभूषितम्॥सद्विलासन्त्रिनयनं चन्द्रार्द्धकृतशेखरम्॥५४॥ ।
uttaraṃ vidrumaprakhyaṃ nīlālakavibhūṣitam..sadvilāsantrinayanaṃ candrārddhakṛtaśekharam..54.. .
Shloka 55
पश्चिमम्पूर्णचन्द्राभं लोचनत्रितयोज्ज्वलम्॥चन्द्रलेखाधरं सौम्यं मन्दस्मितमनोहरम्॥५५॥
paścimampūrṇacandrābhaṃ locanatritayojjvalam..candralekhādharaṃ saumyaṃ mandasmitamanoharam..55..
Shloka 56
पञ्चमं स्फटिकप्रख्यमिन्दुरेखासमुज्ज्वलम्॥अतीवसौम्यमुत्फुल्ललोचनत्रितयोज्ज्वलम्॥५६॥
pañcamaṃ sphaṭikaprakhyamindurekhāsamujjvalam..atīvasaumyamutphullalocanatritayojjvalam..56..
Shloka 57
दक्षिणे शूलपरशुवज्रखड्गानलोज्ज्वलम् ॥ ५७ ॥
dakṣiṇe śūlaparaśuvajrakhaḍgānalojjvalam .. 57 ..
Shloka 58
पूर्व्वे पिनाकनाराचघण्टा पाशांकुशोज्ज्वलम्॥निवृत्त्याजानुपर्य्यंतमानाभि च प्रतिष्ठया॥५८॥
pūrvve pinākanārācaghaṇṭā pāśāṃkuśojjvalam..nivṛttyājānuparyyaṃtamānābhi ca pratiṣṭhayā..58..
Shloka 59
आकण्ठं विद्यया तद्वदाललाटं तु शान्तया॥तदूर्ध्वं शान्त्यतीताख्यकलया परया तथा ॥ ५९ ॥
ākaṇṭhaṃ vidyayā tadvadālalāṭaṃ tu śāntayā..tadūrdhvaṃ śāntyatītākhyakalayā parayā tathā .. 59 ..
Shloka 60
पञ्चाध्वव्यापिनं तस्मात्कलापञ्चकविग्रहम् ॥ ईशानमुकुटं देवम्पुरुषाख्यम्पुरातनम् ॥ 6.7.६० ॥
pañcādhvavyāpinaṃ tasmātkalāpañcakavigraham .. īśānamukuṭaṃ devampuruṣākhyampurātanam .. 6.7.60 ..
Shloka 61
अघोरहृदयं तद्वद्वामगुह्यं महेश्वरम् ॥ सद्योजातं च तन्मूर्तिमष्टत्रिंशत्कलामयम् ॥ ६१ ॥
aghorahṛdayaṃ tadvadvāmaguhyaṃ maheśvaram .. sadyojātaṃ ca tanmūrtimaṣṭatriṃśatkalāmayam .. 61 ..
Shloka 62
मातृकामयमीशानम्पञ्चब्रह्ममयन्तथा॥ॐकाराख्यमयं चैव हंसन्यासमयन्तथा ॥ ६२ ॥
mātṛkāmayamīśānampañcabrahmamayantathā..oṃkārākhyamayaṃ caiva haṃsanyāsamayantathā .. 62 ..
Shloka 63
पञ्चाक्षरमयन्देवं षडक्षरमयन्तथा ॥ अङ्गषट्कमयञ्चैव जातिषट्कसमन्वितम्॥६३॥
pañcākṣaramayandevaṃ ṣaḍakṣaramayantathā .. aṅgaṣaṭkamayañcaiva jātiṣaṭkasamanvitam..63..
Shloka 64
एवन्ध्यात्वाथ मद्वामभागे त्वां च मनोन्मनीम्॥गौरी मिमाय मन्त्रेण प्रणवाद्येन भक्तितः ॥ ६४॥
evandhyātvātha madvāmabhāge tvāṃ ca manonmanīm..gaurī mimāya mantreṇa praṇavādyena bhaktitaḥ .. 64..
Shloka 65
आवाह्य पूर्ववत्कुर्यान्नमस्कारांतमी श्वरि ॥ ध्यायेत्ततस्त्वां देवेशि समाहितमना मुनिः ॥ ६५ ॥
āvāhya pūrvavatkuryānnamaskārāṃtamī śvari .. dhyāyettatastvāṃ deveśi samāhitamanā muniḥ .. 65 ..
Shloka 66
प्रफुल्लोत्पलपत्राभां विस्तीर्णायतलोचनाम् ॥ पूर्णचन्द्राभवदनान्नील कुंचितमूर्द्धजाम् ॥ ६६ ॥
praphullotpalapatrābhāṃ vistīrṇāyatalocanām .. pūrṇacandrābhavadanānnīla kuṃcitamūrddhajām .. 66 ..
Shloka 67
नीलोत्पलदलप्रख्याञ्चन्द्रार्धकृतशेखराम् ॥ अतिवृत्तघनोत्तुंगस्निग्धपीनपयोधराम्॥६७॥
nīlotpaladalaprakhyāñcandrārdhakṛtaśekharām .. ativṛttaghanottuṃgasnigdhapīnapayodharām..67..
Shloka 68
तनुमध्याम्पृथुश्रोणीम्पीतसूक्ष्मतराम्बराम् ॥ सर्वाभरणसम्पन्नां ललाटतिलकोज्ज्वलाम् ॥ ६८ ॥
tanumadhyāmpṛthuśroṇīmpītasūkṣmatarāmbarām .. sarvābharaṇasampannāṃ lalāṭatilakojjvalām .. 68 ..
Shloka 69
विचित्रपुष्पसंकीर्णकेशपाशोपशोभिताम्॥सर्वतोऽनुगुणाकारां किंचिल्लज्जानताननाम् ॥ ६९ ॥
vicitrapuṣpasaṃkīrṇakeśapāśopaśobhitām..sarvato'nuguṇākārāṃ kiṃcillajjānatānanām .. 69 ..
Shloka 70
हेमारविन्दं विलसद्दधानां दक्षिणे करे ॥ चण्डवच्चामरं हस्तं न्यस्यासीनां सुखासने ॥ 6.7.७० ॥
hemāravindaṃ vilasaddadhānāṃ dakṣiṇe kare .. caṇḍavaccāmaraṃ hastaṃ nyasyāsīnāṃ sukhāsane .. 6.7.70 ..
Shloka 71
एवम्मान्त्वां च देवेशि ध्यात्वा नियतमानसः ॥ स्नापयेच्छंखतोयेन प्रणवप्रोक्षणक्रमात् ॥ ७१ ॥
evammāntvāṃ ca deveśi dhyātvā niyatamānasaḥ .. snāpayecchaṃkhatoyena praṇavaprokṣaṇakramāt .. 71 ..
Shloka 72
भवे भवे नातिभव इति पाद्यम्प्रकल्पयेत् ॥ वामाय नम इत्युक्त्वा दद्यादाचमनीयकम्॥७२॥
bhave bhave nātibhava iti pādyamprakalpayet .. vāmāya nama ityuktvā dadyādācamanīyakam..72..
Shloka 73
ज्येष्ठाय नम इत्युक्त्वा शुभ्रवस्त्रम्प्रकल्पयेत्॥श्रेष्ठाय नम इत्युक्त्वा दद्याद्यज्ञोपवीतकम् ॥ ७३ ॥
jyeṣṭhāya nama ityuktvā śubhravastramprakalpayet..śreṣṭhāya nama ityuktvā dadyādyajñopavītakam .. 73 ..
Shloka 74
रुद्राय नम इत्युक्त्वा पुनराचमनीयकम् ॥ कालाय नम इत्युक्त्वा गन्धन्दद्यात्सुसंस्कृतम् ॥ ७४ ॥
rudrāya nama ityuktvā punarācamanīyakam .. kālāya nama ityuktvā gandhandadyātsusaṃskṛtam .. 74 ..
Shloka 75
कलाविकरणाय नमोऽक्षतं च परिकल्पयेत् ॥ बलविकरणाय नम इति पुष्पाणि दापयेत् ॥ ७५ ॥
kalāvikaraṇāya namo'kṣataṃ ca parikalpayet .. balavikaraṇāya nama iti puṣpāṇi dāpayet .. 75 ..
Shloka 76
बलाय नम इत्युक्त्वा धूपन्दद्यात्प्र यत्नतः ॥ बलप्रमथनायेति सुदीपं चैव दापयेत् ॥ ७६ ॥
balāya nama ityuktvā dhūpandadyātpra yatnataḥ .. balapramathanāyeti sudīpaṃ caiva dāpayet .. 76 ..
Shloka 77
ब्रह्मभिश्च षडंगैश्च ततो मातृकया सह ॥ प्रणवेन शिवेनैव शक्तियुक्तेन च क्रमात् ॥ ७७ ॥
brahmabhiśca ṣaḍaṃgaiśca tato mātṛkayā saha .. praṇavena śivenaiva śaktiyuktena ca kramāt .. 77 ..
Shloka 78
मुद्राः प्रदर्शयेन्मह्यन्तुभ्यञ्च वरवर्णिनि ॥ मयि प्रकल्पयेत्पूर्वमुपचारांस्ततस्त्वयि ॥ ७८ ॥
mudrāḥ pradarśayenmahyantubhyañca varavarṇini .. mayi prakalpayetpūrvamupacārāṃstatastvayi .. 78 ..
Shloka 79
यदा त्वयि प्रकुर्वीत स्त्रीलिंगं योजयेत्तदा ॥ इयानेव हि भेदोऽस्ति नान्यः पार्वति कश्चन ॥ ७९ ॥
yadā tvayi prakurvīta strīliṃgaṃ yojayettadā .. iyāneva hi bhedo'sti nānyaḥ pārvati kaścana .. 79 ..
Shloka 80
एवन्ध्यानम्पूजनं च कृत्वा सम्यग्विधानतः ॥ ममावरणपूजां च प्रारभेत विचक्षणः ॥ 6.7.८०॥
evandhyānampūjanaṃ ca kṛtvā samyagvidhānataḥ .. mamāvaraṇapūjāṃ ca prārabheta vicakṣaṇaḥ .. 6.7.80..
Shloka 81
इति श्रीशिवमहापुराणे षष्ठ्यां कैलाशसंहितायां शिवध्यानपूजनवर्णनं नाम सप्तमोऽध्यायः ॥ ७ ॥
iti śrīśivamahāpurāṇe ṣaṣṭhyāṃ kailāśasaṃhitāyāṃ śivadhyānapūjanavarṇanaṃ nāma saptamo'dhyāyaḥ .. 7 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In