| |
|

This overlay will guide you through the buttons:

Shloka 1
ब्रह्मोवाच ।।
निवार्य वीरभद्रं तं कुमारः परवीरहा॥ समैच्छत्तारकवधं स्मृत्वा शिवपदाम्बुजौ॥ १॥
nivārya vīrabhadraṃ taṃ kumāraḥ paravīrahā.. samaicchattārakavadhaṃ smṛtvā śivapadāmbujau.. 1..
Shloka 2
जगर्जाथ महातेजाः कार्तिकेयो महाबलः ॥ सन्नद्धः सोऽभवत्क्रुद्ध सैन्येन महता वृतः ॥ २॥
jagarjātha mahātejāḥ kārtikeyo mahābalaḥ .. sannaddhaḥ so'bhavatkruddha sainyena mahatā vṛtaḥ .. 2..
Shloka 3
तदा जयजयेत्युक्तं सर्वैर्देर्वेर्गणै स्तथा ॥ संस्तुतो वाग्भिरिष्टाभिस्तदैव च सुरर्षिभिः ॥ ३॥
tadā jayajayetyuktaṃ sarvairdervergaṇai stathā .. saṃstuto vāgbhiriṣṭābhistadaiva ca surarṣibhiḥ .. 3..
Shloka 4
तारकस्य कुमारस्य संग्रामोऽतीव दुस्सहः॥ जातस्तदा महाघोरस्सर्वभूत भयंकरः ॥ ४ ॥
tārakasya kumārasya saṃgrāmo'tīva dussahaḥ.. jātastadā mahāghorassarvabhūta bhayaṃkaraḥ .. 4 ..
Shloka 5
शक्तिहस्तौ च तौ वीरौ युयुधाते परस्परम् ॥ सर्वेषां पश्यतां तत्र महाश्चर्यवतां मुने ॥ ५ ॥
śaktihastau ca tau vīrau yuyudhāte parasparam .. sarveṣāṃ paśyatāṃ tatra mahāścaryavatāṃ mune .. 5 ..
Shloka 6
शक्तिनिर्भिन्नदेहौ तौ महासाधनसंयुतौ॥ परस्परं वंचयंतौ सिंहाविव महाबलौ ॥ ६॥
śaktinirbhinnadehau tau mahāsādhanasaṃyutau.. parasparaṃ vaṃcayaṃtau siṃhāviva mahābalau .. 6..
Shloka 7
वैतालिकं समाश्रित्य तथा खेचरकं मतम् ॥ पापं तं च समाश्रित्य शक्त्या शक्तिं विजघ्नतुः ॥ ७॥
vaitālikaṃ samāśritya tathā khecarakaṃ matam .. pāpaṃ taṃ ca samāśritya śaktyā śaktiṃ vijaghnatuḥ .. 7..
Shloka 8
एभिर्मंत्रैर्महावीरौ चक्रतुर्युद्धमद्भुतम् ॥ अन्योन्यं साधकौ भूत्वा महाबलपराक्रमौ ॥ ८॥
ebhirmaṃtrairmahāvīrau cakraturyuddhamadbhutam .. anyonyaṃ sādhakau bhūtvā mahābalaparākramau .. 8..
Shloka 9
महाबलं प्रकुर्वतौ परस्परवधैषिणौ॥ जघ्नतुश्शक्तिधाराभी रणे रणविशारदौ॥ ९॥
mahābalaṃ prakurvatau parasparavadhaiṣiṇau.. jaghnatuśśaktidhārābhī raṇe raṇaviśāradau.. 9..
Shloka 10
मूर्ध्नि कंठे तथा चोर्वोर्जान्वोश्चैव कटीतटे॥ वक्षस्युरसि पृष्ठे च चिच्छिदुश्च परस्परम् ॥ 2.4.10.१०॥
mūrdhni kaṃṭhe tathā corvorjānvoścaiva kaṭītaṭe.. vakṣasyurasi pṛṣṭhe ca cicchiduśca parasparam .. 2.4.10.10..
Shloka 11
तदा तौ युध्यमानौ च हन्तुकामौ महाबलौ ॥ वल्गन्तौ वीरशब्दैश्च नानायुद्धविशारदौ ॥ ११ ॥ ।
tadā tau yudhyamānau ca hantukāmau mahābalau .. valgantau vīraśabdaiśca nānāyuddhaviśāradau .. 11 .. .
Shloka 12
अभवन्प्रेक्षकास्सर्वे देवा गंधर्वकिन्नराः ॥ ऊचुः परस्परं तत्र कोस्मिन्युद्धे विजेष्यते ॥ १२ ॥
abhavanprekṣakāssarve devā gaṃdharvakinnarāḥ .. ūcuḥ parasparaṃ tatra kosminyuddhe vijeṣyate .. 12 ..
Shloka 13
तदा नभोगता वाणी जगौ देवांश्च सांत्वयन् ॥ असुरं तारकं चात्र कुमारोऽयं हनिष्यति ॥ १३॥
tadā nabhogatā vāṇī jagau devāṃśca sāṃtvayan .. asuraṃ tārakaṃ cātra kumāro'yaṃ haniṣyati .. 13..
Shloka 14
मा शोच्यतां सुरैः सर्वै सुखेन स्थीयतामिति॥ युष्मदर्थं शंकरो हि पुत्ररूपेण संस्थितः ॥ १४॥
mā śocyatāṃ suraiḥ sarvai sukhena sthīyatāmiti.. yuṣmadarthaṃ śaṃkaro hi putrarūpeṇa saṃsthitaḥ .. 14..
Shloka 15
श्रुत्वा तदा तां गगने समीरितां वाचं शुभां सप्रमथेस्समावृतः ॥ निहंतुकामः सुखितः कुमारको दैत्याधिपं तारकमाश्वभूत्तदा ॥ १५॥
śrutvā tadā tāṃ gagane samīritāṃ vācaṃ śubhāṃ sapramathessamāvṛtaḥ .. nihaṃtukāmaḥ sukhitaḥ kumārako daityādhipaṃ tārakamāśvabhūttadā .. 15..
Shloka 16
शक्त्या तया महाबाहुराजघानस्तनांतरे ॥ कुमारः स्म रुषाविष्टस्तारकासुरमोजसा ॥ १६ ॥
śaktyā tayā mahābāhurājaghānastanāṃtare .. kumāraḥ sma ruṣāviṣṭastārakāsuramojasā .. 16 ..
Shloka 17
तं प्रहारमनादृत्य तारको दैत्यपुंगवः ॥ कुमारं चापि संक्रुद्धस्स्वशक्त्या संजघान सः ॥ १७ ॥
taṃ prahāramanādṛtya tārako daityapuṃgavaḥ .. kumāraṃ cāpi saṃkruddhassvaśaktyā saṃjaghāna saḥ .. 17 ..
Shloka 18
तेन शक्तिप्रहारेण शांकरिर्मूच्छि तोऽभवत् ॥ मुहूर्ताच्चेतनां प्राप स्तूयमानो महर्षिभिः ॥ १८॥
tena śaktiprahāreṇa śāṃkarirmūcchi to'bhavat .. muhūrtāccetanāṃ prāpa stūyamāno maharṣibhiḥ .. 18..
Shloka 19
यथा सिंहो मदोन्मत्तो हंतुकामस्तथासुरम्॥ कुमारस्तारकं शक्त्या स जघान प्रतापवान् ॥ १९ ॥
yathā siṃho madonmatto haṃtukāmastathāsuram.. kumārastārakaṃ śaktyā sa jaghāna pratāpavān .. 19 ..
Shloka 20
एवं परस्परं तौ हि कुमारश्चापि तारकः ॥ युयुधातेऽतिसंरब्धौ शक्तियुद्धविशारदौ ॥ 2.4.10.२० ॥
evaṃ parasparaṃ tau hi kumāraścāpi tārakaḥ .. yuyudhāte'tisaṃrabdhau śaktiyuddhaviśāradau .. 2.4.10.20 ..
Shloka 21
अभ्यासपरमावास्तामन्योन्यं विजिगीषया ॥ पदातिनौ युध्यमान्नौ चित्ररूपौ तरस्विनौ ॥ २१॥
abhyāsaparamāvāstāmanyonyaṃ vijigīṣayā .. padātinau yudhyamānnau citrarūpau tarasvinau .. 21..
Shloka 22
विविधैर्घातपुंजैस्तावन्योन्यं विनि जघ्नतुः ॥ नानामार्गान्प्रकुर्वन्तौ गर्जंतौ सुपराक्रमौ ॥ २२॥
vividhairghātapuṃjaistāvanyonyaṃ vini jaghnatuḥ .. nānāmārgānprakurvantau garjaṃtau suparākramau .. 22..
Shloka 23
अवलोकपरास्सर्वे देवगंधर्वकिन्नराः॥ विस्मयं परमं जग्मुर्नोचुः किंचन तत्र ते ॥ २३॥
avalokaparāssarve devagaṃdharvakinnarāḥ.. vismayaṃ paramaṃ jagmurnocuḥ kiṃcana tatra te .. 23..
Shloka 24
न ववौ पवमानश्च निष्प्रभोऽभूद्दिवाकरः ॥ चचाल वसुधा सर्वा सशैलवनकानना ॥ २४॥
na vavau pavamānaśca niṣprabho'bhūddivākaraḥ .. cacāla vasudhā sarvā saśailavanakānanā .. 24..
Shloka 25
एतस्मिन्नंतरे तत्र हिमालयमुखा धराः ॥ स्नेहार्दितास्तदा जग्मुः कुमारं च परीप्सवः ॥ २५॥
etasminnaṃtare tatra himālayamukhā dharāḥ .. snehārditāstadā jagmuḥ kumāraṃ ca parīpsavaḥ .. 25..
Shloka 26
ततस्स दृष्ट्वा तान्सर्वान्भयभीतांश्च शांकरिः॥ पर्वतान्गिरिजापुत्रो बभाषे परिबोधयन् ॥ २६॥
tatassa dṛṣṭvā tānsarvānbhayabhītāṃśca śāṃkariḥ.. parvatāngirijāputro babhāṣe paribodhayan .. 26..
Shloka 27
कुमार उवाच।।
मा खिद्यतां महाभागा मा चिंतां कुर्वतां नगाः ॥ घातयाम्यद्य पापिष्ठं सर्वेषां वः प्रपश्य ताम् ॥ २७॥
mā khidyatāṃ mahābhāgā mā ciṃtāṃ kurvatāṃ nagāḥ .. ghātayāmyadya pāpiṣṭhaṃ sarveṣāṃ vaḥ prapaśya tām .. 27..
Shloka 28
एवं समाश्वास्य तदा पर्वतान्निर्जरान्गणान् ॥ प्रणम्य गिरिजां शंभुमाददे शक्तिमुत्प्रभाम्॥ २८॥
evaṃ samāśvāsya tadā parvatānnirjarāngaṇān .. praṇamya girijāṃ śaṃbhumādade śaktimutprabhām.. 28..
Shloka 29
तं तारकं हंतुमनाः करशक्तिर्महाप्रभुः ॥ विरराज महावीरः कुमारश्शंभुबालकः ॥ २९ ॥
taṃ tārakaṃ haṃtumanāḥ karaśaktirmahāprabhuḥ .. virarāja mahāvīraḥ kumāraśśaṃbhubālakaḥ .. 29 ..
Shloka 30
शक्त्या तया जघानाथ कुमारस्तारकासुरम् ॥ तेजसाढ्यश्शंकरस्य लोकक्लेशकरं च तम् ॥ 2.4.10.३०॥
śaktyā tayā jaghānātha kumārastārakāsuram .. tejasāḍhyaśśaṃkarasya lokakleśakaraṃ ca tam .. 2.4.10.30..
Shloka 31
पपात सद्यस्सहसा विशीर्णांगोऽसुरः क्षितौ ॥ तारकाख्यो महावीरस्सर्वासुरगणाधिपः॥ ३१॥
papāta sadyassahasā viśīrṇāṃgo'suraḥ kṣitau .. tārakākhyo mahāvīrassarvāsuragaṇādhipaḥ.. 31..
Shloka 32
कुमारेण हतस्सोतिवीरस्स खलु तारकः ॥ लयं ययौ च तत्रैव सर्वेषां पश्यतां मुने ॥ ३२॥
kumāreṇa hatassotivīrassa khalu tārakaḥ .. layaṃ yayau ca tatraiva sarveṣāṃ paśyatāṃ mune .. 32..
Shloka 33
तथा तं पतितं दृष्ट्वा तारकं बलवत्तरम् ॥ न जघान पुनर्वीरस्स गत्वा व्यसुमाहवे ॥ ३३॥
tathā taṃ patitaṃ dṛṣṭvā tārakaṃ balavattaram .. na jaghāna punarvīrassa gatvā vyasumāhave .. 33..
Shloka 34
हते तस्मिन्महादैत्ये तारकाख्ये महाबले ॥ क्षयं प्रणीता बहवोऽसुरा देवगणैस्तदा ॥ ३४॥
hate tasminmahādaitye tārakākhye mahābale .. kṣayaṃ praṇītā bahavo'surā devagaṇaistadā .. 34..
Shloka 35
केचिद्भीताः प्रांजलयो बभूवुस्तत्र चाहवे॥ छिन्नभिन्नांगकाः केचिन्मृता दैत्यास्सहस्रशः॥ ३५॥
kecidbhītāḥ prāṃjalayo babhūvustatra cāhave.. chinnabhinnāṃgakāḥ kecinmṛtā daityāssahasraśaḥ.. 35..
Shloka 36
केचिज्जाताः कुमारस्य शरणं शरणार्थिनः ॥ वदन्तः पाहि पाहीति दैत्याः सांजलयस्तदा ॥ ३६॥
kecijjātāḥ kumārasya śaraṇaṃ śaraṇārthinaḥ .. vadantaḥ pāhi pāhīti daityāḥ sāṃjalayastadā .. 36..
Shloka 37
कियंतश्च हतास्तत्र कियंतश्च पलायिताः ॥ पलायमाना व्यथिता स्ताडिता निर्ज्जरैर्गणैः ॥ ३७॥
kiyaṃtaśca hatāstatra kiyaṃtaśca palāyitāḥ .. palāyamānā vyathitā stāḍitā nirjjarairgaṇaiḥ .. 37..
Shloka 38
सहस्रशः प्रविष्टास्ते पाताले च जिजीषवः॥ पलायमानास्ते सर्वे भग्नाशा दैन्यमागताः ॥ ३८॥
sahasraśaḥ praviṣṭāste pātāle ca jijīṣavaḥ.. palāyamānāste sarve bhagnāśā dainyamāgatāḥ .. 38..
Shloka 39
एवं सर्वं दैत्यसैन्यं भ्रष्टं जातं मुनीश्वर ॥ न केचित्तत्र संतस्थुर्गणदेवभयात्तदा ॥ ३९॥
evaṃ sarvaṃ daityasainyaṃ bhraṣṭaṃ jātaṃ munīśvara .. na kecittatra saṃtasthurgaṇadevabhayāttadā .. 39..
Shloka 40
आसीन्निष्कंटकं सर्वं हते तस्मिन्दुरात्मनि॥ ते देवाः सुखमापन्नास्सर्वे शक्रादयस्तदा ॥ 2.4.10.४०॥
āsīnniṣkaṃṭakaṃ sarvaṃ hate tasmindurātmani.. te devāḥ sukhamāpannāssarve śakrādayastadā .. 2.4.10.40..
Shloka 41
एवं विजयमापन्नं कुमारं निखिलास्सुराः ॥ बभूवुर्युगपद्धृष्टास्त्रिलोकाश्च महासुखा॥ ४१॥
evaṃ vijayamāpannaṃ kumāraṃ nikhilāssurāḥ .. babhūvuryugapaddhṛṣṭāstrilokāśca mahāsukhā.. 41..
Shloka 42
तदा शिवोऽपि तं ज्ञात्वा विजयं कार्तिकस्य च ॥ तत्राजगाम स मुदा सगणः प्रियया सह ॥ ४२ ॥
tadā śivo'pi taṃ jñātvā vijayaṃ kārtikasya ca .. tatrājagāma sa mudā sagaṇaḥ priyayā saha .. 42 ..
Shloka 43
स्वात्मजं स्वांकमारोप्य कुमारं सूर्यवर्चसम् ॥ लालयामास सुप्रीत्या शिवा च स्नेहसंकुला ॥ ४३ ॥
svātmajaṃ svāṃkamāropya kumāraṃ sūryavarcasam .. lālayāmāsa suprītyā śivā ca snehasaṃkulā .. 43 ..
Shloka 44
हिमालयस्तदागत्य स्वपुत्रैः परिवारितः ॥ सबंधुस्सानुगश्शंभुं तुष्टाव च शिवां गुहम् ॥ ४४ ॥
himālayastadāgatya svaputraiḥ parivāritaḥ .. sabaṃdhussānugaśśaṃbhuṃ tuṣṭāva ca śivāṃ guham .. 44 ..
Shloka 45
ततो देवगणास्सर्वे मुनयस्सिद्धचारणाः ॥ तुष्टुवुश्शांकरिं शंभुं गिरिजां तुषितां भृशम् ॥ ४५ ॥
tato devagaṇāssarve munayassiddhacāraṇāḥ .. tuṣṭuvuśśāṃkariṃ śaṃbhuṃ girijāṃ tuṣitāṃ bhṛśam .. 45 ..
Shloka 46
पुष्पवृष्टिं सुमहतीं चक्रुश्चोपसुरास्तदा ॥ जगुर्गंधर्वपतयो ननृतुश्चाप्सरोगणाः ॥ ४६ ॥
puṣpavṛṣṭiṃ sumahatīṃ cakruścopasurāstadā .. jagurgaṃdharvapatayo nanṛtuścāpsarogaṇāḥ .. 46 ..
Shloka 47
वादित्राणि तथा नेदुस्तदानीं च विशेषतः ॥ जयशब्दो नमः शब्दो बभूवोच्चैर्मुहुर्मुहुः ॥ ४७ ॥
vāditrāṇi tathā nedustadānīṃ ca viśeṣataḥ .. jayaśabdo namaḥ śabdo babhūvoccairmuhurmuhuḥ .. 47 ..
Shloka 48
ततो मयाच्युतश्चापि संतुष्टोभूद्विशेषतः ॥ शिवं शिवां कुमारं च संतुष्टाव समादरात् ॥ ४८ ॥
tato mayācyutaścāpi saṃtuṣṭobhūdviśeṣataḥ .. śivaṃ śivāṃ kumāraṃ ca saṃtuṣṭāva samādarāt .. 48 ..
Shloka 49
कुमारमग्रतः कृत्वा हरिकेन्द्रमुखास्सुराः ॥ चक्रुर्नीराजनं प्रीत्या मुनयश्चापरे तथा ॥ ४९ ॥
kumāramagrataḥ kṛtvā harikendramukhāssurāḥ .. cakrurnīrājanaṃ prītyā munayaścāpare tathā .. 49 ..
Shloka 50
गीतवादित्रघोषेण ब्रह्मघोषेण भूयसा ॥ तदोत्सवो महानासीत्कीर्तनं च विशेषतः ॥ 2.4.10.५० ॥
gītavāditraghoṣeṇa brahmaghoṣeṇa bhūyasā .. tadotsavo mahānāsītkīrtanaṃ ca viśeṣataḥ .. 2.4.10.50 ..
Shloka 51
गीतवाद्यैस्सुप्रसन्नैस्तथा साञ्जलिभिर्मुने ॥ स्तूयमानो जगन्नाथस्सर्वैर्दैवैर्गणैरभूत ॥ ५१॥
gītavādyaissuprasannaistathā sāñjalibhirmune .. stūyamāno jagannāthassarvairdaivairgaṇairabhūta .. 51..
Shloka 52
ततस्स भगवान्रुद्रो भवान्या जगदंबया ॥ सर्वैः स्तुतो जगामाथ स्वगिरिं स्वगणैर्वृतः ॥ ५२॥
tatassa bhagavānrudro bhavānyā jagadaṃbayā .. sarvaiḥ stuto jagāmātha svagiriṃ svagaṇairvṛtaḥ .. 52..
Shloka 53
इति श्री शिवमहापुराणे द्वितीयायां रुद्रसंहितायां चतुर्थे कुमारखण्डे तारका सुरवधदेवोत्सववर्णनं नाम दशमोऽध्यायः ॥ १० ॥
iti śrī śivamahāpurāṇe dvitīyāyāṃ rudrasaṃhitāyāṃ caturthe kumārakhaṇḍe tārakā suravadhadevotsavavarṇanaṃ nāma daśamo'dhyāyaḥ .. 10 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In