| |
|

This overlay will guide you through the buttons:

Shloka 1
ॐ नमः शिवाय ।
oṃ namaḥ śivāya .
Shloka 2
॥ श्रीगणेशाय नमः ॥
.. śrīgaṇeśāya namaḥ ..
Shloka 3
॥ श्रीगौरीशंकराभ्यां नमः ॥
.. śrīgaurīśaṃkarābhyāṃ namaḥ ..
Shloka 4
॥ नारद उवाच ॥
.. nārada uvāca ..
Shloka 5
श्रुतमस्माभिरानंदप्रदं चरितमुत्तमम् ॥ गृहस्थस्यैव शंभोश्च गणस्कंदादिसत्कथम् ॥ १॥
śrutamasmābhirānaṃdapradaṃ caritamuttamam .. gṛhasthasyaiva śaṃbhośca gaṇaskaṃdādisatkatham .. 1..
Shloka 6
इदानीं ब्रूहि सुप्रीत्या चरितं वरमुत्तमम् ॥ शंकरो हि यथा रुद्रो जघान विहरन्खलान् ॥ २॥
idānīṃ brūhi suprītyā caritaṃ varamuttamam .. śaṃkaro hi yathā rudro jaghāna viharankhalān .. 2..
Shloka 7
कथं ददाह भगवान्नगराणि सुरद्विषाम् ॥ त्रीण्येकेन च बाणेन युगपत्केन वीर्यवान् ॥ ३॥
kathaṃ dadāha bhagavānnagarāṇi suradviṣām .. trīṇyekena ca bāṇena yugapatkena vīryavān .. 3..
Shloka 8
एतत्सर्वं समाचक्ष्व चरितं शशिमौलिनः ॥ देवर्षिसुखदं शश्वन्मायाविहरतः प्रभोः ॥ ४ ॥
etatsarvaṃ samācakṣva caritaṃ śaśimaulinaḥ .. devarṣisukhadaṃ śaśvanmāyāviharataḥ prabhoḥ .. 4 ..
Shloka 9
।। ब्रह्मोवाच ।।
एवमेतत्पुरा पृष्टो व्यासेन ऋषिसत्तमः ॥ सनत्कुमारं प्रोवाच तदेव कथयाम्यहम् ॥ ५॥
evametatpurā pṛṣṭo vyāsena ṛṣisattamaḥ .. sanatkumāraṃ provāca tadeva kathayāmyaham .. 5..
Shloka 10
सनत्कुमार उवाच ।।
शृणु व्यास महाप्राज्ञ चरितं शशिमौलिनः ॥ यथा ददाह त्रिपुरं बाणेनैकेन विश्व हृत्॥ ६॥
śṛṇu vyāsa mahāprājña caritaṃ śaśimaulinaḥ .. yathā dadāha tripuraṃ bāṇenaikena viśva hṛt.. 6..
Shloka 11
शिवात्मजेन स्कन्देन निहते तारकासुरे॥ तत्पुत्रास्तु त्रयो दैत्याः पर्यतप्यन्मुनीश्वर॥ ७॥
śivātmajena skandena nihate tārakāsure.. tatputrāstu trayo daityāḥ paryatapyanmunīśvara.. 7..
Shloka 12
तारकाख्यस्तु तज्जेष्ठो विद्युन्माली च मध्यमः ॥ कमलाक्षः कनीयांश्च सर्वे तुल्यबलास्सदा ॥ ८॥
tārakākhyastu tajjeṣṭho vidyunmālī ca madhyamaḥ .. kamalākṣaḥ kanīyāṃśca sarve tulyabalāssadā .. 8..
Shloka 13
जितेन्द्रियास्ससन्नद्धास्संयतास्सत्यवादिनः ॥ दृढचित्ता महावीरा देवद्रोहिण एव च ॥ ९ ॥
jitendriyāssasannaddhāssaṃyatāssatyavādinaḥ .. dṛḍhacittā mahāvīrā devadrohiṇa eva ca .. 9 ..
Shloka 14
ते तु मेरुगुहां गत्वा तपश्चक्रुर्महाद्भुतम् ॥ त्रयस्सर्वान्सुभोगांश्च विहाय सुमनोहरान् ॥ 2.5.1.१० ॥
te tu meruguhāṃ gatvā tapaścakrurmahādbhutam .. trayassarvānsubhogāṃśca vihāya sumanoharān .. 2.5.1.10 ..
Shloka 15
वसंते सर्वकामांश्च गीतवादित्रनिस्स्वनम् ॥ विहाय सोत्सवं तेपुस्त्रयस्ते तारकात्मजाः॥ ११॥
vasaṃte sarvakāmāṃśca gītavāditranissvanam .. vihāya sotsavaṃ tepustrayaste tārakātmajāḥ.. 11..
Shloka 16
ग्रीष्मे सूर्यप्रभां जित्वा दिक्षु प्रज्वाल्य पावकम् ॥ तन्मध्यसंस्थाः सिद्ध्यर्थं जुहुवुर्हव्यमादरात् ॥ १२॥
grīṣme sūryaprabhāṃ jitvā dikṣu prajvālya pāvakam .. tanmadhyasaṃsthāḥ siddhyarthaṃ juhuvurhavyamādarāt .. 12..
Shloka 17
महाप्रतापपतितास्सर्वेप्यासन् सुमूर्छिताः ॥ वर्षासु गतसंत्रासा वृष्टिं मूर्द्धन्यधारयन् ॥ १३॥
mahāpratāpapatitāssarvepyāsan sumūrchitāḥ .. varṣāsu gatasaṃtrāsā vṛṣṭiṃ mūrddhanyadhārayan .. 13..
Shloka 18
शरत्काले प्रसूतं तु भोजनं तु बुभुक्षिताः ॥ रम्यं स्निग्धं स्थिरं हृद्यं फलं मूलमनुत्तमम्॥ १४॥
śaratkāle prasūtaṃ tu bhojanaṃ tu bubhukṣitāḥ .. ramyaṃ snigdhaṃ sthiraṃ hṛdyaṃ phalaṃ mūlamanuttamam.. 14..
Shloka 19
संयमात्क्षुत्तृषो जित्वा पानान्युच्चावचान्यपि ॥ बुभुक्षितेभ्यो दत्त्वा तु बुभूवुरुपला इव ॥ १५॥
saṃyamātkṣuttṛṣo jitvā pānānyuccāvacānyapi .. bubhukṣitebhyo dattvā tu bubhūvurupalā iva .. 15..
Shloka 20
संस्थितास्ते महात्मानो निराधाराश्चतुर्दिशम् ॥ हेमंते गिरिमाश्रित्य धैर्येण परमेण तु ॥ १६ ॥
saṃsthitāste mahātmāno nirādhārāścaturdiśam .. hemaṃte girimāśritya dhairyeṇa parameṇa tu .. 16 ..
Shloka 21
तुषारदेहसंछन्ना जलक्लिन्नेन वाससा ॥ आसाद्य देहं क्षौमेण शिशिरे तोयमध्यगाः ॥ १७ ॥
tuṣāradehasaṃchannā jalaklinnena vāsasā .. āsādya dehaṃ kṣaumeṇa śiśire toyamadhyagāḥ .. 17 ..
Shloka 22
अनिर्विण्णास्ततस्सर्वे क्रमशोऽवर्द्धयंस्तपः ॥ तेपुस्त्रयस्ते तत्पुत्रा विधिमुद्दिश्य सत्तमाः ॥ १८ ॥
anirviṇṇāstatassarve kramaśo'varddhayaṃstapaḥ .. tepustrayaste tatputrā vidhimuddiśya sattamāḥ .. 18 ..
Shloka 23
तप उग्रं समास्थाय नियमे परमे स्थिता ॥ तपसा कर्षयामासुर्देहान् स्वान् दानवोत्तमाः ॥ १९॥
tapa ugraṃ samāsthāya niyame parame sthitā .. tapasā karṣayāmāsurdehān svān dānavottamāḥ .. 19..
Shloka 24
वर्षाणां शतकं चैव पदमेकं निधाय च ॥ भूमौ स्थित्वा परं तत्र तेपुस्ते बलवत्तराः ॥ 2.5.1.२० ॥
varṣāṇāṃ śatakaṃ caiva padamekaṃ nidhāya ca .. bhūmau sthitvā paraṃ tatra tepuste balavattarāḥ .. 2.5.1.20 ..
Shloka 25
ते सहस्रं तु वर्षाणां वातभक्षास्सुदारुणाः ॥ तपस्तेपुर्दुरात्मानः परं तापमुपागताः ॥ २१ ॥
te sahasraṃ tu varṣāṇāṃ vātabhakṣāssudāruṇāḥ .. tapastepurdurātmānaḥ paraṃ tāpamupāgatāḥ .. 21 ..
Shloka 26
वर्षाणां तु सहस्रं वै मस्तकेनास्थितास्तथा ॥ वर्षाणां तु शतेनैव ऊर्द्ध्वबाहव आसिताः ॥ २२॥
varṣāṇāṃ tu sahasraṃ vai mastakenāsthitāstathā .. varṣāṇāṃ tu śatenaiva ūrddhvabāhava āsitāḥ .. 22..
Shloka 27
एवं दुःखं परं प्राप्ता दुराग्रहपरा इमे ॥ ईदृक्ते संस्थिता दैत्या दिवारात्रमतंद्रिता ॥ २३ ॥
evaṃ duḥkhaṃ paraṃ prāptā durāgrahaparā ime .. īdṛkte saṃsthitā daityā divārātramataṃdritā .. 23 ..
Shloka 28
एवं तेषां गतः कालो महान् सुतपतां मुने ॥ ब्रह्मात्मनां तारकाणां धर्मेणेति मतिर्मम ॥ २४ ॥
evaṃ teṣāṃ gataḥ kālo mahān sutapatāṃ mune .. brahmātmanāṃ tārakāṇāṃ dharmeṇeti matirmama .. 24 ..
Shloka 29
प्रादुरासीत्ततो ब्रह्मा सुरासुरगुरुर्महान् ॥ संतुष्टस्तपसा तेषां वरं दातुं महायशाः ॥ २५ ॥
prādurāsīttato brahmā surāsuragururmahān .. saṃtuṣṭastapasā teṣāṃ varaṃ dātuṃ mahāyaśāḥ .. 25 ..
Shloka 30
मुनिदेवासुरैस्सार्द्धं सांत्वपूर्वमिदं वचः ॥ ततस्तानब्रवीत्सर्वान् सर्वभूतपितामहः ॥ २५ ॥
munidevāsuraissārddhaṃ sāṃtvapūrvamidaṃ vacaḥ .. tatastānabravītsarvān sarvabhūtapitāmahaḥ .. 25 ..
Shloka 31
ब्रह्मोवाच ।।
प्रसन्नोऽस्मि महादैत्या युष्माकं तपसा मुने ॥ सर्वं दास्यामि युष्मभ्यं वरं ब्रूत यदीप्सितम् ॥ २७ ॥
prasanno'smi mahādaityā yuṣmākaṃ tapasā mune .. sarvaṃ dāsyāmi yuṣmabhyaṃ varaṃ brūta yadīpsitam .. 27 ..
Shloka 32
किमर्थं सुतपस्तप्तं कथयध्वं सुरद्विषां ॥ सर्वेषां तपसो दाता सर्वकर्तास्मि सर्वदा ॥ २८ ॥
kimarthaṃ sutapastaptaṃ kathayadhvaṃ suradviṣāṃ .. sarveṣāṃ tapaso dātā sarvakartāsmi sarvadā .. 28 ..
Shloka 33
सनत्कुमार उवाच ।।
तस्य तद्वचनं श्रुत्वा शनैस्ते स्वात्मनो गतम् ॥ ऊचुः प्रांजलयस्सर्वे प्रणिपत्य पितामहम् ॥ २९ ॥
tasya tadvacanaṃ śrutvā śanaiste svātmano gatam .. ūcuḥ prāṃjalayassarve praṇipatya pitāmaham .. 29 ..
Shloka 34
दैत्या ऊचुः ।।
यदि प्रसन्नो देवेश यदि देयो वरस्त्वया ॥ अवध्यत्वं च सर्वेषां सर्वभूतेषु देहिनः ॥ 2.5.1.३० ॥
yadi prasanno deveśa yadi deyo varastvayā .. avadhyatvaṃ ca sarveṣāṃ sarvabhūteṣu dehinaḥ .. 2.5.1.30 ..
Shloka 35
स्थिरान् कुरु जगन्नाथ पांतु नः परिपंथिनः ॥ जरारोगादयस्सर्वे नास्मान्मृत्युरगात् क्वचित् ॥ ३१ ॥
sthirān kuru jagannātha pāṃtu naḥ paripaṃthinaḥ .. jarārogādayassarve nāsmānmṛtyuragāt kvacit .. 31 ..
Shloka 36
अजराश्चामरास्सर्वे भवाम इति नो मतम् ॥ समृत्यवः करिष्यामस्सर्वानन्यांस्त्रिलोकके ॥ ३२॥
ajarāścāmarāssarve bhavāma iti no matam .. samṛtyavaḥ kariṣyāmassarvānanyāṃstrilokake .. 32..
Shloka 37
लक्ष्म्या किं तद्विपुलया किं कार्यं हि पुरोत्तमैः ॥ अन्यैश्च विपुलैर्भोगैस्स्थानैश्वर्येण वा पुनः ॥ ३३ ॥
lakṣmyā kiṃ tadvipulayā kiṃ kāryaṃ hi purottamaiḥ .. anyaiśca vipulairbhogaissthānaiśvaryeṇa vā punaḥ .. 33 ..
Shloka 38
यत्रैव मृत्युना ग्रस्तो नियतं पंचभिर्दिनैः ॥ व्यर्थं तस्याखिलं ब्रह्मन् निश्चितं न इतीव हि ॥ ३४ ॥
yatraiva mṛtyunā grasto niyataṃ paṃcabhirdinaiḥ .. vyarthaṃ tasyākhilaṃ brahman niścitaṃ na itīva hi .. 34 ..
Shloka 39
सनत्कुमार उवाच ।।
इति श्रुत्वा वचस्तेषां दैत्यानां च तपस्विनाम् ॥ प्रत्युवाच शिवं स्मृत्वा स्वप्रभुं गिरिशं विधिः ॥ ३५॥
iti śrutvā vacasteṣāṃ daityānāṃ ca tapasvinām .. pratyuvāca śivaṃ smṛtvā svaprabhuṃ giriśaṃ vidhiḥ .. 35..
Shloka 40
ब्रह्मोवाच ।।
नास्ति सर्वामरत्वं च निवर्तध्वमतोऽसुराः ॥ अन्यं वरं वृणीध्वं वै यादृशो वो हि रोचते ॥ ३६ ॥
nāsti sarvāmaratvaṃ ca nivartadhvamato'surāḥ .. anyaṃ varaṃ vṛṇīdhvaṃ vai yādṛśo vo hi rocate .. 36 ..
Shloka 41
जातो जनिष्यते नूनं जंतुः कोप्यसुराः क्वचित् ॥ अजरश्चामरो लोके न भविष्यति भूतले ॥ ३७ ॥
jāto janiṣyate nūnaṃ jaṃtuḥ kopyasurāḥ kvacit .. ajaraścāmaro loke na bhaviṣyati bhūtale .. 37 ..
Shloka 42
ऋते तु खंडपरशोः कालकालाद्धरेस्तथा ॥ तौ धर्माधर्मपरमावव्यक्तौ व्यक्तरूपिणौ ॥ ३८॥
ṛte tu khaṃḍaparaśoḥ kālakālāddharestathā .. tau dharmādharmaparamāvavyaktau vyaktarūpiṇau .. 38..
Shloka 43
संपीडनाय जगतो यदि स क्रियते तपः ॥ सफलं तद्गतं वेद्यं तस्मात्सुविहितं तपः ॥ ३९॥
saṃpīḍanāya jagato yadi sa kriyate tapaḥ .. saphalaṃ tadgataṃ vedyaṃ tasmātsuvihitaṃ tapaḥ .. 39..
Shloka 44
तद्विचार्य स्वयं बुद्ध्या न शक्यं यत्सुरासुरैः ॥ दुर्लभं वा सुदुस्साध्यं मृत्युं वंचयतानघाः ॥ 2.5.1.४०॥
tadvicārya svayaṃ buddhyā na śakyaṃ yatsurāsuraiḥ .. durlabhaṃ vā sudussādhyaṃ mṛtyuṃ vaṃcayatānaghāḥ .. 2.5.1.40..
Shloka 45
तत्किंचिन्मरणे हेतुं वृणीध्वं सत्त्वमाश्रिताः ॥ येन मृत्युर्नैव वृतो रक्षतस्तत्पृथक् पृथक् ॥ ४१॥
tatkiṃcinmaraṇe hetuṃ vṛṇīdhvaṃ sattvamāśritāḥ .. yena mṛtyurnaiva vṛto rakṣatastatpṛthak pṛthak .. 41..
Shloka 46
सनत्कुमार उवाच ।।
एतद्विधिवचः श्रुत्वा मुहूर्त्तं ध्यानमास्थिताः ॥ प्रोचुस्ते चिंतयित्वाथ सर्वलोकपितामहम् ॥ ४२॥
etadvidhivacaḥ śrutvā muhūrttaṃ dhyānamāsthitāḥ .. procuste ciṃtayitvātha sarvalokapitāmaham .. 42..
Shloka 47
दैत्या ऊचुः।।
भगवन्नास्ति नो वेश्म पराक्रमवतामपि ॥ अधृष्याः शात्रवानां तु यन्न वत्स्यामहे सुखम् ॥ ४३ ॥
bhagavannāsti no veśma parākramavatāmapi .. adhṛṣyāḥ śātravānāṃ tu yanna vatsyāmahe sukham .. 43 ..
Shloka 48
पुराणि त्रीणि नो देहि निर्मायात्यद्भुतानि हि ॥ सर्वसंपत्समृद्धान्य प्रधृष्याणि दिवौकसाम्॥ ४४॥
purāṇi trīṇi no dehi nirmāyātyadbhutāni hi .. sarvasaṃpatsamṛddhānya pradhṛṣyāṇi divaukasām.. 44..
Shloka 49
वयं पुराणि त्रीण्येव समास्थाय महीमिमाम्॥ चरिष्यामो हि लोकेश त्वत्प्रसादाज्जगद्गुरो ॥ ४५ ॥
vayaṃ purāṇi trīṇyeva samāsthāya mahīmimām.. cariṣyāmo hi lokeśa tvatprasādājjagadguro .. 45 ..
Shloka 50
तारकाक्षस्ततः प्राह यदभेद्यं सुरैरपि ॥ करोति विश्वकर्मा तन्मम हेममयं पुरम्॥ ४६ ॥
tārakākṣastataḥ prāha yadabhedyaṃ surairapi .. karoti viśvakarmā tanmama hemamayaṃ puram.. 46 ..
Shloka 51
ययाचे कमलाक्षस्तु राजतं सुमहत्पुरम् ॥ विद्युन्माली च संहृष्टो वज्रायसमयं महत्॥ ४७॥
yayāce kamalākṣastu rājataṃ sumahatpuram .. vidyunmālī ca saṃhṛṣṭo vajrāyasamayaṃ mahat.. 47..
Shloka 52
पुरेष्वेतेषु भो ब्रह्मन्नेकस्थानस्थितेषु च ॥ मध्याह्नाभिजिते काले शीतांशौ पुष्प संस्थिते ॥ ४८ ॥
pureṣveteṣu bho brahmannekasthānasthiteṣu ca .. madhyāhnābhijite kāle śītāṃśau puṣpa saṃsthite .. 48 ..
Shloka 53
उपर्युपर्यदृष्टेषु व्योम्नि लीलाभ्रसंस्थिते ॥ वर्षत्सु कालमेघेषु पुष्करावर्तनामसु ॥ ४९ ॥
uparyuparyadṛṣṭeṣu vyomni līlābhrasaṃsthite .. varṣatsu kālamegheṣu puṣkarāvartanāmasu .. 49 ..
Shloka 54
तथा वर्षसहस्राते समेष्यामः परस्परम् ॥ एकीभावं गमिष्यंति पुराण्येतानि नान्यथा ॥ 2.5.1.५०॥
tathā varṣasahasrāte sameṣyāmaḥ parasparam .. ekībhāvaṃ gamiṣyaṃti purāṇyetāni nānyathā .. 2.5.1.50..
Shloka 55
सर्वदेवमयो देवस्सर्वेषां मे कुहेलया॥ असंभवे रथे तिष्ठन् सर्वोपस्करणान्विते ॥ ५१ ॥
sarvadevamayo devassarveṣāṃ me kuhelayā.. asaṃbhave rathe tiṣṭhan sarvopaskaraṇānvite .. 51 ..
Shloka 56
असंभाव्यैककांडेन भिनत्तु नगराणि नः ॥ निर्वैरः कृत्तिवासास्तु योस्माकमिति नित्यशः ॥ ५२ ।
asaṃbhāvyaikakāṃḍena bhinattu nagarāṇi naḥ .. nirvairaḥ kṛttivāsāstu yosmākamiti nityaśaḥ .. 52 .
Shloka 57
वंद्यः पूज्योभिवाद्यश्च सोस्माकं निर्दहेत्कथम् ॥ इति चेतसि संधाय तादृशो भुवि दुर्लभः ॥ ५३ ॥
vaṃdyaḥ pūjyobhivādyaśca sosmākaṃ nirdahetkatham .. iti cetasi saṃdhāya tādṛśo bhuvi durlabhaḥ .. 53 ..
Shloka 58
सनत्कुमार उवाच ।।
एतच्छ्रुत्वा वचस्तेषां ब्रह्मा लोकपितामहः ॥ एवमस्तीति तान् प्राह सृष्टिकर्ता स्मरञ्शिवम् ॥ ५४॥
etacchrutvā vacasteṣāṃ brahmā lokapitāmahaḥ .. evamastīti tān prāha sṛṣṭikartā smarañśivam .. 54..
Shloka 59
आज्ञां ददौ मयस्यापि कुत्र त्वं नगरत्रयम् ॥ कांचनं राजतं चैव आयसं चेति भो मय ॥ ५५॥
ājñāṃ dadau mayasyāpi kutra tvaṃ nagaratrayam .. kāṃcanaṃ rājataṃ caiva āyasaṃ ceti bho maya .. 55..
Shloka 60
इत्यादिश्य मयं ब्रह्मा प्रत्यक्षं प्राविशद्दिवम् ॥ तेषां तारकपुत्राणां पश्यतां निजधाम हि ॥ ५६॥
ityādiśya mayaṃ brahmā pratyakṣaṃ prāviśaddivam .. teṣāṃ tārakaputrāṇāṃ paśyatāṃ nijadhāma hi .. 56..
Shloka 61
ततो मयश्च तपसा चक्रे धीरः पुराण्यथ ॥ कांचनं तारकाक्षस्य कमलाक्षस्य राजतम् ॥ ५७॥
tato mayaśca tapasā cakre dhīraḥ purāṇyatha .. kāṃcanaṃ tārakākṣasya kamalākṣasya rājatam .. 57..
Shloka 62
विद्युन्माल्यायसं चैव त्रिविधं दुर्गमुत्तमम् ॥ स्वर्गे व्योम्नि च भूमौ च क्रमाज्ज्ञेयानि तानि वै ॥ ५८॥
vidyunmālyāyasaṃ caiva trividhaṃ durgamuttamam .. svarge vyomni ca bhūmau ca kramājjñeyāni tāni vai .. 58..
Shloka 63
दत्वा तेभ्यो सुरेभ्यश्च पुराणि त्रीणि वै मयः ॥ प्रविवेश स्वयं तत्र हितकामपरायणः ॥ ५९ ॥
datvā tebhyo surebhyaśca purāṇi trīṇi vai mayaḥ .. praviveśa svayaṃ tatra hitakāmaparāyaṇaḥ .. 59 ..
Shloka 64
एवं पुत्रत्रयं प्राप्य प्रविष्टास्तारकात्मजाः ॥ बुभुजुस्सकलान्भोगान्महाबलपराक्रमाः ॥ 2.5.1.६० ॥
evaṃ putratrayaṃ prāpya praviṣṭāstārakātmajāḥ .. bubhujussakalānbhogānmahābalaparākramāḥ .. 2.5.1.60 ..
Shloka 65
कल्पद्रुमैश्च संकीर्णं गजवाजिसमाकुलम् ॥ नानाप्रासादसंकीर्णं मणिजालसमा वृतम् ॥ ६१ ॥ ॥
kalpadrumaiśca saṃkīrṇaṃ gajavājisamākulam .. nānāprāsādasaṃkīrṇaṃ maṇijālasamā vṛtam .. 61 .. ..
Shloka 66
सूर्यमण्डलसंकाशैर्विमानैस्सर्वतोमुखैः ॥ पद्मरागमयैश्चैव शोभितं चन्द्रसन्निभैः ॥ ६२ ॥
sūryamaṇḍalasaṃkāśairvimānaissarvatomukhaiḥ .. padmarāgamayaiścaiva śobhitaṃ candrasannibhaiḥ .. 62 ..
Shloka 67
प्रासादैर्गोपुरैर्दिव्यैः कैलासशिखरोपमैः ॥ दिव्यस्त्रीजनसंकीर्णैर्गंधर्वैस्सिद्धचारणैः ॥ ६३ ॥
prāsādairgopurairdivyaiḥ kailāsaśikharopamaiḥ .. divyastrījanasaṃkīrṇairgaṃdharvaissiddhacāraṇaiḥ .. 63 ..
Shloka 68
रुद्रालयैः प्रतिगृहमग्निहोत्रैः प्रतिष्ठितैः ॥ द्विजोत्तमैश्शास्त्र ज्ञैश्शिवभक्तिरतैस्सदा ॥ ६४ ॥
rudrālayaiḥ pratigṛhamagnihotraiḥ pratiṣṭhitaiḥ .. dvijottamaiśśāstra jñaiśśivabhaktirataissadā .. 64 ..
Shloka 69
वापीकूपतडागैश्च दीर्घिकाभिस्सुशोभितम् ॥ उद्यानवनवृक्षैश्च स्वर्गच्युत गुणोत्तमैः ॥ ६५ ॥
vāpīkūpataḍāgaiśca dīrghikābhissuśobhitam .. udyānavanavṛkṣaiśca svargacyuta guṇottamaiḥ .. 65 ..
Shloka 70
नदीनदसरिन्मुख्यपुष्करैः शोभितं सदा ॥ सर्वकामफलाद्यैश्चानेकैर्वृक्षैर्मनोहरम् ॥ ६६ ॥
nadīnadasarinmukhyapuṣkaraiḥ śobhitaṃ sadā .. sarvakāmaphalādyaiścānekairvṛkṣairmanoharam .. 66 ..
Shloka 71
मत्तमातंगयूथैश्च तुरंगैश्च सुशोभनैः ॥ रथैश्च विविधाकारैश्शिबिकाभिरलंकृतम् ॥ ६७॥
mattamātaṃgayūthaiśca turaṃgaiśca suśobhanaiḥ .. rathaiśca vividhākāraiśśibikābhiralaṃkṛtam .. 67..
Shloka 72
समयादिशिकैश्चैव क्रीडास्थानैः पृथक्पृथक् ॥ वेदाध्ययनशालाभिर्विविधाभिः पृथक्पृथक् ॥ ६८ ॥
samayādiśikaiścaiva krīḍāsthānaiḥ pṛthakpṛthak .. vedādhyayanaśālābhirvividhābhiḥ pṛthakpṛthak .. 68 ..
Shloka 73
अदृष्टं मनसा वाचा पापान्वितनरैस्सदा ॥ महात्मभिश्शुभाचारैः पुण्यवद्भिः प्रवीक्ष्यते ॥ ६९ ॥
adṛṣṭaṃ manasā vācā pāpānvitanaraissadā .. mahātmabhiśśubhācāraiḥ puṇyavadbhiḥ pravīkṣyate .. 69 ..
Shloka 74
पतिव्रताभिः सर्वत्र पावितं स्थलमुत्तमम् ॥ पतिसेवनशीलाभिर्विमुखाभिः कुधर्मतः ॥ 2.5.1.७०॥
pativratābhiḥ sarvatra pāvitaṃ sthalamuttamam .. patisevanaśīlābhirvimukhābhiḥ kudharmataḥ .. 2.5.1.70..
Shloka 75
दैत्यशूरैर्महाभागैस्सदारैस्ससुतैर्द्विजैः ॥ श्रौतस्मार्तार्थतत्त्वज्ञैस्स्वधर्मनिरतैर्युतम्॥ ७१॥
daityaśūrairmahābhāgaissadāraissasutairdvijaiḥ .. śrautasmārtārthatattvajñaissvadharmaniratairyutam.. 71..
Shloka 76
व्यूढोरस्कैर्वृषस्कंधैस्सामयुद्धधरैस्सदा॥ प्रशांतैः कुपितैश्चैव कुब्जैर्वामनकैस्तथा॥ ७२॥
vyūḍhoraskairvṛṣaskaṃdhaissāmayuddhadharaissadā.. praśāṃtaiḥ kupitaiścaiva kubjairvāmanakaistathā.. 72..
Shloka 77
नीलोत्पलदलप्रख्यैर्नीलकुंचितमूर्द्धजैः ॥ मयेन रक्षितैस्सर्वैश्शिक्षितैर्युद्धलालसैः ॥ ७३ ॥
nīlotpaladalaprakhyairnīlakuṃcitamūrddhajaiḥ .. mayena rakṣitaissarvaiśśikṣitairyuddhalālasaiḥ .. 73 ..
Shloka 78
वरसमररतैर्युतं समंतादजशिवपूजनया विशुद्धवीर्यैः ॥ रविमरुतमहेन्द्रसंनिकाशैस्सुरमथनैस्सुदृढैस्सुसेवितं यत् ॥ ७४॥
varasamararatairyutaṃ samaṃtādajaśivapūjanayā viśuddhavīryaiḥ .. ravimarutamahendrasaṃnikāśaissuramathanaissudṛḍhaissusevitaṃ yat .. 74..
Shloka 79
शास्त्रवेदपुराणेषु येये धर्माः प्रकीर्तिताः ॥ शिवप्रियास्सदा देवास्ते धर्मास्तत्र सर्वतः ॥ ७५ ॥
śāstravedapurāṇeṣu yeye dharmāḥ prakīrtitāḥ .. śivapriyāssadā devāste dharmāstatra sarvataḥ .. 75 ..
Shloka 80
एवं लब्धवरास्ते तु दैतेयास्तारकात्मजाः ॥ शैवं मयमुपाश्रित्य निवसंति स्म तत्र ह ॥ ७६ ॥
evaṃ labdhavarāste tu daiteyāstārakātmajāḥ .. śaivaṃ mayamupāśritya nivasaṃti sma tatra ha .. 76 ..
Shloka 81
सर्वं त्रैलोक्यमुत्सार्य प्रविश्य नगराणि ते ॥ कुर्वंति स्म महद्राज्यं शिवमार्गरतास्सदा ॥ ७७ ॥
sarvaṃ trailokyamutsārya praviśya nagarāṇi te .. kurvaṃti sma mahadrājyaṃ śivamārgaratāssadā .. 77 ..
Shloka 82
ततो महान् गतः कालो वसतां पुण्यकर्मणाम् ॥ यथासुखं यथाजोषं सद्राज्यं कुर्वतां मुने ॥ ७८ ॥
tato mahān gataḥ kālo vasatāṃ puṇyakarmaṇām .. yathāsukhaṃ yathājoṣaṃ sadrājyaṃ kurvatāṃ mune .. 78 ..
Shloka 83
इति श्रीशिवमहापुराणे द्वितीयायां रुद्रसंहितायां पञ्चमे युद्धखण्डे त्रिपुरवधोपाख्याने त्रिपुरवर्णनं नाम प्रथमोऽध्यायः ॥ १ ॥
iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṇḍe tripuravadhopākhyāne tripuravarṇanaṃ nāma prathamo'dhyāyaḥ .. 1 ..

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In