| |
|

This overlay will guide you through the buttons:

Shloka 1
ब्रह्मोवाच ।।
एतस्मिन्नंतरे तत्र ददर्श रथमुत्तमम् ॥ अद्भुतं शोभितं शश्वद्विश्वकर्मविनिर्मितम् ॥ १॥
etasminnaṃtare tatra dadarśa rathamuttamam .. adbhutaṃ śobhitaṃ śaśvadviśvakarmavinirmitam .. 1..
Shloka 2
शतचक्रं सुविस्तीर्णं मनोयायि मनोहरम् ॥ प्रस्थापितं च पार्वत्या वेष्टितं पार्षदैर्वरैः ॥ २॥
śatacakraṃ suvistīrṇaṃ manoyāyi manoharam .. prasthāpitaṃ ca pārvatyā veṣṭitaṃ pārṣadairvaraiḥ .. 2..
Shloka 3
समारोहत्ततोऽनंतो हृदयेन विदूयता ॥ कार्त्तिकः परम ज्ञानी परमेशानवीर्यजः ॥ ३॥
samārohattato'naṃto hṛdayena vidūyatā .. kārttikaḥ parama jñānī parameśānavīryajaḥ .. 3..
Shloka 4
तदैव कृत्तिकाः प्राप्य मुक्तकेश्यश्शुचाऽऽतुराः ॥ उन्मत्ता इव तत्रैव वक्तुमारेभिरे वचः ॥ ४॥
tadaiva kṛttikāḥ prāpya muktakeśyaśśucā''turāḥ .. unmattā iva tatraiva vaktumārebhire vacaḥ .. 4..
Shloka 5
कृत्तिका ऊचुः ।।
विहायाऽस्मान् कृपासिन्धो गच्छसि त्वं हि निर्दयः ॥ नायं धर्मो मातृवर्गान् पालितो यत् सुतस्त्यजेत् ॥ ५ ॥
vihāyā'smān kṛpāsindho gacchasi tvaṃ hi nirdayaḥ .. nāyaṃ dharmo mātṛvargān pālito yat sutastyajet .. 5 ..
Shloka 6
स्नेहेन वर्द्धितोऽस्माभिः पुत्रोऽस्माकं च धर्मतः ॥ किं कुर्मः क्व च यास्यामो वयं किं करवाम ह ॥ ६॥
snehena varddhito'smābhiḥ putro'smākaṃ ca dharmataḥ .. kiṃ kurmaḥ kva ca yāsyāmo vayaṃ kiṃ karavāma ha .. 6..
Shloka 7
इत्युक्त्वा कृत्तिकास्सर्वाः कृत्वा वक्षसि कार्त्तिकम्॥ द्रुतं मूर्च्छामवापुस्तास्सुतविच्छेदकारणात्॥ ७॥
ityuktvā kṛttikāssarvāḥ kṛtvā vakṣasi kārttikam.. drutaṃ mūrcchāmavāpustāssutavicchedakāraṇāt.. 7..
Shloka 8
ताः कुमारो बोधयित्वा अध्यात्मवचनेन वै ॥ ताभिश्च पार्षदैस्सार्द्धमारुरोह रथं मुने ॥ ८॥
tāḥ kumāro bodhayitvā adhyātmavacanena vai .. tābhiśca pārṣadaissārddhamāruroha rathaṃ mune .. 8..
Shloka 9
दृष्ट्वा श्रुत्वा मंगलानि बहूनि सुखदानि वै ॥ कुमारः पार्षदैस्सार्द्धं जगाम पितृमन्दिरम् ॥ ९॥
dṛṣṭvā śrutvā maṃgalāni bahūni sukhadāni vai .. kumāraḥ pārṣadaissārddhaṃ jagāma pitṛmandiram .. 9..
Shloka 10
दक्षेण नंदियुक्तश्च मनोयायिरथेन च ॥ कुमारः प्राप कैलासं न्यग्रोधाऽक्षयमूलके॥ 2.4.5.१०॥
dakṣeṇa naṃdiyuktaśca manoyāyirathena ca .. kumāraḥ prāpa kailāsaṃ nyagrodhā'kṣayamūlake.. 2.4.5.10..
Shloka 11
तत्र तस्थौ कृत्तिकाभिः पार्षदप्रवरैः सह॥ कुमारश्शांकरिः प्रीतो नानालीलाविशारदः ॥ ११॥
tatra tasthau kṛttikābhiḥ pārṣadapravaraiḥ saha.. kumāraśśāṃkariḥ prīto nānālīlāviśāradaḥ .. 11..
Shloka 12
तदा सर्वे सुरगणा ऋषयः सिद्धचारणाः ॥ विष्णुना ब्रह्मणा सार्द्धं समाचख्युस्तदागमम्॥ १२॥
tadā sarve suragaṇā ṛṣayaḥ siddhacāraṇāḥ .. viṣṇunā brahmaṇā sārddhaṃ samācakhyustadāgamam.. 12..
Shloka 13
तदा दृष्ट्वा च गांगेयं ययौ प्रमुदितश्शिवः ।अन्यैस्समेतो हरिणा ब्रह्मणा च सुरर्षिभिः ॥ १३॥
tadā dṛṣṭvā ca gāṃgeyaṃ yayau pramuditaśśivaḥ .anyaissameto hariṇā brahmaṇā ca surarṣibhiḥ .. 13..
Shloka 14
शंखाश्च बहवो नेदुर्भेरी तूर्याण्यनेकशः ॥ उत्सवस्तु महानासीद्देवानां तुष्टचेतसाम् ॥ १४॥
śaṃkhāśca bahavo nedurbherī tūryāṇyanekaśaḥ .. utsavastu mahānāsīddevānāṃ tuṣṭacetasām .. 14..
Shloka 15
तदानीमेव तं सर्वे वीरभद्रादयो गणाः ॥ कुर्वन्तः स्वन्वयुः केलिं नानातालधरस्वराः ॥ १५ ॥
tadānīmeva taṃ sarve vīrabhadrādayo gaṇāḥ .. kurvantaḥ svanvayuḥ keliṃ nānātāladharasvarāḥ .. 15 ..
Shloka 16
स्तावकाः स्तूयमानाश्च चक्रुस्ते गुणकीर्त्तनम् ॥ जयशब्दं नमश्शब्दं कुर्वाणाः प्रीतमानसाः॥ १६ ॥
stāvakāḥ stūyamānāśca cakruste guṇakīrttanam .. jayaśabdaṃ namaśśabdaṃ kurvāṇāḥ prītamānasāḥ.. 16 ..
Shloka 17
द्रष्टुं ययुस्तं शरजं शिवात्मजमनुत्तमम् ॥ १७॥
draṣṭuṃ yayustaṃ śarajaṃ śivātmajamanuttamam .. 17..
Shloka 18
पार्वती मंगलं चक्रे राजमार्गं मनोहरम् ॥ पद्मरागादिमणिभिस्संस्कृतं परितः पुरम् ॥ १८॥
pārvatī maṃgalaṃ cakre rājamārgaṃ manoharam .. padmarāgādimaṇibhissaṃskṛtaṃ paritaḥ puram .. 18..
Shloka 19
पतिपुत्रवतीभिश्च साध्वीभिः स्त्रीभिरन्विता ॥ लक्ष्म्यादित्रिंशद्देवीश्च पुरः कृत्वा समाययौ॥ १९॥
patiputravatībhiśca sādhvībhiḥ strībhiranvitā .. lakṣmyāditriṃśaddevīśca puraḥ kṛtvā samāyayau.. 19..
Shloka 20
रम्भाद्यप्सरसो दिव्यास्स स्मिता वेषसंयुताः ॥ संगीतनर्तनपरा बभूवुश्च शिवाज्ञया ॥ 2.4.5.२०॥
rambhādyapsaraso divyāssa smitā veṣasaṃyutāḥ .. saṃgītanartanaparā babhūvuśca śivājñayā .. 2.4.5.20..
Shloka 21
ये तं समीक्षयामासुर्गागेयं शंकरोपमम् ॥ ददृशुस्ते महत्तेजो व्याप्तमासीज्जगत्त्रये ॥ २१॥
ye taṃ samīkṣayāmāsurgāgeyaṃ śaṃkaropamam .. dadṛśuste mahattejo vyāptamāsījjagattraye .. 21..
Shloka 22
तत्तेजसा वृतं बालं तप्तचामीकरप्रभम् ॥ ववंदिरे द्रुतं सर्वे कुमारं सूर्यवर्चसम् ॥ २२ ॥
tattejasā vṛtaṃ bālaṃ taptacāmīkaraprabham .. vavaṃdire drutaṃ sarve kumāraṃ sūryavarcasam .. 22 ..
Shloka 23
जहुर्षुर्विनतस्कंधा नमश्शब्दरतास्तदा ॥ परिवार्योपतस्थुस्ते वामदक्षिणमागताः ॥ २३॥
jahurṣurvinataskaṃdhā namaśśabdaratāstadā .. parivāryopatasthuste vāmadakṣiṇamāgatāḥ .. 23..
Shloka 24
अहं विष्णुश्च शक्रश्च तथा देवादयोऽखिलाः ॥ दण्डवत्पतिता भूमौ परिवार्य्य कुमारकम् ॥ २४॥
ahaṃ viṣṇuśca śakraśca tathā devādayo'khilāḥ .. daṇḍavatpatitā bhūmau parivāryya kumārakam .. 24..
Shloka 25
एतस्मिन्नन्तरे शंभुर्गिरिजा च मुदान्विता ॥ महोत्सवं समागम्य ददर्श तनयं मुदा ॥ २५॥
etasminnantare śaṃbhurgirijā ca mudānvitā .. mahotsavaṃ samāgamya dadarśa tanayaṃ mudā .. 25..
Shloka 26
पुत्रं निरीक्ष्य च तदा जगदेकबंधुः प्रीत्यान्वितः परमया परया भवान्या ॥ स्नेहान्वितो भुजगभोगयुतो हि साक्षात्सर्वेश्वरः परिवृतः प्रमथैः परेशः २६॥
putraṃ nirīkṣya ca tadā jagadekabaṃdhuḥ prītyānvitaḥ paramayā parayā bhavānyā .. snehānvito bhujagabhogayuto hi sākṣātsarveśvaraḥ parivṛtaḥ pramathaiḥ pareśaḥ 26..
Shloka 27
अथ शक्तिधरः स्कन्दौ दृष्ट्वा तौ पार्वतीशिवौ ॥ अवरुह्य रथात्तूर्णं शिरसा प्रणनाम ह ॥ २७॥
atha śaktidharaḥ skandau dṛṣṭvā tau pārvatīśivau .. avaruhya rathāttūrṇaṃ śirasā praṇanāma ha .. 27..
Shloka 28
उपगुह्य शिवः प्रीत्या कुमारं मूर्ध्नि शंकरः ॥ जघ्रौ प्रेम्णा परमेशानः प्रसन्नः स्नेहकर्तृकः ॥ २८॥
upaguhya śivaḥ prītyā kumāraṃ mūrdhni śaṃkaraḥ .. jaghrau premṇā parameśānaḥ prasannaḥ snehakartṛkaḥ .. 28..
Shloka 29
उपगुह्य गुहं तत्र पार्वती जातसंभ्रमा ॥ प्रस्नुतं पाययामास स्तनं स्नेहपरिप्लुता ॥ २९॥
upaguhya guhaṃ tatra pārvatī jātasaṃbhramā .. prasnutaṃ pāyayāmāsa stanaṃ snehapariplutā .. 29..
Shloka 30
तदा नीराजितो देवैस्सकलत्रैर्मुदान्वितैः ॥ जयशब्देन महता व्याप्तमासीन्नभस्तलम् ॥ 2.4.5.३० ॥
tadā nīrājito devaissakalatrairmudānvitaiḥ .. jayaśabdena mahatā vyāptamāsīnnabhastalam .. 2.4.5.30 ..
Shloka 31
ऋषयो ब्रह्मघोषेण गीतेनैव च गायकाः ॥ वाद्यैश्च बहवस्तत्रोपतस्थुश्च कुमारकम् ॥ ३१॥
ṛṣayo brahmaghoṣeṇa gītenaiva ca gāyakāḥ .. vādyaiśca bahavastatropatasthuśca kumārakam .. 31..
Shloka 32
स्वमंकमारोप्य तदा महेशः कुमारकं तं प्रभया समुज्ज्वलम् ॥ बभौ भवानीपतिरेव साक्षाच्छ्रियाऽन्वितः पुत्रवतां वरिष्ठः ॥ ३२॥
svamaṃkamāropya tadā maheśaḥ kumārakaṃ taṃ prabhayā samujjvalam .. babhau bhavānīpatireva sākṣācchriyā'nvitaḥ putravatāṃ variṣṭhaḥ .. 32..
Shloka 33
कुमारः स्वगणैः सार्द्धमाजगाम शिवालयम् ॥ शिवाज्ञया महोत्साहैस्सह देवैर्महासुखी ॥ ३३ ॥
kumāraḥ svagaṇaiḥ sārddhamājagāma śivālayam .. śivājñayā mahotsāhaissaha devairmahāsukhī .. 33 ..
Shloka 34
दंपती तौ तदा तत्रैकपद्येन विरेजतुः ॥ विवंद्यमानावृषिभिरावृतौ सुरसत्तमैः ॥ ३४ ॥
daṃpatī tau tadā tatraikapadyena virejatuḥ .. vivaṃdyamānāvṛṣibhirāvṛtau surasattamaiḥ .. 34 ..
Shloka 35
कुमारः क्रीडयामास शिवोत्संगे मुदान्वितः ॥ वासुकिं शिवकंठस्थं पाणिभ्यां समपीडयत् ॥ ३५ ॥
kumāraḥ krīḍayāmāsa śivotsaṃge mudānvitaḥ .. vāsukiṃ śivakaṃṭhasthaṃ pāṇibhyāṃ samapīḍayat .. 35 ..
Shloka 36
प्रहस्य भगवाञ् शंभुश्शशंस गिरिजां तदा ॥ निरीक्ष्य कृपया दृष्ट्या कृपालुर्लीलयाकृतिम् ॥ ३६॥
prahasya bhagavāñ śaṃbhuśśaśaṃsa girijāṃ tadā .. nirīkṣya kṛpayā dṛṣṭyā kṛpālurlīlayākṛtim .. 36..
Shloka 37
मदस्मितेन च तदा भगवान्महेशः प्राप्तो मुदं च परमां गिरिजासमेतः ॥ प्रेम्णा स गद्गदगिरो जगदेकबंधुर्नोवाच किंचन विभुर्भुवनैकभर्त्ता॥ ३७ ॥
madasmitena ca tadā bhagavānmaheśaḥ prāpto mudaṃ ca paramāṃ girijāsametaḥ .. premṇā sa gadgadagiro jagadekabaṃdhurnovāca kiṃcana vibhurbhuvanaikabharttā.. 37 ..
Shloka 38
अथ शंभुर्जगन्नाथो हृष्टो लौकिकवृत्तवान् ॥ रत्नसिंहासने रम्ये वासयामास कार्त्तिकम्॥ ३८॥
atha śaṃbhurjagannātho hṛṣṭo laukikavṛttavān .. ratnasiṃhāsane ramye vāsayāmāsa kārttikam.. 38..
Shloka 39
वेदमंत्राभिपूतैश्च सर्वतीर्थोदपूर्णकैः ॥ सद्रत्नकुंभशतकैः स्नापया मास तं मुदा ॥ ३९ ॥
vedamaṃtrābhipūtaiśca sarvatīrthodapūrṇakaiḥ .. sadratnakuṃbhaśatakaiḥ snāpayā māsa taṃ mudā .. 39 ..
Shloka 40
सद्रत्नसाररचितकिरीटमुकुटांगदम्॥ वैजयन्ती स्वमालां च तस्मै चक्रं ददौ हरिः ॥ 2.4.5.४०॥
sadratnasāraracitakirīṭamukuṭāṃgadam.. vaijayantī svamālāṃ ca tasmai cakraṃ dadau hariḥ .. 2.4.5.40..
Shloka 41
शूलं पिनाकं परशुं शक्ति पाशुपतं शरम् ॥ संहारास्त्रं च परमां विद्यां तस्मै ददौ शिवः ॥ ४१॥
śūlaṃ pinākaṃ paraśuṃ śakti pāśupataṃ śaram .. saṃhārāstraṃ ca paramāṃ vidyāṃ tasmai dadau śivaḥ .. 41..
Shloka 42
अदामहं यज्ञसूत्रं वेदांश्च वेदमातरम् ॥ कमण्डलुं च ब्रह्मास्त्रं विद्यां चैवाऽरिमर्दिनीम् ॥ ४२ ॥
adāmahaṃ yajñasūtraṃ vedāṃśca vedamātaram .. kamaṇḍaluṃ ca brahmāstraṃ vidyāṃ caivā'rimardinīm .. 42 ..
Shloka 43
गजेन्द्रं चैव वज्रं च ददौ तस्मै सुरेश्वरः ॥ श्वेतच्छत्रं रत्नमालां ददौ वस्तुं जलेश्वरः ॥ ४३॥
gajendraṃ caiva vajraṃ ca dadau tasmai sureśvaraḥ .. śvetacchatraṃ ratnamālāṃ dadau vastuṃ jaleśvaraḥ .. 43..
Shloka 44
मनोयायिरथं सूर्यस्सन्नाहं च महाचयम् ॥ यमदंडं यमश्चैव सुधाकुंभं सुधानिधिः ॥ ४४॥
manoyāyirathaṃ sūryassannāhaṃ ca mahācayam .. yamadaṃḍaṃ yamaścaiva sudhākuṃbhaṃ sudhānidhiḥ .. 44..
Shloka 45
हुताशनो ददौ प्रीत्या महाशक्तिं स्वसूनवे ॥ ददौ स्वशस्त्रं निर्ऋतिर्वायव्यास्त्रं समीरणः ॥ ४५॥
hutāśano dadau prītyā mahāśaktiṃ svasūnave .. dadau svaśastraṃ nirṛtirvāyavyāstraṃ samīraṇaḥ .. 45..
Shloka 46
गदां ददौ कुबेरश्च शूलमीशो ददौ मुदा ॥ नानाशस्त्राण्युपायांश्च सर्वे देवा ददुर्मुदा ॥ ४६॥
gadāṃ dadau kuberaśca śūlamīśo dadau mudā .. nānāśastrāṇyupāyāṃśca sarve devā dadurmudā .. 46..
Shloka 47
कामास्त्रं कामदेवोऽथ ददौ तस्मै मुदान्वितः ॥ गदां ददौ स्वविद्याश्च तस्मै च परया मुदा ॥ ४७॥
kāmāstraṃ kāmadevo'tha dadau tasmai mudānvitaḥ .. gadāṃ dadau svavidyāśca tasmai ca parayā mudā .. 47..
Shloka 48
क्षीरोदोऽमूल्यरत्नानि विशिष्टं रत्ननूपुरम्॥ हिमालयो हि दिव्यानि भूषणान्यंशुकानि च ॥ ४८ ॥
kṣīrodo'mūlyaratnāni viśiṣṭaṃ ratnanūpuram.. himālayo hi divyāni bhūṣaṇānyaṃśukāni ca .. 48 ..
Shloka 49
चित्रबर्हणनामानं स्वपुत्रं गरुडो ददौ ॥ अरुणस्ताम्रचूडाख्यं बलिनं चरणायुधम्॥ ४९॥
citrabarhaṇanāmānaṃ svaputraṃ garuḍo dadau .. aruṇastāmracūḍākhyaṃ balinaṃ caraṇāyudham.. 49..
Shloka 50
पार्वती सस्मिता हृष्टा परमैश्वर्यमुत्तमम् ॥ ददौ तस्मै महाप्रीत्या चिरंजीवित्वमेव च ॥ 2.4.5.५०॥
pārvatī sasmitā hṛṣṭā paramaiśvaryamuttamam .. dadau tasmai mahāprītyā ciraṃjīvitvameva ca .. 2.4.5.50..
Shloka 51
लक्ष्मीश्च संपदं दिव्यां महाहारं मनोहरम् ॥ सावित्री सिद्धविद्यां च समस्तां प्रददौ मुदा ॥ ५१॥
lakṣmīśca saṃpadaṃ divyāṃ mahāhāraṃ manoharam .. sāvitrī siddhavidyāṃ ca samastāṃ pradadau mudā .. 51..
Shloka 52
अन्याश्चापि मुने देव्यो यायास्तत्र समागताः ॥ स्वात्मवत्सु ददुस्तस्मै तथैव शिशुपालिकाः ॥ ५२ ॥
anyāścāpi mune devyo yāyāstatra samāgatāḥ .. svātmavatsu dadustasmai tathaiva śiśupālikāḥ .. 52 ..
Shloka 53
महामहोत्सवस्तत्र बभूव मुनिसत्तम ॥ सर्वे प्रसन्नतां याता विशेषाच्च शिवाशिवौ॥ ५३ ॥
mahāmahotsavastatra babhūva munisattama .. sarve prasannatāṃ yātā viśeṣācca śivāśivau.. 53 ..
Shloka 54
एतस्मिन्नंतरे काले प्रोवाच प्रहसन् मुदा॥ मुने ब्रह्मादिकान् देवान् रुद्रो भर्गः प्रतापवान्॥ ५४ ॥
etasminnaṃtare kāle provāca prahasan mudā.. mune brahmādikān devān rudro bhargaḥ pratāpavān.. 54 ..
Shloka 55
शिव उवाच ।।
हे हरे हे विधे देवास्सर्वे शृणुत मद्वचः ॥ ॥ सर्वथाहं प्रसन्नोस्मि वरान्वृणुत ऐच्छिकान् ॥ ५५ ॥
he hare he vidhe devāssarve śṛṇuta madvacaḥ .. .. sarvathāhaṃ prasannosmi varānvṛṇuta aicchikān .. 55 ..
Shloka 56
।। ब्रह्मोवाच ।।
तच्छ्रुत्वा वचनं शंभोर्मुनेविष्ण्वादयस्सुराः ॥ सर्वे प्रोचुः प्रसन्नास्या देवं पशुपतिं प्रभुम् ॥ ५६ ॥
tacchrutvā vacanaṃ śaṃbhormuneviṣṇvādayassurāḥ .. sarve procuḥ prasannāsyā devaṃ paśupatiṃ prabhum .. 56 ..
Shloka 57
कुमारेण हतो ह्येष तारको भविता प्रभो ॥ तदर्थमेव संजातमिदं चरितमुत्तमम् ॥ ५७ ॥
kumāreṇa hato hyeṣa tārako bhavitā prabho .. tadarthameva saṃjātamidaṃ caritamuttamam .. 57 ..
Shloka 58
तस्मादद्यैव यास्यामस्तारकं हन्तुमुद्यता ॥ आज्ञां देहि कुमाराय स तं हंतुं सुखाय नः ॥ ५८ ॥
tasmādadyaiva yāsyāmastārakaṃ hantumudyatā .. ājñāṃ dehi kumārāya sa taṃ haṃtuṃ sukhāya naḥ .. 58 ..
Shloka 59
।। ब्रह्मोवाच ।।
तथेति मत्वा स विभुर्दत्तवांस्तनयं तदा ॥ देवेभ्यस्तारकं हंतुं कृपया परिभावितः ॥ ५९ ॥
tatheti matvā sa vibhurdattavāṃstanayaṃ tadā .. devebhyastārakaṃ haṃtuṃ kṛpayā paribhāvitaḥ .. 59 ..
Shloka 60
शिवाज्ञया सुरास्सर्वे ब्रह्मविष्णुमुखास्तदा ॥ पुरस्कृत्य गुहं सद्यो निर्जग्मुर्मिलिता गिरेः ॥ 2.4.5.६०॥
śivājñayā surāssarve brahmaviṣṇumukhāstadā .. puraskṛtya guhaṃ sadyo nirjagmurmilitā gireḥ .. 2.4.5.60..
Shloka 61
बहिर्निस्सृत्य कैलासात्त्वष्टा शासनतो हरेः ॥ विरेचे नगरं रम्यमद्भुतं निकटे गिरेः ॥ ६१ ॥
bahirnissṛtya kailāsāttvaṣṭā śāsanato hareḥ .. virece nagaraṃ ramyamadbhutaṃ nikaṭe gireḥ .. 61 ..
Shloka 62
तत्र रम्यं गृहं दिव्यमद्भुतं परमो ज्ज्वलम् ॥ गुहार्थं निर्ममे त्वष्टा तत्र सिंहासनं वरम् ॥ ६२॥
tatra ramyaṃ gṛhaṃ divyamadbhutaṃ paramo jjvalam .. guhārthaṃ nirmame tvaṣṭā tatra siṃhāsanaṃ varam .. 62..
Shloka 63
तदा हरिस्सुधीर्भक्त्या कारयामास मंगलम् ॥ कार्त्तिकस्याभिषेकं हि सर्वतीर्थजलैस्सुरैः ॥ ६३ ॥
tadā harissudhīrbhaktyā kārayāmāsa maṃgalam .. kārttikasyābhiṣekaṃ hi sarvatīrthajalaissuraiḥ .. 63 ..
Shloka 64
सर्वथा समलंकृत्य वासयामास संग्रहम् ॥ कार्त्तिकस्य विधिं प्रीत्या कारयामास चोत्सवम् ॥ ६४ ॥ ॥
sarvathā samalaṃkṛtya vāsayāmāsa saṃgraham .. kārttikasya vidhiṃ prītyā kārayāmāsa cotsavam .. 64 .. ..
Shloka 65
ब्राह्मांडाधिपतित्वं हि ददौ तस्मै मुदा हरिः ॥ चकार तिलकं तस्य समानर्च सुरैस्सह ॥ ६५ ॥
brāhmāṃḍādhipatitvaṃ hi dadau tasmai mudā hariḥ .. cakāra tilakaṃ tasya samānarca suraissaha .. 65 ..
Shloka 66
प्रणम्य कार्त्तिकं प्रीत्या सर्वदेवर्षिभिस्सह ॥ तुष्टाव विविधस्स्तोत्रैः शिवरूपं सनातनम्॥ ६६॥
praṇamya kārttikaṃ prītyā sarvadevarṣibhissaha .. tuṣṭāva vividhasstotraiḥ śivarūpaṃ sanātanam.. 66..
Shloka 67
वरसिंहासनस्थो हि शुशुभेऽतीव कार्तिकः ॥ स्वामिभावं समापन्नो ब्रह्मांडस्यासि पालकः ॥ ६७ ॥
varasiṃhāsanastho hi śuśubhe'tīva kārtikaḥ .. svāmibhāvaṃ samāpanno brahmāṃḍasyāsi pālakaḥ .. 67 ..
Shloka 68
इति श्रीशिवमहापुराणे द्वितीयायां रुद्रसंहितायां चतुर्थे कुमारखण्डे कुमाराभिषेकवर्णनं नाम पंचमोऽध्यायः ॥ ५॥
iti śrīśivamahāpurāṇe dvitīyāyāṃ rudrasaṃhitāyāṃ caturthe kumārakhaṇḍe kumārābhiṣekavarṇanaṃ nāma paṃcamo'dhyāyaḥ .. 5..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In