| |
|

This overlay will guide you through the buttons:

Shloka 1
।। ब्रह्मोवाच ।।
अथाकर्ण्य गिरीशश्च निजपुर्य्युपकण्ठतः ॥ प्राप्तमीशं सर्वगं वै मुमुदेति हिमालयः ॥ १ ॥
athākarṇya girīśaśca nijapuryyupakaṇṭhataḥ .. prāptamīśaṃ sarvagaṃ vai mumudeti himālayaḥ .. 1 ..
Shloka 2
अथ सम्भृतसम्भार स्सम्भाषां कर्तुमीश्वरम् ॥ शैलान्प्रस्थापयामास ब्राह्मणानपि सर्वशः ॥ २ ॥ ।
atha sambhṛtasambhāra ssambhāṣāṃ kartumīśvaram .. śailānprasthāpayāmāsa brāhmaṇānapi sarvaśaḥ .. 2 .. .
Shloka 3
स्वयं जगाम सद्भक्त्या प्राणेप्सुन्द्रष्टुऽमीश्वरम् ॥ भक्त्युद्रुतमनाश्शैलः प्रशंसन् स्वविधिम्मुदा ॥ ३॥
svayaṃ jagāma sadbhaktyā prāṇepsundraṣṭu'mīśvaram .. bhaktyudrutamanāśśailaḥ praśaṃsan svavidhimmudā .. 3..
Shloka 4
देवसेनां तदा दृष्ट्वा हिमवान्वि स्मयं गतः ॥ जगाम सम्मुखस्तत्र धन्योऽहमिति चिन्तयन् ॥ ४॥
devasenāṃ tadā dṛṣṭvā himavānvi smayaṃ gataḥ .. jagāma sammukhastatra dhanyo'hamiti cintayan .. 4..
Shloka 5
देवा हि तद्बलं दृष्ट्वा विस्मयम्परमं गताः ॥ आनन्दम्परमम्प्रापुर्देवाश्च गिरयस्तथा ॥ ५॥
devā hi tadbalaṃ dṛṣṭvā vismayamparamaṃ gatāḥ .. ānandamparamamprāpurdevāśca girayastathā .. 5..
Shloka 6
पर्वतानां महासेना देवानां च तथा मुने ॥ मिलित्वा विरराजेव पूर्वपश्चिमसागरौ ॥ ६॥
parvatānāṃ mahāsenā devānāṃ ca tathā mune .. militvā virarājeva pūrvapaścimasāgarau .. 6..
Shloka 7
परस्परं मिलित्वा ते देवाश्च पर्वतास्तथा ॥ कृतकृत्यन्तथात्मानम्मेनिरे परया मुदा ॥ ७॥
parasparaṃ militvā te devāśca parvatāstathā .. kṛtakṛtyantathātmānammenire parayā mudā .. 7..
Shloka 8
अथेश्वरम्पुरो दृष्ट्वा प्रणनाम हिमालयः ॥ सर्वे प्रणेमुर्गिरयो ब्राह्मणाश्च सदाशिवम् ॥ ८॥
atheśvarampuro dṛṣṭvā praṇanāma himālayaḥ .. sarve praṇemurgirayo brāhmaṇāśca sadāśivam .. 8..
Shloka 9
वृषभस्थम्प्रसन्नास्यन्नानाभरणभूषितम् ॥ दिव्यावयवलावण्यप्रकाशितदिगन्तरम् ॥ ९ ॥
vṛṣabhasthamprasannāsyannānābharaṇabhūṣitam .. divyāvayavalāvaṇyaprakāśitadigantaram .. 9 ..
Shloka 10
सुसूक्ष्माहतसत्पट्टवस्त्रशोभितविग्रहम् ॥ सद्रत्नविलसन्मौलिं विहसन्तं शुचिप्रभम् ॥ 2.3.42.१ ० ॥
susūkṣmāhatasatpaṭṭavastraśobhitavigraham .. sadratnavilasanmauliṃ vihasantaṃ śuciprabham .. 2.3.42.1 0 ..
Shloka 11
भूषाभूताहियुक्तांगमद्भुतावयवप्रभम् ॥ दिव्यद्युतिं सुरेशैश्च सेवितं करचामरैः ॥ ११ ॥
bhūṣābhūtāhiyuktāṃgamadbhutāvayavaprabham .. divyadyutiṃ sureśaiśca sevitaṃ karacāmaraiḥ .. 11 ..
Shloka 12
वामस्थिताच्युतन्दक्षभागस्थितविभुम्प्रभुम् ॥ पृष्ठस्थितहरिं पृष्ठपार्श्वस्थितसुरादिकम् ॥ १२॥ ।
vāmasthitācyutandakṣabhāgasthitavibhumprabhum .. pṛṣṭhasthitahariṃ pṛṣṭhapārśvasthitasurādikam .. 12.. .
Shloka 13
नानाविधिसुराद्यैश्च संस्तुतं लोकशंकरम् ॥ स्वहेत्वात्ततनुम्ब्रह्मसर्वेशं वरदायकम् ॥ १३॥
nānāvidhisurādyaiśca saṃstutaṃ lokaśaṃkaram .. svahetvāttatanumbrahmasarveśaṃ varadāyakam .. 13..
Shloka 14
सगुणं निर्गुणं चापि भक्ताधीनं कृपाकरम्॥ प्रकृतेः पुरुषस्यापि परं सच्चित्सुखात्मकम् ॥ १४ ॥
saguṇaṃ nirguṇaṃ cāpi bhaktādhīnaṃ kṛpākaram.. prakṛteḥ puruṣasyāpi paraṃ saccitsukhātmakam .. 14 ..
Shloka 15
प्रभोर्दक्षिणभागे तु ददर्श हरिमच्युतम् ॥ विनतातनयारूढं नानाभूषणभूषितम् ॥ ॥ १५ ॥
prabhordakṣiṇabhāge tu dadarśa harimacyutam .. vinatātanayārūḍhaṃ nānābhūṣaṇabhūṣitam .. .. 15 ..
Shloka 16
प्रभोश्च वामभागे तु मुने मां सन्ददर्श ह ॥ चतुर्मुखं महाशोभं स्वपरीवारसंयुतम् ॥ १६ ॥
prabhośca vāmabhāge tu mune māṃ sandadarśa ha .. caturmukhaṃ mahāśobhaṃ svaparīvārasaṃyutam .. 16 ..
Shloka 17
एतौ सुरेश्वरौ दृष्ट्वा शिवस्याति प्रियौ सदा ॥ प्रणनाम गिरीशश्च सपरीवार आदरात् ॥ १७॥
etau sureśvarau dṛṣṭvā śivasyāti priyau sadā .. praṇanāma girīśaśca saparīvāra ādarāt .. 17..
Shloka 18
तथा शिवस्य पृष्ठे च पार्श्वयोस्तु विराजितान् ॥ देवादीन्प्रणनामासौ दृष्ट्वा गिरिवरेश्वरः ॥ १८ ॥
tathā śivasya pṛṣṭhe ca pārśvayostu virājitān .. devādīnpraṇanāmāsau dṛṣṭvā girivareśvaraḥ .. 18 ..
Shloka 19
शिवाज्ञया पुरो भूत्वा जगाम स्वपुरं गिरिः ॥ शेषहर्यात्मभूश्शीघ्रं मुनिभिः निर्जरादिभिः ॥ १९ ॥
śivājñayā puro bhūtvā jagāma svapuraṃ giriḥ .. śeṣaharyātmabhūśśīghraṃ munibhiḥ nirjarādibhiḥ .. 19 ..
Shloka 20
सर्वे मुनिसुराद्याश्च गच्छन्तः प्रभुणा सह ॥ गिरेः पुरं समुदिताः शशंसुर्बहु नारद ॥ 2.3.42.२० ॥
sarve munisurādyāśca gacchantaḥ prabhuṇā saha .. gireḥ puraṃ samuditāḥ śaśaṃsurbahu nārada .. 2.3.42.20 ..
Shloka 21
रचिते शिखरे रम्ये संस्थाप्य देवतादिकम् ॥ जगाम हिमवाँस्तत्र यत्रास्ति विधिवेदिका ॥ २१॥
racite śikhare ramye saṃsthāpya devatādikam .. jagāma himavām̐statra yatrāsti vidhivedikā .. 21..
Shloka 22
कारयित्वा विशेषेण चतुष्कन्तो रणैर्युतम् ॥ स्नानदानादिकं कृत्वा परीक्षामकरोत्तदा ॥ २२॥
kārayitvā viśeṣeṇa catuṣkanto raṇairyutam .. snānadānādikaṃ kṛtvā parīkṣāmakarottadā .. 22..
Shloka 23
स्वपुत्रान्प्रेषयामास शिवस्य निकटे तथा ॥ हिमो विष्ण्वादिसम्पूर्णवर्गयुक्तस्य शैलराट् ॥ २३॥
svaputrānpreṣayāmāsa śivasya nikaṭe tathā .. himo viṣṇvādisampūrṇavargayuktasya śailarāṭ .. 23..
Shloka 24
कर्तुमेच्छद्वराचारं महोत्सवपुरस्सरम् ॥ महाहर्षयुतस्सर्वबन्धुयुग्घिमशैलराट् ॥ २४॥
kartumecchadvarācāraṃ mahotsavapurassaram .. mahāharṣayutassarvabandhuyugghimaśailarāṭ .. 24..
Shloka 25
अथ ते गिरिपु त्राश्च तत्र गत्वा प्रणम्य तम् ॥ सस्ववर्गं प्रार्थनान्तामूचुश्शैलेश्वरस्य वै ॥ २५ ॥
atha te giripu trāśca tatra gatvā praṇamya tam .. sasvavargaṃ prārthanāntāmūcuśśaileśvarasya vai .. 25 ..
Shloka 26
ततस्ते स्वालयं जग्मुश्शैलपुत्रास्तदाज्ञया ॥ शैलराजाय संचख्युस्ते चायान्तीति हर्षिताः ॥ २६॥
tataste svālayaṃ jagmuśśailaputrāstadājñayā .. śailarājāya saṃcakhyuste cāyāntīti harṣitāḥ .. 26..
Shloka 27
अथ देवाः प्रार्थनान्तां गिरेः श्रुत्वातिहर्षिताः ॥ मुने विष्ण्वादयस्सर्वे सेश्वरा मुमुदुर्भृशम् ॥ २७॥
atha devāḥ prārthanāntāṃ gireḥ śrutvātiharṣitāḥ .. mune viṣṇvādayassarve seśvarā mumudurbhṛśam .. 27..
Shloka 28
कृत्वा सुवेषं सर्वेपि निर्जरा मुनयो गणाः ॥ गमनं चक्रुरन्येपि प्रभुणा गिरिराड्गृहम् ॥ २८ ॥
kṛtvā suveṣaṃ sarvepi nirjarā munayo gaṇāḥ .. gamanaṃ cakruranyepi prabhuṇā girirāḍgṛham .. 28 ..
Shloka 29
तस्मिन्नवसरे मेना द्रष्टुकामाभवच्छिवम् ॥ प्रभोराह्वाययामास मुने त्वां मुनिसत्तमम् ॥ २९॥
tasminnavasare menā draṣṭukāmābhavacchivam .. prabhorāhvāyayāmāsa mune tvāṃ munisattamam .. 29..
Shloka 30
अगमस्त्वं मुने तत्र प्रभुणा प्रेरितस्तदा॥ मनसा शिवहृद्धेतुं पूर्णं कर्तुं तमिच्छता ॥ 2.3.42.३० ॥
agamastvaṃ mune tatra prabhuṇā preritastadā.. manasā śivahṛddhetuṃ pūrṇaṃ kartuṃ tamicchatā .. 2.3.42.30 ..
Shloka 31
त्वाम्प्रणम्य मुने मेना प्राह विस्मितमानसा ॥ द्रष्टुकामा प्रभो रूपं शंकरस्य मदापहम् ॥ ३१ ॥
tvāmpraṇamya mune menā prāha vismitamānasā .. draṣṭukāmā prabho rūpaṃ śaṃkarasya madāpaham .. 31 ..
Shloka 32
इति श्रीशिवमहापुराणे द्वितीयायां रुद्रसंहितायान्तृतीये पार्वतीखण्डे देवगिरिमेलवर्णनं नाम द्विचत्वारिंशोऽध्यायः ॥ ४२ ॥
iti śrīśivamahāpurāṇe dvitīyāyāṃ rudrasaṃhitāyāntṛtīye pārvatīkhaṇḍe devagirimelavarṇanaṃ nāma dvicatvāriṃśo'dhyāyaḥ .. 42 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In